الى الطلاب الجدد فرع بيولوجيا

[عائشة عطر الجنة]

السلام عليكم ورحمةالله

انا اختكم في الله عطر الجنة ادرس السنة3 بيولوجيا


اود ان اساعدكم انتم طلاب الجدد للبيولوجيا


فمن لديه سؤال فاليتفضل مشكورا

وخير الختام سلام

[chocol@te]

شكرا جزيلا اختي الكريمة وبارك الله فيك
انا سجلت هادا العام بيولوجيا ان شاء الله مي ما عندي حتى فكرة عليها ؟؟؟؟؟؟
حبيتك تمديلي معلومات عليها
والتخصصات الي كاينة فيها ؟؟؟؟
وش هي التخصصات المليحة وواش نقدروا نخدموا بيها ؟؟؟؟

وشكرا مسبقا :)

[عائشة عطر الجنة]

وعليكم السلام

لا اختي هدا واجبي

البيولوجيا فرع جيد ودراستها فيها نوع من التشويق

اما مدا تدرسين في السنةالاولى

السداسي الاول
bio cellulaire*chemie*math*methode*estoire*geologie*an glais

اما السداسي التاني
bio animal*vegetal*physic*chemie2*methode*francais

ويليقلك تزيري روحك وتاسيستي لي كور هوما الصح

اما عن التخصصات

كاين ميكروبيولوجي بيوشيمي-ايكوسيستام-انفيكسيو*ايمينولوجي

وغيرها

اما الخدمة تخدمي فيالتعليم او فيالسبيطار

نشالله نكون افدتك

[بنت بلادها وتفتخر]

كل جامعة و واش تقراي فيها
انا قريت في 1 er semetre : chimie1 , biologie cellulaire , math , géologie , methodologie et histoire
و 2éme semestre : chimie 2 , bio animale , bio végetale , physique et méthodologie

[عائشة عطر الجنة]

ايه كل ولاية وكيفاش

[chocol@te]

وعليكم السلام

لا اختي هدا واجبي

البيولوجيا فرع جيد ودراستها فيها نوع من التشويق

اما مدا تدرسين في السنةالاولى

السداسي الاول
bio cellulaire*chemie*math*methode*estoire*geologie*an glais

اما السداسي التاني
bio animal*vegetal*physic*chemie2*methode*francais

ويليقلك تزيري روحك وتاسيستي لي كور هوما الصح

اما عن التخصصات

كاين ميكروبيولوجي بيوشيمي-ايكوسيستام-انفيكسيو*ايمينولوجي

وغيرها

اما الخدمة تخدمي فيالتعليم او فيالسبيطار

نشالله نكون افدتك



كل جامعة و واش تقراي فيها
انا قريت في 1 er semetre : Chimie1 , biologie cellulaire , math , géologie , methodologie et histoire
و 2éme semestre : Chimie 2 , bio animale , bio végetale , physique et méthodologie


ايه كل ولاية وكيفاش




شكرا جزيلا وبارك الله فيكما ربي يخليكم ان شاء الله

ادا كان ممكن تمديلي الوثائق للي نحتاجهم في دراستي للسنة الاولى ......
وشكررررررررررا مرة اخرى

[smile20]

أختي عطر الجنة من فضلك اذا كان بامكانك مساعدتي في الحصول على دروس سنة ثانية

[عائشة عطر الجنة]

والله في حالة وثائق انا اسفة ما عنديش لكن اي مشكل فيدراسة اناهنا المعدرة

[smile20]

ارجو ممن لديه معلومات حول سنة ثانية بيولوجي ان يفيدني بها,من حيث ما اذا كانت الدراسة سهلة ام صعبة؟نوعية الدروس والامتحانات.......وغيرها وله جزيل الشكر

[بنت بلادها وتفتخر]

