من يجلس بجانبك ، أمك أم زوجتك؟

[Hicham Ahmed]

زرت اليوم مسقط رأسي .. فالتقيت بأصدقاء طفولتي.. من حديث الى حديث .. حتى وصلنا الى أحد المقاهي الشعبية .. جلسنا نحن ثلاثتنا .. وبدأ نسترجع أيام الصبى – أأه أأه ليث الشباب يعود يوما! ..- المهم .. ونحن جالسون بالمقهى حتى مرت أمامنا سيارة الله الله – فمشطناها بأعيننا – طبعا السيارة!- .. لكن صديقي الذي بجانبي قال لي أنظر أنظر .. قلت له أنا أنظر ما شاء الله – قال لي لا لا هشام أنظر الذي في السيارة .. فنظرت أنا وصديقي الأخر ..- ففهمننا قصده .. رجل يسوق وزوجته بجانبه وأمه في الخلف ..
قال صديقي الأول : سبحان الله على هذا الزوجة .. ترضى تقلش روحها من القدام .. وتخلي عجوزتها من الخلف مرمية .. ياخي حالة ياخ .. والله كيما قالك عيش تشوف.. النسا تاع آخر الزمان .. لم يصبر صديقي الأخر وانفجر حتى هذا الرويجل ماهوش راجل .. يطيش أمه في الخلف .. يخلي لالاه معاه .. ياخي حالة .. كنا بكري نسمعو .. بصح درقا ولينا نسمعو ونشوفا .. يا حصرا على الرجال والمساطيش تاع بكري!..
قلت لهما – حوحو يشكر روحو – ممكن الوالدة راضية وهي اللي قالتلها ريحي من القدام - .. قاطعني صديقي .. واش خو امالا حتى انت ديرها .. قلت له : لا لا عمري ما نفرط في يما .. بصح هذيك ثاني زوجتي .. ولازم نحكي معاها من قبل ونقولها ..يما خط احمر ..بلاك هاي عيني .. هههههه .. عجبو الحال صاحبي وقال لي راجل والله .. فقلت له لا لا راني غير نضحك معاك .. كون جيت أنا ....................

كون جيتوا أنتوما واش اديروا: يماك ولا زوجتك؟! زوجك ولا عجوزتك؟!

[BAROUD]

لالا انا بالذات اللي نركب في المقعد الخلفي

[mehdi179]

السيارة سياحية قد تجلس الام او الزوجة ماالمانع

اعتقد انه بالامكان تجاوز الحادثة ولا مجال لتصنيفها مع الحقرة او التهميش وطبعا..العقوق

[ام نسمة]

ههههههه موقف يصرا بزاف انا نخلي عجوزتي من القدام ومرة هي اللي قعدت تحلف عليا وقالت لي لازم تركبي انتي بجنبو
المهم يعني كي يكون برضاها ماعليش ولاذا جات على الحلفان راح الزوج مسكين يستنى ساعة وهوما غير يحلفو على بعضاهم شكون تركب من القدام
وانا كي نكون مع خاوتي ونساهم الكبير يحبني انا حداه ومرتو ماتزعفش والاخر العريس الجديد انا اللي مانحبش نركب من القدام نخلي مرتو تقعد حداه واذا كانت ماما فأكيد هي المعلمة ههههههه واصلا ماتتنازلش على بلاصتها

[Hicham Ahmed]

السيارة سياحية قد تجلس الام او الزوجة ماالمانع

اعتقد انه بالامكان تجاوز الحادثة ولا مجال لتصنيفها مع الحقرة او التهميش وطبعا..العقوق

نعرف انه قد تجلس الام كما قد تجلس الزوجة..
طيب .. لو اردت الخروج في نزهة .. وتأخرت امك قليلا .. واستبقت زوجتك للسيارة وركبت بجانبك .. ما موقفك .. من ركوب امك في الخلف؟.. هل ترجع زوجتك للخلف ... ام تطلب من امك التقدم؟ ام.....؟؟؟

[oumserine]

ايييييييييه موضوع جد حساس و رغم بساطته الا انو سبب مشاكل كبيرة للكثيرين
المهم ،،،،،أنا نظن انو كلشي مبني على الاحترام للغير ، الزوجة في دار باباها تركب من الوراء ،مع أخوتها كذلك،و حتى مع مول التاكسي هيئه هيهيهيه ولكن يا إخوتي كي تلحق للزوج فمكانها أمامه و العجوزة تركب من قدام مع راجلها ولا وليدها العازب إلا إذا العروسة هي طلبت منها و إلا فهي حقرة و إيحاءات من العجوزة بانها هي number one و هي اللي تحكم و رايحة تخلق حساسية بيناتهم

[moslihe29]

نعرف انه قد تجلس الام كما قد تجلس الزوجة..
طيب .. لو اردت الخروج في نزهة .. وتأخرت امك قليلا .. واستبقت زوجتك للسيارة وركبت بجانبك .. ما موقفك .. من ركوب امك في الخلف؟.. هل ترجع زوجتك للخلف ... ام تطلب من امك التقدم؟ ام.....؟؟؟

اداحصلى هذا الموقف انزل لتركب الام مع كل محبيتى واحترامى الام ام ماتتعوضش اما للزوجة بدائل كثر ربى يرحم جميع الامهات ويحفض الباقيين

[روضة من رياض الجنة]

السلام عليكم

موضوع مليح اخي الفاضل كل واحد ونظرتو في هذا الشيء
يصح انا وحدة من الناس منقدرش نديرها ديما نخلي عجوزتي تركب من القدام نحشم منها بالرغم من انو زوجي معلبالوش لي تركب تركب

ربي يبارك فيكم

[سمرجان]

ممكن الزوجة تتفضل وتترك البلاصة لعجوزتها قبل ما يقوللها زوجها اقعدي في الوراء هههه

[cicilya]

العجوزة اللي عيب عليها تركب من القدام لأنه من القدام معروف بللي الزوجة اللي تقعد امام زوجها لأنه العجوزة قعدت مع شيخها من القدام في قت مضى فلتترك الآن الدّالة للآخرين

[houdehoud]

السلام عليكم
لالا انا بالذات اللي نركب في المقعد الخلفي
هههههههههههههههه ضحكتني ربي يعطيك الخير

العجوزة اللي عيب عليها تركب من القدام لأنه من القدام معروف بللي الزوجة اللي تقعد امام زوجها لأنه العجوزة قعدت مع شيخها من القدام في قت مضى فلتترك الآن الدّالة للآخرين
و اذا شايبها ما يعرفش يسوق و الا ما عطاهش ربي طاكسي على خاطر كان يربي و يصرفف على ولدو باش رجعو راجل و جاب مراة باش تقول على عجوزتها عيب عليها تركب من القدام كيفاه دير هاد العجوز انا نقولك تسنى ولدها يقاري و تقول لشايبها مول 80سنة يركب من قدام و الطاكسي حابسة و هي حداه و يتخيلو باللي راهو يسوق و هي حداه
اسمع خويا هاذ المسالة تافهة كاين حوايج اهم في الحياة يخمم فيهم الواحد و كيما قال اعظم انسان في الكون امك ثم امك ثم امك

[samira135]

وعلاه في نظركم المقعد الامامي هو الاحسن ؟؟؟؟

وكان تخمو فيها مليح تلقاو المقعد الخلفي مريــــــــــح أكثر و زيد في المقعد الامامي كاين حزام الامان اكيد رايحة يقلق المرأة الكبيرة

شوفو رجال الاعمال و الوزراء .......الخ وين يقعدو في الخلف و الامام ؟؟؟؟؟ وعلاه في رأيكم ؟؟؟؟

[z.abdo]

الأم بجنبي والزوجة في الصندوق الخلفي (لامان)

[houdehoud]

عبدو خويا قلنا امك ثم امك ما قلناش طيح قيمة زوجتك عيب حتى هي راهي خلات دارهم علاجالك و تسمح في كلش علاجالك انت و ولادك الاولوية للام بصح بدون تقليل احترام الزوجة

[قَاسِمٌ.قَاسِم]

سلام عليكم طبتم..
موضوع طيب وممتع
لا زلنا نستعمل النقل الحضري
ما لحقناش سيارة
وإذا كان السيارة توقعنا في مشاكل الأمام والخلف
ما نلحقوهاش خير.. هههه
سلام..

