شركات الهواتف النقالة ااصبحت خطرا على مجتمعنا ؟؟؟؟؟؟؟؟؟؟ [الأرشيف]

soha1987

2013-09-01, 18:47

السلام عليكم ورحمة الله وبركاته
شيء محير حقا بالامس وصلتني رسالة بخدمة سكوب scoop ومكتوب فيها كالتالي 1 كلغ من الكيف المعالج للمزيد اتصل بالرقم 409 والله تخلعت وقلت يالطيف واش هادا وصل يبعوه بهذ الطريقة :confused::confused:والله من البارح وانا نطلع ونهبط ونخمم لكن ايعقل ان تكون شركات الهواتف النقالة مدمرة ؟؟؟؟؟؟؟؟؟؟؟؟؟ سؤال يتبادر الى ذهني كثيراااااااااا ثم اليست هي المسؤلة على تدمير المجتمع اخلاقيا بخدماتها المجانية وتخفيضاتها وخدماتها المغرية
انتم مارايكم ؟
كيف تفسرون محتوى الرسالة
والله خلعوني مافهمت والوووووو:confused:
اليكم الخط
:mh31::mh31::mh31:

*ثزيري*

2013-09-01, 19:24

اختي نص الرسالة يصدم هل هي فعلا من سكوب؟؟؟؟؟؟؟

يعني ترويج المخدرات على الهوى

BAROUD

2013-09-01, 20:28

مستحيل تكون مصدرها من المتعامل جيزي

قبل اليوم جماعة اتصلت بشخص و قالوا له في رسالة مبروك عليك ربحت سيارة و اذا حبيت تشوفها اخرج البيت تلقاها قدام الشارع و لسوء الحظ انو قدام بيت هذا السيد موزع للسيارات و فعلا ذاك السيد خرج من البيت ف الليل و راح يتفقد السيارة من فوق لتحت و كلموه و قالوا له غدوة باش تكمل اجراءت الادارية
المشكلة انهم صوروه وتمسخروا به تاع الصح

و ممبعد لقئ روحوا ف حلم و ضحكوا عليه صحابو حتئ ملوا

حبيت نقول مش كل ما يوصل للهاتف من رسائل مصدرها وكالة جيزي او غيرها ممكن يكون هناك خونة

soha1987

2013-09-01, 20:52

اختي نص الرسالة يصدم هل هي فعلا من سكوب؟؟؟؟؟؟؟

يعني ترويج المخدرات على الهوى
نعم والله ابعثوهالي وخدمة سكوب والله على ماقول شهيد مازدت ولا كلمة فوقها
لم افهم السبب من ارسالها احقا هناك ايادي خفية تعمل خراب المجتمعات ربلي يستر اختي ريشاش

imad nour

2013-09-01, 20:54

المهم أختي أن كل واحد ياخذ حذروا طبعا مضمون الرسالة هاته هو مخيف بطبيعتوا لكن هناك رسائل اغراء و تضليل نحذر منها وخاصة أنه يمكن أن ترسل أنت شخصيا رسائل عبر النت الى أصدقائك......المهم سلامتك شكرا

soha1987

2013-09-01, 21:03

مستحيل تكون مصدرها من المتعامل جيزي

قبل اليوم جماعة اتصلت بشخص و قالوا له في رسالة مبروك عليك ربحت سيارة و اذا حبيت تشوفها اخرج البيت تلقاها قدام الشارع و لسوء الحظ انو قدام بيت هذا السيد موزع للسيارات و فعلا ذاك السيد خرج من البيت ف الليل و راح يتفقد السيارة من فوق لتحت و كلموه و قالوا له غدوة باش تكمل اجراءت الادارية
المشكلة انهم صوروه وتمسخروا به تاع الصح

و ممبعد لقئ روحوا ف حلم و ضحكوا عليه صحابو حتئ ملوا

حبيت نقول مش كل ما يوصل للهاتف من رسائل مصدرها وكالة جيزي او غيرها ممكن يكون هناك خونة

كيف مستحيل اخي بارود والله مازدت كلمة فوق واش مكتوب فالرسالة شيء حيرني
كيف لشركة كبيرة كيما جيزي تعملها ؟؟؟؟؟؟؟؟؟؟؟؟؟؟؟
مالهدف من ارسالها ؟لم افهم :confused:

soha1987

2013-09-01, 21:06

المهم أختي أن كل واحد ياخذ حذروا طبعا مضمون الرسالة هاته هو مخيف بطبيعتوا لكن هناك رسائل اغراء و تضليل نحذر منها وخاصة أنه يمكن أن ترسل أنت شخصيا رسائل عبر النت الى أصدقائك......المهم سلامتك شكرا
لم افهم كيف هي رسائل اغراء وتضليل واش تقصد اخي ؟
ربي يحفظك اخي

imad nour

2013-09-01, 21:16

لم افهم كيف هي رسائل اغراء وتضليل واش تقصد اخي ؟
ربي يحفظك اخي

أقصد يا أختي قد تأتيك رسالة ربح سيارة أو مبلغ من المال وهذا أغراء و عند الإتصال سوف تخصم منك مبالغ من الهاتف....