سلام
الدوزيام اسهل من البروميار
بالنسبة لي حصلت على علامات جيدة في الدوزيام
كل شي حفيظة ما عدا الفيزيك
ونصيحتي ليكم ركزو على les TP et les TD هذو يعاونوكم بزاف في النقاط

[tas nim]

سلام
الدوزيام اسهل من البروميار
بالنسبة لي حصلت على علامات جيدة في الدوزيام
كل شي حفيظة ما عدا الفيزيك
ونصيحتي ليكم ركزو على les tp et les td هذو يعاونوكم بزاف في النقاط

ختي معليش تقوليلي وشي هوما المواد لي نقراوهم في الدوزيام وجزاك الله كل خير

[smile20]

سلام
الدوزيام اسهل من البروميار
بالنسبة لي حصلت على علامات جيدة في الدوزيام
كل شي حفيظة ما عدا الفيزيك
ونصيحتي ليكم ركزو على les tp et les td هذو يعاونوكم بزاف في النقاط


شكرا لك اختي على نصيحتك ان شاء الله تاخذ بعين الاعتبار,ولكن حسب ما سمعت ان سنة2 ليست سهلة نوعا ما وخصوصا السوماستر الثانية أصعب من الاولى هل هذا صحيح؟

[بنت بلادها وتفتخر]

شكرا لك اختي على نصيحتك ان شاء الله تاخذ بعين الاعتبار,ولكن حسب ما سمعت ان سنة2 ليست سهلة نوعا ما وخصوصا السوماستر الثانية أصعب من الاولى هل هذا صحيح؟

صحيح .....

[بنت بلادها وتفتخر]

السوماستر الاول كاين biochime , génetique , zoologie ,biophysiqye , mothiodologie
السوماستر الثاني كاين microbiologie , immunologie , math et inf , botanique ,

[عائشة عطر الجنة]

السلام عليكم


دوزيام ساهلة على بروميار

كلشي حفيظة غيرالمات والفيزيك

اما المواد
genetique *zoologie*biochemie*methode*biophysic
اما دوزيام سوماستر

math stat/hmmunologie/ecologie/microbiologie/botonique

وكيما قاتلكم الاخت لي تيدي وليتيبي عندهم اهمية كبيرة

وتاني لي كونترول ما تراطيوهمش

وزيروا رواحكم وشتاهي لكور لي ديروه حاولوا تحفظوه

باسكو فيليكساما ما تصيبوا ليمن تصدوا حفاظة بزااااااااااااف

ربي يسهل

[smile20]

شكرا جزيلا اختاي,اذا ممكن تقولولي le programme de math et inf من فضلكن وles programmes d'autre modules svp

[بنت بلادها وتفتخر]

سلام
في inf
قرينا غير بروقرام تاع الباسكال والمطلب
في math
قرينا المصفوفات les matrices

[عائشة عطر الجنة]

قرينا stat

كيما اولى تانوي المدى والوسيط والوسط الحسابي وغيرها


وقرينا les matrices

;والمات هي اسهل موديل في سوماستر الزاوجة ما تتقلقوش كامل كامل دينا 18/20

[جوهرة القصر-47]

merci beaucoup ma soeur

ana tani nchallah biologié

nchallah ki n7tajk nl9ak


que Allah vous bénisse

[عائشة عطر الجنة]

اهلا وسهلا على الرحب والسعة

[om mostapha]

اختي من فضلك سوال صغير فقط. هل من فرع بيولوجيا يخر ج اساتدة في العولوم و شكرا.

[om mostapha]

راني شفت بمى انكي جميعية فى مدينة تيارت انا تني رانى نحوس على جميعة تيارت ادى تخرج اساتدة فى العلوم من فضلك جوبيني فى اقرب وقة

[ouss2013]

السلام عليكم
اي التخصصات توجد في جامعة سطيف ؟؟؟؟؟؟؟؟؟؟؟؟؟؟؟؟؟؟؟
:sdf:

[عائشة عطر الجنة]

اختي كل الفروع تتخرجي بيها استادة علوم

على حساب ما سقسيت

[bourhan25]

انا درت بيلوجيا قسنطينة علابالك وكتاه ندخلو نقراو و اذا عندك جدول حاب نشوفو كيفاه مداير حاب نشوف اوقات الفراغ و اد امكن دروس و هل صحيحي في قسنطينة نقراو 4 اشهر الاول بالعربية ومباعد نوليز فرنسية وشكر لك

[om mostapha]

شكرا يا بنياتي على الرد السريع.

