لبنات اريد رايكم ربي يحفظكم [الأرشيف] - منتديات الجلفة لكل الجزائريين و العرب

مشاهدة النسخة كاملة : لبنات اريد رايكم ربي يحفظكم

مشكلتي

2013-09-01, 11:18

/زهرة عصفور الجنة/

2013-09-01, 13:19

اختي توبي الى الله وابدئي صفحة جديدة
6سنوات وانت تعصين الله وتخونين ثقة اهلكي فيكي
بالله عليك اي حلو وأي مر مررت به عبر حياة مكالمات هاتفيةنصيحتي هو ان تتوبي الى الله وان تغيري شريحتك وان لاتنتظري ان يتصل فهو لن يتصل لانكي كنت مجرد لعبة انتهت مدة صلاحياتها
اسفة ولكن هذه هي الحقيقة
حتى وان قبل اهله بكي فسوف يبقى دائما يشك فيك بأنك تحدثين رجالا اخرين في الهاتف
ان كان هذا الخاطب متدينا وعاملا فهي فرصتك الذهبية من اجل حياة طاهرة

ام يمينة

2013-09-01, 13:33

صباح الخيرات خوتاتي واش راكم كامل
حبيت نطرح عليكم قصتي وحابة آرائكم في الأخير
لبنات انا عرفت واحد في التلفون لمدة 6 سنوات من غير ما نتلاقاو حبيتو وستنيتو وعشت معاه لحلو والمر ومرينا بأوقات صعيبة بزاف وآخيرا بعد 6 سنوات تلاقينا وعجبو بزاف على حد قولو المهم انا تقدملي واحد ودارنا سيفو عليا لأنو عطاوني الفرصة باه يجي هو اكثر من مرة وما جاش
خبرتو انو دارنا خلاص قررو مصيري وطلبت منو يدير على الاقل خطوة ولو كلمة كيما يقولو كلن دايما كي نحكو في هالموضوع يقولي اوكي وقريب تفرج ونستنى في الدار برك نشري دار ونجي ودرك قالي اعطيني يومين نهدر مع دارنا لأنو ممكن جدا ما يقبلوش قتلو كيفاه ما يقبلونيش أنا في حد ذاتي ولا بسبب ظروفكم قالي ما نعرف وباه ما تقوليش فرطني نهارين ونقلك واليوم عندنا 4 ايام من آخر مكالمة وما ردلي والوا واش رايكم نتصل انا بيه ونشوف ولا خليه حتى يتصل هو الله يخليك نوروني

لبنات علطتهم انهم يحبوا لكلام لحلو وهدا المخلوق المحترف 6 سنوات وهو يتكلم لوكان دخل للجامعة راهو دكتور في تخصص ما
اسمحلي اختي علطتي بهد العلاقة واش تحبي فيه واحد يتكلم وعرف كيف يخليك تتعلقي بيه
+ حكيت معه انه تقدم لك شخص وسقول لك انتضري واش 6 سنين اخرين لا
انهي علاقتك وتوكلي على ربي سبحانه راهو جاك نصيبك من الباب مشي من الشباك كيما يقول لمثل
كسري الشريحة واعلقي هده الصفحة ربي معاك ان شاء الله

zaki4

2013-09-01, 13:43

ما تفعلينه حراااااااااااااااااااااااام .

فكيف تريدي ان تعيشي بعد الحران بحراااام

عائشة قطر الندى

2013-09-01, 13:47

نصيحة في سبيل الله اقبلي بهدا الخطاب قبل ما يجي نهار وتندمي 6س و محكاش لدارهم عليك؟ وربي يسهلك ويقدملك لي فيه الخير

جوهر دعوة

2013-09-01, 13:55

اختي كلام البنات كفي ووفي ست سنين كامل مخذاش قرار وتستناي ياخذ القرارفي يومين ولا اربع اختي افتحي مخك وتداركي خطاك وتوبي الي الله
وكما قالت الاخت ام محمد يحي راهي جاتك فرصة ذهبية اغتنميها

fati21

2013-09-01, 13:57

سلام اختي نصيحة من اخت تحب مصلحتك
ديري في بالك لي يبغيك يدير لامبوسيبل ويديك الا ادا ماكتبش المكتوب
وهدا راهو 6 سنين وهو يتلاعب غير هدرة في التلفون انت اصلا ماتعرفيهش مليح وين تدري لايكون متزوج
وجاتو فرصة باه يبين روحو قدام داركم وغاب عليك
خليك منو وما تزيديش تهدري معاه وشوفي الخاطب الاوليد فاميليا اقبلي ربي يبارك في زواج لحلال
وبدلي النميرو وعندك تعطيلو فرصة اخري الي حاب يولي ليك كاش نهار
موفقة

