ناجحة في بكالوريا 2013 و مستعدة للاجابة عن استفساراتكم

[fifi 18]

السلام عليكم و رحمة الله و بركاته
اعلم جيدا انكم جميعا في هده الاوقات تبحثون عن اي شخص يجيب على استفساراتكم و انشغلاتكم باعتباركم ستجتازون اهم امتحان ان شاء الله
و بما انني في السنة الماضية قد وجدت اشخاص هنا في الجلفة ساعدوني كثيرا و اجابوا على استفساراتي فانا ايضا سأحدو حدوهم لاقف معكم و اسمع انشغالاتكم
و هدا حسب خبرتي المتواضعة
و للتنويه قد تحصلت على شهادة البكالوريا 2013 بتقدير جيد و الحمد لله و اتمنى ان تتحصلوا عليه انتم ايضا بتقدير ممتاز
فتفضلوا و كلي ادان صاغية لكم

[نور العلى]

mrç ma chérie je veux savoir kifech konti tnademi le temp ta3ek oana rani bzf khayfa melmath wech ta9edri t9olili 3la lmath kifech net3amel m3aha oana manich faible féha mliha féha mé nkhaf menha oki ykoun 3andi compo ma ner9odch men takhmam olkhawef

[nourhaane]

هل كنت تدرسين دروس خصوصية ؟ هل كنت تعتمدين عليها فقط؟ كيف نظمت وقتك؟ كيف كنت تحفظين؟

[الموناليزا]

مرحبا ختي يعطيك الصحة نحوس تقولينا كيفاش تعاملتي مع المواد الاساسية اللي هم الرياضيات والفيزياء والعلوم وسيغتوووووووو الفيزياء وكيفاش درتي مع الفلسفة بحكم انها مادة جديدة وشكر ا مسبقا

[mryounes04]

شكراا علة المبادرة

كيف أضع جدول تنظيم خاص بي و هل أتبع إستعمال الزمن الخاص بمؤسسة أم ماذا و أرجوا أن تمدينا ببرنامجك الخاص

[fifi 18]

mrç ma chérie je veux savoir kifech konti tnademi le temp ta3ek oana rani bzf khayfa melmath wech ta9edri t9olili 3la lmath kifech net3amel m3aha oana manich faible féha mliha féha mé nkhaf menha oki ykoun 3andi compo ma ner9odch men takhmam olkhawef

لا شكر على واجب اختي
كيفية تنظيم الوقت كنت نعطي اهتمام كبير للمواد الاساسية و كنت نراجعها لمدة ساعتين الى اربع ساعات في اليوم حسب المقدور و المواد الادبية نراجعها في الويك اند
الرياضيات هي حبيبة قلبي والله مادة ممتعة و جميلة
انصحك انك كل ما ديرو درس جديد تعاوديه و تعاودي التمارين لي حليتيهم و تحلي من عندك اكبر عدد ممكن من التمارين سواء تمارين الكتاب المدرسي او اختبارات سابقة
و يليق ديري في راسك انو الخوف و القلق هولي راح يخليك ما تخدميش مليح امالا قبل الامتحات تاع مادة الرياضيات راجعي مراجعة خفيفة للقوانين و ابتعدي عن حل التمارين ليلة الامتحان و توكلي على ربي و ربي يوفقك

[fifi 18]

هل كنت تدرسين دروس خصوصية ؟ هل كنت تعتمدين عليها فقط؟ كيف نظمت وقتك؟ كيف كنت تحفظين؟

نعم كنت ادرس دروس خصوصية في الرياضيات و الفيزياء و العلوم الطبيعية
في مادة الرياضيات كنت اعتمد بشكل كبير على استادتي في القسم و الدروس الخصوصية كانت مجانا عند عمي من اجل التثبيت و المراجعة و حل التمارين لا اكثر
في الفيزياء كنت اعتمد عليها فقط لانه استاد القسم لم يكن كفء
و في العلوم الطبيعية كنت افهم في القسم وفي الخصوصي احل التمارين
تنظيم الوقت كان على حسب الاولويات كنت اخصص كل يوم حصة من ساعتين الى اربع ساعات لمادتين اساسيتين و في الويك اند كنت اخصصها للمواد الادبية و لتدارك اي شيء قد فاتني هدا في الاشهر الاولي
و في الاشهر الاخيرة كنت اراجع ثلاث مواد يوميا و كان يستغرق هدا حوالي 4 الى 5 ساعات
و كل شخص ينظم وقته حسب قدرته و حسب اولوياته و امكاناته
الحفظ تركته لشهر افريل لكن اوقات الفروض و الاختبارات كنت احفظ كدلك
طريقتي في الحفظ كانت بالملخصات
العلوم الشرعية سهلة و بالملخصات تحفظها بسرعة
التاريخ و الجغرافيا لم اعطيها اهتمام كبير و اعتمدت على الفهم و تحصلت على 13.5
و الفلسفة انصحك بالفهم ثم الحفظ

[fifi 18]

مرحبا ختي يعطيك الصحة نحوس تقولينا كيفاش تعاملتي مع المواد الاساسية اللي هم الرياضيات والفيزياء والعلوم وسيغتوووووووو الفيزياء وكيفاش درتي مع الفلسفة بحكم انها مادة جديدة وشكر ا مسبقا

صحيتي اختي
انا تعاملت مع المواد الاساسية بالشكل التالي
الرياضيات كنت نحط راسي مليح في القسم و نحاول نفهم و نستفسر و في البيت لما ارجع نعاود الدرس و نعاود التمارين و نزيد نحل اكبر عدد ممكن من التمارين و ادا ما فهمتش نسأل و نحاول مرات و مرات و اكيد الاختبارات السابقة و البكالوريات السابقة و خصوصا الاجنبية تساعدك
الفيزياء كنت نعتمد على الدروس الخصوصية بشكل كبير لانه كان يعطينا الاستاد الدرس و التمارين تاني كل ما نرجع نعاود الدرس و نعاود التمارين لي حليناهم و نزيد تمارين من عندي و كنت ندير مليخصات تاع كل وحدة نجمع فيها القوانين و المفاهيم الاساسية باش يوم الامتحان يكون تداركها سهل عليا
العلوم الطبيعية كنت نفهم الدروس لكن مشكلتي كانت مع التمارين و المنهجية و بقيت ديما نلقى صعوبة فيها و للاسف هي لي طيحتني في الباك لهدا ركزي على منهجية الاجابة
الفلسفة حفظت المقالات و خلاص و في الباك ماعرفتش واش راهو يحكي الموضوع و ديت 8 هههههه مي ننصحك انك تفهمي الفلسفة من بعد تحفظي لانه الحفظ وحدو ما يدير والو و صدقيني هي مادة ممتعة و جميلة و حتى اني للان مازالت عاقلة على كل الاشكاليات فيها بالرغم من علامتي المتدنية

[fifi 18]

