رايكم ارجوكم [الأرشيف] - منتديات الجلفة لكل الجزائريين و العرب

مشاهدة النسخة كاملة : رايكم ارجوكم

ضياء الشمع

2013-08-31, 21:45

قريب يجو اهل خطيبي يديرولي الخاتم دبروا عليا واش نحطلهم كي يجو قصدي القاطو تاع الجي وتاه القهو وتاع لاتاي انتظر ردودك بكل حماس

لينا11

2013-09-01, 09:26

قريب يجو اهل خطيبي يديرولي الخاتم دبروا عليا واش نحطلهم كي يجو قصدي القاطو تاع الجي وتاه القهو وتاع لاتاي انتظر ردودك بكل حماس

اولا مبروك عسولة ولعقوبة للي مازالو
نقترح عليك مع الجو ديري مملحات كيما كورني وميني بيتزا ميني ساندويتش

مع القاطو ديري تاع جلجلان في مول سيليكون
تشاراك بالطلية ثاني هايل
مقروط اللوز مرمد فالسكر ناعم

مع التاي ديري قطايف البابا
حلوى شكولا محشية
ومسمن بالعسل
مع مكسرات طبعا

وبصحتكم وربي يعقبها لك كيما يبغي الخاطر يارب:1:

oumjiji

2013-09-01, 12:05

مبروك مسبقا مع الجي ديري لي تاغتولات بالفروي وكرام باتسيار ولا ديري قاطو سبانيول للفلة يجي روعة ومنبعد مع القهوةديري سابلي وكاين انواع روعة+مع قاطو معسل قنيدلات+التشاراك وكروكي ومع لاتاي ديري قريوش ام اماني ومكسرات وحلوة الترك وفيها براكة

امازيغية وفتخر

2013-09-01, 16:08

الله يتمملك بخير وايهنيك
مع العصير حطي مملحات ومني فطاير
مع القهوة بتي فور بالمكسرات او عادي مثل لغريبية والمقروط
البقلاوة لقنيدلات يعني على حساب ميزانيتك وضروفك المادية المهم حلوى شابة ولو بسيطة
مع الشاي قريوش او مكسرات مملجة
حنا تقريبا نضيفو بالعسل الشهدة او لعسل الحر والجوز والزقوقو
مع مسمن مسقي بالدهان او السمن الحر ولعسل
وكل واحد وقدرتو والله يوفقك

أمـــــــــــــــيرة

2013-09-01, 16:43

السّلام عليكم
أختي ديري مع العصير تارتولات
والأتاي أنصحك بقريوش أم أماني فعلا رائع
والقهوة اختاري نوع من الصّابلي يكون شباب
وربّي يتمّملك بالخير