[Hicham Ahmed]

ايييييييييه موضوع جد حساس و رغم بساطته الا انو سبب مشاكل كبيرة للكثيرين
المهم ،،،،،أنا نظن انو كلشي مبني على الاحترام للغير ، الزوجة في دار باباها تركب من الوراء ،مع أخوتها كذلك،و حتى مع مول التاكسي هيئه هيهيهيه ولكن يا إخوتي كي تلحق للزوج فمكانها أمامه و العجوزة تركب من قدام مع راجلها ولا وليدها العازب إلا إذا العروسة هي طلبت منها و إلا فهي حقرة و إيحاءات من العجوزة بانها هي number one و هي اللي تحكم و رايحة تخلق حساسية بيناتهم


كيف حقرة؟... انا نشوف فيها عادي ..الاصل الام تقدم للامام ..اللهم اذا ارادت هي الخلف فلها ذلك.. ثم فيه فرق بين number one وبين اللي يحكم.. فالام او الاب راهم number one في الدبارة والمشورة .. بصح ما يحكمو في امور كثيرة..


اداحصلى هذا الموقف انزل لتركب الام مع كل محبيتى واحترامى الام ام ماتتعوضش اما للزوجة بدائل كثر ربى يرحم جميع الامهات ويحفض الباقيين


اللهم أمين..


السلام عليكم
موضوع مليح اخي الفاضل كل واحد ونظرتو في هذا الشيء
يصح انا وحدة من الناس منقدرش نديرها ديما نخلي عجوزتي تركب من القدام نحشم منها بالرغم من انو زوجي معلبالوش لي تركب تركب
ربي يبارك فيكم


بارك الله فيك .. تحشمي؟! يعني عيب تديرها .. ولا تحبي تركبي من القدام لكن...؟


العجوزة اللي عيب عليها تركب من القدام لأنه من القدام معروف بللي الزوجة اللي تقعد امام زوجها لأنه العجوزة قعدت مع شيخها من القدام في قت مضى فلتترك الآن الدّالة للآخرين


والله!.. نظن راكي عزباء ..والا ماركيش تهدري هكذا؟..


السلام عليكم
هههههههههههههههه ضحكتني ربي يعطيك الخير
و اذا شايبها ما يعرفش يسوق و الا ما عطاهش ربي طاكسي على خاطر كان يربي و يصرفف على ولدو باش رجعو راجل و جاب مراة باش تقول على عجوزتها عيب عليها تركب من القدام كيفاه دير هاد العجوز انا نقولك تسنى ولدها يقاري و تقول لشايبها مول 80سنة يركب من قدام و الطاكسي حابسة و هي حداه و يتخيلو باللي راهو يسوق و هي حداه
اسمع خويا هاذ المسالة تافهة كاين حوايج اهم في الحياة يخمم فيهم الواحد و كيما قال اعظم انسان في الكون امك ثم امك ثم امك


تافهة!!... المراة وحماتها ام دارو القيرة –الحرب- غير شكون اللي يركب من قدام وانت تقولي تافهة!!..


وعلاه في نظركم المقعد الامامي هو الاحسن ؟؟؟؟
وكان تخمو فيها مليح تلقاو المقعد الخلفي مريــــــــــح أكثر و زيد في المقعد الامامي كاين حزام الامان اكيد رايحة يقلق المرأة الكبيرة
شوفو رجال الاعمال و الوزراء .......الخ وين يقعدو في الخلف و الامام ؟؟؟؟؟ وعلاه في رأيكم ؟؟؟؟


اجابة مقنعة .. بصح مع الزوجة وحماتها.. نظن بلاصت الشوفور او بلاك يطمعو فيها؟.


الأم بجنبي والزوجة في الصندوق الخلفي (لامان)


باين عليك عزابي خويا عبدو.. نهار تزوج ونشوفو ..بلاك ما تخليكش تركب كامل؟


سلام عليكم طبتم..
موضوع طيب وممتع
لا زلنا نستعمل النقل الحضري
ما لحقناش سيارة
وإذا كان السيارة توقعنا في مشاكل الأمام والخلف
ما نلحقوهاش خير.. هههه
سلام..



تهنى الفرطاس من حكان الراس؟؟

[ريتان]

من باب الاحترام لازم الام من الامام

والزوجة من الخلف

كي كانت جدة الله يرحمها

يما ديما تخليها تقعد من القدام وهي من الوراء

[soso sirin]

الزوجة الي تفهم و ماتبغيش المشاكل تعرض على عجوزتها باه تايفيتي المشاكل و تكبر بيها و العجوزة الي تفهم ماتقبلش و تخليها هي الي تقعد من القدام مع راجلها.مع انو اكثرية العجايز يبغو يقعدو في الكورسي الرولاني لانو الكورسي القدامي يتقلقو من السانتوغ.و اذا بغاو يريحو للزوج من القدام يدير الراجل كيما قال بارود هو تهنى

[فارس وجواد]

والله مشكل انا كنت حاب نشري سيارة بصح راني بطلت ;مالة نكري طاكسي والسلام

[Hicham Ahmed]

من باب الاحترام لازم الام من الامام

والزوجة من الخلف

كي كانت جدة الله يرحمها

يما ديما تخليها تقعد من القدام وهي من الوراء


هاي الاصول .. بارك الله فيك

[Hicham Ahmed]

الزوجة الي تفهم و ماتبغيش المشاكل تعرض على عجوزتها باه تايفيتي المشاكل و تكبر بيها و العجوزة الي تفهم ماتقبلش و تخليها هي الي تقعد من القدام مع راجلها.مع انو اكثرية العجايز يبغو يقعدو في الكورسي الرولاني لانو الكورسي القدامي يتقلقو من السانتوغ.و اذا بغاو يريحو للزوج من القدام يدير الراجل كيما قال بارود هو تهنى


أأه .. لوكان جاو في زوج يفهومو .. كون تهنينا .. يركبوا في زوج من اللور... بصح الطلية كون جات العكسة.. يعني كيفاش يركبوا في زوج من قدام؟؟
ربي يجيب الخير

[Hicham Ahmed]

والله مشكل انا كنت حاب نشري سيارة بصح راني بطلت ;مالة نكري طاكسي والسلام

لا لا لا ما كاش مشكل خويا جواد.. كاين الحل.. عليك بـــ: الريكشا ..(Rickshaw)‏

http://www5.0zz0.com/2013/09/01/15/576677700.jpg

[بين الحقيقة و السراب]

نعرف انه قد تجلس الام كما قد تجلس الزوجة..
طيب .. لو اردت الخروج في نزهة .. وتأخرت امك قليلا .. واستبقت زوجتك للسيارة وركبت بجانبك .. ما موقفك .. من ركوب امك في الخلف؟.. هل ترجع زوجتك للخلف ... ام تطلب من امك التقدم؟ ام.....؟؟؟



اعتقد من غير اللاّئق أن تتصرّف الزّوجة كذلك إلاّ إن كان سهواً ،
و عادي أن يطلب منها الجلوس في الخلف بأسلوب لبق و لو بإشارة ^^ - مع ابتسامة صادقة :) - ،
فالأمر لا يستحقّ .. !