شكراا علة المبادرة

كيف أضع جدول تنظيم خاص بي و هل أتبع إستعمال الزمن الخاص بمؤسسة أم ماذا و أرجوا أن تمدينا ببرنامجك الخاص

العفووو
طريقة وضع جدول تنظيم وقت طريقة سهلة جدا
اول حاجة شوف وين هي المواد لي تحتاج لجهد و وين هيا لي الحمد لله راك مليح فيها
بعدها ابحث عن الاوقات لي تكون فيها مريح و ما يكونش فيها الازعاج و تقدر تركز فيها
و اكيد خد بعين الاعتبار قدرة الاستيعاب تاعك
انا كنت كل يوم نراجع من 7 حتى لل 10 تاع ليل كنت نراجع كل يوم مادتين اساسيتين مرات الرياضيات و الفيزياء مرات الفيزياء و العلوم و هكا و شوف مثلا لاكان الاحد عندك رياضيات يليق تراجعها في ليل باه تحكم مليح الدرس في راسك
اما في الويك اند كنت نرجع للمواد الادبية عربية فرنسية و انجليزية و كنت نديراه يوم خاص لحل البكالوريات السابقة الاجزائرية و الاجنبية مع العلم انو كنت مليحة في المواد الادبية لهدا ما كنتش نعطيها وقت بزاف لكنت انت شوف روحك كيفاه
نتمنى تكون فهمتني و استفدت ان شاء و تبقى مسألة تنظيم الوقت يعني تختلف من شخص لاخر فقط احرص على انو تخلي لنفسك وقت للراحة انا كنت ندير بين المادة و المادة ربع ساعة للراحة و تاني ابتعد عن السهر
و ربي يوفقك

[ghezal 1995]

السلام عليكم .... مبروك عليك ..... اما بعد كل ما في الأمر أن أسأل عن مقالات فلسفية قمت بحفظها أثناء تحضير للباكالوريا .... وشكرا ................بالتوفيق

[نور العلى]

لا شكر على واجب اختي
كيفية تنظيم الوقت كنت نعطي اهتمام كبير للمواد الاساسية و كنت نراجعها لمدة ساعتين الى اربع ساعات في اليوم حسب المقدور و المواد الادبية نراجعها في الويك اند
الرياضيات هي حبيبة قلبي والله مادة ممتعة و جميلة
انصحك انك كل ما ديرو درس جديد تعاوديه و تعاودي التمارين لي حليتيهم و تحلي من عندك اكبر عدد ممكن من التمارين سواء تمارين الكتاب المدرسي او اختبارات سابقة
و يليق ديري في راسك انو الخوف و القلق هولي راح يخليك ما تخدميش مليح امالا قبل الامتحات تاع مادة الرياضيات راجعي مراجعة خفيفة للقوانين و ابتعدي عن حل التمارين ليلة الامتحان و توكلي على ربي و ربي يوفقك

rabi ykhalék o ywf9ek chérie

[fifi 18]

السلام عليكم .... مبروك عليك ..... اما بعد كل ما في الأمر أن أسأل عن مقالات فلسفية قمت بحفظها أثناء تحضير للباكالوريا .... وشكرا ................بالتوفيق

حفظت مقالات فلسفية لاستادة متميزة عندنا في بلعباس عن طريق كراس احدى تلميداتها لكن كما دكرت سابقا حفظ دون فهم لا يفي بشيء و رغم ما حفظته كانت علامتي 8

[*Mahmoud*]

ماهي أفضل الكتب الخارجية التي إستعنت بها ؟

[امال08]

السلام عليكم اختي
اولا الف الف مبروك النجاح مزيدا من النجاح و التالق ان شاء الله في المشوار الدراسي المتبقي و المهني مستقبلا ان شاء الله
اشكرك على المبادرة الرائعة اختي جزاك الله عنا كل خير
كما تعلمين اختي الكريمة اننا مقبلين على سنة ليست كغيرها من السنوات كل العيون على طالب البكالوريا خاصة الوالدين و الاحبة المهم الضغوط من كل الجوانب حتى من انفسنا ........................انت جربتي و شفتي
لدي سؤال لو تسمحي
هل درستي طيلة السنة بوتيرة واحدة كيف استطعت ان تحافطي على العزيمة و الهمة من بداية السنة الى اخر يوم في شهادة البكالوريا
هل هناك فترات تراجع فيها ادائك ام كنت تسيرين على وتيرة واحدة من بداية السنة ؟؟ انتظر ردك على احر من الجمر واعاود شكري لك اختي بار ك الله فيك :)

[فجر المستقبل]

merciiiiiii okherti rabi yahafdak

[fifi 18]

ماهي أفضل الكتب الخارجية التي إستعنت بها ؟

بصراحة لم اعطي اهتمام كبير للكتب الخارجية ووضعت كل اهتمامي بالكتب المدرسية و المواضيع السابقة الاجنبية منها و الجزائرية و كدا المواضيع المقترحة
لكن في مادة العلوم الطبيعية استعنت بكتاب احمد امين خليفة
و في التاريخ والجغرافيا من اجل التواريخ استعنت بكتاب محمودي عادل

[fifi 18]

السلام عليكم اختي
اولا الف الف مبروك النجاح مزيدا من النجاح و التالق ان شاء الله في المشوار الدراسي المتبقي و المهني مستقبلا ان شاء الله
اشكرك على المبادرة الرائعة اختي جزاك الله عنا كل خير
كما تعلمين اختي الكريمة اننا مقبلين على سنة ليست كغيرها من السنوات كل العيون على طالب البكالوريا خاصة الوالدين و الاحبة المهم الضغوط من كل الجوانب حتى من انفسنا ........................انت جربتي و شفتي
لدي سؤال لو تسمحي
هل درستي طيلة السنة بوتيرة واحدة كيف استطعت ان تحافطي على العزيمة و الهمة من بداية السنة الى اخر يوم في شهادة البكالوريا
هل هناك فترات تراجع فيها ادائك ام كنت تسيرين على وتيرة واحدة من بداية السنة ؟؟ انتظر ردك على احر من الجمر واعاود شكري لك اختي بار ك الله فيك :)

يبارك فيك لا شكر على واجب حبيبتي فهدا واجب علي
الضغوطات فيها فيها سواء من نفسك ام من الغير لكن حاولي تخلي هدي الضغوطات تزيد من حماسك ماش تكون سبب في رسوبك كان تتدكري مثلا فرحة والديك يوم النتيجة فتجتهدي اكثر مثلا
لا لم ادرس بوتيرة واحدة فمع اقتراب موعد الامتحان بشهرين ربما بدأت اضاعف المجهودات لانه في الاول لازم تمشي بتمهل باه ما تمليش من الدراسة و كي توالفي زيدي شوية و هكا و لكن في اخر اسبوع خلاص ريحي و بدي ديري مراجعة خفيفة بسيطة باه تخلي مخك يستوعب
تراجع ادائي اكيد و كدا من مرة بسبب ظروف حصلت لي لانه اقرب صديقة لي تعرضت لحادث و اضطريت نسمح في قرايتي لاكثر من اسبوع و بعدها استرجعت قواي الحمد لله و كلشي بالدعاء و لارادة و الاجتهاد
و ان احتجت اي شيء فانا هنا

