إنصحوني في وجه الله

[مشكلتي]

السلام عليكم

أنا بنت تعرفت على شاب في موقع للزواج ، هو يسكن في ولاية داخلية بعيدة على ولايتي و في نفس الوقت هويعمل في ولاية أخرى لكن جنب ولايته ، المهم قالي أن أمه متوفية و أبوه عاود تزوج ، يعني عايش مع أبوه و إخوته و زوجة أبوه في بيت واحد ، و حسب ماقالي أنه ناوي يسكن وحده ماشي مع عائلته .
بصح أنا راني نخمم كيفاش تجي زوجة أبوه تخطبني ؟ مدخلتليش في راسي ، و كدلك أمر راه محيرني لي هو أبوه مين عاود الزواج ، يعني تعدد الزواج ساهل عندهم ، و راني خايفة من البعد و منتأقلمش ، و مرات نقول منتقلقش هذا زواج ماشي لعب ، يمكن يجيني مكتوب أحسن .

[مواطنة]

السلام عليكم
تفكيرك سليم قد ما يكون الراجل بعيد قد ما يكون صعيب التعرف على اخلاقو و دينو وعائلتو و بما ان مقر سكنه بعيد عنكم و انت والفتي مكان لي زدتي فيه ما ديريش لي ضري نفسك بيه
واش رايحة تستفادي ؟ تبعدي على داركم و تبدلي كل شي في حياتك تحبيه من اجل راجل من العالم الافتراضي صح فيه ناس صادقين لكن العلم الافتراضي يخبي اشياااااااء
اختي لوجه الله انصحك ان تقطعي الاتصال لان بدايتك في طريقة الزواج لم تكن مستقيمة وانت ادرى ولا تلتفتي لا للتهديدات ولا لاي شيء المهم انت قرري و اختاري لنفسك المصون لي ليق بيك ماشي اي واحد المهم راجل
اتمنى لك زوجا صالحا عاجلا غير اجلا يا رب كيما يحب خاطرك
الله الرزاق مهما كان السن

["راجية الجنة"]

سلام عليكم

والله يا مواقع الزواج

ننصحك اخطيك

[عائشة عطر الجنة]

السلام عليكم ورحمةالله

اولا انا ساعطيك جوابا لتساؤلاتك

ادا جات مرةباباه تخطب هدا ما فيها والو مرت باباه في عوض يماه هدا شي طبيعي

اما ابوه عاود زواج نتيقلتي يماه ماتت فاكيد باباه يزوج هدا شرع الله

اما من ناحية انو بعيد والله انت ادرى ادا كنت قادرة تبعدي ولا لا

فكري مليا زواج ليلة تدبيروا عام وصلي صلاة الاستخارة وربي يوفقك

[بسمة حيا]

ربي يسر لك امرك ادا كان خير انشالله يكون من نصيبك

[رجوت عفوك]

السلام عليكم

أنا بنت تعرفت على شاب في موقع للزواج ، هو يسكن في ولاية داخلية بعيدة على ولايتي و في نفس الوقت هويعمل في ولاية أخرى لكن جنب ولايته ، المهم قالي أن أمه متوفية و أبوه عاود تزوج ، يعني عايش مع أبوه و إخوته و زوجة أبوه في بيت واحد ، و حسب ماقالي أنه ناوي يسكن وحده ماشي مع عائلته .
بصح أنا راني نخمم كيفاش تجي زوجة أبوه تخطبني ؟ مدخلتليش في راسي ، و كدلك أمر راه محيرني لي هو أبوه مين عاود الزواج ، يعني تعدد الزواج ساهل عندهم ، و راني خايفة من البعد و منتأقلمش ، و مرات نقول منتقلقش هذا زواج ماشي لعب ، يمكن يجيني مكتوب أحسن .


اسمحيلي اختي .. لكن قريت مشكلة 1000 خطرة و مافهمتش واراهي المشكة ..

لا علينا ..

اولا : زوجة ابوه و علاش ماتجيش تخطبك و ين راه المشكل ؟ و ماشي شرط هي اللي تجي تخطبك تقدر تكون جدته . عمته خالته .. هادي في حال اذا ماكانش متفاهم معاها ..

ثانيا : الوالد نتاعو عاود الزواج بعد موت الوالدة و هادا حقو و حتى إذا كان متزوج ب 4 ياخي ماشي حرام و ماشي شرط وليدو يكون كيما هو ..

ثالثا : نتي إن شاء الله بعد الزواج ياخي راح تسكني و حدك ..