في الحقيقة لو أنا مكان الأمّ ، فحتما يروقني أن يقدّرني ابني و زوجه أيّما تقدير :)

و هذا ليس انتقاصا من قيمة الزّوجة مادام أنّهما متراضيان / أقصد الزّوجان ،

[قَاسِمٌ.قَاسِم]

و هذا ليس انتقاصا من قيمة الزّوجة مادام أنّهما متراضيان / أقصد الزّوجان ،





سلام عليكم طبتم،..
أعلم أن قصدك
" أقصد الزوجيـــن"
هههههههه
سلام

[النجمة القطبية]

والله يا اخى اعذرنى لكن انا حايرة كيفاش يرفعون اعينهم لدرجة انهم يميزون من يجلس فى الامام ومن يجلس فى الخلف
بغض النظر عن هذا الامر الذى لا يعنينا ولا يعنيهم كيف ينظرون الى المراة وزوجها قدامها كيف :confused::confused:
يفترض بالرجل الجالس مع زوجته وامه ان يقتلع اعينهم :confused:احب من احب وكره من كره
في السيارة ومطلقوهمش يخي حالة يخي

[Hicham Ahmed]

والله يا اخى اعذرنى لكن انا حايرة كيفاش يرفعون اعينهم لدرجة انهم يميزون من يجلس فى الامام ومن يجلس فى الخلف
بغض النظر عن هذا الامر الذى لا يعنينا ولا يعنيهم كيف ينظرون الى المراة وزوجها قدامها كيف :confused::confused:
يفترض بالرجل الجالس مع زوجته وامه ان يقتلع اعينهم :confused:احب من احب وكره من كره
في السيارة ومطلقوهمش يخي حالة يخي


بارك الله فيك .. ملاحظة في محلها .. وكنت انتظرها .. لكنها تأخرت..

اختي الكريمة .. نحن من هواة السيارات - ككل شخص مولع بالمحركات - مرت هذه السيارة الفاخرة .. فشدت انتباهنا .. فوقعت اعيننا على من بداخلها .. خصوصا ونحن جالسون .. اما اننا كنا نبلق في الذي بداخلها فحاشا .. ثم بربي وربك هذا شئ فطري في الانسان .. اذا اعجبه شئ نظر وحملق فيه اعجابا وليس لشئ اخر .. مثلكن عندما تذهبن للأعراس ..وتاتي وحدة لابسة قفطان الله الله .. اكيد ما رايحينش تشوفو غير مع الكفطان! .. بلاك التكرعيج فيها.. هذا اذا ما سألتوش على جدها العاشر..؟؟

[hattal]

العجوزة اللي عيب عليها تركب من القدام لأنه من القدام معروف بللي الزوجة اللي تقعد امام زوجها لأنه العجوزة قعدت مع شيخها من القدام في قت مضى فلتترك الآن الدّالة للآخرين

فهمت علاش نسبة الطلاق ارتفعت
مجرد الاحترام لا يوجد فما بالك بالتنازل من اجل الحفاظ على الزوج
ربي يهدينا

[bichaz810]

السلام عليكم
والله موضوع مليح انا نتحدث عن نفسي السيارة سيارتي وانا الي نعيط لعزوزتي باش تخرج معايا ونروح راكبة من الامام مع راجلي وكي نوصل قدام دارها نهبط قدام الناس الكل(الي مايهمونيش) وونرجع الوراء ونحوسو ونضحكو ونلعبو والخرجة كاملة ساعة ولا زوج ماناش راح نعيشو فيها يعن مسافة الطريق اي ماهيش مشكل وكل وحدة كيفاش كبرها تكبار في مخك ولا صغرها تصبح اكثر من تافهة
المهم اني نتقي ربي فيها اذا حبيت انو الكنة تتقي ربي في امي
وكيما قال اخ انا نحب بلاصت السائق والحمدو لله

[kika85]

وادا كانت السيارة سيارة الزوجة شراتها بالمال ديالها فما الحل؟؟؟؟؟؟؟؟؟؟؟ادا ركبت من القدام تولي مشي متربية؟؟؟؟وادا ركبت من الخلف تولي تنطبق عليها مقولة الحمار حماري وانا راكب ملور؟؟؟؟؟؟؟؟؟؟

[مواطنة]

نقطة مهمة جدا
اللي هو لازم لازم و القدر مطلوب ومن القدر اننا الكبير نخلوه يركب في المقعد الامامي الا اذا كان احدهم لا يحتمل الطريق و يجب عليه رؤية الطريق لكيلا يصاب بالدوار
عن نفسي من الاول نخلي العجوزة تركب قدام زوجي لكن بعدين هي ما تحبش و تخليلي المكان و بالوقت اصبحت هي تركب قدامو بلا ما نقولها يعني حتى لو خلاتلك المكان قلبها يوجعها
المهم نقدرو الحماة مهما صارالمهم الوصول بسلام

[جويرية الإيمان]

زوجي لا يملك سيارة لكن( سلفي) عندو سيارة و هو غير متزوج و دائما أركب من الوراء و عجوزتي تركب من الأمام

حتى لو خرجت عجوزتي مع بناتها فهى تركب من الأمام.

و لو امتلك زوجي سيارة فأكيد سأركب من الوراء و حماتي من الأمام .

و الله لو طلب مني طفل صغير أن يجلس من الأمام لتركته

لأن هذا الأمر لا يهمي إطلاقا فلا جلوسي من الخلف ينقص من قدري و لا جلوس أي أحد من الأمام يزيد في قدره .

[ريماس وصهيب]

هدى مسالة قدر للكبار واحترامهم ربي يهدينا

[ايمان نور الجزائر]

اظن انه من باب الاحترام.......ان تجلس امه في الامااااااااام
ولو كنت الزوجةى لتركتها تجلس بجانب ابنهاااااااااااااا
لكن احيانا العجوز الكبيرة تكرة القدام تحب تريح في الخلف ترتاح اكثر ....ولذلك لا يمكن اطلاق احكام عشوائية
على الناس كل واحد و ظروفوووووو
ناس تحب التعليق وكصثرة الهدرة بلا فايدة

[بلسم غرام2018]

الله اعلم الى صرا الموقف هذا ظرك نقولكم

[بين الحقيقة و السراب]

" أقصد الزوجيـــن"



و عليكم السّلام و الرّحمة ،

صدقت، بارك الله فيك على التنبيه ،
[ تمّ رفع المفعول دون سِبق إصرار ، و الكثير الكثير من الأخطاء ، فعذرا لغتنا ]
شكرا أخي ،



زوجي لا يملك سيارة لكن( سلفي) عندو سيارة و هو غير متزوج و دائما أركب من الوراء و عجوزتي تركب من الأمام

حتى لو خرجت عجوزتي مع بناتها فهى تركب من الأمام.

و لو امتلك زوجي سيارة فأكيد سأركب من الوراء و حماتي من الأمام .

و الله لو طلب مني طفل صغير أن يجلس من الأمام لتركته

لأن هذا الأمر لا يهمي إطلاقا فلا جلوسي من الخلف ينقص من قدري و لا جلوس أي أحد من الأمام يزيد في قدره .

