لو كنت في مكاني؟ [الأرشيف] - منتديات الجلفة لكل الجزائريين و العرب

مشكلتي

2013-09-04, 22:59

السلام عليكم و رحمة الله و بركاته

:dj_17:

عندي مشكل و حابة ندي اراءكم فيه: انا فتاة مقبلة على الزواج و عندي سر ماعرفت لا نبوح بيه و لا نخبيه رغم انو لازم يبان؟

اول شئ انا عندي نقص في النظر و ماحبيتش ندير نظارات درت عدسات طبية و مش عارفة لا نقولها للخاطب و لا لا؟و اذا علم بيها ممكن ما يتقبلش الموضوع و يروح

ثاني شئ من و أنا صغيرة نزعت اضراسي بدون وعي و بعدها ركبت Apareil تحمل اضراس اصطناعية و ايضا هذي مشكلة اخرى

يا اخواني باش تنصحوني؟ و اجركم على الله راني في حيرة

marierose

2013-09-05, 01:20

السلام عليكم
النقص في النظر ليس عيبا وليس مبررا لفض الزواج وحتى وضع اضراس اصطناعية و لكن العيب ان تخبئ الامر عن خطيبك لان هذه الامو بسيطة و لا تستدعي القلق بهذه الدرجة بالعكس لا يوجد احسن من الصراحة وعدم احفاء الامور عن الشحص الذي سو تتقاسمين معه الحياة اخبريه اليوم و بنفسك احسن من ان يكتشفه غدا ويعتبره خيانة ويتعقد الامر و يصبح مشللة انتي في غنا عنها,
مبروك مسبقا و بالتوفيق

مواطنة

2013-09-05, 08:03

المرض ليس عيب لكن من الضروري ان يعرف زوجك بهذه الامور رغم بساطتها ولا تخافي من العواقب لانو كل شي مقدر عند الله تعالي توكلي على الله و قوليلو افضل ملي يتفاجئ وشوفي انت اذا تحبي تنحطي في موقف مماثل يعني جيك مفاجأة من الزوج بعد العرس كان قادر يحكيلك عليها
و صراحة الراجل لي يخلي خطيبتو من اجل امور بسيطة تسارحو بيها يقدر يخليها و هي زوجتولاتفه الاسباب

رحمة من المولى

2013-09-05, 08:23

لازم تصارحيه و خليها على ربي سبحانو لانو ممكن بعد العرس يقول خدعتوني وووووووووو
ان شا الله خير

nanine26

2013-09-05, 10:23

احكي نورمال مافيها والو و يدا راح كاين ما خير منو

hattal

2013-09-05, 10:29

مصارحته لا تضرك بل قد تجعلك اكبر في عينيه عكس اخفائك الذي قد يكون سبب ضغينة و بغض و عدم ثقة تكبر و تتضخم لاتفه الاسباب و الله اعلم

knives55

2013-09-05, 10:30

قولي لخطيب و ما تحطميش رجل وما تخسريهش في دراهم العرس

دئما هكذا كذب واخفاء للاسرار ثم يقلون لما تدمر علاقات الزوجية

اِشراقـة أمل

2013-09-05, 10:50

السّلام عليكم
المرض ليس عيب
لكن الصّراحة أحسن ما يكون
وفّقكِ الله

بلسم غرام2018

2013-09-05, 11:11

احكي نورمال مافيها والو و يدا راح كاين ما خير منو
مهيش مشكل والي يحبك يحبك كيما راكي اختي اوك
مي الي لاحظتوا دائما الفتاه تقول الحقيقه وكلاش عليهخا فيما ان الطرف الاخر يخبئ الكثير

oumhana

2013-09-05, 13:08

السلام عليكم مبروك مسبقا
اختي المرض ماشي عيب قوليلو خاطرلوكان يكتشف وحدو راهي تولي كارثة من العيار الثقيل خاطر راح يولي يشك في كلش وهذا مشكل كبير المهم انت قولي بصح نصيحه : مشي كتروحي تقوليلو تبداي تلككي "وعندي حاجة حابة نقولها بصح" اخطاك روحي ديركت للموضوع وثاني et surtout مشي فالتلفون.حبيت نسقسيك :علاه مقلتيلوش قبل ولا نتي ملي دايرين للونتي بلوbleu و مصدقين بلي خلقة ربي كما
une cousine تلاقيتها واحد نهار وكان عندي بزاف مشفتهاش قلتلها :آه درتي للونتي en plus bleu
مبروك عليك قالتلي متزيديش تقولي عليهم للونتي هذو عنيا ويغيضني لحال كتقولو للونتي
إملا قلتلها مبروك عليك عينينيك .اختي قوليلو وإن شاء الله فيها خير أما إذا كان على سبه و راح الله يسهل ليجابو يجيب لخير منو.
يلي على الصراحة تاعي رهي خطرات تديري المشاكل.وزيذ أنا ثاني ندير نوادر .

ريتان

2013-09-05, 14:35

يجب ان تخبريه

مفيش افضل من الصراحة

أمة الله 12

2013-09-06, 17:33

الصراحة راحة, لازم تقوليلو

و اذا راح, تلافو يجيب خلافو, مككن يجيب عروسة بصحتها و لباس بيها تلبس النواظر و يطيحو سنيها عندو ثمة كيفاش يدير معاها, يرميها!!!!!!

ربي معاك

AMINA.Z

2013-09-06, 17:51

و الله يا اختي تباني قاتلة روحك على الزواج و على الرجال بهاد الكلام

اختي انتي خبريه و هو اذا راح احمدي ربي بويسك هناك من واحد سطحي

ربي يوفق

hakeem

2013-09-06, 17:53

يــــــاو عندك الدراهم

sihadj22

2013-09-06, 17:55

الصراحة راحة؟؟؟إخبريه فإن كان شهما رضي بخلقك و أخلاقك؟؟؟ أما إن كان غير ذلك ففراقه الآن خير من ذلك بعد الزواج به؟؟؟
مكتوبك مكفول لك فلا تخافي ؟؟؟؟

مومي23

2013-09-06, 18:10

سيكون خطا قاتل ان لم تخبري خاطبك بهذا المشكل
اذا تقبل فنعم و اذا رض فقد ارتحت
انه خداع اذا لم تخبريه

hakeem

2013-09-06, 21:15

أخبريه لكن بطريقة غير مباشرة و ليس دفعة واحدة و لا تجعلي منها مشكل حتى لا يحس انها مشكل
و أعتقد أنه ليس بالمشكل و هذا أمر عادي جدا

sali-sali

2013-09-06, 21:17

السلام عليكم
من الاحسن تخبريه الان...قبل مايجي نهار و يعرف وحده
وهدا شي مش عيب ولا فيه حشمة
ادا راه ناويك صح و انسان بمعنى الكلمة اكيد راح يتقبل الامر

انغام المنى

2013-09-07, 10:30

العدسات عادي جدااا انا ارتديها وقبل خطيبي ما يخطبني خبرتو ضحك عليا وقالي انت مهبولة
اما اضراسك خبريه هذا ماش حاجة كبيرة قادر يبطل عليك منها

علياء

2013-09-07, 11:16

مادمت لم تخبريه من البداية نصيحة الان اخبريه ولكن طريقة اخبارك له لا تكون كانك تقول كارثة او مشكلة كبيرة

على اساس امر عادي

جل الناس بصرهم ضعيف وان لم يكن امر طبيعي ينقص النظر بمرور المن

اما الاضراس هناك ناس كل شهر تقلع ضرس وراهم بلاش :d

بالتوفيق