[fifi 18]

اشكركم على استفساراتكم انا ارى فيكم طلاب ناجخون متفوقون بادن الله
دائما رددوا هدها لكلمات في انفسكم و بصوت عالي عندي الباك و نقدر نديه و بدرجة امتياز مادامني نقرا و نجتهد ربي يوفقني
و نصيحتي لكم بالراحة في هده الايام قبل بداية وقت الجد لانه ستكونون في امش الحاجة للراحة و لو لمدة قليلة

[أسماء أماني*]

http://www.djelfa.info/vb/showthread.php?p=1054254938#post1054254938
wa chokran

[{ توبة }]

السلام عليكم و رحمة الله تعالى و بركاته
يعطيك الصحة اختي فيفي على المبادرة الطيبة منك
فكما تعلمين نحن في امس الحاجة لهذه النصائح و الارشادات حاليا
لن اطرح اي اسئلة و سأكتفي بمتابعة الموضوع
بارك الله فيك اختاه

[tiita-19]

بارك الله فيك أختي الكريمة
راكي جاوبتي على الاسئلة لي كانت شاغلتني في الردود السابقة
اتمنى لك مزيدآ من النجآح و التألق ان شاء الله
=)

[celia8]

salut anni habba n3rfa comment tu as organiser les revision du dernier moi avant le bac merci

[amelmimi94]

بارك الله فيك أختي ؛؛؛ موضوع رائع و شيق
لقد أجبت على كافة الاسئلة التي كانت تدور في رأسي
بالتوفيق لك و لنا إن شاء الله

[fifi 18]

http://www.djelfa.info/vb/showthread.php?p=1054254938#post1054254938
wa chokran

بخصوص الوحدات حبيبتي فستتعرفين عليها عن طريق الكتب المدرسية لانني مع الاسف لا اتدكر معظمها و سادكر لك ما اتدكر فقط
فالرياضيات كاين النهايات و الاستمرارية و كاين الاشتقاقية و كاين هندسة في الفضاء و كاين الجداء السلمي و المتتاليات
الفيزياء عندك تطور كمية المتفاعلات و النواتج و كاين التحوللات النووية و من بعد الكهرباء و بعدها الاحماض و الاسس و بعدها الميكانيك
و في العلوم الطبيعية اه يا ربي نسيت هههههههه مهم كاين المناعة التنفس و التخمر اه و الوحدة الاولى على البروتين و الاحماض الامينية
هادو لي عقلت عليهم و اسفة جدا

[fifi 18]

السلام عليكم و رحمة الله تعالى و بركاته
يعطيك الصحة اختي فيفي على المبادرة الطيبة منك
فكما تعلمين نحن في امس الحاجة لهذه النصائح و الارشادات حاليا
لن اطرح اي اسئلة و سأكتفي بمتابعة الموضوع
بارك الله فيك اختاه



صحيتي في الحقيقة انا ما درت حتى حاجة عادي
و انا راني حاسة باللي راكم تحسوا بيه و عارفة انكم في امس الحاجة للتوجيهات ان شاء الله تستفادوا مني و نستفاد منكم
ابقة متابعة و لاي استفسار او مداخلة انا هنا

[fifi 18]

بارك الله فيك أختي الكريمة
راكي جاوبتي على الاسئلة لي كانت شاغلتني في الردود السابقة
اتمنى لك مزيدآ من النجآح و التألق ان شاء الله
=)


شكرا جزيلا و انا اتمنى من كل قلبي لكم النجاح و التوفيق بادن الله

[fifi 18]

salut anni habba n3rfa comment tu as organiser les revision du dernier moi avant le bac merci

اه فكرتيني في ايام حلوة بزاااف
في الشهر الاخير ما كنتش نروح لليسي و كنت نروح غير للدروس الخصوصية
كنت نوض صباح بكري و نحفظ بويسك خليت الحفاظة للاخير من بعد كي نفطر و نريح شوية نبدا مع المواد العلمية مادتين في اليوم و مع المغرب نريح شوية و نرقد بكري
و مرات كنت نغير نوض بكري و نبدا بالمواد العلمية و في المساء الحفظ
لانني انا من طبعي نمل و نكره في ساع علابيها كنت نوع
و تاني في كل يوم كنت نحل موضوع في مادة ادبية خصوصا في اللغة العربية لي عطيتها وقت بزااف لانها مهمة اما الفرنسية و الانجليزية ما عنديش مشكل معاهم امالا ما نقعدش فيهم بزاااف

[fifi 18]

بارك الله فيك أختي ؛؛؛ موضوع رائع و شيق
لقد أجبت على كافة الاسئلة التي كانت تدور في رأسي
بالتوفيق لك و لنا إن شاء الله



مشكورة على المرور و لاي استفسار تفضلي و انا في الخدمة
ربي ينجحكم و يفرحكم

[امال08]

يبارك فيك لا شكر على واجب حبيبتي فهدا واجب علي
الضغوطات فيها فيها سواء من نفسك ام من الغير لكن حاولي تخلي هدي الضغوطات تزيد من حماسك ماش تكون سبب في رسوبك كان تتدكري مثلا فرحة والديك يوم النتيجة فتجتهدي اكثر مثلا
لا لم ادرس بوتيرة واحدة فمع اقتراب موعد الامتحان بشهرين ربما بدأت اضاعف المجهودات لانه في الاول لازم تمشي بتمهل باه ما تمليش من الدراسة و كي توالفي زيدي شوية و هكا و لكن في اخر اسبوع خلاص ريحي و بدي ديري مراجعة خفيفة بسيطة باه تخلي مخك يستوعب
تراجع ادائي اكيد و كدا من مرة بسبب ظروف حصلت لي لانه اقرب صديقة لي تعرضت لحادث و اضطريت نسمح في قرايتي لاكثر من اسبوع و بعدها استرجعت قواي الحمد لله و كلشي بالدعاء و لارادة و الاجتهاد
و ان احتجت اي شيء فانا هنا


بارك الله فيك و جزاك الله عنا كل خير نصائحك درر جعلك الله ذخرا للاسلام و المسلمين و اعانك على الخير دائما

[karima ikram]

شكرا اختي ربي يحفظك وينور دربك حبيت نسقسيك في الشهور الاخيرة التي تفصلنا على البكالوريا كيفاش نظمتي وقتك لجميع المواد ... جزاك الله خيرااا

[فجر المستقبل]

بارك الله فيك اختي
شكرااا جزيلا جعله الله في ميزان حسناتك

[fifi 18]

شكرا اختي ربي يحفظك وينور دربك حبيت نسقسيك في الشهور الاخيرة التي تفصلنا على البكالوريا كيفاش نظمتي وقتك لجميع المواد ... جزاك الله خيرااا