[bourhan25]

انا درت بيلوجيا قسنطينة علابالك وكتاه ندخلو نقراو و اذا عندك جدول حاب نشوفو كيفاه مداير حاب نشوف اوقات الفراغ و اد امكن دروس و هل صحيحي في قسنطينة نقراو 4 اشهر الاول بالعربية ومباعد نوليز فرنسية و هل صحيح لازمنا مازر ابيض من العام الاول وشكر لك

[yorus]

السلام عليكم
أنا ماني فاهم والي فهموووني من فضلكم
أنا بعتوني علوم طبيعة و حياة snv هل هي نفسها بيولوجي ولا واش اوو واش نقرا snv واش التخصصات و شكرااا

[bella12]

اختي ممكن تحكيلي بالتفصيل واش نقروا فيها و ممكن تحطيلي واش نقروا و خاصة في لمات

[smile20]

السلام عليكم نعم snv نفسها بيولوجيا وفي السنة الاولى تقرا في السوماستر الاول:chimie1.biologie cellulaire.mtt1.math stat et inf.geologie.et histoire

[smile20]

وفي السوماستر الثاني:chimie2.physique.biologie végétal et biologie animal.mtt2 على العموم السنة اولى ساهلة على لي يحب يقرا وبالتوفيق ان شاء الله

[عائشة عطر الجنة]

لا مكاش منها تقراو بالعربية تقراو كامل بالفرنسي مكاش ولا موديل بالعربية


انعم snv هي بيولوجيا

ما علابالليش فيما يخص قسنطينة انا نقرى في تيارت

[bella12]

و الرياضيات و اش نقراو فيها وساهلة و لا شوي

[smile20]

PROGRAMME DE MATH.STAT


1. ANALYSE :



Fonction à une variable, dérivés et intégrales.
Méthode d’approximation.
Séries, séries à termes positifs, séries de Rieman.
Fonctions à plusieurs variables, Dérivées partielles, différentielles
Intégrales doubles et triples.
Calcul de surfaces et de volumes.


2. PROBABILITE



Variables aléatoires, variables de BERNOULLI
Lois statistiques

[عائشة عطر الجنة]

مشكورة الاخت لكنها صعبةنوعا ما يجب التركيز والحضور

ربي يوفقكم

[bella12]

شكرااااااااااااااا بارك الله فيكم

[lola22]

واش راكم تقولو ما فهمت والو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عائشة عطر الجنة]

واش لي ما فهمتيهش خيتي

[عائشة عطر الجنة]

واش لي ما فهمتيهش خيتي

[عصفورة المنتدى]

شكرا لك على المساعدات المقدمة
ممكن دروس السنة الاولى من فضلك إدا ما تقدري على المنتدى ممكن تبعثيه على الإميل

[عصفورة المنتدى]

السلام عليكم أنا عضو جديد في المنتدى و طالبة في كلية البيولوجيا ممكن تساعدوني في الحصول على دروس السنة الاولى ليسانس و شكرا لكم مسبقا

[عصفورة المنتدى]

شكرا على المعلومات ممكن تساعديني في ايحاد مواضيع و دروس السنة الاولى

[mimi dekkiche]

سلام اختي شكرا على التوضيحات.اذا كان في الامكان انا اريد دروس 2eme semester

[جوهرة القصر-47]

السلام عليكم

بارك الله فيكم

أنا أيضا سنة أولى بيولوجي بغرداية

بليز أختي أريد أن أسأل عن البحوث هل قمتم بإعدادها؟في أي مادة ؟


وجزاك الله ألف خير

بالمناسبة ,عدنا مادة Technique de communication et d'expression =français

مكان مادة méthode ....