كما أن هناك رسائل اغراء تصل الهواتف من بنات من الخارج أو من شباب تكتب فيها عبارات غير لائقة ....

أرجو أن أكون قد وفقت في التوضيح أختي

Ghada youna

2013-09-01, 21:29

ياااه ربي يسترنا :( :( :(

soso sirin

2013-09-01, 21:51

سلام واش راكي سهى ان شاء الله تكوني بخير.ممكن مايكونش الميساج من جيزي و يكون وخدخر هو الي بعثو .مي توصل بيهم للكيف الناس هبلت و عارفاتك بلي من البارح و انتي طلعي و تهبطي ههههههههه.سوبريميه و نسايه مرات يصراو شي حاجات يكودو العقل تخممي فيهم تخفافي من عقلك.اما يا سهى انو هي الي راهي دمر فينا اخلاقيا ممكن هي تتحمل جزء مي الجزء الكبير والله حنا الي نتحملوه هي ماراهيش تضرب اي واحد على يدو و تقولو فليكسي و اكتيفي و عيط للغاشي و خسر في الهدرة الفراغ و الهبال تاعنا هو الي وصلنا لهذا الشي.مرات يخلعوني شي عباد ياكتيفي باه يدير دي نوميغو تقول شعب مشتاق معرفة. كون الواحد يغلط و يقوللهم تبرعو بهذوك الدراهم يقلك ماعندناش و الحاجة الي تخلعني اربي تلقايه ماشي خدام و التيليفون تقول مبلاصيه في وذنيه.الله يهدينا .و على الميساج نسايه و وخلاص

*رفيقة الدرب*

2013-09-01, 21:53

الله أعلم
كلش ممكن
أصلا شكون لي راهو يدخل الكيف للبلاد كبار الحكومة و الجيش لعنة الله عليهم
مزية صرات قبل عرسك هههههه تخيلي كن شافها راجلك يقولك نت شريكتهم هههه

soha1987

2013-09-01, 22:30

ياااه ربي يسترنا :( :( :(
امييييييييييييييييين
سلام واش راكي سهى ان شاء الله تكوني بخير.ممكن مايكونش الميساج من جيزي و يكون وخدخر هو الي بعثو .مي توصل بيهم للكيف الناس هبلت و عارفاتك بلي من البارح و انتي طلعي و تهبطي ههههههههه.سوبريميه و نسايه مرات يصراو شي حاجات يكودو العقل تخممي فيهم تخفافي من عقلك.اما يا سهى انو هي الي راهي دمر فينا اخلاقيا ممكن هي تتحمل جزء مي الجزء الكبير والله حنا الي نتحملوه هي ماراهيش تضرب اي واحد على يدو و تقولو فليكسي و اكتيفي و عيط للغاشي و خسر في الهدرة الفراغ و الهبال تاعنا هو الي وصلنا لهذا الشي.مرات يخلعوني شي عباد ياكتيفي باه يدير دي نوميغو تقول شعب مشتاق معرفة. كون الواحد يغلط و يقوللهم تبرعو بهذوك الدراهم يقلك ماعندناش و الحاجة الي تخلعني اربي تلقايه ماشي خدام و التيليفون تقول مبلاصيه في وذنيه.الله يهدينا .و على الميساج نسايه و وخلاص
ههههههههههههههه سوسو تعرفيني موسوسة خخخخخخخخخخخ
بلاك وحدوخر اختك ماتعرفش في طوالح البورتابل غير نريبوندي ولا نعيط بيه خلاااااااااص هههههههه
ربي يصلح حال لبلاد ويفضح كل خائن يارب
الله أعلم
كلش ممكن
أصلا شكون لي راهو يدخل الكيف للبلاد كبار الحكومة و الجيش لعنة الله عليهم
مزية صرات قبل عرسك هههههه تخيلي كن شافها راجلك يقولك نت شريكتهم هههه
ههههههههههه شفتي دادو سترني ربي ولا صرات الكارثة خخخخخخخخخخخخ
وعندك الحق فواش قلتي كلشي يمشي من فوق ربي يفضحهم وخلاص
شكراااااااااااااااااا لكم

knives55

2013-09-02, 12:21

لا شعب هو الذي يشكل خطر

شركات اتصال مستحيل تعمل شيئ مثل هذا هذه رسالة وصلتك من خارج الوطن وافضل هو تبليغ عليها اتصلي بخدمة الزبائن

mouhamed.bac2013

2013-09-02, 15:26

أختي مستحيل يبعت هاد الرسائل المتعامل جيزي
ممكن يكون خطأ
هاد الخدمة تنقل الاخبار ...يعني ممكن يكونو حبو يوصلولك خبر عاجل حدث خطأطفيف و وصلتك تلك الكلمتين

عبد الرؤوف24

2013-09-04, 19:52

السلام عليكم
فعلا هناك رسائل كاذبة فمثلا رسائل انك ربحت سيلرة وفى الاخير تخسر مبلغ مالى عند الاتصال بهم
ورسائل الغزل التى أحيانا ترسل ....المهم ربى يسترنا