شوفوا استعمالات البورتابل عندنا حاجة فور.........

[خلود الجزائرية]

السلام عليكم
ايه البورتابل في هدا الوقت شوفوا واش نديروا بيه
-البورتابل في المدارس للكوبياج كوبي بليميساج او لي كوتار و اعلم بلي راك خادم في هديك المادة الكوبياج نورمال
-البورتابل في المساجد انت تصلي مركز حتى تسمع الغناء و غناء كي داير يا اما نانسي عجرم و لا هيفا و لا هواري الدوفان..... نورمال تقول راك في عرس و لا حفلة ايوا يحرم الصلاة على نفسه و على اخوته في المسجد نرمالمو من يدخل للجامع يطفيه لا عادي لكان يروح للحمام ميدخلهش معاه يخاف عليه من الماء لكن في بيت ربي ميخافش من الله و ايضا في المقبرة
-البورتابل في الطريق راه راكب سيارة يحكي بلبورتابل نورمال ميركزش في سياقته قدامه دودان ميشوفهاش و كي يشوف الشرطي يخفيه و كي يفوت يعاود يجبده و يكمل حكايته اه و لكان يكون يسوق و يخلعوه بخبر سيء كوفاة او شيء اخر واش يصراله
و ايضا يستعملوا البورتابل لاشياء اخرى كتصوير الفتيات و غير دلك
و لي عنده استعمال اخر لم ادكره ليدكره
حنا دايما نستعمل التكنولوجيا في الجانب السلبي فقط
هدي حالتنا الله يهدينا

[اليتيمة العصماء]

فعلا اصبح الموبايل جزء لا يتجزا من حياة الفرد يستعمله بكل من سلبياته و ايجابيته . الله يهدينا فقط .

[messaoud17]

وبعض الناس موسوسة ، دايرين زوج ولا ثلاث بورطابلات ...

وإذا لقيت واحد حاير ، أعرف باللي الريزو ماكانش...

وزيد وزيد

ربي يجيب الخير


شكرا على الموضوع

[حلاوة_87]

شكرا على الموضوع و اغرب استعمال للنميمة يتصل من هاتف باه يسمعك الغير وش راهي تحكي عليك
ربي يهدينا

[بورمله]

السلام عليكم ورحمة الله وبركاته

كل جديد ليه بنة ، وقد سمعت من احد الشيوخ انه سمع نانسى عجرم من هاتف احدهم وهو فى الطواف اللهم نجينا يارب،قريب ان شاء الله يوصل وقت الشريحة التى تركب فى المخ مباشرة ونتهناو من هذه المشاكل .
وحتى الى راه داير سنونرى تكبير ماهو فى خير ، مره عندنا فى المسجد ، واحد داير سنرى اذان ، ورن هاتفه ، كل الصفوف الى حداه والى وراه ركعوا ، كى قال هاتفوا الله اكبر ، مع انه فى كل الاماكن هناك لافته تقول اقطع اتصالك مع المخلوق ، وابدااتصالك مع الخالق ، والامام قبل ما يقييم الصلاه يقول اطفؤا الهواتف لكن لا حياة لمن تنادى ، اللهم اهدينا واهدى امة محمد صلى الله عليه وسلم
تحيتى

[مختار الامين]

ههههههههههههههه
الهاتف النقال اصبح نقمة وليس نعمة على المجتمع الجزائري

[مارس]

اصبح عرض المسلم ينتهك فكلنا يعلم ما يصور في البورطابلات من افعال يسيل له العرق حياء فهناك اناس لهم هواية جمع الفضائح و المباهات بالجديد و الإنتاج المحلي هو المطلوب اكثر اللهماحفض اولادنا واولاد المسلمين

[dafyaaz]

البورتابل راه داير فينا حالة تشوف طفل عاد عنده عامين بباه شاريله بورتابل باه يلعب des jeux

[salma02]

