حديث في الخياطة [الأرشيف] - منتديات الجلفة لكل الجزائريين و العرب

~ السلطانة ~

2013-09-05, 23:12

استغفر الله و اتوب اليه

mereyoucef

2013-09-05, 23:21

انا حنونة بالنسبة ليا الوقت ماكانش و الله راني نكتب ووليدي قدامي grave

~ السلطانة ~

2013-09-05, 23:27

انا حنونة بالنسبة ليا الوقت ماكانش و الله راني نكتب ووليدي قدامي grave

اللطف على ابنك سيدتي .. و ربي يشفيه .. ابنك اولى طبعا

مريم سلمى الجزائرية

2013-09-05, 23:38

السلام عليكم و رحمته تعالى و بركاته:
وضعت أختي الغالية يدك على الجرح من خلال موضوعك هذا، و ما أعانيه هو التردد و الخوف من إفساد الأمور جعلني أبتعد شيئا فشيئا عن الخياطة و أسقط في غياهب الخياطات رحمهن الله و أعانهن ،و الأمر كما قلت تماما ما من سبيل إلا التوكل على الله و البدء من جديد فالتخطيط الجيد مع النظام و استغلال الوقت قد يداوي ما أفسده الدهر.
قد سبق أختي و وضعت طلبي المتمثل في طريقة رسم *الصدار الأساسي *كما يسمى و من ثم التفصيل و الخياطة و إليك صورة لما أريد خياطته:

http://nsa15.casimages.com/img/2010/05/01/100501070755144974.jpg
بارك الله فيك مسبقا.

mereyoucef

2013-09-05, 23:45

شكرا اختي على الجواب لكن ماقصدته ان تربية الاولاد صعيبة خصوصا يوسف وليدي مايرقدش خلاص و هو بصحة جيدة

~ السلطانة ~

2013-09-05, 23:45

السلام عليكم و رحمته تعالى و بركاته:
وضعت أختي الغالية يدك على الجرح من خلال موضوعك هذا، و ما أعانيه هو التردد و الخوف من إفساد الأمور جعلني أبتعد شيئا فشيئا عن الخياطة و أسقط في غياهب الخياطات رحمهن الله و أعانهن ،و الأمر كما قلت تماما ما من سبيل إلا التوكل على الله و البدء من جديد فالتخطيط الجيد مع النظام و استغلال الوقت قد يداوي ما أفسده الدهر.
قد سبق أختي و وضعت طلبي المتمثل في طريقة رسم *الصدار الأساسي *كما يسمى و من ثم التفصيل و الخياطة و إليك صورة لما أريد خياطته:

http://nsa15.casimages.com/img/2010/05/01/100501070755144974.jpg
بارك الله فيك مسبقا.

اهلا بك اختي ... الحقيقة لم افهم ما تقصدين بالصدار الأساسي اول مرة اسمع الكلمة .

mereyoucef

2013-09-05, 23:48

ثانيا اهم حاجة بالنسبة ليا انا خيطت liquette لاخاطر هدا هو ستيل انتاع حجابي لكن لما حبيت انخيط واحدة اخرى ماكنش القماش عييت انحوس هنا لكن كاين غير قماش الجبب او سواري انا في العاصمة

~ السلطانة ~

2013-09-05, 23:51

شكرا اختي على الجواب لكن ماقصدته ان تربية الاولاد صعيبة خصوصا يوسف وليدي مايرقدش خلاص و هو بصحة جيدة

آه المعذرة سيدتي أنت حين كتبتي grave خوفتيني .. الحمد لله انه بصحة جيدة ربي يخليهولك و يخليك ليه و للعائلة الكريمة ... نعم صعب سيدتي صحيح لكن لنحسبها بشكل جيد ... أحيانا نمارس عادات غير مفيدة و تبدو لنا عادية و حين نفكر في اعادة تنظيم حياتنا يبدو لنا الأمر ضخما و صعبا و كأننا سننجز جسرا بين عنابة و تلمسان ... حاولي في بدا الأمر بالتفكير في العادات التي بامكانك التفريط فيها .. مثلا ان كنت من هواة التلفاز او النت هههههه استغني عنه لمدة شهر مثلا و او اقسمي وقتك على 2 جزا للتلفاز او النت و جزا للتعلم الخياطة ؟؟ هل هذا سهل ؟

