لكل من شاهد نتائج مسابقات التوظيف الخاصة بأساتذة التعليم

[غصن زيتون]

لكل من شاهد نتائج مسابقات التوظيف الخاصة بأساتذة التعليم يلاحظ انه الاولوية لحاملي الماستر ،حيث انه في بعض التخصصات تجد ان الناجح الاول حامل لشهادة الماستر لديه معدل 9 والحامل للمرتبة الاولى في الترتيب الخاص بالنظام الكلاسيكي لديه معدل 14.5 و هو غير ناجح ،و السن حدث و لا حرج يعني اجحاف كبير في حق اصحاب النظام الكلاسيكي .
" يعني افهم روحك ما نحتاجوكش و ما تشاركش في الطور الثانوي خاصة للتخصصات التي ليس لديها حق في باقي الاطوار كحاملي شهادة ليسانس اقتصاد و المهندسين "
لكل من هو ضد هذا الكلام ،سيقول قانون و ما الى ذلك ، افرض نفسك انك حامل لشهادة ليسانس كلاسيك ،هل ستكون راضٍ عن هذا الاجحاف ؟
مثال لتقريب الفكرة :
[/URL]

منقول[URL]http://demsila-dz.com/images/dem01/pv%203ycee%20eco.pdf (http://demsila-dz.com/images/dem01/pv%203ycee%20eco.pdf)

[mowakara]

عفوا منك أخي فقط لتصحيح ما ذكرته

الأمر لا علاقة له بالنظام الكلاسيكي أو غيره، فشهادة مهندس دولة مقبولة في الثانوي، هي و شهادة الماستر، و هو لنفس السبب الذي ذكرته، أن حاملي هاتين الشهادتين لا يمكنهم المشاركة في طوري الابتدائي والمتوسط على عكس حاملي الليسانس.


تقبل مروري

[غصن زيتون]

عفوا منك أخي فقط لتصحيح ما ذكرته

الأمر لا علاقة له بالنظام الكلاسيكي أو غيره، فشهادة مهندس دولة مقبولة في الثانوي، هي و شهادة الماستر، و هو لنفس السبب الذي ذكرته، أن حاملي هاتين الشهادتين لا يمكنهم المشاركة في طوري الابتدائي والمتوسط على عكس حاملي الليسانس.


تقبل مروري

اختي راني نقصد في النتائج

[الصديق الذهبي]

هذه هي العدالة


الثانوي الأولوية للماستر ومهندس دولة


الإكمالي والابتدائي الأولوية لليسانس


أم تريدون الأولوية لكم وحدكم

[lotfi1987]

الله غالب ياخويا راك تهدر مع ناس لا علاقة انت تقوللهم بلي جماعة ليسانس اقتصاد ماعندهمش الحق يشاركوا في الابتدائي والمتوسط وهوما يقولولك تريدون الاولوية ليكم وحدكم
ربي يكون في عونكم خويا ويجيبلكم رزق حلال

[حسني كاميكاس]

إخواني أظن أنهم رموكم بالداء وانسلوا من باب قول القائل ( رمتني بدائها وانسلت ..) المشكل ماهو في الماستر ولا في الكلاسيكي ... الأصل أنهم كامل عندهم حق فالماستر له نقاط على درجته ... والكلاسيكي أيضا له نقاط تحسب على درجته ... ثم هناك نقاط أخرى كالأقدمية والخبرة ووووووو.... شوف خويا : لو كان كاين عدل ما تلقاش متخرج عنده شهادة من وقت سفينة سيدنا نوح عليه السلام ..وعمل في إطار العقود إلي راهم يغيطوا بيها وووووو ... ثم تنجح وحدة ( أسمحولي خواتاتي راهو مثال فقط) ثم ينجح أو تنجح وحدة زايدة مع أغنية بوس الواوا ... (أسمحولي خاوتي ) ... ماعليهش إذا كان الماستر تحسب له نقاطه وعنده خبرة وعنده ما يستحق به النجاح والله غير مبروك عليه شيء عادي جدا ... والحسد راهو شين في الدين والدنيا .... لكن سياسة التخلاط والله ماهي مليحة ... ديروا بارام واضح ومسطر ومدروس الناس كامل ترتاح ... صدقوني يا خاوتي رانا نحبوا بلادنا وهاذ الناس بفعالهم هادي راهم باغيينا نكرهو بلادنا ... لكن نقولوا احنا نحب بلادنا ان شاء الله لكن نكرهو الشمايت الخلاطين بيض فرانسا... ألف مبروك لكل الفائزين وربي يوفقكم ... وادعولي ربي يفتح عليا في مسابقة أخرى ( التي اصبحت حلقاتها مسلسل مكسيكي كل حلقة بعام وقيس عليها ) وعلى جميع خاوتي الشباب .. والمعذرة على الإطالة ... تحيا الجزائر

