افتراضي افتوني في أمري (إنصحوني)

[مشكلتي]

السلام عليكم ورحمة الله وبركاته
بعد الصلاه والسلام على خير الانام

أخوكم في سنكم تقريبا 18 سنة اي من مواليد 1995 طالب في القسم االنهائي رياضيات ومقبل على الباكالوريا
انا من جنوب الجزائر
لدي مشكل ارى انه سيوؤثر علي كثيرا خصوصا هذه سنة الباكالوريا

أعرف انه قد يكون مضحكا او يضهرني تافها لكني ارى ان البعض قد جربوه

كنت طوال عمري متفوقا في الدراسة من اول سنة لا املك هويات ( التفصح عن قريب فقط)

كنت متفرغا بمعنى الكلمة لدراستي ولتحصيل اللعلم وتنمية ثقافتي العامة

حتى اني كنت الثالث في ولايتي في شهادة التعليم المتوسط وتحصلت على أكثر من 18 في المعدل

في اول عام في الثانوي طبعا ( العقلية جديدة) لاباس دخلت وبديت نتاقلم (بصراحة وجامي قلتها سابوطاوني الاساتذ)
المهم مشي هاذا موضوعي

كنت نحط مواضيع هنا في الجلفة في قسم سنة اولى ثانوي المهم بقات ترد عليا على اساس تعرفني وانا معرفهاش
حتا اكتشفت بلي تقرا معايا فالقسم ونعرفها من يمات السيام بصح جامي حكيت معاها
المهم اجوتيتها في الفيس بوك ( ملي دخلنالو مشفنا خير )
وبقينا نحكو تعرفنا مليح ( جامي حكيت مع طفلة كيما حكيت معاها)
اذن على أساس انا ملتزم ومحافظ ونبغي الحدود في المعاملات خصوصا بين الجنسين
وهي عجبتني عقليتها باسكو محافضة وكلشي المهم كنت حاب ندخل فالتفاصيل بلي حبيتها ومنعرف
انا جبيت نتقرب من دارهم وامها وحتا ابيها وعرفتها على والديا بش يكون كلش مكشوف
بصح صراو مشاكل ومشاكل فوق مشاكل ( منيش حاب نمشنر فيها)
المشكل كاين كلاسة وحدة تع رياضيات في منطقتنا ( لما كنا سنة اولى شحال وانا نقنع فيها بش تقرا رياضيات العام الجاي معايا وهي كانت حابة ادير علوم) المهم دارت رياضيات وقرينا مع بعض العام لي فات في كلاس فيها 16 برك
3 شهر ومعدناش نحكو مع بعض خلاص ولا كلمة
دركا مشكلتي انا نفكر فيها بزاف ومتعلق لدرجة كبيرة مي الله غالب درك مام تبدلت وهي قدامي وتقعد قدامي مي مقادرش نحكي معاها
نحبها ونغار عليها وقايلهالها ومنقدرش نشوفها حتا تحكي مجرد اكلام مع طفل اخر بصح الله غالب
مشكلتي درك انو عندي وقت بزاف نخمم فيها لما نكون مليح نقول ربي يهديني ونبقا ندعي فربي
بصح كينشوف فيها درك ومنيش عارف نخرج وش راه فقلبي بالظبط ا
المهم ان شاء الله جزء من فكرتي وصل ولي حس بيا يرد عليا وعلابالي كاين بزاف مجربين ومجربات
قولولي كيش ندير؟ ؟

سمحولي ذاكان الموضوع مشي بلاصتو مي هاذا هو المكان الوحيد لي نلقا فيه قراني وموضعي عندو علاقة بالباك كيما يضهرلي
شكرا لكم
وعودة ميمونة وربي يوفقكم وتجيبو لامونسيون لي فبالكم فالباك

[همسات صارخة]

اخي انا شخصيا لم اكن اعرف انه يوجد من الاولاد من يفكر هكذا كنت اظن انكم تتسلون فقط و عندما يتعلق الامر بمصلحتكم و مستقبلكم لا تفكرون في احد لكن في حالتك هذه اظنها تعكست الاية
كيف لك ان تترك فتاة تشغلك عن دراستك و مستقبلك من جهة
تقول انها ملتزمة لكنها على علاقة بك ؟؟؟؟ ليكن في علمك ان الفتيات المتخلقات حقا و الملتزمات لا يدخلن مطلقا في مثل هذه العلاقات
تقول انك تغار عليها الفتاة التي تصاحبك انت تصاحب 10 من امثالك و تفعل اكثر من ذلك
مازالك صغير على الامور الجدية و الزواج .....اما هي مادامت على هذا الحال تزيد عامين 3 تسمع تزوجت
يعني اذا بقيت هكا انت راح تخسر قرايتك و مستقبلك
اخي انت عصيت ربي كي دخلت في مثل هذا الهلاقات و كان هذا جزائك استغفر و اكثر من الدعاء انو ربي يخفف عليك و تنساها و تلتفت لقرايتك هذا ما نفقدر نقولك و اسمحلي اذا كنت قاسية معاك في الكلام
ربي يهديك و يوفقك في قرايتك

