فضفضة الذهب

[مشكلتي]

السلام عليكم
مشكلتي انا غريبة وحبيت نفضفض معاكم
انا نخدم عقود وراكم عارفين خلاص العقود مليون ونص
انا حبيت ندير ذهب بصح عارفين وشحال راه غالي على قد ماحاولت ندير ذهب ماقدرتش خصوصا بعد ماعرفت انو الفاصيلتي التقسيط يعني
حرام
كل صحاباتي دارو ذهب وانا والو عندي غير مناقش جاوني كادو وشكلهم عادي وخاتم شريتو اوكازيونة
انا كبيرة 29سنة وماني دايروالو
مرات نقول نشري بالتقسيط وربي يغفرلي بصح مانقدرش
ومرات نقول نجمل دراهمي ونشري بيهم لقيت انو غير باش نشري خاتم لازملي خلاص شهرين او اكثر وانا عندي متطلبات وشوي نحب نعاون دارنا في تجهيزات البيت
ربي يفرج علينا يارب ويرخس سعر الذهب ياااااااااااااااارب

[أمة الله 12]

كاين فكرة

منين تخلصي اشري لويز و خبيه, و سقسي ع ذهاب يخدم مليح كل ما تلمي برشى لويزات يعاود يخدملك اللويز هذاك

و لا بدليه,

و الله أعلم

[soumia.1996]

الله يفرجها عليك أختي الفاضلة و تذكري من ترك شيئا لله عوضه الله خيرا منه

[همسات صارخة]

اختي الذهب ليس فرضا لكن للاسف مجتمعنا يجعله كذلك .............

[حميد.ص]

ربي يفرج عليك اختي ....شوفي للي اسوء منك كاين بنات مايخدموش خلاص و تزوجو

[عبد الله 22]

الله يغنيك بلحلال

[مواطنة]

اختي ما تقلقيش روحك على الذهب
29سنة مازالك صغيرة و اذا حبيتي تعيشي مهنية ما تقارنيش روحك بلي خير منك لانه سوف تتعبين
تقدري تشري الذهب مستعمل من اشخاص ثقة او لويزات اشياء صغيرة من بعد كي تجمعي وزن معين حاولي تلقاي صائغ يخدم ذهب بالغرام يعني من ذهبك يصنعلك موديل لي تخيريه و تخلصيه بالطبع حق كل غرام
اختي نصيحتي ليك اذا حابة تكسبي ذهب عليك بكسب رضا الرحمان بالتزام احكام الشرع لان ماشي معقول باش يقولو عليك عندك او ترضي نفسك تغضبي الله تعالى .لا تتوقفي عن دعمك المالي للعائلة فان رضا الوالدان لا يقدر بثمن .
اسأل الله العظيم ان يرزقك من حيث لا تعلمين ولا تحتسبين

[s@r@h11]

ربي يكون في العون

[imane-2020]

كامل نعانيو اختي من هالشيء
اختي شوفي كاش واحد يخاف ربي وما يتعاملش بالتقسيط كل ما تسلكي تحطي عندو شووية وكي يتلم مبلغ مليح تختاري الحاجة لي عجباتك وإلا حطي عند انسان ثقة دراهمك صاحبتك ولا وكي تعجبك حاجة اشري جهد دراهمك يعني مش شرط انك تديري حاجات فخمة ولا كبيرة المهم انك درتي حدايد للشدايد كيما يقولو ربي يوفقك وربي يسرلك ان شاء الله وكيما قالو لبنات الواحد ما يشوفش لي ما اكثر منو وخلاص

[salima14]

علاش ما تديريش لpلاكيور الناس ماراهاش تفرق بين الذهب والpلاكيور

[الواثق]

واش نقلك اختي النساء كي يولو يشرو في اللبسة تقلك هاذي قديمة وهاذي لامود ووووو وبطبيعة الحال الجديد هو ماكان من الغرب وان كان غير شرعي
الربط هنا اني لاحظت ان الغربيات لايهتمون بالذهب وماتلقاها لابسة والو من الذهب حتى الماكياج ومشطة الشعر كانها موجودة في المطبخ لايوجد شيء عليها ..................واحنا عندنا الطفلة توزن 60 ولماتخرج للشارع توزن 80 يعني 20 كلغ من الالبسة والذهب والماكياج والهواتف ووووو؟؟؟ على الاقل عاندو الغربيات في هذه النقطة

كل واحد يعيش قد روحو والزينة زينة بدينها واخلاقها كي يولي عندها خاتم فقط

رزقك الله الزوج الصالح الذرية الصالحة التي ستكون لكي ذهبا يحمل اسمك حتى يرث الله الارض ومن عليها

[naamane3]

يقول رسول الله صلي الله عليه وسلم في ما معناه
انضر في الدنيا الى من هو دونك
وانضر في الدين الى من هو اعلى منك

[loulou02]

شوفي أختي أنت تخلصي 15000 دج ، كل شهر خبي 10000 دج و إنسي بلي راكي مخبية دراهم و هكدا تلقي روحك لميتي مبلغ معتبر ، مثلا بعد 5 أشهر تكوني لميتي 50000 دج تقدري تشري سنسلة مليحة ، و منبعد زيدي لمي و إشري موتيف للسنسلة ، و هكذا ...... إلخ.
المهم ما تتقلقيش بالرزانة يتباع الصوف .

[آمِيْرَتُه]

نهار يحب ربي يرزقك رايح يرزقك
ربي ينوب عليك و علينا
و تفرج عن قريب

[أناييس الربيع]

يا اختي ننصحك بعمل اخر مثل الخياطة ًاو الكروشي

او اي حرف باليد (وهذا عن تجربة الشخصية)

وأما بالنسبة لشهريتك انسي بلي موجودة وخليها على

الأقل لمدة ثلاثة أشهر ووهزيها وخصي منها مبلغ لإعانة

اهلك وأما الباقي الى الذهاب

[بنت الرّحّل]

26 شوال 1434 من الهجرة النبوية !


