تقدم لخطبتي فلاح

[مشكلتي]

السلام عليكم و رحمة الله و بركاته
اضع بين ايديكم مشكلتي التي اضحت تؤرقني للغاية انا شابة من العاصمة متخرجة منذ عامين و المشكلة هي منذ ايام اخبرتي صديقتي ان اخوها يريد ان يخطبني ليكمل نصف دينه و هو شاب متخلق و متدين و هو يعمل فلاح لكن المشكلة ان اهلي يرفضونه بسبب عمله قالو لي كيفاه انت قارية تتزوجي بفلاح و تولي تخدمي الفلاحة بدل العمل في منصبك و رفضو ايضا بسبب المنطقة التي يسكن فيها فهي نائية و معزولة
انا عن نفسي اخبرتهم باني لا اعارض فهي مهنة شريفة و الفارق التعليمي لا يهم لكن لم يستمعوا و لم يقتنعوا...
ماذا افعل؟ قمت باخبار صديقتي ان يقوم اخوها بانشاء محل تجاري علهم يغيرون رايهم ان كان تاجرا لما اخبرت اخوها بالرد تاسف كثيرا لكن قال معليش ندير اللي عليا من اجل ان يقتنعوا بي و هو الان في ذائقة مالية يعني لازم يدبر راهم باه يحل المحل
هل انا مخطئة باقتراحي هذا؟
و ما الحل يا اخوتي؟
ساعدوني باقتراحاتكم و ارائكم و جزاكم الله خيرا و لن انس لكم هذا المعروف...
بارككم الله

[مراد سابقا]

تريدين

رأئي الصريح

أخطيك منو

ليس من مستواك وأنا لا اعيب مهنته

[RABHA ALI]

ومن يضمن لك أنه بعد فتح المحل سوف يلقي القبول من طرف اهلك....... لا تقدمي على أشياء حتى تكوني متأكدة من النتائج

[algeroi16000]

أنا مع راي والديك، ما تعرفيش خير منهم
و إذا لم تقتنعي برأيهم، مستقبلا إذا كان مشكل يحملونك كامل المسؤولية بسبب إختيارك، لأنك لم تهتمي برأيهم
أنسي هذا الحكاية الراشية
و ما تطيحيش في الفخ أنك تبداي نحي من روحك حتى توصلي أنك تطيحي بروحك
أخطيك منو
و خيرو في غيرو
تسوفري معاه و تضيعي حياتك فقط
و تندمين يوم لا ينفع الندم
ما زال الفرص أمامك
و عليك الاستخارة و الدعاء و طاعة الوالدين
سلام

[ريم ريحانة]

اختي من العنوان اللي حطيتيه باينة بلي انتي وماراكيش مقتنعة
انا من راي والديك ادا قالو لالا معناها لالا
انا نظن بلي الفارق في المستوى التعليمي يؤثر على العلاقة الزوجية

[عليلووو]

كان الله فى عونك يا أختي
*قل لن يصيبنا الا ما كتب الله لنا* عليك بصلاة الا ستخارة

[amine9mm]

وعلاه الفلاح مش راجل الفلاحين الدراهم اللي عندو مكان لا مستوى لا والو المستوى في الجزائر00000 ويبقى 000 تزوجي اختي تزوجي ربي رزقك بالحلال تزوجي وتوكلي على ربي

["راجية الجنة"]

توكلي على ربي
نحير فيكم تشفوا على السمتوى
استخيري

[kmilya]

بغيتي رايي اخطيك منو

[miinoucha25]

ممكن في الاول تقولي ما عنديش مشكل لكن صدقيني اختي مع الوقت والله و بدون شعور تولي تحاسبيه على كل تصرف يتصرفو

و تحسسيه بانو اقل منك مستوى

+ اهلك رافضينو و اكيد عند اي مشكل يصرا بيناتكم يقولولك انتي للي خيرتيه

استخيري و ربي يجيب للي فيه الخير


استخيري و ادعي ربي

[algeroi16000]