~ السلطانة ~

2013-09-05, 23:53

ثانيا اهم حاجة بالنسبة ليا انا خيطت liquette لاخاطر هدا هو ستيل انتاع حجابي لكن لما حبيت انخيط واحدة اخرى ماكنش القماش عييت انحوس هنا لكن كاين غير قماش الجبب او سواري انا في العاصمة

و الله الأمر عجيب هنا في سطيف يقولون انهم يبتاعون من قسنطينة و العاصمة القماش ... هنا في سطيف قماش الحجابات يباع عادة عند بني مزاب كما نسموهم اذا كاين في العاصمة شوفي عندهم

مريم سلمى الجزائرية

2013-09-06, 00:01

اهلا بك اختي ... الحقيقة لم افهم ما تقصدين بالصدار الأساسي اول مرة اسمع الكلمة .
http://t3.gstatic.com/images?q=tbn:ANd9GcTvWJKOhJLi9id8JQ7jfjQse6zOMK9y0 kwU1Fasg_zUvxloTC3dnQ
المقصود أختي *بالصدار الأساسي*أي *patron de base corsage *هو الباترون القاعدي الذي يسمح مثلا بالحصول على *كاراكو* أو *جيلي* أو .....
أتمنى أن أكون قد قربت لك المفهوم *لآحظي الصورة*.http://t0.gstatic.com/images?q=tbn:ANd9GcTs1Mtl7hoQsX1xQehrvFVVSzlcxXn7k VSxncUwRYfVENG1ynRg

mereyoucef

2013-09-06, 00:02

نشوف شكرا على مجهودك الله يعطيك على حساب نيتك

~ السلطانة ~

2013-09-06, 00:06

http://t3.gstatic.com/images?q=tbn:and9gctvwjkohjli9id8jq7jfjqse6zomk9y0 kwu1fasg_zuvxlotc3dnq
المقصود أختي *بالصدار الأساسي*أي *patron de base corsage *هو الباترون القاعدي الذي يسمح مثلا بالحصول على *كاراكو* أو *جيلي* أو .....
أتمنى أن أكون قد قربت لك المفهوم *لآحظي الصورة*.http://t0.gstatic.com/images?q=tbn:and9gcts1mtl7hoqsx1xqehrvfvvszlcxxn7k vsxncuwryfveng1ynrg

بكل صراحة حبيبتي انا لم ادرس الخياطة في مركز أو تعلمتها من احد .. هي تطوير لموهبة فقط و انا بترونات ناخدها بمقاس تقريبي يعني نزيد شوية و من بعد اذا ساعدتني نخليها و اذا جاتني شوية كبيرة نقص منها فقط .. و دائما نعمل حسابي نخيط خياطة أولية من بعد التجريب نثبت الخياطة و هذه طرقتي منذ البداية الى يومنا هذا .. يعني حتى اليوم معنديش مقاس ثابت .

~ السلطانة ~

2013-09-06, 00:09

نشوف شكرا على مجهودك الله يعطيك على حساب نيتك

أمين يا رب شكرا لك سيدتي ... كما قتلك طريقة الطاولة الخاصة بالخياطة عملية جدا ... و اذا كان الأمر متوفر لديك يمكنك تخصيص غرفة للخياطة ... لأني أعلم ان الخياطة تخلف هرج كبير و بعدها لازم عملية ترتيب و تنظيف يعني الوقت للي تديه في التنظيف و الترتيب اكثر من وقت الخياطة لهذا اقترحت الطاولة لمن لا تملك المساحة الكافية ... و انا كانت هناك غرفة يكون احسن ... تقدري تنظفيها مرة في الأسبوع فقط ..

mereyoucef

2013-09-06, 00:10

الله يبارك رانا نستناو في نسخة بتروناتك الي قلتينا عليهم

مريم سلمى الجزائرية

2013-09-06, 00:13

بكل صراحة حبيبتي انا لم ادرس الخياطة في مركز أو تعلمتها من احد .. هي تطوير لموهبة فقط و انا بترونات ناخدها بمقاس تقريبي يعني نزيد شوية و من بعد اذا ساعدتني نخليها و اذا جاتني شوية كبيرة نقص منها فقط .. و دائما نعمل حسابي نخيط خياطة أولية من بعد التجريب نثبت الخياطة و هذه طرقتي منذ البداية الى يومنا هذا .. يعني حتى اليوم معنديش مقاس ثابت .
http://t3.gstatic.com/images?q=tbn:ANd9GcTvWJKOhJLi9id8JQ7jfjQse6zOMK9y0 kwU1Fasg_zUvxloTC3dnQ
بارك الله فيك و لك يا أختي ،و اليكن العمل على طريقتك ،و أنا في انتظار الباترون,