و في الأخير : عليك بالإستخارة

و إن شاء الله ربي يهديك إلا مافيه خير لك.

[مناد بوفلجة]

السلام عليكم

أنا بنت تعرفت على شاب في موقع للزواج ، هو يسكن في ولاية داخلية بعيدة على ولايتي و في نفس الوقت هويعمل في ولاية أخرى لكن جنب ولايته ، المهم قالي أن أمه متوفية و أبوه عاود تزوج ، يعني عايش مع أبوه و إخوته و زوجة أبوه في بيت واحد ، و حسب ماقالي أنه ناوي يسكن وحده ماشي مع عائلته .
بصح أنا راني نخمم كيفاش تجي زوجة أبوه تخطبني ؟ مدخلتليش في راسي ، و كدلك أمر راه محيرني لي هو أبوه مين عاود الزواج ، يعني تعدد الزواج ساهل عندهم ، و راني خايفة من البعد و منتأقلمش ، و مرات نقول منتقلقش هذا زواج ماشي لعب ، يمكن يجيني مكتوب أحسن .


تخافي يكون تعدد الزوجات وراثي عندهم

[صالح القسنطيني]

السلام عليكم

حديثك معه حرام و ما بني على باطل أوصل للباطل

و كذلك كيف ستعرفون دينه و خلقه

أنا في نظري دائما أقول الرجل الذي يبحث عن امرأة في النت ذلك الرجل الذي له تاريخ أسود في مجتمعه و يخاف أن يأخد القريبة خوفا من السؤال عنه و لهذا يبحث عن البعيدة حتى يشق عليهم السؤال عنه و معرفة حالته

ببساطة تامة توبي إلى ربك بقطع هذه العلاقة فماهكذا يأتى الزواج

و صدقا أقولها لك ستندمين يوم لا ينفعك الندم

آآآو أفيقي لو كان ( وليد فميليا) ميحتاجش نت باه يلقا وحدة

[ريتان]

ومن يتقى الله يجعل له مخرج


اختي حياتك الزوجية ابنيها ع اساس صحيح

واستخيري اذا فيه الخير ربي يجمعك والا ربي يعضوك مخير

[~~ أغيلاس ~~]

يا عين يا ليل،

يعني حكيتي معاه ايام و ليالي،

و كيما راه ناوي يجي يخطب راكي تخممي تسناي مكتوب آخر مليح،

زيدي جربي علاقة محرمة أخرى معا شاب آخر ربما يكون هو مكتوبك،

و لما ينوي يخطبك خممي مليح لعله مكتوبك معا آخر أحسن منو،

يخي حالة يخي،

تخوني في والديك و خاوتك،

توبي لربي و اخطيك من العلاقات المحرمة .

[رانيا3]

أختي الزواج ماش حاجة ساهلة
راهو شريك حياتك وباب ولادك و تكملي معاه عمرك كامل
خمي مليح
لي نعرفوهم و جاونا من الباب و تسمعي عليهم لعجب
وين يا تعرفتي عليه من موقع زواج
صح يمكن يكو نصالح لكن الحدر واجب و اهربي من التعرف على شريك الحياة بهته الطريقة
و ربي يوفقك ان شاء الله و يرزقك زوج صاالح

[L'absurde]

ملاحظة بسيطة, نقول لوجه الله و ليس في وجه

و الله أعلم

[قَاسِمٌ.قَاسِم]

نصيحة لوجه الله
عليك بالإبتعاد عن هذه المواقع المريبة والمشبوهة
ولا تصدّقي أيا كان فيما يقول
عليك بالتحرّي بمساعدة إخوتك وأهلك
وإن كان هذا الرجل مستقيما يرضى دينه وخلقه
فابشري ولا تخافي فالله معك
والسلام..

[razika zouzou]

صلي صلاة الاستخارة
وربي يسهل انشاء الله

[توماضر]

الاستخارة ثم الاستخارة يااختي

[محمد مصطفى الحبيب]

منذ متى كانت النار تمهد للاخضرار؟؟؟؟؟ أرجو أن تفهمِ قصدي

[بيت النّسيم]

السلام عليكم

أنا بنت تعرفت على شاب في موقع للزواج ، هو يسكن في ولاية داخلية بعيدة على ولايتي و في نفس الوقت هويعمل في ولاية أخرى لكن جنب ولايته ، المهم قالي أن أمه متوفية و أبوه عاود تزوج ، يعني عايش مع أبوه و إخوته و زوجة أبوه في بيت واحد ، و حسب ماقالي أنه ناوي يسكن وحده ماشي مع عائلته .
بصح أنا راني نخمم كيفاش تجي زوجة أبوه تخطبني ؟ مدخلتليش في راسي ، و كدلك أمر راه محيرني لي هو أبوه مين عاود الزواج ، يعني تعدد الزواج ساهل عندهم ، و راني خايفة من البعد و منتأقلمش ، و مرات نقول منتقلقش هذا زواج ماشي لعب ، يمكن يجيني مكتوب أحسن .