وعلاه الفلاح مش راجل الفلاحين الدراهم اللي عندو مكان لا مستوى لا والو المستوى في الجزائر00000 ويبقى 000 تزوجي اختي تزوجي ربي رزقك بالحلال تزوجي وتوكلي على ربي


عيش كيما راك لابس و إلا ألبس كيما راك عايش
نعم الفلاحة مهنة شريفة
أما
الفلاحين لي يديروا الدراهم لي تحكي عليهم ربما أولئك أصحاب زراعة الكروم (raisins de cuve) عندكم في سهول ستيدية و ماسرة و بوقيراط..و أمثالهم في مختلف الولايات.
سلام

[manothebest]

أختي ننصحك نصيحة لوجه الله ، ديري واش قالولك داركم هاذي المرة لأنهم عندهم الحققق ،
يا ختي الناس راهي خدامة و شهارة و ما وصلتش ( خصوصا بعد ما تجيبي أولاد إن شاء الله ) ،
عائلتك راهم يشوفو بعييييد مش يشوفو عند رجليك و أنت راكي تشوفي هنا برك ،
زيدي صلي صلاة الاستخارة ،

[○•ميسون•○]

أهلك هدرتهم صحيحة

أخطيك منو ماهوش من مستواك

نتي وحدة قارية لازملك واحد قاري

[nibou]

أرجو من الإخوة الكرام ان ينصحوها بشكل عقلاني و ليس من منظور شخصي،فهي لم تعب الفلاحة و لا أحد يعيبها و في نفس الوقت هي تقول أنها من مستوى و هو من مستوى أقل منها تعليما و ايضا في منطقة معزولة،ربما هي تريد الزواج من اجل الستر و العفة و في نفس الوقت اهلها يرفضون ليس إنقاصا من مستوى الشخص و لكن ربما لأنهم يخافون على إبنتهم ان لا تتحمل مشاق الحياة و متاعبها،فللوهلة الأولى يبدو لها الأمر هين و لكنه ليس كذلك،فالإنسان من الصعب عليه تغيير بيئته و يخافون عليها في المستقبل إذا ما غيرت رايها فيه فهم يريدون لها الذهاب للهناء بدون عودة إلا ضيفة عزيزة لا شيء أخر،فحتى و إن غير مهنته فظروفه لاتتغير لذلك يا أختي أدرسي الأمر جيدا فإن كنت كبيرة في السن و أردت الزواج و السلام أو عدد خطابك قليل أو أعجبت بشخصية الشخص و رايت بانك ستتحملين تكاليف الحياة فلتقبلي بعد إستخارة الرحمان طبعا و هو الموفق و إن رأيت بأنك أنت أصلا مترددة في الأمر أو انه مازالت لديك فرص أخرى فلماذا تقحمين نفسك في أمر أهلك غير راضون عنه *و الله الموفق و أتمنى أن يوفقنا إلى ما فيه صلاح لنا

[boubramek]

السلام عليكم
اتوكلي على ربي وتزوجي
انا نعرف وحدة محامية ومتزوجة بفلاح وراه عندهم مدة متزوجين
وراه عندهم اولاد والحمدالله
كاين الي قارين واعلى المستويات ولكن في المخ والو 0000000000000
ادا كنت مقتنعة به اتزوجي
وربي يفرحكم

[شَمعة أملْ]

بصراحة انا في صف اهلك..!
القي نظرة على المستقبل اختي
من سيؤمن لكم المعيشة الحسنة انت و اولادك ان شاء الله
الان مهنة استاذ و يا ربي..!!!
صحيح مهنة الفلاح شريفةة..لكن فليبحث عن من هي بمستواه
راي شخصي لا اقل و لا اكثر
بالتوفيق لكي

[اسعى لرضى الله]

صدقو لما صنفونا في العالم المتخلف ,,,

شوفي اختي راهم داوهم قاريين وعندهم المال وساكنين في السونتر فيل وهي كل ليلة طريحة ويدخل عليها سكران ومشيطلها ريقها

