تسجيل الدخول

مشاهدة النسخة كاملة : 10 ايام من الاسهال ؟؟؟؟

fayza mbf
2013-09-02, 19:00
السلام عليكم

راني من حاجة لحاجة التربية صح اتعب
بنتي الي تبلغ شهر و نصف تاعني من اسهال مند 10 ايام و كرشها رغاوي ماشي حتى وسخ جاري وفيه كي زلال البيض:confused:
ديتها لطبيب اعاني سميكتة ندير نصفها في 60مل وتشربو طوال اليوم و املاح معدنية في لتر وصف من الماء درتلها هذو بعد يومين ديتها درلها كونترول قال راهي تزيد في الميزان مشاء الله عليها متخافيش درك تحبسلها
بصح راني في اليوم العاشر وتوسخ 6مرات بعد مكانت توسخ اكتر من 10 مرات
و درك عطالي تحاليل البول اكرمكم
درك مزال مخرجش تحاليل بصح التهاب المهبل يسبب الاسهال ؟؟؟؟
والي مرت على هذ التجربة تفيدني و توانسني سلام
fayza mbf
2013-09-03, 18:09
اين انتن يا حراير
touta2010
2013-09-03, 18:14
ربي يشافيها
الاسهال يسبب التهاب المهبل
طيبي الروز فالماء وصفيه واعطيها تشرب
متقطعيش الاملاح مفيدة
fayza mbf
2013-09-04, 16:41
ربي يشافيها
الاسهال يسبب التهاب المهبل
طيبي الروز فالماء وصفيه واعطيها تشرب
متقطعيش الاملاح مفيدة


شكررا على الرد بالنسبة لماء الروز بنتي في عمرها شهر ونصف يعني ميضرهاش و هل هو مجرب
touta2010
2013-09-04, 17:15
شكررا على الرد بالنسبة لماء الروز بنتي في عمرها شهر ونصف يعني ميضرهاش و هل هو مجرب