بارك الله فيك جورية ، أحسنتِ الفعل ،
[ في البداية لم أفهم معنى سلفي و طلع انّه اخو الزّوج :rolleyes: ]

[Hicham Ahmed]

اظن انه من باب الاحترام.......ان تجلس امه في الامااااااااام
ولو كنت الزوجةى لتركتها تجلس بجانب ابنهاااااااااااااا
لكن احيانا العجوز الكبيرة تكرة القدام تحب تريح في الخلف ترتاح اكثر ....ولذلك لا يمكن اطلاق احكام عشوائية
على الناس كل واحد و ظروفوووووو
ناس تحب التعليق وكصثرة الهدرة بلا فايدة


خلاصة القول: سألت جدتي هذا السؤال فقالت لي : اييييه يا وليدي.. الله يرحم ديك الايام .. كنا نخرجو مع جدك نحوسو وكانت عجوزتي معنا .. وكنت ديما نركب من قدام .. خاطر كنت نفكر ونقول باللي الزوجة ديما جنب زوجها وين يروح بجنبوا --- يعني لاصقتلوا في الرودة - العجلة -- هههه عفوا هذه الزيادة من انتاجي ..راكم تعرف لازم شويا راس الحانوت ...- المهم كملت جدتي الكلام وقالت : بصح درقا كي نركب مع أولادي ويحتمو عليا ويقولولي ..يما ارواحي من قدام نفرح بزاف بزاف .. ونزيدلك يا وليدي وما نخبيش عليك .. ولويخلوني نركب من اللور نزعف ونحزن .. ونقول فضلوا نساهم عليا ..


المهم يا اخواني .. واش فهمت من كلام جدتي - بلا ما تقولهولي - المرأة لكبيرة .. لازمها هي ثاني ندللوها ونكبرو بها .. وهذا ما هو الا احترام ..

على كل لاحظت انو الازواج اللي يكبرو بامهاتهم او الزوجة اللي تكبر بعجوزتها .. تكبر في عينها وتكبر بها هي ثاني؟؟

[النجمة القطبية]

بارك الله فيك .. ملاحظة في محلها .. وكنت انتظرها .. لكنها تأخرت..

اختي الكريمة .. نحن من هواة السيارات - ككل شخص مولع بالمحركات - مرت هذه السيارة الفاخرة .. فشدت انتباهنا .. فوقعت اعيننا على من بداخلها .. خصوصا ونحن جالسون .. اما اننا كنا نبلق في الذي بداخلها فحاشا .. ثم بربي وربك هذا شئ فطري في الانسان .. اذا اعجبه شئ نظر وحملق فيه اعجابا وليس لشئ اخر .. مثلكن عندما تذهبن للأعراس ..وتاتي وحدة لابسة قفطان الله الله .. اكيد ما رايحينش تشوفو غير مع الكفطان! .. بلاك التكرعيج فيها.. هذا اذا ما سألتوش على جدها العاشر..؟؟

انا لم اقل انكم تبلقون :1::1:
اخى الكريم انا اتكلم عن ظاهرة موجودة فى مجتمعنا لان الواحد لما يخرج مع عائلته اخر ما يريده هو لفت الانظار اليه لما يكون الرجل لوحده عادي لن يهتم
اما جوابا عن سؤالك هذا الشئ معروف لما واحد كبير يركب مع ابنه السيارة او الام او احيانا حتى اخ الزوج او الزوجة يقعد فى المقعد الامامي احتراما له وين راه المشكل والمراة لما تخرج مع زوجها وحدها تقعد فى مقعدها المعروف اما فى وجود الام تقعد من الوراء لكن مع وجود حالات خاصة اين ترفض الام المقعد الامامي لاسباب صحية مثلا وهذا موجود ايضا
شكرا اخى على الموضوع
موفق

[cicilya]

خلاصة القول: سألت جدتي هذا السؤال فقالت لي : اييييه يا وليدي.. الله يرحم ديك الايام .. كنا نخرجو مع جدك نحوسو وكانت عجوزتي معنا .. وكنت ديما نركب من قدام .. خاطر كنت نفكر ونقول باللي الزوجة ديما جنب زوجها وين يروح بجنبوا --- يعني لاصقتلوا في الرودة - العجلة -- هههه عفوا هذه الزيادة من انتاجي ..راكم تعرف لازم شويا راس الحانوت ...- المهم كملت جدتي الكلام وقالت : بصح درقا كي نركب مع أولادي ويحتمو عليا ويقولولي ..يما ارواحي من قدام نفرح بزاف بزاف .. ونزيدلك يا وليدي وما نخبيش عليك .. ولويخلوني نركب من اللور نزعف ونحزن .. ونقول فضلوا نساهم عليا ..



المهم يا اخواني .. واش فهمت من كلام جدتي - بلا ما تقولهولي - المرأة لكبيرة .. لازمها هي ثاني ندللوها ونكبرو بها .. وهذا ما هو الا احترام ..


على كل لاحظت انو الازواج اللي يكبرو بامهاتهم او الزوجة اللي تكبر بعجوزتها .. تكبر في عينها وتكبر بها هي ثاني؟؟

يعني هذه الأم عاشت وقتها، وركبت من القدام كي كانت صغيرة و ضرك تحوس تعيش وقت الناس الآخرين و تزيد تركب من القدام. وكان جات تحب ولادها صح وكان هي اللي تقول لالا ما نركبش من القدام و تخلي زوجة ابنها اللي تركب من القدام باش تقدرها و توريلها بلي راهي حاجة كبيرة وهكذا تُمَتِّن العلاقة بين ابنها و زوجته ماهوش توري بلي لازم هي دائما رقم 1

[مومي23]

ههههههه موقف يصرا بزاف انا نخلي عجوزتي من القدام ومرة هي اللي قعدت تحلف عليا وقالت لي لازم تركبي انتي بجنبو
المهم يعني كي يكون برضاها ماعليش ولاذا جات على الحلفان راح الزوج مسكين يستنى ساعة وهوما غير يحلفو على بعضاهم شكون تركب من القدام
وانا كي نكون مع خاوتي ونساهم الكبير يحبني انا حداه ومرتو ماتزعفش والاخر العريس الجديد انا اللي مانحبش نركب من القدام نخلي مرتو تقعد حداه واذا كانت ماما فأكيد هي المعلمة ههههههه واصلا ماتتنازلش على بلاصتها

جميل ان تكون المراة تفهم في القدر
تحية لك

[Hicham Ahmed]

يعني هذه الأم عاشت وقتها، وركبت من القدام كي كانت صغيرة و ضرك تحوس تعيش وقت الناس الآخرين و تزيد تركب من القدام. وكان جات تحب ولادها صح وكان هي اللي تقول لالا ما نركبش من القدام و تخلي زوجة ابنها اللي تركب من القدام باش تقدرها و توريلها بلي راهي حاجة كبيرة وهكذا تُمَتِّن العلاقة بين ابنها و زوجته ماهوش توري بلي لازم هي دائما رقم 1

لم تفهمي القصة؟..
جدتي أرادت أن تقول أنها أخطأت في عجوزتها .. وقتئذ..

[أم احمد3]

انا نحل لكم المشكل هذا

انا كأم ابنتي في الخامس عشر من العمر تريد ان تركب في المقعد الاول وتقولي ماما خليني بلاصة وانا كام نحب نشوفها سعيدة نخليها بكل سرور املا حتى زوجة ابني نخليها تركب على خاطر زماني وزمان بناتي ماتشي كيف كيف والله غير نحس بالفرحة لما تركب بنتي بجانب ابوها وخطرات خوها ابني يعني في عمرو ثمانية عشر

[cicilya]

لم تفهمي القصة؟..

جدتي أرادت أن تقول أنها أخطأت في عجوزتها .. وقتئذ..