ربي يخليك
في الشهمر الاخيرة قبل البكالوريا كنت نعطي لكل مادة وقتها اكيد المواد العلمية تأخد مني ساعتين مثلا كل يوم و هدا لكل مادة حيث اقوم بمراجعة الدرس و حل التمارين و في نهاية الاسبوع احل المواضيع كاملة يعني مواضيع بكالوريا او مقترحة مواد الحفظ تركتها لاخر شهر بحكم اني لا احب الحفظ كثيرا و كنت اركز على الملخصات اما الموادج الادبية فقد كنت ادرس خصوصا العربية حيث كنت احل المواضيع و اراجع الدروس و الفرنسية و الانجليزية لم اكن اراجعها كثيرا لانني الحمد لله لا اجد مشاكل معها

[fifi 18]

بارك الله فيك اختي
شكرااا جزيلا جعله الله في ميزان حسناتك

و فيك بارك الله و فتح الله عليك من فتوح العارفين

[fifi 18]

لا تنسوا احبائي ان النجاح في البكالوريا هو توفيق من الله عز وجل فاكثروا الدعاء و لا تملوا منه ابدا و واظبوا على الصلوات في وقتها و ليكن لكم ورد يومي من القران و لو ايه المهم لا تهجروا القران ابدا
و ادا اخدتم بالاسباب من اجتهاد و سعي فتوكلوا لى الله

[Rofieda]

السلام عليكم أختي كيف حالك ؟؟
جزاك الله كل خير موضوع رووعة
بورك فيك حبيبتي
هل يجب أن نعيد كل درس جديد مع التمارين يوميا في المواد العلمية خاصة ؟؟
بالتوفيــــــــــــــــــــــق

[Rofieda]

لا تنسوا احبائي ان النجاح في البكالوريا هو توفيق من الله عز وجل فاكثروا الدعاء و لا تملوا منه ابدا و واظبوا على الصلوات في وقتها و ليكن لكم ورد يومي من القران و لو ايه المهم لا تهجروا القران ابدا
و ادا اخدتم بالاسباب من اجتهاد و سعي فتوكلوا لى الله

كلامك درر يا غالية
اللهم يا مقلب القلوب ثبت قلوبنا على دينك
خبريني كيف هي علاقتك مع القرآن يا حبيبة ؟؟

[linad'or]

افلف مبروك لك الأخت fifi و لعقوبة ماكتر انشاء الله و بار الله فيك على هذه النصائح حبيت نعرف معدل الباكالوريا ديالك شحال و واش درتي تخصص svp ادا حبيتي

[مريومة البتول]

الف مبروك انا مقبل على شهادة الباكالوريا متوترة وخائف اذا سمحتي انصحيني
وانا ضعيفة في الفرنسية والانجليزية كيف احضرهما وكيف حفظتى حابة اعرف طريقة حفظك ارجوا الرد في اقرب وقت ممكن
شكرااااااااااااااااا

[الوجہ البَشوش]

شكرآآ جزيـــــــــــلآآ أختااه على مبارتك
لقد سبقت أختي نهال 13 في ذلك

[الصقر2]

السّلام عليكم
باارك الله في عل المبااادرة الطّيبَـة
و الله موضوع جميل ، رائع ، شيِّـق
كلّ سؤال أقرأه أتشوّق لرؤيَـة جوابك
آهٍ لو تعلمين مدَى خوفِـي و قلقِـي و توتُّرِي
و الله لم أعد أحتمل و السّنة الدّراسية لم تبدأ حتَّـى !!
المهـمّ سؤال واحد للآن و إن تذكّرت شيئاً أعُـود لك ،،
سؤالِـي هو :
ماذا فعلت في آخر يوم ؟ يعني غداً الإمتحان
كيف كان تركيزك ؟ ماذا فعلتي ؟ هل راجعتِـي ؟ هل كنت متوترة ؟
بإنتظارك مشكوورة ^_^

[mryounes04]

[QUOTE=fifi 18;1054248133]العفووو
طريقة وضع جدول تنظيم وقت طريقة سهلة جدا
اول حاجة شوف وين هي المواد لي تحتاج لجهد و وين هيا لي الحمد لله راك مليح فيها
بعدها ابحث عن الاوقات لي تكون فيها مريح و ما يكونش فيها الازعاج و تقدر تركز فيها
و اكيد خد بعين الاعتبار قدرة الاستيعاب تاعك
انا كنت كل يوم نراجع من 7 حتى لل 10 تاع ليل كنت نراجع كل يوم مادتين اساسيتين مرات الرياضيات و الفيزياء مرات الفيزياء و العلوم و هكا و شوف مثلا لاكان الاحد عندك رياضيات يليق تراجعها في ليل باه تحكم مليح الدرس في راسك
اما في الويك اند كنت نرجع للمواد الادبية عربية فرنسية و انجليزية و كنت نديراه يوم خاص لحل البكالوريات السابقة الاجزائرية و الاجنبية مع العلم انو كنت مليحة في المواد الادبية لهدا ما كنتش نعطيها وقت بزاف لكنت انت شوف روحك كيفاه
نتمنى تكون فهمتني و استفدت ان شاء و تبقى مسألة تنظيم الوقت يعني تختلف من شخص لاخر فقط احرص على انو تخلي لنفسك وقت للراحة انا كنت ندير بين المادة و المادة ربع ساعة للراحة و تاني ابتعد عن السهر
و ربي يوفقك
شكرا أختي بارك الله فيك

[mryounes04]

شكراا أختي على الرد بارك الله فيك

[fifi 18]

السلام عليكم أختي كيف حالك ؟؟
جزاك الله كل خير موضوع رووعة
بورك فيك حبيبتي
هل يجب أن نعيد كل درس جديد مع التمارين يوميا في المواد العلمية خاصة ؟؟
بالتوفيــــــــــــــــــــــق

الحمد لله بالف خير و انتي حبيبتي؟؟؟
و فيك بارك الله و فتح الله عليك ان شاء الله
هي ليس واجب حتمي خصوصا ادا كان الدرس سهل و قد استوعبته لكن هده كانت طريقتي خصوصا في الفيزياء و الرياضيات لضبط المفاهيم الجديدة التي اتعلمها كل يوم
انت جربي هده الطريقة و ابدعي كدلك من عندك و الاهم من دلك ان تتبعي طريقة تتناسب مع وقتك و امكاناتك
وفقك الله

[fifi 18]

كلامك درر يا غالية
اللهم يا مقلب القلوب ثبت قلوبنا على دينك
خبريني كيف هي علاقتك مع القرآن يا حبيبة ؟؟

اللهم امييين
علاقتي مع القران هي علاقة وطيدة جدا بحكم اني ادرس في مدرسة قرانية لتعليم احكام التجويد لكن مع الدراسة و المشاغل توقفت عن الدراسة لكنني ابقيت ورد اليومي و كل ما ضاقت بيا الدنيا او استعسر علي شيء الجأ الى القران فاجد فيها ضالتي و الحمد لله