~ السلطانة ~

2013-09-06, 00:13

الله يبارك رانا نستناو في نسخة بتروناتك الي قلتينا عليهم

نعم باذن الله تعالى و كرمه سأضع لكن كل ما في جعبتي في أقرب وقت بحول الله و بارك الله فيكن على المتابعة و جزاكن الله كل خير

stayfiya

2013-09-06, 00:20

واشي هذا ياا سهام دخلتيها دخلة ادبية هههه بصح طولتيها يا صاحبتي المعنى لي عندو لشتا 1% حب للخياطة ولا اي شيئ لازم يربية حتى يكبر يولي 30 ؤ60 ؤ حتى يوصل لل100 ومايخليش حتى ضرف يوقف في طريقو
قالهاش احمد الشقيري "العرب لا ينقصهم شيء..

لا تنقصهم العقول!
لا تنقصهم الأموال!
لا تنقصهم الموارد!

فقط ينقصهم رغبة ملحّة وشديدة من الداخل للتحسين"
هاذا حنا للاسف

~ السلطانة ~

2013-09-06, 00:30

واشي هذا ياا سهام دخلتيها دخلة ادبية هههه بصح طولتيها يا صاحبتي المعنى لي عندو لشتا 1% حب للخياطة ولا اي شيئ لازم يربية حتى يكبر يولي 30 ؤ60 ؤ حتى يوصل لل100 ومايخليش حتى ضرف يوقف في طريقو
قالهاش احمد الشقيري "العرب لا ينقصهم شيء..

لا تنقصهم العقول!
لا تنقصهم الأموال!
لا تنقصهم الموارد!

فقط ينقصهم رغبة ملحّة وشديدة من الداخل للتحسين"
هاذا حنا للاسف

مساء الخير حبيبتي انت هذا وين دخلتي و انا ميتة بالعياء ... عينيا وحدة مقفولة و الاخرى تتوقب على المكرو هههه

stayfiya

2013-09-06, 00:34

هههههه لااه اخيتي توحشتيني؟؟؟!!!هههههه
ياو كنت ندير في موضوع الورشة 8 خمسة في عينيييك هههههههههههههه

stayfiya

2013-09-06, 00:44

رقدتي يا الفنيانة هههههه ايا غدوة نشالله

douda21

2013-09-06, 10:02

الله الله مشاء الله en dirait pas architect en dirait prof d'arabe ou filo hhhhhhhhhhh
و تلله دخلتي في الصميم و في اهم حاجة البنات كامل و اولهم انا رانا. هكدا كيما قالت سطايفية و كيما قال الشقيري تنقصنا هديك الرغبة الملحة و التشجيع الكبيز باه يبادرو بعمل شيء كيما قلتي نحب نونغاجي في التفصيل و نخاف نفسد القماش و من بعد نقول يفسد علي روحو لازم نتعلم و نولي نحبس
مي الان و الحمد لله موليتش نهاب وليت نهز القماش و نقص ههههه يعطيك الصحة مع اني مزلت نخاف من الامور الصعيبة

عذراء الجبل18

2013-09-06, 10:21

السلام عليكم
بارك الله فيك على الموضوع الرائع
نحب الخياطة و متغيضنيش كي نفسد القماش كيعاد راني نستفيد
اللي تزعجني عندي وحدة من قريباتي خياطة ديما تشكي من الخياطة وجامي شكرتها متذمرة ديما منها برغم من انها مصدر رزقها و انا كي نتفكر تذمرها نفشل وتصماطلي بكل صراحة وراني خايفة نبعد على الخياطة ولكن مستحييييييييييييييييييييييل

الحب و الوفاء

2013-09-06, 10:53

شكرا اختي على التشجيعات انا احب الخياطة و رغم ان امي كانت خياطة الا اني لم اتعلمها لاني كلما امسكت المقص تحكمني الرعشة كما نقول بالعامية كاني سارتكب جريمة في حق القماش ساعديني لاتغلب على هذه المشكلة و بارك الله فيك