أخطأت في حق عجوزتها بكري و الآن تزيد تدي حق زوجة ابنها . الأم التي تحب ابنها فعلا تحاول دائما الابتعاد عن الحياة الزوجية لابنها. تخليهم يعيشوا حياتهم . ما تحشرش روحها في الوسط حتى لا تنغص عليهم. تكون حاضرة فقط كي يحتاجوها. أما كونها تعبت في تربية ابنها وووو..... فأجرها على الله فهو خير الرازقين مُش تزاحم مرت ابنها و تحشر روحها في كل شيء. من المفروض و إذا استلزم الأمر أن تخرج مع ابنها و زوجته أن تأخذ بخاطر زوجة ابنها و تدعها تجلس في المقعد الأمامي حتى لا تجرح مشاعرها و تُحْرِجَ ابنها. و حتى لا تكون السبب في تصدع العلاقة الزوجية و لو بهذا الأمر البسيط

[مناد بوفلجة]

زرت اليوم مسقط رأسي .. فالتقيت بأصدقاء طفولتي.. من حديث الى حديث .. حتى وصلنا الى أحد المقاهي الشعبية .. جلسنا نحن ثلاثتنا .. وبدأ نسترجع أيام الصبى – أأه أأه ليث الشباب يعود يوما! ..- المهم .. ونحن جالسون بالمقهى حتى مرت أمامنا سيارة الله الله – فمشطناها بأعيننا – طبعا السيارة!- .. لكن صديقي الذي بجانبي قال لي أنظر أنظر .. قلت له أنا أنظر ما شاء الله – قال لي لا لا هشام أنظر الذي في السيارة .. فنظرت أنا وصديقي الأخر ..- ففهمننا قصده .. رجل يسوق وزوجته بجانبه وأمه في الخلف ..
قال صديقي الأول : سبحان الله على هذا الزوجة .. ترضى تقلش روحها من القدام .. وتخلي عجوزتها من الخلف مرمية .. ياخي حالة ياخ .. والله كيما قالك عيش تشوف.. النسا تاع آخر الزمان .. لم يصبر صديقي الأخر وانفجر حتى هذا الرويجل ماهوش راجل .. يطيش أمه في الخلف .. يخلي لالاه معاه .. ياخي حالة .. كنا بكري نسمعو .. بصح درقا ولينا نسمعو ونشوفا .. يا حصرا على الرجال والمساطيش تاع بكري!..
قلت لهما – حوحو يشكر روحو – ممكن الوالدة راضية وهي اللي قالتلها ريحي من القدام - .. قاطعني صديقي .. واش خو امالا حتى انت ديرها .. قلت له : لا لا عمري ما نفرط في يما .. بصح هذيك ثاني زوجتي .. ولازم نحكي معاها من قبل ونقولها ..يما خط احمر ..بلاك هاي عيني .. هههههه .. عجبو الحال صاحبي وقال لي راجل والله .. فقلت له لا لا راني غير نضحك معاك .. كون جيت أنا ....................

كون جيتوا أنتوما واش اديروا: يماك ولا زوجتك؟! زوجك ولا عجوزتك؟!


السلام عليكم و رحمة الله

أرى أن الأمر مبالغ فيه كثيرا

فنحن نرى دوما الأمور من باب ، هذا أفضل من ذاك ، أو ، حتى لا يغضب هذا على ذاك ،
و يكون بناء الفكرة على أساس ما نعتقد نحن أنه صواب

لو ركبت في سيارة أجرة ، في الغرب ، فالمكان هو المقعد الخلفي ،
و المقعد الخلفي هو الأكبر آمان و هو الذي يجبر به السائق أن يضع
الطفل الرضيع فيه ، و أيضا أظن أن العجوز و الإأنسان الكبير مكانه المناسب هو المقعد الخلفي ،
في حالة الضغط على المكابح بقوة ، لا يتأثر كثيرا الراكب في الخلف

و ربما بسبب ذلك فهو يخاف على أمه أكبر من خوفه على زوجته :mh31:

لكن السؤال المطروح هو :
أصدقائق عندما رأو ذلك الشخص يضع أمه في المقعد الخلفي ،
هل طرحوا على أنفسهم : لماذا ؟
غير تلك التي يتعلق جوابها بأنه يفضل الزوجة على أمه !!!!

تصور معي أنه بعد سردكم للفيلم الطويل و عن هذا لائق و هذا لا يليق ،
تصور أنه عاد بالسيارة و توقف أمامكم ثم نزل يجري للباب الخلفي و فتحه
و حمل أمه بين ذراعيه و هي واضعة للجبس في ركبتيها
ثم نادى زوجته : أغلقي الباب و جيبي جيبي معاكي العكاز
و الدواء و ما تنسيش تديري حجرة تحت العجلة باه ما ترجعش السيارة راني نسيت ندير لفراناما
أكيد سيتغير سيناريوا الفيلم الذي تسردونه في المقهى و سيتحول الضحية ، عفوا ، الجاني إلى بطل في نظركم

أكيد أنه ربما هناك أسباب عديدة قد تتوقعها لتصرف الرجل !!!!

أرى أن حديثكم في المقهى يعكس نوع من ظاهرة منتشرة و هي تحليل الأمور التي نراها من جانب واحد فقط

فلو تحدثتم و تناقشتم عن ظاهرة الإحتباس الحراري مثلا ، فهذا مفيد ...
أعلم أنك ستقول لي لقد تحدثنا عن هذه الظاهرة كثيرا ...

حسنا ،
لو تحدثتم عن ظاهرة:
مراقبة الناس و تحليل تصرفاتهم من جانب واحد و إمكانية الوصول لنتائج صحيحة ،
أظن أنه موضوع خصب يصلح للنقاش .....


أو ربما لأننا دوما نعتقد أنفسنا أننا على صواب و أننا أحسن من غيرنا
لهذا نحاول إثبات ذلك ربما بمشاهدات من الواقع
حتى نتمكن من زرع القليل من الطمأنينة في تصرفاتنا و شخصياتنا

فــ الأسد لن يعتقد نفسه أنه ملك للغابة ، في غابة جميع حيوناتها أسود
و المقصود هي الفكرة

فماذا لو أنك سألت الرجل ، فـــ قال لك :
أمي لا تحب الجلوس في المقعد الأمامي !!!!
لأنها كي تجلس تحب تكسل رجليها و ما تديرش السانتورا
:mh31: :mh31: :mh31:

أو سيقول لك :
زوجتي تجلس بجانبي حتى تذكرني بالأشياء التي يجب أن أشتريها لأمي

أو سيجيبك :
زوجتي تجلس بجانبي لأنها تهتم بأمي

حتى أنك لو سألت الأم عن إبنها و زوجته فستجيبك :
الله يبارك في وليدي يتهلا فيا و ما خصني والوا
و في هذيك لمرا نتاعوا لي أنا خيرتها ليه ، هذيك بنت أختى ، تتهلا فيا
تلبسني ، تغسل لي ، ترفدني ، توكلني ، الحمد الله ، راني عاطيتها دعوة الخير
و ستكون تلك هي ، مفاجئة الفيلم :dj_17:

على كل حاااال ، شكرا لك على الفيلم الجميل


و أرجوا أن لا تنزعج من ردي هذا
و تحية خالصة لكم

[Hicham Ahmed]

السلام عليكم و رحمة الله

سَلاَمٌ قَوْلاً مِّن رَّبٍّ رَّحِيمٍ.

أرى أن الأمر مبالغ فيه كثيرا

الله اكبر .. يسقط يسقط حكم العسكر

فنحن نرى دوما الأمور من باب ، هذا أفضل من ذاك ، أو ، حتى لا يغضب هذا على ذاك ،
و يكون بناء الفكرة على أساس ما نعتقد نحن أنه صواب

طبعا ..فالشافعي يقول: رأينا صواب يحتمل الخطأ ورأي غيرنا خطأ يحتمل الصواب ..