عفوا حبيبة ماء الروز مفيد للاسهال يكون خفيف شوية
ايمان2009
2013-09-06, 15:42
ربي يجعل الشفاء ان شاء الله شربيلها كيما قالت الاخت ماء الارز و ديري النشاء في الماء ومديلها تشربه ولكان ماش ترضع منك يعني درتيلها حليب صناعي النشاء في الحليب افضل و حاولي تعدلي غذاءك كلنها ترضع منك ماتاكليش المقلي والحار والمشروبات الغازية وماتنسايش الماء تاعها لازم المشري كيما نقولو ما سعيدة ولا غليلها الماء
ام نسمة
2013-09-06, 16:02
مرحبا
لا عزيزتي التهاب المهبل لا يسبب اسهال على الاطلاق
اما عن ماء الروز هو مجرب ومفيد لها جدا وان كنتي ترضعيها صدرك عسي انت واش راكي تاكلي اي حاج تاكليها تاثر على نوعية حليبك وبالتالي على الرضيعة وهذا امر اكيد اما ان كانت ترضع حليب اصطناعي فحاولي تغيريه لها
وماتخافيش مديلها ماء الروز انا وليدي التالي مسكين رضع اقل من شهر ونشفت من الحليب ورفض شرب الحليب الاصطناعي تخيلي غير ربي زاد لو في اجلو كامل درناه ما يعيش رجعت نوكلو العسل الحر والعجايز يخوفو فيا راح تقتليه راح تقتليه
قلتلهم خلوني يقتله العسل وما يقتلهش الجوع ووكلته على شهرين واليوم راه لاباس عليه وصحته مليحة وذكي وحيوي بزاف
رجعو هادوك العجايز يقزولولي غير ربي شاف فيه على خاطر العسل الحر يقتل الرضع
يعني حكيتلك باش تتشجعي وتعطيها ماء الروز وماتخافيش ماعليها والو ..........والاسهال كامل الذراري مرو بيه فقط تعاملي بحكمة وتوترك ايضا يغير نوعية حليبك ويضر الطفلة
اتمنى ان اكون افدتك وقبل ان انسى التهاب المهبل استعملي كريم اوكسي بلاستين هي مفيد جدا
fayza mbf
2013-09-06, 18:01
شكراا لكن على الرد
درتلها تحاليل خرجو ملاح
قالي طبيب مدام مراهيش تنقص في الميزان منخافوش يعني مع مرور الوقت راح تزول
بصح مسكينة تتعصر وتولي حمرا ودير لحس كي توسخ حتى قلبي يتقطع كي نسمع هكدا
المهم شكررااا لكن لربي يخليكم
ambrosia
2013-09-06, 18:12
انا كيما راني نشوف بنتك عندها حساسية لللاكتوز يعني الحليب لي قاعد يسسببلها الاسهال و ما دام ما غيرتيش الحليب راح تبقى تعاني لازم ليها حليب خاص يوصفه الطبيب و ربي هو الشافي.
(( هبة الرحمن ))
2013-09-06, 18:15
عصير الجزر الطبيعي
fayza mbf
2013-09-06, 18:19
بنتي تشرب من عندي وهي تبلغ شهر ونصف وكس سقسيت طبيب على الما تاع الروز و الزرودية قالي مزال صغيرة
خفت نديرهولها نزيد نحصل
ايمان2009
2013-09-07, 08:22
يا أختي كي يعود غير الماء تاع الروز ماتخافيش منو او كيما التيزانة و لكان ماكش تديريلها في التيزانة ديريلها خاصة الحلبة وحبة حلاوة وزريعة البسباس والكمون ملاح بزاف للرضع وربي يشفيها
biti
2013-09-07, 13:23
جربي الكروية توقف الاسهال بسرعة
حواء الجزائر
2013-09-07, 13:37
ربى يشافيها مدام راهى ترضع طبيعى اكيد كاش حاجة راكى تاكليها اثرت عليها
اما الوجع راهو بسبب الغزات وسببها الحليب ولو حليب الام اعطيها زريعة البسباس توقف الاوجاع والكروية وحبيبات قليلة من الحلبة تصفى ولكن ما تطبخيش غلى الماء مليح ورميهم وطفى وصفى وشربيها
واياك تنشفيها من الماء اعطى للطفلة الماء تشرب خاصة مع السخانة
وانت ما تقلقيش روحك الصغير هدا حالو ما يكبرو حتى نشببو
ربى يحفظهاليك
ام ايمان16
2013-09-07, 17:03
ربي يشافيها
c_souha
2013-09-16, 09:38
salem ana sratli m3a bni eda kanet terda3 menek milh hawli mataklich l fakouss lakhyar walbentek dirilha ma ente3 zrodia (haba zrodia kat3iha wa ghaliha fi 500ml ma m3a chwia melh wa sokor wa men ba3dsafihwacharbihoulha comme tzane wa eda kounti tcharbilha hlib les boite habssihoulha hatene tebra bien sur a3tilha lahlibe enta3ek wa enchallah tebralek fi assre3 waKt
ندى خليل
2013-09-16, 10:17
اختي العزيزة بنتك مادم تبكي و تحمار كي تجي توسّخ راي عندها شقيقة لتحت في المخرج نتاعها و الإسهال هو اللي يسبب الشقيقة انا ابني صرالو كيما هكّا .شوفيلها كانش عجوزة تعرف تداوي بالأعشاب كيما درت مع ولدي و رتاح الحمد لله
ديريلها الغرور و هو ماء نتاع الأعشاب : تاخذي كاس ماء و تحطي فيه شوي شيح + ورق حناء + كمون + قشرة الرمان + قطعة بصل + حبة حلاوة و اتركي الماء يتشرب الأعشاب حتى يتلوّن و من بعّد شربيه لبنتك على فترات و ربي يشفيها انشاء الله
ندى خليل
2013-09-16, 10:39
اختي كي عادت بنتك تتوجع لمّا تمسخ و تحمار معناها عندها شقيقة في المخرج نتاعها و هذا بسبب الإسهال . اديها عند عجوزة تعرف تداوي بالأعشاب انا درت هكّا مع ولدي و رتاح الحمد لله