ام رشدى

2013-09-06, 11:19

اختي سهام رانى ندعيلك دائما ومشكورة على المجهود ياريت باتونات موجودين مجلة اريام العدد الاخير وهم رقم 10 و 2 و4 و6 و 15 و18 وياريت تحطيهم لى بالمقاسات ماشى شرط مع بعضاهم مرة على مرة وفى وقت فراغك

sakura be

2013-09-06, 12:50

والله ياختي كل كلامك صح وانا شخصيا مانحبش نخدم بالباترون حاولت مرة نتعلم واخد مني وقت طويييييييييييييييييل + النتيجة غير مرضية ...واكتر شي عندي ماهوش مليح ونعترف بيه هو انو نمل بسرعة .تماك حبست خلاص في حين اختي تخيط بلا بترون عندها موهبة وتخلص الجبة بسرعة وبلا مجهود كبير ......
اكييييييييد حابة ونحب نتعلم من عندكم وان شاء الله هاد المرة نولي نخيط وحدي ماشي نتكل على ختي

~ السلطانة ~

2013-09-06, 13:25

والله ياختي كل كلامك صح وانا شخصيا مانحبش نخدم بالباترون حاولت مرة نتعلم واخد مني وقت طويييييييييييييييييل + النتيجة غير مرضية ...واكتر شي عندي ماهوش مليح ونعترف بيه هو انو نمل بسرعة .تماك حبست خلاص في حين اختي تخيط بلا بترون عندها موهبة وتخلص الجبة بسرعة وبلا مجهود كبير ......
اكييييييييد حابة ونحب نتعلم من عندكم وان شاء الله هاد المرة نولي نخيط وحدي ماشي نتكل على ختي

هههههههههه غرتي من أختك ديري القلب مالا و ولي كيفها و خير منها .... انت تشوفيها سريعة و شاطرة و تفهم ليه ليه لكن هي تخدم مخها أكثر منك في الخياطة انت تحبي طبق فصل خيط ألبس و الخياطة مش هكذا حبيبة خمي مليح في القطعة و دوريها في راسك حتى تتخيليها كيفاش تتصق و كيفاش تتخيط و كيفاش تتسوى في النهاية و من بعد طبقي و مع الوقت و بالمممارسة تولي تفهميها و هي طايرة و تجري طول للمقص كطما اختك لا بترون و لا هم يحزنون

~ السلطانة ~

2013-09-06, 13:30

اختي سهام رانى ندعيلك دائما ومشكورة على المجهود ياريت باتونات موجودين مجلة اريام العدد الاخير وهم رقم 10 و 2 و4 و6 و 15 و18 وياريت تحطيهم لى بالمقاسات ماشى شرط مع بعضاهم مرة على مرة وفى وقت فراغك

مساء الخير سيدتي و الله انا المجلات للي تحكي عليهم مانعرفهمش و جامي شريتهم و لا خيطت بيهم و لا شفتهم أنا نخيط على ذوقي و من راسي ... و شفت في قسم تلبية طلبات هنا في قسم الخساطة اخوات بيبا و كرونو يحطو قنادر الدار شوفي معاهم اختي بلاك يساعدوك .

~ السلطانة ~

2013-09-06, 13:32

شكرا اختي على التشجيعات انا احب الخياطة و رغم ان امي كانت خياطة الا اني لم اتعلمها لاني كلما امسكت المقص تحكمني الرعشة كما نقول بالعامية كاني سارتكب جريمة في حق القماش ساعديني لاتغلب على هذه المشكلة و بارك الله فيك

مثلي مثلي علينا يا لالة الخوافة نقولك كلمة و حطيها في راسك لوكان هذيك الرعشة تحكمك كي تروحي للخياطة و تظلي تجري ليها ... أو اخطيك اكبارو شوية ... علاش رعشة راكم تسرقو و اذا على القماش جربي في القديم كما قتلك ما تحكمش ان شاء الله ...

~ السلطانة ~

2013-09-06, 13:36

السلام عليكم
بارك الله فيك على الموضوع الرائع
نحب الخياطة و متغيضنيش كي نفسد القماش كيعاد راني نستفيد
اللي تزعجني عندي وحدة من قريباتي خياطة ديما تشكي من الخياطة وجامي شكرتها متذمرة ديما منها برغم من انها مصدر رزقها و انا كي نتفكر تذمرها نفشل وتصماطلي بكل صراحة وراني خايفة نبعد على الخياطة ولكن مستحييييييييييييييييييييييل

أنا اعتقد ان الأخت للي تكلمتي عليها و كارهة الخياطة لنها امتهنتها لغرض الرزق و ليس حبا في الخياطة في حذ ذاتها .. لو تلقى مصدر آخر للرزق و تترك الخياطة للناس و تولي غير تخيط لروحها برك ترتاح و تولى تحب الخياطة ... المورال عندو دور كبير ... أحبي الخياطة و خلي مورالك فيها ديما طالع تبقا تحبيها و جامي تخيطي و أنت متذمرة ...