بيان 5

2013-09-01, 13:58

ولا متخدات اخدان
ادا بليتم فاستتروا
اسال الله لك التوبة والهداية

إيمان1

2013-09-01, 14:06

السلام عليكم ورحمة الله وبركاته
اختي في الله من رأي ان تنسي الماضي لوكان يحبك حقا لتقدم هو لخطبتك من دون ان تقولي له ذلك
انصحك بأن تصلي صلاة الاستخارة وأعدك بأنك لن تندمي ابدا

houdehoud

2013-09-01, 14:09

صباح الخيرات خوتاتي واش راكم كامل
حبيت نطرح عليكم قصتي وحابة آرائكم في الأخير
لبنات انا عرفت واحد في التلفون لمدة 6 سنوات من غير ما نتلاقاو حبيتو وستنيتو وعشت معاه لحلو والمر ومرينا بأوقات صعيبة بزاف وآخيرا بعد 6 سنوات تلاقينا وعجبو بزاف على حد قولو المهم انا تقدملي واحد ودارنا سيفو عليا لأنو عطاوني الفرصة باه يجي هو اكثر من مرة وما جاش
خبرتو انو دارنا خلاص قررو مصيري وطلبت منو يدير على الاقل خطوة ولو كلمة كيما يقولو كلن دايما كي نحكو في هالموضوع يقولي اوكي وقريب تفرج ونستنى في الدار برك نشري دار ونجي ودرك قالي اعطيني يومين نهدر مع دارنا لأنو ممكن جدا ما يقبلوش قتلو كيفاه ما يقبلونيش أنا في حد ذاتي ولا بسبب ظروفكم قالي ما نعرف وباه ما تقوليش فرطني نهارين ونقلك واليوم عندنا 4 ايام من آخر مكالمة وما ردلي والوا واش رايكم نتصل انا بيه ونشوف ولا خليه حتى يتصل هو الله يخليك نوروني
شوفي راكي قتلتيني باضحكخاصة الجملة اللي بالحمر هاد الشي كامل بالتلفون ما فهمتش الناس رجعت تافهة و تستصغر نفسها و الا انا اللي عدت كلش يبانلي تافه
ياو فيقي لوكان نهار الاول اللي هدرتي معاه فيه اتزوجتي بيه لكان ولدك راه السنة الاولى
لا اله الا الله محمد رسول الله زيدي اصبري حتى يدي ولدكالافتراضي السيزيام و شوفي تكملي حياتك و الا تكافحي الدنيا على جالو
ههههههههههههههههه 6 سنين

*بيتي مملكتي*

2013-09-01, 14:10

السلام1

اسمحيلي أختي لكن سؤالي ليك أي حلو وأي مر اللي عشتيه في التيليفون حنونة مع واحد مدة 6 سنوات بلا حتى ما تشوفي وجهو هذا بغض النظر على أنو العلاقة أصلا حرام في حرام
خطأ كبييييييييييير توضعي ثقتك في واحد ما تربطك بيه حتى علاقة
ما تنتظريش يكلمك و إذا حصل و كلمك توقعي الأسوء لأنو أصلا غير جاد في هذه العلاقة

كانت عندو 6 سنوات يدير فيها التاويل كيما راهو يقول و مادارش تسمى راح يديرو في يومين أفيقي يا أختي أفيقي

مارانيش نحاول نجرحك لكن حابة نوعيك بلي ماكانش حاجة اسمها ''عشت معاه" في التيليفون
ما تزعفيش مني لكن ناس بكري يقولك خو راي اللي يبكيك و يبكي عليك و ما تاخوش راي اللي يضحكك و يضحك عليك

حاجة أخرى الفرصة الجيدة تجي للإنسان مرة واحدة باش يصحح أخطاؤوا ما تفرطيش فيها إذا كانت المواتية

أختي نصيحتي ألخصها لك في هذا السطر

(إذا جاءكم من ترضون دينه و خلقة فزوجوه إلا تفعلوا تكن فتنة في الأرض و فساد كبير)