واش رايك في واحد لصق قطعة نقدية تع 100دج على الارض بالغراء la colle rapide
و قعد شوية بعيد
و ناس الي يجي يحب يرفد هذوك القطع و هو يصور فيهم
و يبعث فيهم من بورتابل لبورتابل
و انا شافتو عيني
كنت هاطة في الدرج نلقاه يضحك و يقلوا شوف شوف راهي غير معاهم على مرا كبيرة

هذي خدمة شياطين و ما يديروهاش

[nacerd09]

واش رايك في واحد لصق قطعة نقدية تع 100دج على الارض بالغراء la colle rapide
و قعد شوية بعيد
و ناس الي يجي يحب يرفد هذوك القطع و هو يصور فيهم
و يبعث فيهم من بورتابل لبورتابل
و انا شافتو عيني
كنت هاطة في الدرج نلقاه يضحك و يقلوا شوف شوف راهي غير معاهم على مرا كبيرة

هذي خدمة شياطين و ما يديروهاش


ههههههههههههههههههههههه

شكرا

[ع.جمال]

السلام عليكم.
ما تخافيش ما خفي كان أعظم.الله يستر.

[س..ع..ي..د]

حنا لعرب ماليناش التكنولوجيا كل شئ مفيد نخترعولو سلبيات

وهذا لكلام ماينطبقش غير علي البورتابل بل علي التكنولوجيا بصفة عامة

[بنت المحمدية]

المشكلة في الهاتف النقال البونيس الي راهم يعطوهلنا
كيما مين راهم دايريين تخلص 10000 وتهدر باطل أمالا تصيبهم كامل يمشو ويقولو في الشعر ويقلدو في المسلسلات التركية
والمشكل تصيبه ماشي خدام ويدبر باه يصرف على تعبئة هاتفه بحجة أنه لا يستطيع العيش بدون.............
ياربي اهدينا

[أمـ جيجل ــال]

السلام عليكم ورحمة الله وبركاته :

والله ياختي أنا البارح مارقدتش قبالا على 12 تاع الليل فجعني البورطابل شفت شكون لقيت واحد فارغ شغل مايخافش ربي حاب يعدي الوقت قفلت في وجهو ظل الليل طول من وقت لوقت وهو يعيط وكلما يديني النعاس يفجعني من جديد قوليلي هاذو عباد ولا واش ؟؟؟؟؟؟؟؟؟؟؟؟؟؟

[كمال الاسلام]

وعليكم السلام


عندما تتحول النعمة الى نقمة

وان لم تستحي ففعل ما شئة

هذا حال شبابنا اليوم اختي خلود الا من رحم ربي

نسأل الله العافية


والحمد لله على نعمه

[prophetlover]

بكري كان الاب كي يروح يخدم عمبالهم راه فلخدمة مايهدروش عليه حتان يجي العشوة يروح ودك
كيعاد عندي البورطابل نهار طول وهوما يعيطو وين راك واش راك كي راك؟؟؟؟؟؟؟؟؟
ولا لقاوه مسكر زاااااااااااقاااااااااااااات يبداو يبكو وينوحو ويقولو كاش ماسرالو ههههههههههههههههههه

صح سلبياتو اكثر من ايجابياتو

[messaoud17]

السلام عليكم ورحمة الله وبركاته :

والله ياختي أنا البارح مارقدتش قبالا على 12 تاع الليل فجعني البورطابل شفت شكون لقيت واحد فارغ شغل مايخافش ربي حاب يعدي الوقت قفلت في وجهو ظل الليل طول من وقت لوقت وهو يعيط وكلما يديني النعاس يفجعني من جديد قوليلي هاذو عباد ولا واش ؟؟؟؟؟؟؟؟؟؟؟؟؟؟

يا أختي أمال ، علميا البورطابل ما شي مليح اتخليه قريب ليك خاصة أثناء النوم ، طفيه و خليه بعيد عنك

صحتك أولى....

ربي يجيب الخير

[خلود الجزائرية]

شكرا لكم على المرور الكريم بارك الله فيكم