صراع داخلي

[مشكلتي]

السلام عليكم و رحمة الله و بركاته.
انا فتاة ذات ال 17 شتاء.
و لكم يؤرقني و يحزنني كونني غير مرتدية للحجاب و احس بالندم و الذنب كما اني احتقر نفسي كثيرا بسبب هذا. بالرغم ان ملابسي لطلما كانت مستوره و كنت امر بحالات اكتئاب عندما يتقرب مني اي شخص من الجنس الاخر و ذلك ظنا مني انه لم يحترمني كما كان قد يحترمني لو كنت محجبه نعم لم يحصل شيء ابدا و لكن جرءته على الحديث معي ظنا منه ان لا مشكلة لدي كانت تحزنني كثيرا.
اريد ان اتحجب و استر نفسي و لكن النفس أماره فلا انفك افكر في ما قد يظن الناس في و في صعوبه حياة الفتاة المحجبة و مع اننا جميعا نعلم التفكير الجزائري و عدم الاكتراث بمشاعر الاخر,.,هذه المشكلة تتداول و انا حساسة لدرجة خطيره فكلمة قد تبكيني الليل بطوله,
عقلي مشوش و لا اريد غير نصيحة في الله,
اعلم اني تأخرت في ارتداءه و نادمة جل الندم و لكن هذا الامر بيني و بين خالقي و ليس لاحد الحق في التدخل و لكن فقط اريد بعض التشجيع منكم او بعض التجربات لو تتكرم العضوات و تحكين لي كيف مر يومهم الاول مرتديات للحجاب ذاك قد يساعد كثيرا و شكرا للقائمين على هذا القسم و شكرا لكل من سيرد,

[مواطنة]

السلام عليكم ورحمة الله وبركاته
اختي مليح انك في هذا العمر تفكرين بهذه الطريقة ما تقوليش تاخرت ولا لا المهم استدراك الخطأ في اقرب وقت
اما عن تجربتي الشخصية لم اكن افكر في الحجاب حتى لانه في وقتي القليل لي يلبسو الحجاب صغار لكن في الثانوية بدات حركة الحجاب و صديقات ينصجن بعضهن و اخريات يلبسن الحجاب في وقت واحد في ذلك الوقت بديت نفكر فيه لكن لم البسه ليس لان وضع المتحجبة صعب بتاتا و انما لقلة علمي بالشرع وكذلك لم ارد ان البسه لاقلد الصديقات و ندمت من بعد و قلت يا ليتني قلدتهن .المهم لباسي كان عادي جدا و اقرب للسترو في يوم سمعت ان المراة المتبرجة تلعنها الملائكة من وقت خروجها لغاية دخولها و كنت قد بدات بفهم قليل من الاحكام الشرعية فلم افكر اذا اريد ام لا اريد بل فكرت انه واجب بدون نقاش تكلمت مع امي و اخبرتها الا تخبر احدا اشتريت قماش استلفت حجاب من صديقتي وطلبت من الخياطة ان تخيط لي مثله و الحمد لله امي كانت فرحانة و اخوتي لكن اكيد فيه ناس كثير هدرو وحدة تقولك علاش غميتي روحك و اخرى كنت لاباس عليك و اخرى البسي سروال وليكات وفيه حتى من قال انهم ظنوني قوية يعني القوية و العصرية ماتلبسش حجاب لكني لم التفت للكلام وانما فرحتي كانت كبيرة لان الله اعطاني فرصة ان البس الحجاب قبل موتي واول يوم لبست فيه الحجاب كان رائع لان الانسان عندما يطيع الله يشعر بسعادة لا مثيل لها ولم اكترث لاي كلام.
تفسك انت تروضيها وهي تبعك لا تكبري الموضوع في راسك هذا حجاب يغطي جسمك ولن يغطي طموحك و شخصيتك ولا دراستك وانما يبعد عنك الذئاب الله يعطيك القوة يسهل عليك لبس الحجاب
هذه قصتي انشاء الله تستفادي

