ما أحلى أن نعيش في بيت واحد !!!

[عميروش الحر]

السلام عليكم


كنت جالسا مع أحد الجيران نتبادل أطراف الحديث حتى بدأ يشكي لي عن مشاكل في البيت ... زوجته غير متفاهمة مع أمه وأختاه ... و هو يريد الخروج والدهاب للكراء فأخوه سيتزوج وستزداد المشاكل ...و..و....و....و....و....و...و....و.......
مشاكل كثيرة و متكررة في كل بيت حفظناها و أصبحت جزء من يومياتنا ...
في الوقت الدي كان يشكيلي فيه خممت وقلت أين المشكل في أن يعيش الزوج مع زوجته وأخوه وزوجته و الأختان و الابوان في بيت واحد ممتلئ ... بل العكس شيء رائع و جميل عندما يتعاون كل من في البيت عند الالتفاف على طاولة واحدة وطعام واحد و تزداد الرابطة الأسرية بالتعاون في البيت الواحد ويظهر هدا خاصة في الاعياد والمناسبات فعندما تكون الاسرة مترابطة في مابينها سنبني مجتمعا مترابطا وقويا ... ولكن التشتت يخلق تصدع في العلاقات ...

و ملخص الحديث نريد أن نرجع الى عادات أجدادنا .. حيث كانت الدار الكبيرة تجمع الجميع حتى الأعمام وعائلاتهم و رغم وجود خلافات الا أن الرابطة الاسرية أقوى بكثير ...وهدا ما يسمى "الدفئ العائلي"

كل هدا كان فكر يدور في عقلي الدي حوله الى صورة جميلة ارتسمت في خيالي الى أن سمعت جاري يقولي "أيا ما تطلعش ؟ راهي 11 ؟ "

فصعدت الى البيت وبمجرد فتح الباب حتى سمعت صوت أمي تنادي " نحييي السباط عند الباب ما تدخل بيهم " ... زدت تمشيت شوية ... جا عندي خويا قالي الفلاش ديسك تاعي وين درتوا ما تزيدش تمسلي صوالحييييي !!!!!!!
دخلت البيت لقيت أختي تتفرج نحيتلها التيليكوموند باش نتفرج ملخصات تع لي ماتش فوقعت الحرب العالمية الثالثة في بيتنا " ....
فعرفت أني ما فكرت فيه قبل دخولي البيت كان مجرد حلم مثالي ....

كي نضت الصباح تلاقيت مع جاري قتلو الا لقيت كريا غير روح أكري !!!!!!!

[soha1987]

مستحيل يكون تفاهم اليوم بكري كانت القلوب بيضا مي درك اصبحت سوداء كسواد الليل وذاك اصبح حلم لكن ربي يغير الاحوال وتتصفى القلوب ونرجع كيما بكري
والله ضحكني العنوان هههههههه لانو صاحبتي جارهم متخلف عقليا نهار يشوفهم متلمين في دار جدهم يجي عندهم ويبدا يغني مااحلى العيش في بيت واحد ههههههههههه والله فكرتني فيها ومت ضحك هههههههه
مشكور اخي على الموضوع الهادف

[الملتزمة بالدين]

السلام عليكم
أضحكني العنوان كتييرا تفكرت صغري مع سيناااااااااااااااااااان ههههه
صحيح هو موضوع شائك فكل ألأسر تعاني منه ألاكثر كي يكونو الكناين لكن تكون المشاكل أقل ادا كانت التربية صحيحة
بارك الله فيك على الموضوع

[*ثزيري*]

اظن اخي هي ماتزرعه الاسرةفي الصغر تحصده عند ما يكبر الاوالاد

يعني بكري ودركا فرق كبير
بدون كنات والوضع مكهرب

شكرا علةى الموضوع

[عميروش الحر]

مستحيل يكون تفاهم اليوم بكري كانت القلوب بيضا مي درك اصبحت سوداء كسواد الليل وذاك اصبح حلم لكن ربي يغير الاحوال وتتصفى القلوب ونرجع كيما بكري
والله ضحكني العنوان هههههههه لانو صاحبتي جارهم متخلف عقليا نهار يشوفهم متلمين في دار جدهم يجي عندهم ويبدا يغني مااحلى العيش في بيت واحد ههههههههههه والله فكرتني فيها ومت ضحك هههههههه
مشكور اخي على الموضوع الهادف


بارك الله فيك
لقد أضفتي شيئا نسيته في الموضوع "الزمان تبدل و العقليات تغيرت و في أغلب الاحيان لا يمكن أن تعيش أسرتين في بيت واحد "
وتبقى هده الاغنية تتردد على مسامعنا فقط دون ان تتحقق ...
شكرا على المرور



السلام عليكم
أضحكني العنوان كتييرا تفكرت صغري مع سيناااااااااااااااااااان ههههه
صحيح هو موضوع شائك فكل ألأسر تعاني منه ألاكثر كي يكونو الكناين لكن تكون المشاكل أقل ادا كانت التربية صحيحة
بارك الله فيك على الموضوع


أعتقد أن المشكل ليس في التربية بقدر ما هو في العقليات المتغيرة بتغير الازمنة جيل بكري ماشي كيما جيل دروك

مشكورة على المرور






اظن اخي هي ماتزرعه الاسرةفي الصغر تحصده عند ما يكبر الاوالاد

يعني بكري ودركا فرق كبير
بدون كنات والوضع مكهرب

شكرا علةى الموضوع

وهدا رأيي أيضا
للأسرة دور كبير في دلك
ولكن أعرف بعض الناس قبل الزواج كانو شيء ولما تزوجو أصبحو شيء اخر
والله أعلم