لو ركبت في سيارة أجرة ، في الغرب ، فالمكان هو المقعد الخلفي ،
و المقعد الخلفي هو الأكبر آمان و هو الذي يجبر به السائق أن يضع
الطفل الرضيع فيه ، و أيضا أظن أن العجوز و الإأنسان الكبير مكانه المناسب هو المقعد الخلفي ،
في حالة الضغط على المكابح بقوة ، لا يتأثر كثيرا الراكب في الخلف

(فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ)

و ربما بسبب ذلك فهو يخاف على أمه أكبر من خوفه على زوجته :mh31:

أأه ممكن .. نستغفر الله .. صحيح .. قال الله تعالى: يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ..

لكن السؤال المطروح هو :
أصدقائق عندما رأو ذلك الشخص يضع أمه في المقعد الخلفي ،
هل طرحوا على أنفسهم : لماذا ؟
غير تلك التي يتعلق جوابها بأنه يفضل الزوجة على أمه !!!!

لا لا ..لم ننتبه لذلك..

تصور معي أنه بعد سردكم للفيلم الطويل و عن هذا لائق و هذا لا يليق ،
تصور أنه عاد بالسيارة و توقف أمامكم ثم نزل يجري للباب الخلفي و فتحه
و حمل أمه بين ذراعيه و هي واضعة للجبس في ركبتيها
ثم نادى زوجته : أغلقي الباب و جيبي جيبي معاكي العكاز
و الدواء و ما تنسيش تديري حجرة تحت العجلة باه ما ترجعش السيارة راني نسيت ندير لفراناما
أكيد سيتغير سيناريوا الفيلم الذي تسردونه في المقهى و سيتحول الضحية ، عفوا ، الجاني إلى بطل في نظركم

طبعا .. والله .. أفي الله شك..

أكيد أنه ربما هناك أسباب عديدة قد تتوقعها لتصرف الرجل !!!!

المسألة فيها قولان..

أرى أن حديثكم في المقهى يعكس نوع من ظاهرة منتشرة و هي تحليل الأمور التي نراها من جانب واحد فقط

وانتظرناكم لتعطونا الجانب الثاني..

فلو تحدثتم و تناقشتم عن ظاهرة الإحتباس الحراري مثلا ، فهذا مفيد ...
أعلم أنك ستقول لي لقد تحدثنا عن هذه الظاهرة كثيرا ...

حسنا ،
لو تحدثتم عن ظاهرة:
مراقبة الناس و تحليل تصرفاتهم من جانب واحد و إمكانية الوصول لنتائج صحيحة ،
أظن أنه موضوع خصب يصلح للنقاش .....

وَلاَ يُنَبِّئُكَ مِثْلُ خَبِيرٍ

أو ربما لأننا دوما نعتقد أنفسنا أننا على صواب و أننا أحسن من غيرنا
لهذا نحاول إثبات ذلك ربما بمشاهدات من الواقع
حتى نتمكن من زرع القليل من الطمأنينة في تصرفاتنا و شخصياتنا


استغفر الله .. أَلا لا فَضْلَ لِعَرَبِيٍّ عَلَى أَعْجَمِيٍّ ، وَلا لِعَجَمِيٍّ عَلَى عَرَبِيٍّ , وَلا أَسْوَدَ عَلَى أَحْمَرَ , وَلا أَحْمَرَ عَلَى أَسْوَدَ إِلا بِتَقْوَى اللَّهِ

فــ الأسد لن يعتقد نفسه أنه ملك للغابة ، في غابة جميع حيوناتها أسود
و المقصود هي الفكرة


فماذا لو أنك سألت الرجل ، فـــ قال لك :
أمي لا تحب الجلوس في المقعد الأمامي !!!!
لأنها كي تجلس تحب تكسل رجليها و ما تديرش السانتورا
:mh31: :mh31: :mh31:

يا ليتني فعلت؟؟

على كل حاااال ، شكرا لك على الفيلم الجميل


نعتذر على فضاضة المشاهد الموجودة فيه


و أرجوا أن لا تنزعج من ردي هذا
و تحية خالصة لكم

فَاصْبِرْ لِحُكْمِ رَبِّكَ وَلَا تَكُنْ كَصَاحِبِ الْحُوتِ إِذْ نَادَىٰ وَهُوَ مَكْظُومٌ

[مناد بوفلجة]

فَاصْبِرْ لِحُكْمِ رَبِّكَ وَلَا تَكُنْ كَصَاحِبِ الْحُوتِ إِذْ نَادَىٰ وَهُوَ مَكْظُومٌ

بارك الله فيكم

هناك إضافات و إحتمالات أخرى أضفتها لمشاركتي أعلاه

و المعذرة لأنني تذكرتها متأخر و جائت في بالي و أنا أسير في الطرق
فعدت لقاعة النت و أضفتها :1:

بارك الله فيك

:)

[Hicham Ahmed]

بارك الله فيكم

هناك إضافات و إحتمالات أخرى أضفتها لمشاركتي أعلاه

و المعذرة لأنني تذكرتها متأخر و جائت في بالي و أنا أسير في الطرق
فعدت لقاعة النت و أضفتها :1:

بارك الله فيك

:)



شكرا على راس الحانوت المضاف..

[كونجلي]

و عند [كونجلي] الخبر اليقين:
سيد هشام لا اظنك تختبرني...وتريدني ان تعجزني بهكذا سؤال...

و كل واحد حاصل في هاذ المشكل:
تنفع غيرالهيلوكس باشي...كل المقاعد امامية... او الكاميو

وان لم تستطع فـــــ
بع السيارة ...
و خليك بالموطو 103 على الاقل تفيتي لونكومبرومون



جدياً:
لا يجب وضع المقارنات بين الام/الزوجة...فالخسارة المؤكدة هي النتيجة...

شكرا

[Hicham Ahmed]

و عند [كونجلي] الخبر اليقين:
سيد هشام لا اظنك تختبرني...وتريدني ان تعجزني بهكذا سؤال...

و كل واحد حاصل في هاذ المشكل:
تنفع غيرالهيلوكس باشي...كل المقاعد امامية... او الكاميو

وان لم تستطع فـــــ
بع السيارة ...
و خليك بالموطو 103 على الاقل تفيتي لونكومبرومون



جدياً:
لا يجب وضع المقارنات بين الام/الزوجة...فالخسارة المؤكدة هي النتيجة...

شكرا


هههههههههه
عند الحق .. لا للمقارنة..