[fifi 18]

افلف مبروك لك الأخت fifi و لعقوبة ماكتر انشاء الله و بار الله فيك على هذه النصائح حبيت نعرف معدل الباكالوريا ديالك شحال و واش درتي تخصص svp ادا حبيتي

بارك الله فيك العاقبة لك اخيتي
معدلي كان 15.35 الحمد لله
و قد اخترت دراسة الطب
و اي شيء تحتاجينه انا هنا في الخدمة

[fifi 18]

الف مبروك انا مقبل على شهادة الباكالوريا متوترة وخائف اذا سمحتي انصحيني
وانا ضعيفة في الفرنسية والانجليزية كيف احضرهما وكيف حفظتى حابة اعرف طريقة حفظك ارجوا الرد في اقرب وقت ممكن
شكرااااااااااااااااا

يا حبيبتي لم الخوف و لم القلق؟
تدكري انو حتى اقبالك على البكالوريا هو فضل من الله فكثير هم في سنك و قد حرموا من الدراسة فاحمدي الله كثيرا و كوني قوية بايمانك و تفائلي خيرا تجديه
الفرنسية و الانجليزية مافيش اسهل منها
الفرنسية انصحك بحل مواضيع بكالوريا سابقة و مقترحة حيث انك و انت تحلين تستعينين بالقاموس لشرح الكلمات الصعبة لانه الاسئلة كلها تعتمد على فهم النص
الانجليزية ركزي على القواعد و هي اسهل ما يكون صدقيني لكن فقط فتحي مخك جيدا مع الاستادة و تمرني بنفسك في البيت ايضا
الحفظ طريقتي هي قبل ما احفظ اقرأ الدرس جيدا و افهمه ثم اسطر على الكلمات المفتاحية فمرات فقرة كبيرة لا تفي بشيء و مجرد انك تتدكري كلمة واحدة يسهل عليك التعبير من عندك
موفقة بادن الله حبيبتي

[fifi 18]

شكرآآ جزيـــــــــــلآآ أختااه على مبارتك
لقد سبقت أختي نهال 13 في ذلك

العفوووووو
مشكورة الاخت نهال بارك الله في جهودها

[ai*cha]

السلام عليكم أختي
في الحقيقة ليس لدي سؤال معين أريد الاستفسار عنه لكني في حاجة ماسة الى دعمك و نصائحك لي : في هذه السنة غيرت ثانويتي و كنت جد حريصة على ذلك و بالرغم من قناعتي بهذه الخطوة الا أنني كثيرا ما أشتاق لثانويتي السابقة و أحن اليها فأشعر بالحزن كثيرا . دائما ما أقول لنفسي أنني أنا من اتخذ هذه الخطوة و أن الشيء المهم هذا العام ليس الثانوية بقدر ما هو التحصيل و التحضير الجيد للباك و لكن لا فائدة // أنا في أمس الحاجة الى دعمك لي

[fifi 18]

السّلام عليكم
باارك الله في عل المبااادرة الطّيبَـة
و الله موضوع جميل ، رائع ، شيِّـق
كلّ سؤال أقرأه أتشوّق لرؤيَـة جوابك
آهٍ لو تعلمين مدَى خوفِـي و قلقِـي و توتُّرِي
و الله لم أعد أحتمل و السّنة الدّراسية لم تبدأ حتَّـى !!
المهـمّ سؤال واحد للآن و إن تذكّرت شيئاً أعُـود لك ،،
سؤالِـي هو :
ماذا فعلت في آخر يوم ؟ يعني غداً الإمتحان
كيف كان تركيزك ؟ ماذا فعلتي ؟ هل راجعتِـي ؟ هل كنت متوترة ؟
بإنتظارك مشكوورة ^_^

العفو و الحمد لله الموضوع جميل بمشاراكاتكم القيمة
خوف قلق توتر كلمات لا احبها و لا اريد ان يتفوه بها احد لانها كلمات سلبية
بدلها بقول مدي شوقي و فرحي و لهفتي لهده السنة الدراسية
فصدقني ستكون اجمل سنة دراسية ستمر بها لانك ستجتهد و تتعب وفي الاخير سترى ثمرة اجتهادك بنتيجة تفرح قلبك و تفرح والديك ان شاء الله
اخر يوم مادا فعلت؟؟
هههههه اتدكره جيدا كان اطول يوم مر علي في حياتي
قمت في الصباح الباكر و راجعت بعض القواعد في اللغة العربية و في المساء خرجت لاغير الجو قليلا و في الليل صليت و قرأت القران و تمنيت التوفيق لجميع من كان يدرس معي و نمت و خلاص
صراحة كنت خائفة اني نسيت مراجعة شيء ما لكن الحمد لله في امتحان العربية و العلوم الشرعية كان ادائي جيدا

[fifi 18]

السلام عليكم أختي
في الحقيقة ليس لدي سؤال معين أريد الاستفسار عنه لكني في حاجة ماسة الى دعمك و نصائحك لي : في هذه السنة غيرت ثانويتي و كنت جد حريصة على ذلك و بالرغم من قناعتي بهذه الخطوة الا أنني كثيرا ما أشتاق لثانويتي السابقة و أحن اليها فأشعر بالحزن كثيرا . دائما ما أقول لنفسي أنني أنا من اتخذ هذه الخطوة و أن الشيء المهم هذا العام ليس الثانوية بقدر ما هو التحصيل و التحضير الجيد للباك و لكن لا فائدة // أنا في أمس الحاجة الى دعمك لي

حبيبتي انا جد سعيدة لمشاركتك و سعيدة اكثر لانك فتحت لي قلبك
انا افهم شعورك تماما فتغيير الثانوية يعني تغيير الاصدقاء و تغيير الاساتدة و تغيير الجو و ما الى دلك
لكن بما انك قد قمت بهده الخطوة و انت مقتنعة فلا شيء يدعو للقلق
و تدكري ان الثانوية لن تقضي فيها وقت كبير و من كثر المشاغل التي ستكون لديك لن تحسي اصلا بمكان تواجدك صدقيني
نصائحي لك
اختاري رفقة جيدة تكون مهتمة بالدراسة فقط
حاولي ان تختاري مكان مناسب في لقسم لا فيه فوضى و لا تشويش للتركيز مع الاستاد
و اجتهدي ثم اجتهدي ثم اجتهدي لانه ادا اجتهدت فالتوفيق يكون من عند الله عز و جل
و في الاخير اقول لك ضعي هدف امامك انت تريدين البكالوريا بامتياز ان شاء الله فانت ادن مستعدة للتضحية بوقتك بجهدك ببعض المتعة التي تعودت عليها في ثانويتك السابقة
لانه فرجة النجاح في البكالوريا لا تقدر بثمن

[fifi 18]