[zaki4]

اتق الله ابني اترضاه لأختك.

هذا حراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااام.

اذا كنت تحب الفتاة فاخطبها من اهلها والا ادرس هو افضل لك.

[houdhaifa19]

وعليكم السلام ورحمة الله وبركاته
يا بني : أنت تقول بأنك من الجنوب وناس الجنوب معروفين بأنهم محافظين وعلى درجة عالية من الحكمة والتعقل والدين أيضا
أنصحك أن تتقدّم لخطبتها
يعني كما نقول بالعامية : حط عليها يدك ما دمتَ تحبها فلم يُر للمتحابين مثل النكاح
ما دام تكن لها محبة في قلبك تقدّم واخطبها
ربما ستقول :ما زالني صغير , اعرف ذلك ولكن بين ناس الجنوب الزواج في سن مبكرة ماشي صعيب
فإذا قبل أهلها بك فبها ونعمت وإذا ما بقلوش أصبر حتى تدخل للجامعة وزيد محاولات أخرى لأنه ما دام هناك تعلّق بينكما بحول الله يكون خير
فقط لا تقع في المنهيات بالحديث معها , ومراقبتها في كل صغيرة وكبيرة في القسم
أترك لها مجالا تشعر فيه أنها مش مخنوقة
لا تحسسها بفرط غيرتك حتى لا تخسرها فهي من الممكن تراجع نفسها وتلحظ ضغوطك عليها وتكره منك
كلامي ليس فتوى ولا حكم شرعي ولا أنا راضي عن علاقتك معها ولكن ما دام وصلت علاقتكما بهذا الحد فالتقدم لأهلها هو أحسن حل حتى ترتاح أنت نفسيا وتستعد للبكالوريا بنفس منشرحة

[عذراء الجبل18]

rabi yahdik w yahdi koul lmoumnin

[أم احمد3]

عندي ابن في مثل سنك وبعد ثلاث سنوات ان شاء الله نقترح عليه نزوجوه هذا احسن حل للشباب بدل ان يدخل في المعاصي ثلاث سنوات اذا كان يدرس ولا مجابش الباك عامين فقط نخطبلو

[بَلقِيـس]

و الله قريت موضوعك تغيرت نظرتي للاولاد
ديئما نعرفهم انهم معروفين بالتسلية بالابنات
شوف اخي انتي عليك الدعاء انها تكون من نصيبك فقط
و قصة انها تقعد قدامك حاول تقعد نتا قدامها المهم ماتشوفهاش ديما لانو كي تقعد وراها تبقا تشوف فيها تنسا الدرس هههههه
المهم حاول تبعد اقصى البعد لانو حتى لو كان صعيب لكن كون تقرب و دير بحوث معاها يزيد التعلق تاعك و تهبل
لو يكتبلك ربي تكون معاها تتحققلك لكن اذا ماكتبش فهذا امر الحكمة عند ربي في وش يصرا
تفائل خير و ندعيولك كامل بالخير و التوفيق
ماتلقلش روحك لانو التفكير مايجيب والو غير تزيد تغضب و يوسوسلك الشيطان تقرب من الله بالصلاة و العبادة حاول تشغل روحك بعمل او حرفة باش تنسا شوي
باش تعر قراراتك

[naamane3]

شوف يا بني حط في بالك امرين
الاول ان هذه البنت سوف تفسد عليك دراستك ومستقبلك
ثم ماتقبلش بواحد مستواه واطي كيما دايما نقراو في هذا القسم
والثاني الحب في هذا الوقت ماشي دايم ويفسد حب ما بعد الزواج
وسقسي على هاذي مليح ورد عليا
دير كوراج وانساها حتي ولو كانت تجلس امامك
علابالي صعيبة لكن بالشجاعة والعزم راح تنساها وفي مدة قصيرة
والله المستعان

[عاكف]