[wafa16]

المقعد الامامي للام هذا لانقاش فيه
اصلا قلة احترام ان تجلس بالمقعد الخلفي و الكنة و ابنها عاطيينها بظهرهم انا هذا هو تفكيري
و اللي تقولك العجوزة كانت تركب قدام الشيخ نقولك شكون قالك في وقتها كي كانت عروسة ماكانتش تخلي عجوزتها تركب من القدام
البعض يشوفوه موضوع تافه انا نشوفو موضوع مهم و مالازمش نغفلو عليه
لانو هاد الامور البسيطة اللي تميزنا حنا الجزائريات على باقي نساء العالم الفهامة و الظرافة و القدر
بصح هاد الفكرة تع المقعد الامامي للزوج و الزوجة ماشي تاعنا تاع الغربيين و الكفار اللي ما عندهمش تقدير لكبار السن
و تصيب الابناء في سن 18 سنة ينفصلو على والديهم على هاذي يمشو بعقلية الزوجة هي رقم واحد
اصلا انا زوجة عمي اجنبية مسيحية و كي تركب هي و جداتي او احد سلافها الرجال تخليلهم المقعد الامامي بلا ما يطلب زوجها و تركب في الخلف و هذا ماشي انتقاص من قيمتها لانهم يحبوها و يحترموها
ولانها رفدت علينا هاد العادات و انا بدوري رفدت هاد العادة على اهلي و نطبقها مستقبلا ان شاء الله
سلام

[قَاسِمٌ.قَاسِم]

المقعد الامامي للام هذا لانقاش فيه
اصلا قلة احترام ان تجلس بالمقعد الخلفي و الكنة و ابنها عاطيينها بظهرهم انا هذا هو تفكيري
و اللي تقولك العجوزة كانت تركب قدام الشيخ نقولك شكون قالك في وقتها كي كانت عروسة ماكانتش تخلي عجوزتها تركب من القدام
البعض يشوفوه موضوع تافه انا نشوفو موضوع مهم و مالازمش نغفلو عليه
لانو هاد الامور البسيطة اللي تميزنا حنا الجزائريات على باقي نساء العالم الفهامة و الظرافة و القدر
بصح هاد الفكرة تع المقعد الامامي للزوج و الزوجة ماشي تاعنا تاع الغربيين و الكفار اللي ما عندهمش تقدير لكبار السن
و تصيب الابناء في سن 18 سنة ينفصلو على والديهم على هاذي يمشو بعقلية الزوجة هي رقم واحد
اصلا انا زوجة عمي اجنبية مسيحية و كي تركب هي و جداتي او احد سلافها الرجال تخليلهم المقعد الامامي بلا ما يطلب زوجها و تركب في الخلف و هذا ماشي انتقاص من قيمتها لانهم يحبوها و يحترموها
ولانها رفدت علينا هاد العادات و انا بدوري رفدت هاد العادة على اهلي و نطبقها مستقبلا ان شاء الله
سلام
سلام عليكم طبتم
من أين لك كل هذا
ههههههه
رعاك الله

[*ام عبد الكريم*]

انا بكل صراحة ما عنديش فرق جلوسي في الامام او الخلف ما يسببليش مشكل لكن عجوزتي ما تحبش الامام و ديما تحلف عليا و حتى ان نزلت قدامي تركب من اوراء ..و هذا ما معنتو عدم الاحترام لها و اظن ان الجلوس في الامام او الخلف حالة نسبية و كل واحد و رايه...

[أم عمرو]

السلام عليكم لقيت ردود ياسر حول هذ الموضوع لكن مكاش مانع نتكلم؟؟
بصراحة أنا واحدة لا أحب و ما يعطنيش قلبي نقعد الأمام و أم زوجي خلفي أبدااااا لدرجة أنو زوجي أحيانا يقلق و يقولي معندو حتى معنى التصرف هذا عادي أقعدي مفيها والو و حتى عجوزتي ، لكن بصرااااحة ما نقدرش لأنو في كثير من الاحيان نصعد أنا الاوللى من بيتنا و نروحو نهزوها من بيتها لكن قبل ما تلحق نزرب نقعد في الخلف .
علاااااه؟؟؟؟؟؟
كانت دايما هذيك بلاستها ما نحبش تحس بلي تبدل الحال.
ملاحظة: لما نقعد في الامام لطلب منها لأنها في كثير من الاحيان لا تحب و ضع حزام الامان.

[cicilya]

من المتعارف أنه الزوجة اللّي تقعد أمام زوجها من الأمام و الأم من الخلف الزوجة تخلي بلاصتها في حالة إذا ما صعد رجل فقط كأخ الزوج أو أبوه .. أما امام أي امرأة فتحافظ على مكانها والزوجة اللّي تخلي بلاصتها و تجلس من الخلف سَلْتَة برك حتى لا تطلقها العجوز

[امونة الشاوية]

حقيقة راجلي عمرو تطرق الى هاذ النقطة وحنا ما نتلاقاوش في المشيات بزاف لان كي نتلاقاو انا نخليها تركب القدام لانها تغيظني مرا كبيرة تقعد للوراء
وهاذ اليء عمرو ما يغير حتى حقيقة هي ولدها وانا زوجي وكل وحدة وبلاصتها يعني المكان ما عندوش اهمية

[مناد بوفلجة]

السلام عليكم و رحمة الله


أظن أنه في الحقيقة كان في العمل و هاتفته زوجته لإحضار
أمه من عند خالتها فلما ذهب للمنزل حمل زوجته في السيارة ثم توجه لمنزل الخالة
و التي كانت الأم تنتظره بقرب بابهم

فلما توقفت السيارة ، كان من المنطقي أن تركب الأم في الخلف
فمن غير المعقول أن تنزل الزوجة لتركب في الخلف و تصعد الأم في المقعد الأمامي

هذا إن كانت كل من الزوجة و الأم يحملان مفهوم أن :
الراكب في الخلف أقل قيمة من الراكب في المقدمة

أو ، عفوا عفوا ، كل من الزوجة و الأم يحملان مفهوم أن :
الراكب في الأمام أقرب للقلب من الراكب في الخلف

أو حتى

أنها في الحقيقة ربما أخته و ليست زوجته

شكرا لك على :
.
.
.
.
.
.
.
.
.
حسن الضيافة

[روضة من رياض الجنة]

بارك الله فيك .. تحشمي؟! يعني عيب تديرها .. ولا تحبي تركبي من القدام لكن...؟



لا خويا يعني عيب نديها كي نروحو لوحدنا راني نركب حداه بصح كي تكون امو معانا راهي اولى مني انا نكبر بيها مرات هي تقولي اركبي من قدام وا نا نقوللها لالا

[dznina]

مالقري مزال مش متزوجة مي نورمال جو بونس مكانش مشكل كيما انا كيما هي مي فالوقت هدا العروسة تقولك نركب من قدام ولعجوزة من الخلف اوسي اليمات توجور تقول لعروستها اركبي نتي حدا راجلك وانا من الخلف

[cicilya]

من المتعارف أنه الزوجة اللّي تقعد أمام زوجها من الأمام و الأم من الخلف الزوجة تخلي بلاصتها في حالة إذا ما صعد رجل فقط كأخ الزوج أو أبوه .. أما امام أي امرأة فتحافظ على مكانها والزوجة اللّي تخلي بلاصتها و تجلس من الخلف سَلْتَة برك حتى لا تطلقها العجوز

[lina18258]

وما ذا عن ام الزوجة ؟ هل تجلس بجانب صهرها على اعتبار ان المكان الامامي لاكبرسنا
ام انها تجلس في المقعد الخلفي ؟

[Hicham Ahmed]

وما ذا عن ام الزوجة ؟ هل تجلس بجانب صهرها على اعتبار ان المكان الامامي لاكبرسنا
ام انها تجلس في المقعد الخلفي ؟

نحن لم نقل المكان الامامي للأكبر سنا .. ثم أم الزوج ليست كم أم الزوجة.. - طبعا في هذه الحالة ..- فالقاعدة هي أن المكان الأمامي لا يجلس فيه الا اثنان من النساء .. الأم أو الزوجة ..- وهنا كنا نتعارك ونتناقش - ماعدا ذلك الكل في الخلف اذا حضرت الزوجة.