و عليكم السّلام و رحمة الله و بركاته

نصيحتي لك يا أختي أن تبتعدي عن الأنترنت و مصائبه ,, فالزواج لا يأتي بهذه الطريقة
ثم كيف ستعرفين أنه إنسان صالح ؟؟
أليس أهم شيء في شريك الحياة هو الدّين و الأخلاق؟
و كيف ستعلمين أنه صادق أساسا
هناك من يدخل في مواقع الزّواج و غرضه المخابرات أو التّبشير بالنّصرانية
و هناك من يستدرجن الفتيات لصيد صورهن أو لإختراق أجهزتهن لغرض لا يعلمه إلا الله
و دائما ما يستهدفون الفتيات المسلمات
أنصحك يا عزيزتي بالمحافظة على نفسك من الذّئاب, أقول الذّئاب لأنه متخفي وراء شاشة لا تعلمين من هو

إتّق الله يا أختي الفاضلة و توبي إليه و اكثري من الدّعاء ان يرزقك الله زوجا صالحا
و تقرّبي من الله تعالى و اتركي كل طريق فيه الشّبهات حيث انه يؤدّي للمفاسد العظيمة و المهالك التّي تتضرر منها الا المرأة في الغالب

[hakeem]

أنصحه (هو) بأن يبتعد عنك لانك ممن يعقدون الامور و يخلقون العقبات و أنت ربي يكون في عونك و يهديك فإذا راكي تشوفي فيه أوليد فاميليا فعليك تحمل كل العقبات و محاولة الإرتقاء لما هو أفضل سواء مع هذا الشاب أو غيره و لا تنتظري ان يأتيك فارس من السماء برداء أبيض و فرس أبيض

[sali-sali]

السلام عليكم
وما الدي يؤكد ان كل ماقاله صحيح

اخطيك من المواقع هدي

[زينة نور]

سلالالالالام
الاشياء الي خايفة منهم كامل معندهمش معنى
الاب عاود الزواج خاطر الام متوفية هذا شيئ طبيعي انت خايفة من تعدد الزواج عندهم هذا خطأ مكيش رايحة تتنبئي بالمستقبل
ممكن البعد هو الي يخوف
انا ضد طريقة التعرف هاذي فقط
صلي صلاة الاستخارة وربي يسهلك أمورك يارب

[سارة البوسعادية]

انتي استنتجتي من زواج ابوه الي بعد ماتوفت زوجتو انو عندهم تعدد الزوجات في حين
ما استنتجتي والو في راجل يتعرف ويخطب عن طريق مواقع التواصل ؟؟؟؟
يا اختي رانا مسلمين اولا وعرب ثانيا من ذا الرجل الذي يرضى ان يتزوج فتاة مسجلة في موقع زواج
قد تكون تكلمت وهاتفت مع اكثر من رجل والثقة بعد الزواج اذا كان كاين طبعا زواج كيف تكون؟؟؟
وكي تسقسيه مرت باباه الي راكي متحشمة منها تقلو وين عرفتها واهلو وش يقلهم بار انترنت؟؟؟؟

[علياء]

وين المشكل كي تجي مرت باباه تخطبك؟ يخي عبد كي لعباد قادرة نتي تموتي وتجي في بلاصتك وحدة وتروح تخطب لولدك بلاك مايلقى حتى واحد غيرها؟


هنا مش مشكل


المشكل لكبير تقولي موقع زواااااااااااج :mh31:



برا كامل مالقاش وحدة؟ يشوف ويسمع بعينو لكن عن طريق شااشة


وزيد تقول باين زواج عندهم نورمال كي يدير تعدد الزوجات تعدد الزوجات مش وراثي الراجل كي تضربلو في دماغو يتزوج على مرتو يتزوج ماعلابالو بملكة جمال والا بسلطانة يتزوج واضربي راسك يامرا ع الحيط





انت اصلا مترددة والي متردد ماكه يشقي روحو ويخمم