وعليكم السلام ورحمة الله وبركاته

والله ! أختك لا تملك أي شيء من الحلي أذكر أني كنت أملك حلقا وأخذته أمي وسلسلة فضية لما خطبت شقيقتي أعجبت بها هي الأخرى وأخذتها
وبقيت هكذا منذ ذلك الحين .... حقروني صديقتي :mad:
إلى جانب ذلك أنا لا أعمل .. وأبدا لم أفكر في توفير المال لشراء شيء منه ربما لأني لا أحب الذهب أصلا ويقال أن الناصح المبغض متهم ...!

المهم : أنا لا أنكر عليك حب الذهب لكن هل ترين أن سبب عذابك مقنع بالنسبة لك وهو لمجرد أن صديقاتك يمتلكن الذهب فيجب عليك أن تملكي مثلهم
هل ترين هذا السبب دافع قوي لك لتتألمي لهذه الدرجة !

حقا حقا : الدنيا مجبنة مغبنة محزنة ...
وكما قال الأستاذ الطنطاوي إن كنا نعيش للناس فمتى نعيش لأنفسنا.. لباسنا حسب الناس ،أكلنا حسب الناس .. حتى آلامنا وأحزاننا تكون بقياس الناس فمتى نعيش أنفسنا !

ما عساني إلا أن أقول لك إن كنت تملكين حلقا وخاتما فهناك من لا يملك شيئا مثلي ...بل وهناك الأسوء من لا يملك ما يشتري به الدواء والطعام بل من لا يملك شيئا كنوز الدنيا بأكملها لو اجتمعت لديه ما اشترته له .
فهوني على نفسك واحمدي الله على ما رزقك

وأنت ما شاء الله تعرفين أن الذهب بالتقسيط محرم أسأل الله أن يجزيك خيرا

فما عليك إلا التوفير وكل شيء حين يشاء الله يكون ..لكن تذكري أنها أشياء مصيرها الزوال فبعد الكد والعناء والنصب والألم تذهبين وليس معك شيء

وبمناسبة سنك التي ذكرتها فيبدو وكأنك تلمحين إلى أن المرأة تأخذ معها الحلي في الزفاف والحقيقة نحن بحاجة لمحاربة هذه الظاهرة الغبية والتي نحن سبب فيها طبعا بحيث الناس تطلق ألسنتها في هذه ماذا أحضرت وتلك ما لم تحضر وما إلى ذلك وأحيانا كثيرة يسبون أم العروس ويغتابونها يقولون : (ماذا كانت تفعل لماذا لم توفر لها ولماذا..) وكأن العروس جاءت بلباس من ورق الشجر .. والله المستعان
ولاحظي أننا بدل أن نحد من الظواهر السيئة نحن ندعمها بمواقفنا السلبية .

فإن كان الغرض من ذلك التزين للزوج فالتزين يحدث بمعادن أرخص من الذهب وقد يكون شكلها أجمل بكثير من الذهب وإن كان القصد هو التفاخر والتباهي فقد حكمت على نفسك بالأشغال الشاقة طيلة الحياة ويوم القيامة الحسرة ..فتأملي !
وإن كان الغرض التوفير والاحتياط فذاك مرهون بقدر الله وقضائه
والشخص الذي يكلف نفسه ما لا تطيق لا شك أنه سيتعب كثيرا فالقناعة والرضا في مثل هذه الأمور لا تقدر بثمن
وعلى قد لحافك مدي رجليك
أسأل الله أن يرخص أسعار الذهب عاجلا غير آجل أو أن يغنيك ...
ولا تنسي البقشيش هاه :1:


أتمنى لك التوفيق

[ايمان نور الجزائر]

اهلااا يا اختي
اذا حابة تديري ذهب....لازم تقتاصدي في دراهمك
وتحافظي على الشهرية.........يعني حطي مصروفك على جهة والباقي خليه يتجمع
انا هك نديييييييير.....وبعد اشهر لي فضلي نشريه ذهب على مقدوري

[djamila80]

مادام تحبي تساعدي داركم......ستفرج ان شاء الله
كل شهر خبي شوية دراهم حتى توصلي للمبلغ المحدد
و الفاسيليتي حرااااااااااام

[wafa16]

يا اختي كل حاجة اجي بلعقل انتي تعلمي تخبي يا لوكان 5000دج كل شهر
مصروف الدار و التجهيزات ماراحش يخلاص و لازم تفكري في روحك شوية ولازم داركم يفهموك و يشجعوك
قادرة تحبسي غدوة الخدمة و تشوفي بلي دراهمك راحو في والو و مادرتيش التاويل
اتعلمي تزيري يدك شويةو و اهلك عاونيهم بالمعقول
انتي تاني من حقك تامني روحك و غدوا اذا جا مكتوبك على الاقل تصيبي حاجة في يدك كيما البنات
نعرف بنات كيما انت تع ما قبل التشغيل و جهزو و دارو ذهب لانهم يعرفو يسيرو و الحدايد للشدايد كيما يقولو لعجايز تعنا هههههه

[سوسو92]

اختي تقدري تروحي لواحد يبع الذهب ويكون ثقة تفرسي على حاجة شابة وتليف بيك ومن باعد تكملي ليه الخلاص وتدي سلعة انتاعك
وربي يرزقك بالزوج الصالح

[Some1]

اشكون لقال "التقسيط" حرام ؟؟؟؟؟