wawdz

2013-09-06, 14:47

شكرا على مجهودك

ام رشدى

2013-09-06, 16:52

اختى سهام راني نحاول نحط الصور لانني حاولت اكتر من مرة وفشلت وانا قصدتك انت وانت تقوليلي روحي لفلان وعلان خسارة اختي سهام

ميمي مانو

2013-09-06, 17:38

جيتي ف وقتك سهام عندي افكار ورغبة كبيرة ونعشق الخياطة لكن كل مرة نلقى حوايج يوقفولي ف الطريق
لي عودة باذن الله حقيقة حابة حل

~ السلطانة ~

2013-09-06, 21:27

اختى سهام راني نحاول نحط الصور لانني حاولت اكتر من مرة وفشلت وانا قصدتك انت وانت تقوليلي روحي لفلان وعلان خسارة اختي سهام

لا حبيبتي العفو و الله لا لم يكن قصدي كذلك ... ضعي الصور لم ارى شيء اهلا بيك ستنفاهم حين تضعين الصور

~ السلطانة ~

2013-09-06, 21:28

جيتي ف وقتك سهام عندي افكار ورغبة كبيرة ونعشق الخياطة لكن كل مرة نلقى حوايج يوقفولي ف الطريق
لي عودة باذن الله حقيقة حابة حل

ههههههه مرحبتين عزيزتي افيدينا بافكارك حبيبتي

ام رشدى

2013-09-06, 21:42

اختى سهام هده الصورة نتمنى تعطينى مقاييس الرقبة وهدوك المثلثات قداش يكون طولهم وعرضهم

http://im35.gulfup.com/Glu64.jpg

mere lina

2013-09-06, 21:53

Merci Hbibti à la almawdou3, ana anhob lakhyata bezef nakhdem koul chi même atkil chourti khayata ma hatat ya ha fiha mais déjà anhob an hayat manakach sa anhob soit pour le tissu soit pour les fournitures mais wach andir hada hal wahad ma3ayach fi abladou wam3kem hassit rouhi farhana nessitiwni elrorba rabi ikhalikem sa ikhalina monteda djelfa

~ السلطانة ~

2013-09-06, 22:00

merci hbibti à la almawdou3, ana anhob lakhyata bezef nakhdem koul chi même atkil chourti khayata ma hatat ya ha fiha mais déjà anhob an hayat manakach sa anhob soit pour le tissu soit pour les fournitures mais wach andir hada hal wahad ma3ayach fi abladou wam3kem hassit rouhi farhana nessitiwni elrorba rabi ikhalikem sa ikhalina monteda djelfa

ماشاء الله مرحبا بيك اختي و نورتينا بوجودك ربي يحفضك و يخليك دايما منورة في كل مكان..

sakura be

2013-09-07, 09:33

هههههههههه غرتي من أختك ديري القلب مالا و ولي كيفها و خير منها .... انت تشوفيها سريعة و شاطرة و تفهم ليه ليه لكن هي تخدم مخها أكثر منك في الخياطة انت تحبي طبق فصل خيط ألبس و الخياطة مش هكذا حبيبة خمي مليح في القطعة و دوريها في راسك حتى تتخيليها كيفاش تتصق و كيفاش تتخيط و كيفاش تتسوى في النهاية و من بعد طبقي و مع الوقت و بالمممارسة تولي تفهميها و هي طايرة و تجري طول للمقص كطما اختك لا بترون و لا هم يحزنون
ان شاء الله انا راني كل ماتحط اختي تفصل نوقف توالها وساعات تخليني ندير كلش وهي واقفة معايا اما اني نخدم وحدي مانقدرش نخاف نفسد القماش .............................................وراني لميت بعض الملابس القديمة والقماشات تاع ماما ههههههه :rolleyes::rolleyes::rolleyes:اديتهم من وراها:o:o:o باش نتعلم فيهم وان شاء الله مانخرجش منا الا متعلمة تحياتي:1::1::1::1:

~ السلطانة ~

2013-09-07, 09:50

ان شاء الله انا راني كل ماتحط اختي تفصل نوقف توالها وساعات تخليني ندير كلش وهي واقفة معايا اما اني نخدم وحدي مانقدرش نخاف نفسد القماش .............................................وراني لميت بعض الملابس القديمة والقماشات تاع ماما ههههههه :rolleyes::rolleyes::rolleyes:اديتهم من وراها:o:o:o باش نتعلم فيهم وان شاء الله مانخرجش منا الا متعلمة تحياتي:1::1::1::1:

هههههههههه كوني شاطرة برك أمك راح تفرح بيك كي تخدمي حاجة باهية معليش تسرقيها هههه

~ السلطانة ~

2013-09-07, 10:01

اختى سهام راني نحاول نحط الصور لانني حاولت اكتر من مرة وفشلت وانا قصدتك انت وانت تقوليلي روحي لفلان وعلان خسارة اختي سهام

سيدتي صباح الخير ممكن تنتبهي معي لحظة ؟؟؟؟

~ السلطانة ~

2013-09-07, 10:05

هذا قياس الصدر اللي طلبتيه ان شاء الله يكون صالح ... ارجو منك عمل نموذج على قطعة بلاستيك جربيه على نفسك اذا كان مناسب نفذيه و اذا لا عدلي فيه على مقاسك و شكرا

http://www13.0zz0.com/2013/09/07/09/830330203.jpg (http://www.0zz0.com)

ام رشدى

2013-09-07, 10:57

اختى سهام ربى يعطيك ما تتمناى ومشكووووووووووووووووووووورة واكيد راحا نحطلك المودال بعد تطبيقة ليه

~ السلطانة ~

2013-09-07, 11:14

اختى سهام ربى يعطيك ما تتمناى ومشكووووووووووووووووووووورة واكيد راحا نحطلك المودال بعد تطبيقة ليه

العفو سيدتي ان شاء الله برك تكوني راضية عليا هذا ماكان .. ما حبيتش كي فهمتيني بالغالط ... ربي يهنيك

ام رشدى

2013-09-07, 11:33

اختى سهام رانى غير ندلل عليك برك وقلبى رتاحلك وحسيت بلى راكى قريبة مني وانا من عاشقاقات الخياطة وراكى سهلتي عليا الصعوبات الى كانت تواجهنى في بعض المودالات جزاك كل خير

~ السلطانة ~

2013-09-07, 11:38

اختى سهام رانى غير ندلل عليك برك وقلبى رتاحلك وحسيت بلى راكى قريبة مني وانا من عاشقاقات الخياطة وراكى سهلتي عليا الصعوبات الى كانت تواجهنى في بعض المودالات جزاك كل خير

ريحتييييييييييييييييييييييني خلاص مالا كي عاد هكذا ادللي و زيدي ادللي و يجي نهارك انا ثاني ندلل عليك ههههه بالعقل برك كلشي ساهل و كما قتلك جربي ديما على البلاستيك ... راح رخيس 1 م ب 100 دج تعلمي فيهم .

ام رشدى

2013-09-07, 11:54

تعيشى اختي سهههههام

نايليةوافتخر

2013-09-07, 12:27

يعطيك الصحة سهام والله راكي شحنتي فيا الرغبة ونحيتلي الخوف كنت حابة نسمع هذا الكلام المحفز لاني دائما نسمع الكلام المحبط الي يهبط المورال
انا كنت نهاب المقص ومن بعد قلت لازم نتغلب عليه وفعلا بديت نجرب فالحوايج لقدم
بصح مازال منعرفش بعض الاساسيات فالخياطة وبعض العفايس بصح ماتخافيش راسي خفيف بالخف نفهم

~ السلطانة ~

2013-09-07, 12:35

مساء الخير ... شفتي البترون الخاص بالفستان للي طلبتيه ؟؟؟

لينة71

2013-09-07, 13:04

سلام عليكم ختي
انا المشكلة نتاعي نحب نخت لكن معنكيش الامكانيات برك.. راني نتعلم وحابة نتعلم اول مرة رح نبدا بكري كنت نخيت في برودي يعني الترز باليد ...وصراحو يكمني تفنين برك:1::1:ودرةد لااني نتعلم عنك اختي صارة5 الله يحفظها وياليت تزيدي تعلمينا....الله يحفظك....راني على حساب ظروفي نخدم مش ديما.........والله يحفظك ويمنعك