[mowakara]

الله غالب ياخويا راك تهدر مع ناس لا علاقة انت تقوللهم بلي جماعة ليسانس اقتصاد ماعندهمش الحق يشاركوا في الابتدائي والمتوسط وهوما يقولولك تريدون الاولوية ليكم وحدكم
ربي يكون في عونكم خويا ويجيبلكم رزق حلال

حيثية المهندس قد أجبنا عنها أما في ما يخص ليسانس اقتصاد ألا تظنون أن هناك قطاعات كثيرة تطلب هاته الشهادة، هي و العلوم التجارية و الحقوق، فهي مطلوبة في كافة الادارات، على عكس الشهادات التعليمية مثل لغة عربية، فرنسية... فلديهم مسابقة واحدة يجتازونها، الخاصة بالتعليم وفقط

بالتوفيق

[أمير دي زاد]

حسب رأي المشكلة ليست في الشهادة ماستر لمد او ليسانس كلاسيك..........المشكلة الكبيرة هي هذه المعايير الظالمة كيفاه واحد تخرج 2012 مايقدرش ينجح غير لكن عندوا خبرة و تكوين مكمل و أقدمية حبينا نموت شيوخ قبل ما نخدموا و........... زيد المشكلة تاع الخدمة الوطنية اليس منطقي منح نقطة لمن له وضعية قانونية مثلا 02 لأداء الخدمة او الاعفاء 1.5 للتأجيل أو الارجاء

[حسني كاميكاس]

حسب رأي المشكلة ليست في الشهادة ماستر لمد او ليسانس كلاسيك..........المشكلة الكبيرة هي هذه المعايير الظالمة كيفاه واحد تخرج 2012 مايقدرش ينجح غير لكن عندوا خبرة و تكوين مكمل و أقدمية حبينا نموت شيوخ قبل ما نخدموا و........... زيد المشكلة تاع الخدمة الوطنية اليس منطقي منح نقطة لمن له وضعية قانونية مثلا 02 لأداء الخدمة او الاعفاء 1.5 للتأجيل أو الارجاء
ياو المشكل في هذه الماعايير ... وللاتلنا معايير ( معايرة) والله اذا حبو العدل والله غير يعدلوا ... والله كل واحد يدي حقه لا يظلم شيء ... لكن الله غالب ... يقوللك ديما في الروطار جات تعليمة ... وعلاش ماتجيش التعليمة آلافونس وتبين للناس مالهم وما عليهم ... بعدها إذا حبت المعزة تولد الله يسهل عليها ... هاذي هي الوزارة انتاعنا شكينالها بالعقم قالتلنا قداش عندكم طفل ... الله يهدينا للخير ... وما تتقلقوش خاوتي بزاف راهو السكر ولاتونسيون دايرين حالة ماتفروهاش في أعماركم ... ربما الخير راه ينتظر فيكم في أيام أخرى إن شاء الله ... قولوا للناجحين مبروك ... بلا تردد لأن الرجال رجال ....

[الصديق الذهبي]

الله غالب ياخويا راك تهدر مع ناس لا علاقة انت تقوللهم بلي جماعة ليسانس اقتصاد ماعندهمش الحق يشاركوا في الابتدائي والمتوسط وهوما يقولولك تريدون الاولوية ليكم وحدكم
ربي يكون في عونكم خويا ويجيبلكم رزق حلال

ليسانس اقتصاد عنده 1000 مسابقة فالعام


وهناك قطاعات كثيرة تطلب هذه الشهادة


لكن من يطلب ليسانس رياضيات أو لغة عربية ؟

[غصن زيتون]

هذه هي العدالة


الثانوي الأولوية للماستر ومهندس دولة


الإكمالي والابتدائي الأولوية لليسانس


أم تريدون الأولوية لكم وحدكم

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ياخي هذا مجرد نقاش فقط ولم اقل اننا نريد الاولوية وحدنا

[hana m]

او مايشوفو لعندو لا ليسانس كلاسيكي لا ماستار لا مهندس لعندو معريفة وكتاف يعدي ولو كان ماعندو ولا شهادة

[وصال سلام]

الحاجة اللي فرحتني انو هناك اكثر من 70 رجل ما قدرتش نحسبهم كاامل

بخصوص المعايير وغيرها رانا في ايدين جلادنا ماعندنا واش انديروا

وكيما قالو انتم عندكم الحق في حوايج اخرى

حنا لغات عندنا غير التعليم وبس
بصح لازم كل واحد يدي حقو