[عبد السلام سعاد]

شكراااااا على المعلوووووووومات القيمة والرائعة اخت الكريمة عطر الجنة...ممكن نعرف اختصاصك؟؟؟؟بماانك سنة ثالثة

[عبد السلام سعاد]

لدي اشكالية في chimie organique لو تساعدينا من فضلك بوضع تمارين او اختبارات

[khalilbadri]

بوركت اخي على الطرح الرائع

[وصـمـة ريــح]

واش رايك في تخصص qualité et sécurité alimentaire

[saber saoui]

ارجو المعذرة صديقتي عاشقة عطر الجنة في مجال أ عرف في أي جامعة تدرسين ؟؟؟؟؟؟؟؟

[isra 23]

حبيت نسقسيك ... القرايية بالفرونسي فالبيولوجي صعيبة ؟ انا المستوايا فالفرونسي متوسط و خايف ما نفهم والو لكان عندك نصيحة نحسن باها مستوايا و جزاك الله خيرا

[jiji96]

انا حمد لله ديت الباك ودرت بيولوجيا فيسكيكدة بصح راني خايف من الفيزياء والرياضيات مستواي فيهم متوسط ... عاونوني ساهلين ولا واعرة قرايتهم? والفرننسية ايضا كيفاه ??????

[jojo_sat]

السلام عليكم
انا معاكم من بسكرة ديت الباك ب 12.40 عطاولي بيولوجيا راني راضية بيها نتمنى تكون قرايتها ساهلة و مشوقة و ربي يوفقنا لبنات

[الطاهرة]

اختي الله يجآزيكـ

على هذآ الموضوع

انــآ عطآوني بيولوجــي مي ماني فاهمة وآلــ,و ورآني ناوية نعاود البكالوريا كحرة بدون تجمييييد العام قوليلي اختي نقدر نوفق بييين الدراستييين

ممكن تقوليلي هل البرآمج مكثفة وحدثيني ايضآ عن الامتحآنــآت والعطل الله يخلييييك اختي

[روح الامل 1]

اختي انا انتقلت للسنة ثانية اريد ان استفسر عن التسجيلات و تجديد الملفات
و هل التسجيلات بالنسبة للسنة ثانية تكون مع الطلبة الجدد او مع الدخول الجامعي و جزاك الله كل خير

[ميرا97]

السلام عليكم
انا معاكم من بسكرة ديت الباك ب 12.40 عطاولي بيولوجيا راني راضية بيها نتمنى تكون قرايتها ساهلة و مشوقة و ربي يوفقنا لبنات


حتى انا بعثوني بيولوجيا اكيد قرايتها مشوقة جدا
تشرفت بك اختي
انا اسمي اميرة من ولاية ميلة
وشاسمك ان شاء الله تقبلي صداقتي باه نعاونو بعضانا ان شاء الله

[ميرا97]

حبيت نسقسيك ... القرايية بالفرونسي فالبيولوجي صعيبة ؟ انا المستوايا فالفرونسي متوسط و خايف ما نفهم والو لكان عندك نصيحة نحسن باها مستوايا و جزاك الله خيرا

رانا كامل ضعاف في الفرونسي قالولي الفرونسي تاعها ساهلة خلاص
رانا هنا باه نعاونو بعضانا

[حجاج بن يوسف]

السلام عليكم ورحمة الله وبركاته من يدرس منكم في جامعة سطيف بيولوجيا هل الدراسة سهلة او صعيبة

[algortimtam]

dites moi ce que vous allez faire avec la biologie une fois les etudes terminés

[algortimtam]

va changer de branche avant que ce soit trop tard

[باحلي]

من عنده معلومات حول تخصص science alimentation ^ جامعة الشلف الرجاء افيدونا