ام رشدى

2013-09-07, 14:09

نعم ورانى نفد فيه علئ النيلو

الحب و الوفاء

2013-09-07, 17:44

بارك الله فيك على الرد و ان شاء الله ساخذ بنصيحتك

~ السلطانة ~

2013-09-07, 18:25

بارك الله فيك على الرد و ان شاء الله ساخذ بنصيحتك

انشاء الله و شكرا على المتابعة

~ السلطانة ~

2013-09-08, 10:20

سلام عليكم ختي
انا المشكلة نتاعي نحب نخت لكن معنكيش الامكانيات برك.. راني نتعلم وحابة نتعلم اول مرة رح نبدا بكري كنت نخيت في برودي يعني الترز باليد ...وصراحو يكمني تفنين برك:1::1:ودرةد لااني نتعلم عنك اختي صارة5 الله يحفظها وياليت تزيدي تعلمينا....الله يحفظك....راني على حساب ظروفي نخدم مش ديما.........والله يحفظك ويمنعك

صباح الخير ... أنا قترحت طرق بسيطة جدا للتعلم ... ملابس قديمة أو بلاستيك شكون متقدرش على هذو ... كي تشوفوي روحك قادرة على شقاك ابداي في القماش الفاخر ... ربي يسهل للجميع ...

تسنيم مسلمة

2013-09-08, 11:46

بارك الله فيك
راني قيمتلك الموضوع بالممتاز
و الله كلامك دوا ... يعطيك الصحة

~ السلطانة ~

2013-09-08, 11:53

بارك الله فيك
راني قيمتلك الموضوع بالممتاز
و الله كلامك دوا ... يعطيك الصحة

و فيك بارك الله اختي الله يخليك

sakura be

2013-09-08, 12:07

صباح الخير اختي سهام حبيت نفهم الا رح تديريلنا دروس وادا ايه قوليلنا الوقت

~ السلطانة ~

2013-09-08, 12:13

صباح الخير اختي سهام حبيت نفهم الا رح تديريلنا دروس وادا ايه قوليلنا الوقت

صباح الخير أختي ... الصراحة لم افكر في تقديم دروس لأني شفت على المنتدى أخوةات يقمن بالواجب .. معنديش تعليق على ما يقدمن لأني اذا فعلت نكون ندير الشررررررررررررر و يكفيني ما وصلني من الكثيرات الى اليوم ... فكرت و طرحت فكرة ان أضع بتروناتي في متناول الجميع و انا حاليا بصدد جمعها في مقاس واحد و تحميلها على شكل ملفات pdf ليتمكن الجميع من طباعتها بالحجم الحقيقي ... و هنا ستنتهي مهمتي ...

ام شرفو

2013-09-08, 12:35

ربي يعينك ويبارك في أمثالك راكي عبارة عن كنز أنا نقول لا تندمي على أيً خير تفعليه

sakura be

2013-09-08, 12:37

شكرا وبارك الله فيك

ام شرفو

2013-09-08, 12:44

ربي يعينك ويبارك في أمثالك راكي عبارة عن كنز أنا نقول لا تندمي على أيً خير تفعليه

~ السلطانة ~

2013-09-08, 13:16

ربي يعينك ويبارك في أمثالك راكي عبارة عن كنز أنا نقول لا تندمي على أيً خير تفعليه

شكرا سيدتي بارك الله فيك

تسنيم مسلمة

2013-09-08, 13:17

ربي يعينك ويبارك في أمثالك راكي عبارة عن كنز أنا نقول لا تندمي على أيً خير تفعليه

أشاطرك الرأي أختي و الله غير صح كنز

~ السلطانة ~

2013-09-08, 13:21

أشاطرك الرأي أختي و الله غير صح كنز

بارك الله فيكن جميعا اخواتي ربي يخليكم

تسنيم مسلمة

2013-09-08, 13:50

صباح الخير أختي ... الصراحة لم افكر في تقديم دروس لأني شفت على المنتدى أخوةات يقمن بالواجب .. معنديش تعليق على ما يقدمن لأني اذا فعلت نكون ندير الشررررررررررررر و يكفيني ما وصلني من الكثيرات الى اليوم ... فكرت و طرحت فكرة ان أضع بتروناتي في متناول الجميع و انا حاليا بصدد جمعها في مقاس واحد و تحميلها على شكل ملفات pdf ليتمكن الجميع من طباعتها بالحجم الحقيقي ... و هنا ستنتهي مهمتي ...

bonne idée ربي يقدرك و يجعلو صدقة جارية

stayfiya

2013-09-08, 13:52

واش سوسو سمعت راكي رايحة؟. لوين يا ختي حنا بالسيف بعثلنا ربي وحدة تفهم و تفهما و نتعلمو منها و نستفادو هههه شفتي حنا لعرب واش نحبو صلاحنا!!! هههه معليش خيتي ربي يسهلك طريقك و يفتح البيبان في وجهك و يسرلك كل امورك و يباركفي رزقك هاي دعوة من القلب من عند السطايفية جارتك