اسأل الله التوفيق لكم جميعا
و مع بداية السنة الدراسية اتمنى لكم دخول موفق و سنة دراسية مليئة بالنجاحات و الانجازات
اوصيكم بالصحبة الحسنة و القعدة الطيبة و لا تظلموا اي استاذ و لا تصدروا اي احكام مسبقة فكم من استاذ لا يدرس جيدا لكن بانسانيته و دعواته يعطيك دعم كبير

[linad'or]

))merci bcq ma sœur je te souhaite la réussite dans toute ta vie ((rabi yahafdak

[fifi 18]

))merci bcq ma sœur je te souhaite la réussite dans toute ta vie ((rabi yahafdak
العفووووو و الحمد لله انكم استفدتم
ربي يخليك و ينجحك في دراستك و يوفقك لكل لما فيه خير لك

[nourgirl1]

اسأل الله التوفيق لكم جميعا
و مع بداية السنة الدراسية اتمنى لكم دخول موفق و سنة دراسية مليئة بالنجاحات و الانجازات
اوصيكم بالصحبة الحسنة و القعدة الطيبة و لا تظلموا اي استاذ و لا تصدروا اي احكام مسبقة فكم من استاذ لا يدرس جيدا لكن بانسانيته و دعواته يعطيك دعم كبير

يعطيك الصحة بارك الله فيك اسعدتني بهذا الرد الرائع
و خاصة لا تظلموا اي استاذ
انا راني خايفة انو يحكمونا اساتذة ماشي ملاح نقدر نبدل القسم بصح حوالي شهر باش يبدلوني على هاداك راني خايفة انحيني مع العلم انو جامي قريت عندهم
و تاني حاجة حابة تنصحيني
انا حابة ندخل لدروس خصوصية في الرياضيات لكن المشكلة اخي لم يوافق بسبب ان المكان الذي سادرس فيه يبعد حوالي 7 كلم انصحيني

[fifi 18]

يعطيك الصحة بارك الله فيك اسعدتني بهذا الرد الرائع
و خاصة لا تظلموا اي استاذ
انا راني خايفة انو يحكمونا اساتذة ماشي ملاح نقدر نبدل القسم بصح حوالي شهر باش يبدلوني على هاداك راني خايفة انحيني مع العلم انو جامي قريت عندهم
و تاني حاجة حابة تنصحيني
انا حابة ندخل لدروس خصوصية في الرياضيات لكن المشكلة اخي لم يوافق بسبب ان المكان الذي سادرس فيه يبعد حوالي 7 كلم انصحيني
صحيتي حبيبتي
ختي ديري في بالك مش ممكن يكونوا كله الاساتذة ماشي ملاح اكيد كاين الملاح و كاين لالا و تاني ادا بغيتي تبدلي في ساع ماشي شهر
اممممم حتى انا كان عندي هاد المشكل تاع الدروس الخصوصية
تقدري تخليه يوصلك او تشوفي رفقة تروحي معاهم و قوليله انه انتي تاع ثقة و راح ديري اي شيء باش تدرسي مليح هدا مكان و ربي يوفقك حنونة

[nourgirl1]

صحيتي حبيبتي
ختي ديري في بالك مش ممكن يكونوا كله الاساتذة ماشي ملاح اكيد كاين الملاح و كاين لالا و تاني ادا بغيتي تبدلي في ساع ماشي شهر
اممممم حتى انا كان عندي هاد المشكل تاع الدروس الخصوصية
تقدري تخليه يوصلك او تشوفي رفقة تروحي معاهم و قوليله انه انتي تاع ثقة و راح ديري اي شيء باش تدرسي مليح هدا مكان و ربي يوفقك حنونة

شكرااااااااااااااااااااااااا لردك حبيبتي ادعيلي
بوركتي
انا مانقدرش نحكي معاه بسكو صرا بروبلام بيناتنا و مانيش نحكي معاه قريب شهر على بالي ربي يهديني مع العلم انو الخطا كان مني
بصح نقدر نقول لماما تقولو
بالتوفيق في حياتك و دراستك و ان شا الله نحو التفوق
انا تاني حبيت نسالك على المراجعة راني مابديتش و حابة نبدا مي ماعنديش هاداك الحماس اللي مخليني حابة نقرا و راني خايفة يبقالي هاد الشعور
اسمحيلي راني دوختك معايا

[fifi 18]

شكرااااااااااااااااااااااااا لردك حبيبتي ادعيلي
بوركتي
انا مانقدرش نحكي معاه بسكو صرا برورلام بيناتنا و مانيش محكي معاه قريب شهر على بالي ربي يهديني مع العلم انو الخطا كان مني
بصح نقدر نقول لماما تقولو
بالتوفيق في حياتك و دراستك و ان شا الله نحو التفوق
انا تاني حبيت نسالك على المراجعة راني مابديتش و حابة نبدا مي ماعنديش هاداك الحماس اللي مخليني حابة نقرا و راني خايفة يبقالي هاد الشعور
اسمحيلي راني دوختك معايا
اه علاه حبيبتي راني نزعف عليك هدا خوك ما يليقش تفوتيه راضيه و ربي يرضى هليك ان شاء الله
ايه كيما قلتي قولي لامك و هوما يوصلوك و يجبوك او يشوفولك معامن تجي
يا رب امين دعيلي حبيبتي
المراجعة مزال الحال عليه مزالكم في البداية و ما درستوا والو
اهم حاجة مع كل درس ديروه في القسم تعاوديه و تعاودي التمارين هدا فيها يخص المواد العلمية
الحفظ موال الحال عليه انا خليتو من الاخير انتي شوفي الا كان فيه متسع من الوقت خفي على روحك كل مرة درس او اتنين
المواد الادبية خصصي لها وقت يعني تكوني توجور اجور مع الدروس و تحلي مواضيع في البيت
و لا تتوقعي اختي انه طول السنة ستكونبن متحمسة و مستعدة فسيمر عليك اوقات تملي و تكرهي و تتعبي اهم حاجة انك تواصلي و تسترجعي حماسك و هذا بتذكر كل ما ستلقيته من راحة و طمأنينة بعد حصولك على الشهادة ان شاء الله

[fifi 18]

ما دوختيني ما والو بالعكس سعيدة باهتمامك بالدراسة ما شاء الله

[nourgirl1]

شكرااااااااااااااااااااااااااااااااااااااااااااا بارك الله فيك خبيبتي
جزاكي الله الف خير
عندك حق اختي لما قلته لي عن اخي و لكن
انا حاولت نراضيه و قلتلو اسمحلي و تاني كتبتلو رسالة اعتذار و لكن لحد الان لم يتكلم معي
انا اتجنب التكلم معه كما هو يتجنب الحديث معي
يا ربي و الله انا في حيرة

[ninacicino]