[عبد الغني عباس]

السلام عليكم..........بالطبع أمي هي من ركب بجانبي...و كون تكون جدتي معانا فلها الاولوية على أمي

[آمِيْرَتُه]

معنديش مانع نركب من القدام و لا الوراء المهم نوصل وينباغية نروح ههههه

[*سيرتا *]

والله احترت عندما قرات الموضوع وضحكت في نفس الوقت (هم يضحك و هم يبكي)وحمدت الله لان زوجة اخي ووالدتي لا تهتمان بمثل هده التفاهات اللتي لا معني لها وحتى اخي, .. وهع كل احترماتي يا صاحب الموضوع فمن الاحسن ان يتناقش اصدقاؤك في مواضيع مهمة .. وبركاهم من الشغلة في الناس .. ربي يهدينا

[cicilya]

بصح صاحب الموضوع ممكن حائر تركب الأم من الأمام تغضب الزوجة. تركب الزوجة من الأمام تغضب الأم ؟؟ كيف العمل؟

[سيهام]

يا اخي كان الاولى بيكم ان تغضو بصركم على الراجل
بقيتو تشوفو فيهه و ما حشمتوش
عقلتو سيارتو و عقلتوه و عقلتو مرتو و عقلتو يماه
ما شاء الله عندكم كاميرات ماشي عينين
و الله عيب
كل واحد يروح يتفرجو على نفسو و على عايلتو
خلو الناس تعيش حياتها كيما تحب
واش راحلكم انتوما
مارتو و لا يماه
كاين عجايز ما يحملوش الجلوس فس الامام تحكمهم الدوخة
هاذي غيبة ربي يغفرلكم
اسمحلي مي انا نشوفها غيبة في ظهر الغيب
لان لو كان كان واقف معاكم ما تقولوهالوش

[وردة زمن]

قضية احترام وحياءو كل واحد وتفكيرو نورمالمون العبد الكبير ديما نحترموه ونقدروه ماشي غير لعجوزة هاذي سلفتها هذي خالة راجلها او عمتو او احد من اهله خاصة الكبار والعروسة تحاول تكون رزينة و تبادر للاحسان باش تزيد في نظر ناسها ويحسو بقيمتها وهوما ثاني راح يحترموها وما يتعاندوش يعني كل مرة وكيفاه ياخي ماشي كل يوم في نفس الموقف ولا يوميا يركبو مع بعض امالا مافيها حتى شيئ ولا للعناد واذا كانت مثلا المراة عندها مثلا حالات قيئ او دوارحاشاكم من المقاعد الخلفية هذيك باية كل واحد حسب ظروفو

[salima14]

أنا هذي لحاجة ماتقلقنيش هي ولا أنا كيفكيف بصح جامي ركبتها
فالخلف لا هي ولا أمي هذي مش حاجة تخليني نخمم ونكسر راسي

[sali-sali]

السلام عليكم
هدا التفكير هو لي يجب المشاكل
صح من المفروض الان هيا الاساس
لكن لما يكونو متفاهمين ومايهتموش بهدي التفاهات هكدا احسن

[imedmias]

الأم بجنبي والزوجة في الصندوق الخلفي (لامان)c
ci juste hhhhhhhhh

[fille algerie]

أكييييييد رآح نتفضل انقول لعجوزتي اقعدي القدام والله عيب نقعد انا القدام وهي من وراء

[nor guiri]

انا نقول ن حق عزوجتي تركب من القداام

[oumadoumawayouta]

ما لا افهمه هو التخمام نتاع الاس بلي توجد منافسة بين الزوجة و ام الزوج
هدا راه مرض
انا نركب الور خاطر اولادي صغار و ما يحملوش السيارة تركب عجوزتي من قدام ولا ن لور المهم تكون كاينة بلاصة
يعني مر تبكي خاطر ركبت من لور عجيب
شغل كي وحدة تركب من قدام رايحة تربح حاجة
و زيد السياج القدامي يقولولو
la "place du mort"?




























الرجل الجزايري عندو عقدة اوديب

[moh140]

موضوع جميل وواقعي في حياتنا

[LILA LAMIS]

السلام عليكم
انا ارى ان المكان الطبيعي جدا للزوجة هو بجانب زوجها و الام من الخلف و لو كان لي ابن متزوج لن اخذ مكانا من المفروض هو لها و فقط.
اما مااثار انتباهي هو فعلا تخلف و ضيق النظرة لدى الشاب الجزائري اذ بالنسبة له المكان الامامي هو المفضل و من يركبه هو الافضل ؟؟؟؟؟؟
وارى ان من يريد ان يبين مدى حبه و تقديره لامه توجد مواضع اخرى و سبل لذلك و ليس بان تجلس بجانبه و زوجته في الخلف ....موضوع تافه جدا لا يحتاج مناقشة بين الزوجين او ان تثار المشاكل بسببه.

[نسمة الغربة]

قبل ما نجيب الدر دائماً مركب مع راجلي القدام
بصح اذا جات أمه عندنا اقعد هي مع انه زوجي يحبني تقعد انا لانه انه ترقد المسيكينة و راجلي عنده مشكل السرحان
بعد ما جبت الدر دائماً رانا في الوراء

[mounaminou]

خويا ماتزعفش مني مي .....وين راح غض البصر ...

..دققتو في النسا و عرفتو بللي اللي مالخلف هي امو..... وصلتو تميزو بين مرتو و زوجتو و هوما داخل الطاكسي .. ... .......يعني راكم صكانار .....
وصلتو حتا تحطمو على الناس هدا راجل و هدا لالا ....بالاك هو يعامل أمو أحسن معاملة و خير مللي يركبها من قدام و مايعاملهاش مليح ....

[أَحمــد]

هذا هو الحل:

http://www.forum-auto.com/uploads/200407/ni_go_ki_1089203075_p_honda_frv_5.jpg

[زرقـآء اليمآمـة]

هذا هو الحل:

http://www.forum-auto.com/uploads/200407/ni_go_ki_1089203075_p_honda_frv_5.jpg

السلام عليكم
فكرة جميلة ولكن من تجلس بجانبه مباشرة ؟؟؟؟؟؟؟؟؟؟؟؟؟؟؟

[أَحمــد]

السلام عليكم
فكرة جميلة ولكن من تجلس بجانبه مباشرة ؟؟؟؟؟؟؟؟؟؟؟؟؟؟؟

وعليكم السلام ورحمة الله
---------
كل ما نلقاو حل تبداو تخلقونا في المشاكل يا نساء ............... امزح فقط.
----
خليني نفكر .... كاش مانلقى فكرة لتصميم سيارة بحيث ماتغضب الام ولا الزوجة ... وندي دعوة الخير من الأولى وترضى عليك الثانية..

[زرقـآء اليمآمـة]

وعليكم السلام ورحمة الله
---------
كل ما نلقاو حل تبداو تخلقونا في المشاكل يا نساء ............... امزح فقط.
----
خليني نفكر .... كاش مانلقى فكرة لتصميم سيارة بحيث ماتغضب الام ولا الزوجة ... وندي دعوة الخير من الأولى وترضى عليك الثانية..

السلام عليكم
لقد خطرت ببالي فكرة .............ما تغير التصميم ما والو فقط يكون الزوج بين امه وزوجته ، اي يجلس الزوج بينهما في الكرسي الاوسط و صمم له المقود امامه حتى ترتاح امه وزوجته في نفس الوقت ويرتاح هو ونرتاح نحن وكل الزوار وكل الاعضاء والمشرفين والعالم اجمع ............. والله المستعان

[أَحمــد]

السلام عليكم
لقد خطرت ببالي فكرة .............ما تغير التصميم ما والو فقط يكون الزوج بين امه وزوجته ، اي يجلس الزوج بينهما في الكرسي الاوسط و صمم له المقود امامه حتى ترتاح امه وزوجته في نفس الوقت ويرتاح هو ونرتاح نحن وكل الزوار وكل الاعضاء والمشرفين والعالم اجمع ............. والله المستعان

وعليكم السلام ورحمة الله
----------
الأخت زرقاء اليمامة وجدت الحل بمساعة أبو فراس

... يُغلق الموضوع ...