Hillin

2013-09-01, 14:17

السلام عليكم :
عزيزتي
لن ألومك على حبك لهذا الشخص و الحب لم يكن يوما حرام
لكن على م يظهر لي فهذا حب من طرف واحد و هو أنت
6 سنوات كثيرة جدا فلو تزوجت به لكان عندك طفلين " واحد في 4 و الثاني عامين"
لذلك عزيزتي ما قلت هذا الا لمساعدتك في اتخاذ القرار الصائب " ضع قلبك جانبا و افكري بعقلك"
هذا الانسان أي الرجل يقول لك " مازال ماقلت لدارنا ووووووبااااااااللللللاااااااااك ما يقبلوش بيك" اذن هو على استعداد بل مستعد ان ينسى 6 سنوات في أولى علامة رفض من العائلة؟؟؟ اين أنت ذاهبة
الفعل أصدق من الكلام
ٍأي و لو كنت مكانك لفعلت المثل " لن أتصل و لن أتصل به أبداااااااااااااا حتى يات بأهله
وافق عزيزتي على من يخطبك ولا ترفض بسبب انسان يتهرب من المسؤولية
الزواج مسؤولية وليس فقط حب
تحياتي

ou adem

2013-09-01, 14:25

nasihti lik ya okht raki bezeeeeef tawalti rah 3mor machi 3am wela zouj khtik men hadak weld hram w rahi jatek forsa balaki tratiha e9ebli bhad lkhateb b1 sur la kan weld famila ykhaf rabi bedli numero w hamdi rabi li jat hak wela ktar sa9sih la yerdaha l okhto tehki m3a wahed fe telifoun et merci

أم عابد

2013-09-01, 14:31

يا اختي انا نتفق مع الاخوات و شمن عيشة في التليفون هذاك اسمو لعب و تسلية و تمضيت وقت راهو جوز الوقت بيك للأسف مزالك حايرة اذا تمديلوا فرصة اخرى ، ربي اعطاك فرصة باش توبي و تبداي صفحة جديدة ، نتمنى لك تقرري حياتك بالحلال و ربي يهدينا

Hillin

2013-09-01, 14:32

ملاحظة:(لكل ناصح هدفه التجريح)
الأخت تتطلب نصحا لو لم تكن ترد ذلك لما استشارتتنا في ذلك, فأرجو من بعض الأعضاء ان يعملو على تضميد الجرح وليس السهر على وضع الملح فوق الجرح
المحاسب الوحيد فهو الله سبحانه وتعالى وهو الرحمان الرحيم
تحياتي

imane-2020

2013-09-01, 14:58

كلنا معرضين للخطأ لكن من الاحسن هذي فرصة باه تعرفي هذا الشخص على حقيقتو وتتولهي لحياتك احسن
ربي يعوضك خير وربي يعطيك لكل واحد قدر نيتو
الاخوة لي راهم يجرحو نقلهم كلنا بشر وكلنا نخطأ وخير الخطاؤون التوابين
ومن تاب تاب الله عليه
وربي يهدي ويسدد خطاك

abdelmalekmhdf

2013-09-01, 15:44

انا كرجل اقولها لك من دون لف و دوران . اخطيك لو كان يحبك لكان جن جنونه عندما اخبرته انك انخطبت الامر الثاني كيف يقول لك نشاور دارنا بالاك ما يقبلوش بيك يعني من الاول راه يبينلك كلمته ماشي قوية ف دار. ربي يجيبلك ولد الحلال

بَلقِيـس

2013-09-01, 16:00

اختي لو عندو كلمة كان عيطلك بعد يومين
لا تحاولي ان تختلقي اسباب و اعذار
يقدر يفليكسي 20 دج يقولك نعم او لا
اصلا انتي لا تعرفين ان كان صادقا او لا

mokbity

2013-09-01, 17:16

السلام عليكم
يا اختي قبل كل شي كنتي في علاقة غير شرعية مع واحد متعرفي عليه والو حبيتي تبني دارك بالحرام لوكان حبك كان من النهار الاول دق باب داركم بصح هو كي الذيب يعس من البعيد دالك 6 سنين من عمرك و مفقتيش بلاك هو باني دارو و حياتو و نتي لتيليفون برك الله يهديك و يغفرلك

رحمة من المولى

2013-09-01, 17:20

الحنووووووووووووووووووووووونة صدقيني باينة متزوج اتكلي على ربي و شوفي حياتك

miinoucha25

2013-09-01, 17:33

لهذا ربي حرم العلاقات و كل شي حرمه لحكمة

يعني ما الفائدة كي الواحدة تمشي مع واحد سنين و من بعد كي يجي للي ناوي لحلال للدار يا إمُا تخلي هذا للي مشات معاه او يتخلى عليها هو ؟ و السنين هادوك للي كانت معاه وين تديرهم؟؟؟؟

والله لهذا الواحدة فينا لازم تصون نفسها و تمتنع عن مثل هذه العلاقات

الله المستعان و نصيحة اقبلي بللي جاك للدار لانو هاداك باين هادي 6 سنين الناس للي تزوجو هاداك الوقت ولادهم دخلو للتحضيري