سلام اختي مبروك عليك لعقوبة نهار تتخرجي و تولي اكبر دكتورة في الجزائر و العالم لما لا.
اختي انا هاد العام راني رايحة نجوز الباك و عندي ارادة قوية و حماس كبير و متوكلة على الله بالدرجة الاولى و على ايرادتي بالدرجة الثانية بصح راني في وضعية شوية حرجة و نسحق بزاف مساعدة خاطرش راني حابة نجيب الباك و وين نحوس على المساعدة مالقيتهاش غير اللي يردني و يقولي ماتقدريش و اخطيك و غير اللي يبريزيني و يهبطلي المعنويات تاعي,
اختي انا متزوجة و عندي ولد صغير بصح الحرقة تاع الباك قعدت في قلبي و هاد العام توكلت على ربي راح نجوز الباك احرار و عيني على الطب من الدرجة الاولى و زوجي يستهزئ بي مايشجعنيش و انا صدقيني ذكية جداا جدا مالقيتش برك يد طبعني باش نحقق هدفي
وشحال فرحت كي لقيتك جاوبي على اسئلتنا انشالله في ميزان حسناتك و انشالله تبقاي على اطلاع معانا طول العام

[الصقر2]

العفو و الحمد لله الموضوع جميل بمشاراكاتكم القيمة
خوف قلق توتر كلمات لا احبها و لا اريد ان يتفوه بها احد لانها كلمات سلبية
بدلها بقول مدي شوقي و فرحي و لهفتي لهده السنة الدراسية
فصدقني ستكون اجمل سنة دراسية ستمر بها لانك ستجتهد و تتعب وفي الاخير سترى ثمرة اجتهادك بنتيجة تفرح قلبك و تفرح والديك ان شاء الله
اخر يوم مادا فعلت؟؟
هههههه اتدكره جيدا كان اطول يوم مر علي في حياتي
قمت في الصباح الباكر و راجعت بعض القواعد في اللغة العربية و في المساء خرجت لاغير الجو قليلا و في الليل صليت و قرأت القران و تمنيت التوفيق لجميع من كان يدرس معي و نمت و خلاص
صراحة كنت خائفة اني نسيت مراجعة شيء ما لكن الحمد لله في امتحان العربية و العلوم الشرعية كان ادائي جيدا

إن شاء الله أختِـي
بااارك الله فيك
لكن المشكل أنّ الأساتذة تقريباً كلهم مبتدئِيـن :( لأنّهم درسونا السنة الماضية
و بصراحة مستواهم ضعيف قليلاً مع إحترامي لهم
لذلك أنا خائف قليلاً
المهم دعوااتك أختِـي
و بارك الله فيك مرّة أخرى ^_^

[fifi 18]

شكرااااااااااااااااااااااااااااااااااااااااااااا بارك الله فيك خبيبتي
جزاكي الله الف خير
عندك حق اختي لما قلته لي عن اخي و لكن
انا حاولت نراضيه و قلتلو اسمحلي و تاني كتبتلو رسالة اعتذار و لكن لحد الان لم يتكلم معي
انا اتجنب التكلم معه كما هو يتجنب الحديث معي
يا ربي و الله انا في حيرة
معليش حبيبتي انتي بقاي ديما تحاولي تراضيه و تدعي ربي يطيب بيناتكم و ان شاء الله ما يكون غير الخير
هذا حوك و راهو يحبك و دوك يرجعلك ان شاء الله
ما تتحيريش
و اذا احتجت اي شيء فيما يخص الدراسة او غيرها فأنا في خدمتك

[fifi 18]

سلام اختي مبروك عليك لعقوبة نهار تتخرجي و تولي اكبر دكتورة في الجزائر و العالم لما لا.
اختي انا هاد العام راني رايحة نجوز الباك و عندي ارادة قوية و حماس كبير و متوكلة على الله بالدرجة الاولى و على ايرادتي بالدرجة الثانية بصح راني في وضعية شوية حرجة و نسحق بزاف مساعدة خاطرش راني حابة نجيب الباك و وين نحوس على المساعدة مالقيتهاش غير اللي يردني و يقولي ماتقدريش و اخطيك و غير اللي يبريزيني و يهبطلي المعنويات تاعي,
اختي انا متزوجة و عندي ولد صغير بصح الحرقة تاع الباك قعدت في قلبي و هاد العام توكلت على ربي راح نجوز الباك احرار و عيني على الطب من الدرجة الاولى و زوجي يستهزئ بي مايشجعنيش و انا صدقيني ذكية جداا جدا مالقيتش برك يد طبعني باش نحقق هدفي
وشحال فرحت كي لقيتك جاوبي على اسئلتنا انشالله في ميزان حسناتك و انشالله تبقاي على اطلاع معانا طول العام
يبارك فيك حبيبتي ان شاء الله لما لا
اختي انا راني قريت ردك في احدة المواضيع و فهمت وضعيتك حتى اني حكيت على فاميلتي عليك قوتلهم وحد الانسانة عجبتني ارادتها بزااااااف
اسمحلي انا نحييك انت خير مثال على الارادة و الطموح و يا ريت كل الناس مثلك لانك روعة صراحة
شوفي بما انك عزمت و توكلت على الله فلا خوف عليك ابدااااااااااااااااااا و حتى و اذا كل الناس وقفوا ضدك انا راني معاك حتى للنهاية تحبي نعطيك رقم هاتفي و ايمايلي حتى اذا احتجت اي شيء انا نكون جنبك
و راكي حابة الطب و شوفيني انا قدامك الناس كلهم حسبوني ندي 12 و لا 11 و الحمد لله جوزته و ديت 15 و سجلت طب
انتي احسني عونهم لانه فكرة الباك و الطب عندهم غريبة شوية لكن بمجرد يشوفوك حطيتي راسك وراكي مصرة اكيد راح يوقفوا معاك و اولهم زوجك
كيما قتلك انا تحت اشارتك و لي حبيتيها نمدهالك و ما نكبر فيك حتى حاجة
ربي يوفقك و يفرح قلبك و ينجحك

[fifi 18]

إن شاء الله أختِـي
بااارك الله فيك
لكن المشكل أنّ الأساتذة تقريباً كلهم مبتدئِيـن :( لأنّهم درسونا السنة الماضية
و بصراحة مستواهم ضعيف قليلاً مع إحترامي لهم
لذلك أنا خائف قليلاً
المهم دعوااتك أختِـي
و بارك الله فيك مرّة أخرى ^_^
الله يبارك فيك
اذا كان الاساتذة مستواهم ضعيف كما تقول فعليك ان تلجأ الى الدروس الخصوصية و الى العمل المكثف في البيت ايضا
لا تخف ارجووك توكل على الحي القيوم

[nourgirl1]

معليش حبيبتي انتي بقاي ديما تحاولي تراضيه و تدعي ربي يطيب بيناتكم و ان شاء الله ما يكون غير الخير
هذا حوك و راهو يحبك و دوك يرجعلك ان شاء الله
ما تتحيريش
و اذا احتجت اي شيء فيما يخص الدراسة او غيرها فأنا في خدمتك