شكرا على المشاركة الطيبة

[الواثق]

المشاكل هي نفسها منذ القديم .........لكن زمان كان الرجل رجل بحق يسمع كلمة منا ولى منا يشبعهم طريحة حتى النساء يخافو ومايذكرو والو للرجالة
لهذا تلقى العائلة مجتمعة هههه
والرجل بكري كي يخرج يخدم وكي يرجع ياكل ويرقد ويريح ضرك راهم قاعدين في الكوزينة مع نساهم ومضارب مع مرتو على جال حبة بيض ويحسب الرجلة في ان تطيعه زوجته في كل شيء ؟؟؟
الان انا ضد اجتماع العائلة في بيت واحد لان الرجال مابقاوش والحشمة راحت واذا ذهب الرادع عن المرأة فعلت ماتشاء ................والرجل يزقي ويطرطق ويسب ويطيح ومايقدرش يهجر مرتو نهار واحد فقط يعني كله اصطناع وافلام فقط

اخي الكبير كان يقول لي بكري المرا ماتكلش كي تسافر باش ماتديرش راجلها في احراج لما تريد قضاء الحاجة ...................لخاطر كانو رجاله الاه لي عندهم في الحق ومكانش هههه

هذا رأيي ولا ارغمه على احد
والله المستعان

[عميروش الحر]

المشاكل هي نفسها منذ القديم .........لكن زمان كان الرجل رجل بحق يسمع كلمة منا ولى منا يشبعهم طريحة حتى النساء يخافو ومايذكرو والو للرجالة
لهذا تلقى العائلة مجتمعة هههه
والرجل بكري كي يخرج يخدم وكي يرجع ياكل ويرقد ويريح ضرك راهم قاعدين في الكوزينة مع نساهم ومضارب مع مرتو على جال حبة بيض ويحسب الرجلة في ان تطيعه زوجته في كل شيء ؟؟؟
الان انا ضد اجتماع العائلة في بيت واحد لان الرجال مابقاوش والحشمة راحت واذا ذهب الرادع عن المرأة فعلت ماتشاء ................والرجل يزقي ويطرطق ويسب ويطيح ومايقدرش يهجر مرتو نهار واحد فقط يعني كله اصطناع وافلام فقط

اخي الكبير كان يقول لي بكري المرا ماتكلش كي تسافر باش ماتديرش راجلها في احراج لما تريد قضاء الحاجة ...................لخاطر كانو رجاله الاه لي عندهم في الحق ومكانش هههه

هذا رأيي ولا ارغمه على احد
والله المستعان

أهلا أخي
هههه ضحكتني تع الطريحة عندي بزاف ما سمعتش براجل ضرب مرتو بل العكس
لا أظن أن هدا رأيك وحدك أنا معك

شكرا على المرور

[الواثق]

اه نسيت حاجة و الكااااااااااااااااااااارثة الرجل والمرأة يتفرجو في مسلسل تركي او غيره تاع قصة حب الرجل يبكي والمرأة تجففلو دموعو ويقول لها انا والله مانقدر ندير كيما دار هذا الخائن هههههههههههه

[mouhbench]

لا حول ولا قوة الا بالله

[بلقيس الهدى]

أساس المشكل - إخوتي الأفاضل - هو العولمة التي ألغت كل الخصوصيات
لا يمكن للزمن أن يعود إلى الوراء مطلقا

[اِشراقـة أمل]

السّلام عليكم
فعلا كثير ما تحصل كهذه الأمور
لكنّ
السّبب الرّئيسي عدم الصّبر
فالإنسان أحيانا لا يتحمّل نفسه ولا يريد أن يعترف بالخطأ
الصّـبر على الآخر شيء مهمّ لتستمر

[راية الاسلام1]

السلاام عليكم

هههههههههههه

والله يا أخي حكايتك ضحكتني

الوقت تبدل بزااااااف ... والناس تبدلو ... وقلوبهم ضياقت بزاااف

والمسؤوليات كبرت ... والمعيشة غلااات بزاااااف

وبكري كانت المراة ماتخدمش نووورمال كي تقعد في دار العايلة

أما الان المرأة تخرج ونهار كامل ماكانش في الدار

وام الزوج غالبا ماتقبلش بالوضع هادا وبالتالي تكتر المشاكل

والاحسن الانسان يعيش براسو واحد مايقلقو ...

بااارك الله فيك أخي

[مسلم سني]

السلام عليكم
أخي عميروش والله ندمت لأني لم أدخل موضوعك قبل الآن
أسلوبك كان رائعا في طرح المشكلة ومضحك ههههههه
صراحة الناس تغيرت كثيرا واصبح القلق وقلة الصبر سمات الأغلبية منهم
بات الشخص لايتقبل نصيحة غيره
وأمور كثيرة ولأتفه الأسباب تثور المشاكل بينهم
أنا شخصيا أتمنى أن تعود الاسرة لتجتمع تحت سقف واحد
لكن ولأسباب عدة من الأحسن أن يستقل الشخص ويبقى علاقته طيبة مع أهله
لأن الأغلبية يرفضون هذا وفي الأخير يستقلون
بعد ماذا بعد شجار طويل عريض ههههه
وبالتالي من الأحسن أن يستقل منذ البداية
يبقى رايي الشخصي
وكلامي هذا لايعني أن الأمر مستحيل بل بالعكس هناك من الأشخاص من يعيشون تحت سقف بيت واحد وأمورهم ناجحة
بارك الله فيك على الطرح المميز
احترماتي