[○•ميسون•○]

و الله ماكانش أروع من الحجاب++جيد انكي احسستي بالندم

لاني رايت في الثانوية بنات لا علاقة لهم بالدين

انا متحجبة و ارتداء الحجاب عادي جدا

و اليوم يمر اروع ما يكون



اول مرة ارتديت الحجاب كنت في السنة2 متوسط

تفاجئت ان كامل بنات القسم انهم تحجبوا ايضا

لذلك لا يستطيع احد تعقيدك

اصلا الحجاب عمرو ما كان و ما يكون تعقيد
https://fbcdn-sphotos-c-a.akamaihd.net/hphotos-ak-ash3/544502_416315371814707_928932471_n.jpg

[kmilya]

انا قل منك بعام درت الحجاب في اولى ثانوي جامي جاتني مسالة الحجاب في بالي ومكنتش معولة نديرو حتال الجامعة
ولكن راني كيفك كي شت نظرات الجنس الاخر كيما قلتي صاي قررت نتحجب
والله السترة مليحة كان يوم غريب نهار درتو ولاكني والفت بيه بالعكس تعودي تحسي براحة وباختلاف
ودكا الحمد لله نلبس عادي ليكات وسروال وحجاب
حاجة مليحة بزاف الحجاب صدقيني وحدة محجبة ماشي كيما وحدة ماشي محجبة وتحسي بالفرق نهار ديريه برك
نهار تحبي ديريه ديريه على قناعة ومدام ماكيش مقتنعة بيه عندك ديريه

[~~نهال~~]

اختي اتحجبي و لو حتى الان
او اتحجبي في الدخول المدرسي
+++
انا تحجبت في اولى او ثانية متوسط هههه و بالضبط في عاشوراء و جا بالخميس في سبتمبر كان عادي احيانا نجي نخرج نشري ننسانلبسو نعاود نرجع هههههه
لا مشكلة اختي ستتعودين عليه
بالعكس تتحجبي يقل عدد المزعجين اللي يهدرو عليك

[hattal]

هو امر من الله عز و جل للمومنات اذا حابة تكوني من المومنات اللائي جزاؤهن الجنة فارتديه و ان اخترت غيرهن فالله عز و جل يقول
" ليس بامانيكم و لا امانيي اهل الكتاب من يعمل سوءا يجز به ""

[Niina]

حنونة انا تاني ماكنتش حابة نلبسو لاني والفت نلبس ونعدل خاصة شعري كان طويل هههههه بصح بعدها سمعت حديث للرسول عليه الصلاة والسلام لما عرج به الى السماء ووصف النساء يلي في جهنم ومن بينهم يلي ماشي لابسة الحجاب صدقيني حسيت انو فعلا انا مقصرة وانو هدي الدنيا ماعندها حتى معنى يعني اذا تحجبت ماشي رايحة نمووووت وبعدها وعدت نفسي انو في اول رمضان نلبسو وفعلا لبستو في اول رمضان و كنت نقول كلام الناس ووو ...بصح صدقيني ماكاين والو في يومين والفت بيه و كيما تلبسيه تحسي نفسك مرتاحة وراضية والحمد لله الذي انعم عليا بلبسه قبل وفاتي وعقبالك انتي اختي .

["راجية الجنة"]

سلام عليكم


شكون قاللكم بلي وضع المحجبة في الجزائر صعب ؟؟؟؟
عجيب
تحجبي اختي مكان حتى مشكلة مع المحجبة في الجزائر ممكن في تونس في مصر كاني مشكلة مي الجزائر لالا
اني محجبة من سنوات طويلة ملقيت حتى مشكلة عجب من وين تجيكم الافكار هذي انه تعتيم كبير
ربي يهدي

[بلسم غرام2018]

لبسته انا وصديقاتي في التانويه في ان واحد والحمد لله عادي اخيتي خلي ثقتك في نفسك كبيرة

[جويرية الإيمان]

شوفي يا بنتي

هذا الشيطان برك يوسوسلك باش ما ديريش الحجاب

استغفري الله و اذكريه كثيرا .