شكراااااااا حبيبتي عندك حق ربي يعطيك ماتتمناي
راني فرحانة اليوم بسكو راهو هدر معايا واااااااااااااااااااااي و اخيراااااااااااا الحمد لله
نحكيللك
اليوم ماما و اختي راحو لدار خالتي و هو كان يخدم و كي جا من الخدمة مالقا حتى واحد غير انا
المهم وجدتلو الغدا و مباعدها قالي ماما وين راهي و جاوبتو هههه راكي مستغربة مممكن
بصح راني فرحانة بسكو سقساني و متجاهلنيش كيما مالف يتجاهلني
ادعيلي

[سنابل الامل]

السلام عليكم اختي اقيدينا ما هي دروس الفيزيائ للسنة الثانية ثانوي التي يجب مراجعتها التي تعين على دراسة البرنامجح الجديد

[fifi 18]

شكراااااااا حبيبتي عندك حق ربي يعطيك ماتتمناي
راني فرحانة اليوم بسكو راهو هدر معايا واااااااااااااااااااااي و اخيراااااااااااا الحمد لله
نحكيللك
اليوم ماما و اختي راحو لدار خالتي و هو كان يخدم و كي جا من الخدمة مالقا حتى واحد غير انا
المهم وجدتلو الغدا و مباعدها قالي ماما وين راهي و جاوبتو هههه راكي مستغربة مممكن
بصح راني فرحانة بسكو سقساني و متجاهلنيش كيما مالف يتجاهلني
ادعيلي
اسفة حبيبتي راني طولت عليك لكن بسبب ظروف لانه خويا رايح يتزوح العاقبة لخوك ان شاء الله
والله فرحبيتي بهاد الخبر شفتي راهو راح راح و رجع ليك و صابك نتي الحمد لله
ماتيش مستغربة لانه صراتلي حتى انا و والله شحال فرحت لانه فقط سألني شي حاجة ههههههههههه
المهم ربي يوفقك و يسعدك

[سوسو95]

شكرا اختي

اتمنى منك مساعتي في اللغات سيرتو لفرونسي اذا كان عندك ملفات او وثائق انتاع الفرنسية والانجليزية ممكن تعطيهم لي
mercè d'avance

[fifi 18]

السلام عليكم اختي اقيدينا ما هي دروس الفيزيائ للسنة الثانية ثانوي التي يجب مراجعتها التي تعين على دراسة البرنامجح الجديد
و عليكم السلام
يجب ان تراجعي درس الاكسدة و الارجاع ضروري جدا
بعد ذلك في الفصل الثاني راجعي الاماض و الاسس ثم راجعي بعض المفاهيم في الميكانيك تحتاجوها كاين لي درستوها في السنة الثانية و السنة الاولى كذلك
و راجعي ايضا درس الكيمياء العضوية مش كله لي تحتاجيه فقط
لكن الاساتذة رايحين يعاودولكم كل حاجة تحتاجوها فلا داعي للقلق

[fifi 18]

شكرا اختي

اتمنى منك مساعتي في اللغات سيرتو لفرونسي اذا كان عندك ملفات او وثائق انتاع الفرنسية والانجليزية ممكن تعطيهم لي
mercè d'avance
لدي ملخص جميل في قواعد اللغة الانجليزية سأضعه لك قريبا ان شاء الله
اما في افرنسية كنت اعتمد على الفهم و استعنت بالقاموس فقط لكن سـأبحت لك عن اي وتائق قد تعينك ان شاء الله

[اريج الاخلاق]

بارك الله فيك اختي على هذا الموضع الرائع
اختي فيفي العزيزة
هل صحيح مثلما يقولون الفصل الاول يحس فيه التلميذ انه لا يفهم شيئا
فهناك الكثيرا قالوا لي هذا الكلام

[fifi 18]

بارك الله فيك اختي على هذا الموضع الرائع
اختي فيفي العزيزة
هل صحيح مثلما يقولون الفصل الاول يحس فيه التلميذ انه لا يفهم شيئا
فهناك الكثيرا قالوا لي هذا الكلام
و فيك بارك الله و فتح الله عليك
قبل ان اجيب على سؤالك نصيحة لك و لكل المقبلين على اجتياز امتحان البكالوريا
ستسمعون طيلة هذه السنة جميع انواع الاقاويل و الاشاعات التي ستزيد
درجة الضغط عندكم لخذا من الاحسن ان تتفادوهاو تصبوا تركيزكم الكامل على الدراسة و الاجتهاد و ابتعدوا عن لصوص الطاقة الذين يبحثون فقط على المصائب و المتشائمين
اما عن سؤالك في الفصل الاول كل شيء سهل و بسيط الرياضيات فقط مراجعة مفاهيم و تزيدوا اشياء سهلة
في العلوم كذلك تركيب البروتين النسخ و الترجمة كلها سهلة و التلاميذ كامل يحبوا هذه الدروس
في الفيزياء تلقي شوي صعوبات خصوصاا مع السرعات لكن مع كترة التمارين و المراجعة الدائمة هادي تصيري شاطرة فيهم
ربي يوفقك

[اريج الاخلاق]

mrcccccccccccccccccccccccccccccccccccccccc

[قدوتي رسولي]

تحية عطرهـ♥♥
اولا نحب نباركلك الف الف مبروووووووك عقبال التخرج فرحتلك ومعدلك فور كيفك
تانيا نحب نشكرك جزيل الشكر على مجهوداتك الجبارة ومساعداتك لينا وتخفيفك علينا
وثالثا تقريبا كل استفساراتي جاوبتي عليها في الصفحات وجاوبتلي عليها الاخت والصديقة نهال13"مريم"ربي يحفظها ويوفقها وانت ايضا

تحياتي لك♥

[medrobert]

merci beaucoup okhti

[fifi 18]

تحية عطرهـ♥♥
اولا نحب نباركلك الف الف مبروووووووك عقبال التخرج فرحتلك ومعدلك فور كيفك
تانيا نحب نشكرك جزيل الشكر على مجهوداتك الجبارة ومساعداتك لينا وتخفيفك علينا
وثالثا تقريبا كل استفساراتي جاوبتي عليها في الصفحات وجاوبتلي عليها الاخت والصديقة نهال13"مريم"ربي يحفظها ويوفقها وانت ايضا

تحياتي لك♥

ربي يخليك شكراااااااااااا عقبال عندك يا اختي
هدا الشيء قليل بزااااف الحمد لله لي قدرت نعاونكم بشوية من تجربتي
ربي يبارك فيها اخت نهال و يعطيها الصحة حتى انا عجبوني نصايحها
المهم لقيتي المساعدة و الحمد لله

[fifi 18]

الى الاخت التي طلبت مني وثائق في اللغة الفرنسية
ستجدين في هدا الرابط كل ما تحتاجين اليه
http://3as.ency-education.com/15751604160415941577-15751604160115851606158716101577.html