شاركنا بامثلة شعبية بلهجتك المحلية

[المهاجر المسافر]

السلام عليكم و رحمة الله

الجزائر بلد كبير بتاريخه و عراقته و تنوع ثقافاته و لهجاته , و الأمثلة الشعبية جزء لا يتجزء من التراث تكاد تندثر بسبب الغزو الثقافي و عصر الفضائيات حتى اصبحت الامثلة الشعبية الدخيلة على ثقافتنا تحل محل " بنت البلد "
و الغرض من الموضوع هو احياء و تذكر الامثلة الشعبية بلهجاتنا و ما يشابهها في المناطق الاخرى مع شرح الكلمات الغير مفهومة و ذكر المعنى من المثل الشعبي .( خاصة النادرة و صعبة الفهم لنستفيد من الامثلة و نتعلم لهجات المناطق الاخرى )
كل عضو يضع مثل شعبي و يضع المعنى بالفصحى و تفسير للكلمات الغير مفهمومة للبعض
و يمكن لكل عضو أن يشارك بمثل شعبي بلهجته او ما يشبهه في المعنى .

و أبدأ أنا على بركة الله :


" كي نهدرو على الذيب تبان كعالته " :)
ما معنى ( كعالته ) ؟
أولا أترك محاولة الشرح للأعضاء لمن فهم المثل الشعبي و فيما يٌقال و ما يشبهه في لهجتهم ؟؟
و بعدها أجيب ان لزم الأمر :)

[*أنفآل*]

كعالته=ذيله

مزود الصوف ويبات يشوف

ما هو المقصود من هذا المثل؟؟؟؟

[المهاجر المسافر]

[quote=رزيقة2;1054207941]كعالته=ذيله

مزود الصوف ويبات يشوف

ما هو المقصود من هذا المثل؟؟؟؟[/quote

السلام عليكم و رحمة الله

صح الكعالة هي الذيل

و شكرا لك على التفاعل :dj_17:
حقيقة لا اعرف المعنى من المثل
و ما معنى مزود ؟؟؟ أنتظر الجواب من الاخوة و الاخوات , و هذا هو الغرض من الموضوع :)

[سوسو95]

موضوع مميز

ولاية ادرار

المشة كي ماتوصل للشحمة تقول خانزة

هههههههههههههههه يالله الفحل يشرحو

[المهاجر المسافر]

موضوع مميز

ولاية ادرار

المشة كي ماتوصل للشحمة تقول خانزة

هههههههههههههههه يالله الفحل يشرحو

السلام عليكمو رحمة الله

بارك الله فيك على التفاعل :dj_17:

المشة هل هي القطة ؟؟؟ انا قلت اختصار لمينوشة :1:

[PERLA KOKO]

li khano zahro,ybi3 cha3ro

[PERLA KOKO]

9alolo wech khassek ya l3eryan,9alhom khatem

[سنة4]

ياكل في الغلة ويسب في الملة
عاش ماكسب مات مخلى

[ايمان ايمانو]

" كي نهدرو على الذيب تبان كعالته " :)
ما معنى ( كعالته ) ؟
أولا أترك محاولة الشرح للأعضاء لمن فهم المثل الشعبي و فيما يٌقال و ما يشبهه في لهجتهم ؟؟
و بعدها أجيب ان لزم الأمر :)[/quote]
كعالة هي ذيل الذيب و حنا بلهجة تعنا نقولو "زعكة " و هذا المثل معناه كي نهدرو على الواحد يبان و كاين مثل عدنا "هدر على السبع يهدف"و لا " هدر على الكلب و جدلوا المطرق " , انا انتظر الرد من صاحب الموضوع .:19:

[ايمان ايمانو]

هذا المثل : لي ما وصلش لعنب يقول قارص .

[لوجه الله]

البصلة تفاحنا والقمر مصباحنا
الفوخ والزوخ ولعشا قرنينة (عشب اخضر يشبه الخرشف)
الابطاي يقولي شو معناه

[Tulipe95]

البصلة تفاحنا والقمر مصباحنا
الفوخ والزوخ ولعشا قرنينة (عشب اخضر يشبه الخرشف)
الابطاي يقولي شو معناه
الزلط والتفرعين ممكن هادي كناية عن اي ما عندوش ويلعبها فوور لكن هو واالو عشاه قرنون

[Tulipe95]

موضوع مميز

ولاية ادرار

المشة كي ماتوصل للشحمة تقول خانزة

هههههههههههههههه يالله الفحل يشرحو
يشبه المثل لي مالحقش للعنب يقول قارص )

[المهاجر المسافر]

" كي نهدرو على الذيب تبان كعالته " :)
ما معنى ( كعالته ) ؟
أولا أترك محاولة الشرح للأعضاء لمن فهم المثل الشعبي و فيما يٌقال و ما يشبهه في لهجتهم ؟؟
و بعدها أجيب ان لزم الأمر :)
كعالة هي ذيل الذيب و حنا بلهجة تعنا نقولو "زعكة " و هذا المثل معناه كي نهدرو على الواحد يبان و كاين مثل عدنا "هدر على السبع يهدف"و لا " هدر على الكلب و جدلوا المطرق " , انا انتظر الرد من صاحب الموضوع .:19:[/QUOTE]

السلام عليكم و رحمة الله

:dj_17:

زعكة = ذيل , شكرا على الاضافة :19:

بارك الله فيك على الاجابة و الامثلة التي اضفتيها , اثريتي الموضوع

لكن ما معنى : جلدو مطرق ؟؟؟ حتى يستفيد الجميع :)

والشكر موصول للجميع اخوة و اخوات :mh92:

[rayehana]

( حتى مين صرعوه ناض يتفتف )

( مين كان حي كان مشتاق تمرة و مين مات علقوله عرجون )


( جزار و يتعشى اللفت)

أيا قولولي واش معناتهم ؟

[maroi47]

حمار نكاس ولا عود الناس

[youcef181]

proverbes kabyles
kab:Tasusmi d dwa n tamusni
francais:Le silence est le moyen d'acquérir la connaissance.
k:Awal am u skfel n wezru , mi tekksed yiwen, ad d-yeɣli wayeḍ.
fr:La parole est comme un agencement de pierres, dès que tu en enlèves une, l'autre suit.
k:Kra n win yesugguten awal, ala tikarkas i deg yețnawal.
f;Toute personne trop bavarde, ne se fait que du tort.
k:Dacu t-teffeziḍ a εemmi? d llazuq n y-ilindi.
f:Que mâches-tu mon oncle? la glu de l'an dernier
k:Yiwen waεrab yaεmar ssuq.
f;Un arabe suffit à remplir le marché.
k:Tasusmi d-zyen n-yimi.
f:Le silence embellit la bouche.
"La parole est d'argent, le silence est d'or".f
iles yetthawalitent aqaru yettaɣitent k
bouche dépasse les limites et la tête paye pour

[" أبو عبود"]

- شدوه ما عيا يتهدد، طلقوه كسر الطاجين
- الذب لبتر يحوس عليها قاع بتر
- سمع الرقا هز الحوية
- طلبت ربي وقاثك
- العرة من الجرة ولا الخيار من التدوار
- اللي ما ضنلو عمو ما تزوج
- منين كان خبز ورقاق بن خيرة فيها كي عاد حجر ومرداي بن خيرة خاطي
اكتفي بهذا القدر ولدي المزيد

[ام اشرف2]

يامشبح من برا واش حالك من داخل

من يشرحوا بتوفيق

[تائبة لله تعالى]

بعد الي شاب دارولا حجاب

[تائبة لله تعالى]

شرح المثل يا مشبح من البرا واش حالك من الداخل تقال كذلل من البرا الله الله ومن الداخل يعلم الله يعني ليس المهم المضهر بل الجوهر للاسف وقتنا هذا صار العكس:dj_17::)

[ام ريم]

كي كان حي مشتاق تمرة و كي مات علقولو عرجون

[dousfer]

المزود هو عبارة عن كيس من جلد الحيوانات يحفظ فيه الدقيق
الحر حر والخدمة ما تضر
الشر ما يظلمش ويعرف ناسو فالشتاء يقول بردت وفالصيف يكثر نعاسو

[" أبو عبود"]

عام الجيفة تسمن فيه الكلاب ( اكرمكم الله)

[abdo.h]

قلة الشي ترشي و تنوض من وسط الجماعة
بمعنى : اللي ناقص ماديا يعني فقير مهمش و قيمتو ناقصة في عينين الجماعة اللي يقصر معاهم
يتقال بعض الاحيان باه برفع الروح المعنوية باه يشتهد و يخدم على روحو باه ما يرخسش ههههههههه :p

[همام الهمام]

انا سادرج لكم بعض الامثلة المغربية

الفقيه اللي تسنينا براكتو دخل الجامع ببلغتو
اش تقدك بلغة في دوار كلو حفيان
دجاج الخميس كيتكتف من نهار الاربعاء.

[dousfer]

سايسوني على راس الكاف لنروح شظايا

[nadal3omr]

يا مولات الصباط المسمر و احنا منك حايرين انتي زوالية وتعاندي في الناس الطالعين
شكووووووووووووون يقدر يفسسسسسسسسرو

[حنين40]

البايرة اذا حكمت والحايرة اذا رقمت
مد رجلك على قد بساطك
العود الى تحقر يعميك

[nadia mimi]

اسمع للكلام إلي بكيك ومتسمعش للكلام إلي ضحكك

[meriem dj]

مطابس و يخيط فلكبابس
الناس مع الناس و القط مع الراس
بوسعدية فايح و حوايجو ملاح
هي فالموت و عينها لاندروت
كبب مالك على الكاف و قول يا ربي و ستر
دا جا في يدك عطم ردو لحمة
الجاجة مربوطة و لفلالس تقبو لحيطان

[رندة نهاد]

ما يعجبك نوار الدفلة في الواد داير ضلايل وما يعجبك زين الطفلة حتى تشوف الفعايل
سطيييييييييييييييييييييف

[ouleddjellal]

شكراااااااااااااااااااااااااااااا

[serray souaad]

hadra aliya w lma3na ala jarti :p

[nihed la reine]

راس الفرطاس قريب لربي

[sarah mech]

ياكل في الغللة و يسب في الملة

[فاتي تيارت]

جزار و يعشى باللف مش اللفت اللف كل يم فى دار

[amine 82]

لي بلبله العتروس في راس الجبل في دار دباغة يخلصه

[amine 82]

كي يطيب الزرع نهدروا