العبرة مشي في المستوى الدراسي ولا منطقة السكن ولا الخدمة

لا شفتيه مدين ومتربي وحكيتي معاه وعجباتك عقليتو حاولي تقعني عايلك كيعاد دك ولاد الحلال قلال

متغرك لا خدمتو ولا وين يسكن


شوفي هل راح تكوني سعيدة معاه ويتقي الله فيك ولالالا ؟ وانتي كبيرة وتعرفي رايك

متشوفيش اللي ردو عليك يحكيو على المستوى ومعلاباليش
واش من مستوى ؟

قالك ادا اتاكم من ترضون دينه وخلقه فزوجووووه مشي لا جاكم اللي كيفكم في المستوى زوجوه

مالا خممي مليح وحاولي تقعني داركم لا شفتيه متربي ومتخلق وراح تعيشي معاه مرتاحة ميغروكش المظاهر راهي خداعة والسلام

[razika zouzou]

يا اختي انا لا اوافق من قاال ليس من مستوااااااك

علاه هو ماشي ابن ادم جااااي من المرييييييخ

بالنسبة ليا كاااااامل كيفكيف

اذا كنت انت حاااابة زيدي صلي صلاة الاستخارة

هي توريلك .... فقط اشرطي بخدمتك ماشي هاذوك

لعوام لي قريتيهم يروحوا سدى

اذا كنت حابة تخدمي طبعا

اشرطي شرووطك و ان شاء الله يكملك واش في قلبك

و يسهلك امورك يا رب

سلااااااام

[فارس وجواد]

انا في رايي والله اعلم مثل هذا الزواج لن ينجح لاعتبارات واسباب كثيرة بغض النظر عن مهنة الشاب فهي لاتهم اما السبب الرئيسي هو رفض الاهل وهذا عائق كبير بالاضافة الى مكان اقامة الشاب فانت كما قلت من العاصمة وهو من مكان نائي فلابد يااختي ان تضعي هذا في الحسبان فانا اجد انك ستجدين صعوبة في التاقلم وهذا واقع معاش بالاضافة الى فارق المستوى بينكما ففي هذه الامور يجب الرجوع الى العقل والمنطق بالاضافة الى تجارب الاخرين والله اعلم.

[سارة نورر]

واش فيها فلاح المهم الدين والاخلاق
والسكنة مهما كان تعيا وتتبدل
وديري النية في قلبك ومتعرفي ربي يقدرو ويعيشك خير ماكنتي عايشة في داركم
المكتوب تاع ربي مانعيبوهش هو يتصرف فينا
صلي استخارة ووكلي امرك لربي
وكيما قالو ناس زمان يا المشبح من برا واش حالك من داخلك وهدي الي قلك خطبني واحد الله الله مي اسكو تعيش معاه شوفي للهنا تاع ربي مشي للمظاهر تعيشي مرتاحة
ورربي يوفقك

[Meriemchawiya]

للأسف انا في أشد الحيرة من هذه الأجوبة أختي استخيري الله
و اذا كان حسيتي انو تقدري تتفاهمي معاه وينو المشكل انا مهندسة و نعمل في مكان جد مرموق و زوجي قرة عيني فلااااااااااااااااااااااااااح و صاحب مشروع لتربية الأبقار و كي تزوجني زاد تجارة و الحمد لله راني خير من مليار وحدة و حتى في نقاشو الله يبارك مثقف يعني المعيار ليس بالمستوى بل بالتربية و الاخلاق و الثقافة
نتمنى منك اختي تستخيري الله احسن من اراانا جميعا

[naamane3]

مدام ذو خلق ودين توكلي على الله ولا تترددي
قادر يجيك تاجر ويكون متعاطي خمور ومخدرات
كيما قادر يجيك طبيب ويكون يتبع الغانيات
كيما قادر يجيك واحد من نفس مستواك ويكون فيه كل ما سبق
لكن حاولي اقناع اهلك بالتي هي احسن
اما بخصوص عمله فدعيه في ما هو اعلم به
واستخيري الله واعلمي انه لن يضيعك
والله المستعان