و كيما قالت الأخت **راجية الجنة** ماكان حتى مشكل في الحجاب في الجزائر

أنا درتو و في عمري 19 سنة

و الله العظيم غير تسلفت اللبسة من عند جارتي و الخمار نتاع ختي يعني مانيش أصلا موجدة اللبسة

و شجعتني أمي و أخواتي

و رحت للثانوية عادي و قالولي مبروك عليك و كلش عادي

صدقي و الله غير تهنيت من مشيط شعري الصباح و كيفاش نديرلو هههههههه

الحجاب متعة كبيرة و هو فرض من الله تعالى من المفروض البنت ديرو و هي مغمضة عينيها .

[Mimi Rimbo]

والله أنا كنت مثلك لكن الوقت لم يفت علي صحيح اني تحجبت غصبا و من غير ارادتي و لحد الان لم اقتنع به مع اني كنت اريد التحجب في اقرب وقت لكن بقناعتي
افضل نصيحة هي ان تتحجبي بقناعتك و لا تعلمين حقيقة الشعور التي تنتابك عند الخروج بالحجاب فحينها تحسين بانك عربية مسلمة حقا و سترين ان كل من حولك سيحترمونك و خذي بهذه الصور عبرة
http://www.muslmah.net/upload/upfiles/ops33804.jpg

[عبد الله 22]

السلام عليكم بالتوفيق أن شاء الله وعملي على ان يكون الحجاب الاخرى اكبر أوكثر إلتزام حجاب الأخلاق بالتوفيق للحجابين

[naamane3]

خاصك شوي كوراج برك
اعفسي على قلبك وتوكلي على الله
وبعد اليوم الاول والثاني يصبح الأمر عادي
وصبر يومين في الدنيا أهون على صبر دقيقتين في النار

[بنت الجزائرية]

اختي ساوجهك نصيحة في وجه الله لو عني لتحجبت طبعا انا محجبة ولا افكر بهذه طريقة تافهة لانها من ابليس يكفيك فخرا انك متحجبة وكما يقال الثمين يغطى يكفيك انك اطعت الله كيف يا اختاه تفكرين في اراء ناس ونضراتهم ولا تفكرين في رب الناس الذي خلقك اتركي نفسك قدوة للبنات اما عن مافت فلا تهتمي وتوبي لله ارضاء الناس غاية لا تدرك وارضاء رب الناس غاية لاتترك

[اسلامي عزتي]

الحجاب فرض فرضه الله على بنات ءادم فأنت بالحجاب ستحمين نفسك من الذئاب البشرية وشهوة الرجل المستبدة فالله فرضه على النساء في عصر شهامة الرجال فما بالك الان لما انتشر ارذال المجتمع وبالنسبة لكلام الناس لا تكترثي وضعي في بالك انك ترضين رب العباد

فكلنا نحب الالوان المميزة البراقة كما نفضل ان نخرج وشعورنا في ابهى طلتها لكن تذكري قوله تعالى ,,اما من خاف مقام ربه ونهى النفس عن الهوى فان الجنة هي المأوى

[rabie620]

الله يهدينا إلى الخير
(أفمن شرح الله صدره للإيمان فهو على نور من ربه)
وأنت ركي في الطريق الصحيح غدوا عند ربي كل واحد يتحاسب وحدو
ماكان لا أب ولا أم أخ هدو لي بروش ليك
ماتحرى واحد براني راكي معمرا راسك بيه
زيد بزيادة أنت مستورة حتى واحد ما يتكلم معاك
ربي يوفقك إنشاء الله

[احبك ربي"تقاء"]

السلام عليكم
يلاا تشجعي اخية
وعيشي احساس المحجبة والله شعور ولا اروع ملكة بين الخلق
خليه الحجاب لي يرضي ربي سبحانه لا حجاب اليوم الي في اصلو يحتاج لحجاب اخر
يلاا ابدئي بالخطوة الاولى تيقني ان من فرض الصلاه هو الذي فرض الحجاب
وفقك الله اخية
انتظر منك موضوعا اخر تخبرينا بتحجبك واصفة احساسك

