ما بعد ملف الكفالة

[أحبك ربّي]

مرحبا والسلام عليكم

دفعت ملف الكفالة ودرت لونكيت وبعد 7 أشهر جاني إستدعاء روحت ليهم قالولي عمر ورقة نتاع عدد الإخوة والأخوات والأب والأم وسنييت

وقالي إنتظر إستدعاء آخر بعد شهر ونصف أو شهرين

ولكن ماذا الآن ؟ لمن جرب دفع ملف الكفالة هل فيه إحتمالية للرفض ؟ أرجو أن تثلجوا حيرتي بارك الله فيك

[عاطل عن العمل]

ادا متوفرة فيك كامل الشروط يعطولك الاعفاء .. ما تقلقش روحك و اصبر ..

[أحبك ربّي]

ادا متوفرة فيك كامل الشروط يعطولك الاعفاء .. ما تقلقش روحك و اصبر ..

دفعت الملف ودرت لونكات وقالولي الجوندارم عاوناك .. لا أدري لماذا ملينا هاذيك الورقة

شكرا أخي الكريم

ننتظر الإفادة

[kerboua abdelhakim]

السلام عليكم ورحمة الله تعالى وبركاته.أنا قمت بدفع ملف الكفالة وحصلت على بطاقة الإفاء.والخطوة لي راك تتكلم فيها فاتت عليا انا تاني، والسبب الرئيسي لي عيطولك عليه باش يزيدو يتأكدو من الملف فقط.وكذلك باش الملف تاعك يتم دراسته على مستوى لجنة بوزارة الدفاع، أي أن اللجنة هي التي تتكفل بدراسة ملفك.ان شاء الله تكون مقبول ويقبلولك الملف تاعك.وبعد حوالي شهر روح لمركز الخدمة الوطنية التابع ليه واستفسر عن البطاقة تاعك وان شاء الله تلقاها واجدة.

[berira2003]

اخي الكريم بمجرد قبلوا ملفك اعتبر انه خلاص راك فريتها،شخصيا قعدت عامين بالسورسي ثم العام الثالث عطاولي الاعفاء،مبروك مقدما

[أحبك ربّي]

السلام عليكم ورحمة الله تعالى وبركاته.أنا قمت بدفع ملف الكفالة وحصلت على بطاقة الإفاء.والخطوة لي راك تتكلم فيها فاتت عليا انا تاني، والسبب الرئيسي لي عيطولك عليه باش يزيدو يتأكدو من الملف فقط.وكذلك باش الملف تاعك يتم دراسته على مستوى لجنة بوزارة الدفاع، أي أن اللجنة هي التي تتكفل بدراسة ملفك.ان شاء الله تكون مقبول ويقبلولك الملف تاعك.وبعد حوالي شهر روح لمركز الخدمة الوطنية التابع ليه واستفسر عن البطاقة تاعك وان شاء الله تلقاها واجدة.

وعليكم السلام ورحمة الله وبركاته .. يعطيك الصحة خويا على المعلومات القيمة ربي يحفظك .. مزلت برك موسوس من قبول أو رفض الملف هاذي برك .. طمأتني يعطيك الصحة

[أحبك ربّي]

اخي الكريم بمجرد قبلوا ملفك اعتبر انه خلاص راك فريتها،شخصيا قعدت عامين بالسورسي ثم العام الثالث عطاولي الاعفاء،مبروك مقدما

ربي يفرحك خويا أيضا .. شكرا جزيلا لك