~ السلطانة ~

2013-09-08, 13:56

bonne idée ربي يقدرك و يجعلو صدقة جارية

أمين شكرا ليك

amel litim

2013-09-08, 15:30

ربي يبارك فيك ويكثر من أمثالك
أنا عن تفسي قريت الخياطة بالمراسلة لأني في هذاك الوقت كنت طالبة جامعية ومن بعد مع الخدمة والزواج والأولاد ما طبقتش واش تعلمت
والان مع قعاد الدار حابة نسترجع واش فاتني خصوصا الفصالة لأنو ما أجمل الواحد يلبس من خدمة يدو ونشاء الله ربي يعينا أجمعين ويبارك في الأخوات لي ماراهمش مقصرين سطايفية كرونو فيفي سهام سارة5 وكل واحدة ولو بكلمة شكر
شكرا ألف مرة أختي سهام ربي يعطيك ما تتمناي

~ السلطانة ~

2013-09-08, 15:37

ربي يبارك فيك ويكثر من أمثالك
أنا عن تفسي قريت الخياطة بالمراسلة لأني في هذاك الوقت كنت طالبة جامعية ومن بعد مع الخدمة والزواج والأولاد ما طبقتش واش تعلمت
والان مع قعاد الدار حابة نسترجع واش فاتني خصوصا الفصالة لأنو ما أجمل الواحد يلبس من خدمة يدو ونشاء الله ربي يعينا أجمعين ويبارك في الأخوات لي ماراهمش مقصرين سطايفية كرونو فيفي سهام سارة5 وكل واحدة ولو بكلمة شكر
شكرا ألف مرة أختي سهام ربي يعطيك ما تتمناي

العفو اختي و ربي يبارك فيك و يهنيك و يقدرك

لينة71

2013-09-08, 17:11

صباح الخير ... أنا قترحت طرق بسيطة جدا للتعلم ... ملابس قديمة أو بلاستيك شكون متقدرش على هذو ... كي تشوفوي روحك قادرة على شقاك ابداي في القماش الفاخر ... ربي يسهل للجميع ...

لا لا اختي ما قصديش قصدي اذا شفتوني ما طبقتش اعذروني فقط....ل قادرين بادن لله...ربي يحفظك ختي ويطول في عمرك...
ويوفقك في لبدنيا ولاخرة...

~ السلطانة ~

2013-09-08, 20:38

لا لا اختي ما قصديش قصدي اذا شفتوني ما طبقتش اعذروني فقط....ل قادرين بادن لله...ربي يحفظك ختي ويطول في عمرك...
ويوفقك في لبدنيا ولاخرة...

لا عزيزيتي يبدو ان كلامي قاسيا انا من تعذر اليوم منيش في صحني كما يقولو ..

amel dida

2013-09-26, 13:02

السلام عليكم و رحمة الله و بركاته من فضلكم اريد بترون او رسم تفصيلي لتفصيل كمايم قندورة قسنطينة عاجل شكرا مسبقا

~ السلطانة ~

2013-09-26, 13:17

السلام عليكم و رحمة الله و بركاته من فضلكم اريد بترون او رسم تفصيلي لتفصيل كمايم قندورة قسنطينة عاجل شكرا مسبقا

مساء الخير ... جيبي قطعة قماش بالطول للي تحبي الكم يكون عليه ... أطويه على 2 ... من جهة الكتف خلي نصف محيط ذراعك +8 سم و من الجهة الأخرى عرضيه كما تحبي ممكن يجي شكل شبه منحرف ... من فوق كفيه و ركبيلو المطاط او بواسطة قفل صغير يركب في كتف القندورة ... اعذريني اختي هذي هي اسرع طريقة باش نساعدك ان شاء الله تكوني فهمتيني ..

ام الفاضل

2014-01-30, 11:57

السلام عليكم أنا حديدة في المنتدى ونعاني من الخياطة وعالم الخياطات ككل قررت نشد الهمة ونتعلم وحدي لعل وعسى نلبس في يوم ما قندورة مخيطة و بديت نتعلم فعلا ارجو التوفيق للجميع

souad bouzebra

2014-01-31, 17:50

والله أنا تااني جديدة في مجال الخيااطة...هادا وين بديت نتعلم...مادا بيا تعاونووني بالباترونات تاع الالبسة و شكراااااااا