[linda landaucha]

براااااااااااااااافووووووووووو اخيتي راكي فوور خلاص ...كي راكي تفكري ديريه انت ديجا هداك ربي .....وكل حاجة تبدا بخطوة .....واصلي

اختي شوفي نوصيك...........وربي يعيشك متقتليش ضميرك بكلااام مش صحيح

يا اختي ...........حطي في راسك انو الحجاب فرض من عند ربي سبحانو...اوكي....فرض مش سنة ولا امر مستحب ...........وراكي عارفة واش معناتها فرض..............يعني جنة او نار .....................مادا تختارين

اختي .........مدام ربي سبحانو امرنا بحاجة اكيييييييييييييد فيها غييير لخيير ...........على بيها منقدرش نعدلك ايجلبيات الحجاااب ..........كثيرة يا اخية صدقيني

نسقسيك حاجة برك ............علاه مديريش الحجاب؟؟؟...........باه تبقاي شابة بشعرك ..........ولا باه ترضي صحباتك...........ولا باه ......برك جاوبيني علاه

يا بنتي الدنيا مش دايمة ...............وشيء لي حلال او باين ولي حرام او باين ..............اتكلي على ربي ..............ورضي ضميرك ..........ومتسمعيش لكلااام ناس ...............اوكي اياااااااااا ازربي اشري حجاب اياااااااااااااا

شوفي ياك راكي تشوفي في بنااات كثر منك في العمر وماداروش الحجاب ياك؟؟؟ صدقيني يهدي الله من يشاء .................يعني انت حمدي ربي كي راكي تفكري ديريه ...................وان شاء الله راكي ديريه ...........اوكي

تجربتي

انا درتو في 2 متوسط ........................عادي والله لم اتردد لحظة ..............ولبست الحجاب الشرعي في 2 ثانوي ............اجمل شيء والله


اتمنى ان توفقي اختي لا تترددي .........................ديريه من اليوم اوكي .............

[خـــ القرآن ـــادمة]

كفت ووفا اخواتي في الحديث ولن ازيد على قولهن الفاضل غير قولي ،،
ابشري فقد انعم الله عليك بهذا التفكير السليم السديد ،، هلمي الى الخير يا حبيبتي ،، لا تكترثي لكلام الناس فان ارضاءهم غاية لا تدرك،،
كما ان الواحد ما سيحاسب لوحده في قبره ،، يعني لا وجود للناس تشفع لكـ ،،
الله يوفقكـ وييزينك بالحجااااب والستر والعفاف ،،

[صالح القسنطيني]

و عليكم السلام و رحمة الله و بركاته

جاء في الأثر من أرضى الله بسخط الناس رضي الله عنه و أرضى عليه الناس و من أرضى الناس بسخط الله سخط عليه الله و أسخط عليه الناس


و عليه اهتمي برضا ربك و لا تهتمي بالناس و تأكدي قسما بالله إذا رضى الله عنك سيُرضي عليك جميع الناس

[آمِيْرَتُه]

عمري ما ممشيت برا و حسيت بالراحة كما حسيت و أنا مرتدية الحجاب الشرعي
الله يبارك خليك قوية و ربي يهدينا و يقدرنا

[basma09]

السلام عليكم و رحمة الله
اختي نسقسيك امر انت تصومي رمضان و لا لا ???
نظن انو باين تصوميه
صحا علاش تصوميه ???
لانو فرض علينا الحجاب ايضا فرض
اذن لازمك تكملي التزامك من جيهة الله تعالي و تطبقي كل فرض من الفروض اللي امرنا بيها لانو اذا تصومي و ما تصليش و ماديريش حجاب كانو ماراكي دايرة والو
ان شاء الله ربي يهديك و ديري الحجاب باقتناع عاجلا غير اجلا و باقتناع