خويا راني حاس بيك شوف اطلبها من والديها باه يعودو عارفين حتى و راك صغير و دير القلب و اقرا مليح على جال باه تتزوجها و جيب الباك مليح و دير مستقبل و اذا حياكم ربي تزوجو عادي جدا و ان شاء الله تكون من نصيبك بصح متبقاش تخمم دير الثقة بربي برك

[قـطر الندى]

انا تاني في عمرك وهاذ العام نفوت الباك
وراني فاهمة شعورك مليح خويا
انا نقلك اذا كنت تحبها تاع الصح بعد عليها وكمل قرايتك
واصبر على الحرام هكا ترضي ربي وهو يرضى عليك ويوفيلك اللي انت حابو ومتمنيه
واذا كنت تحبها وناويها في الحلال ربي راح يوفيلك هادي الحاجة اذا صبرت وعملت الصحيح وعندك تغلط
اتهلى بقرايتك هادي اول حاجة
لانو كون تتبع هواك ذرك راح تضيعها هي وراح تضيع قرايتك تاني
وهاذا اكيد انت ماشي حابو
خويا انا ننصحك هذا يسموه زنا القلب لازم تتغلب على شهوتك
واذا قدرت تخطبها هذا احسن واحسن
وربي يوفقك و ينورك للطريق الصحيحة

[kmilya]

وعليكم السلام ورحمة الله وبركاته
يا بني : أنت تقول بأنك من الجنوب وناس الجنوب معروفين بأنهم محافظين وعلى درجة عالية من الحكمة والتعقل والدين أيضا
أنصحك أن تتقدّم لخطبتها
يعني كما نقول بالعامية : حط عليها يدك ما دمتَ تحبها فلم يُر للمتحابين مثل النكاح
ما دام تكن لها محبة في قلبك تقدّم واخطبها
ربما ستقول :ما زالني صغير , اعرف ذلك ولكن بين ناس الجنوب الزواج في سن مبكرة ماشي صعيب
فإذا قبل أهلها بك فبها ونعمت وإذا ما بقلوش أصبر حتى تدخل للجامعة وزيد محاولات أخرى لأنه ما دام هناك تعلّق بينكما بحول الله يكون خير
فقط لا تقع في المنهيات بالحديث معها , ومراقبتها في كل صغيرة وكبيرة في القسم
أترك لها مجالا تشعر فيه أنها مش مخنوقة
لا تحسسها بفرط غيرتك حتى لا تخسرها فهي من الممكن تراجع نفسها وتلحظ ضغوطك عليها وتكره منك
كلامي ليس فتوى ولا حكم شرعي ولا أنا راضي عن علاقتك معها ولكن ما دام وصلت علاقتكما بهذا الحد فالتقدم لأهلها هو أحسن حل حتى ترتاح أنت نفسيا وتستعد للبكالوريا بنفس منشرحة

مجمل القول لاضيف شيئا

[فارس وجواد]

واش نقلك يااخي الصغير ضرك كون جيت كبير نقلك روح اخطبها بصح راك مازلت صغير يعني على الاقل مازالك سبع سنين باه تقدر تفكر انا نظنك راك في اوج مرحلة المراهقة اذا فكر في قرايتك هي الصح راك تقول بلي راني متفوق في دراستي بصح انا نتحداك انك تكمل بهذا التفوق ونقلك حاجة ديرها قاعدة في حياتك لكل واحد منا اخت و لك اخت ايضا .
رانا في وقت مايرحمش يا اخي الصغير وراك ايضا في مرحلة صعيبة وانا تاسفت ان تكون هذه هي المشكلة نتاعك كنت نظنها مشكلة تتعلق بالدراسة او بالمستقبل او بالدخول المدرسي لكن للاسف .
قد يكون كلامي قاسي شويه لكن اعتبرها نصيحة من اخ لاخيه لانك ستكبر وستتغير نظرتك للامور.

[بين الحقيقة و السراب]

اخي انا شخصيا لم اكن اعرف انه يوجد من الاولاد من يفكر هكذا كنت اظن انكم تتسلون فقط و عندما يتعلق الامر بمصلحتكم و مستقبلكم لا تفكرون في احد لكن في حالتك هذه اظنها تعكست الاية
كيف لك ان تترك فتاة تشغلك عن دراستك و مستقبلك من جهة
تقول انها ملتزمة لكنها على علاقة بك ؟؟؟؟
ليكن في علمك ان الفتيات المتخلقات حقا و الملتزمات لا يدخلن مطلقا في مثل هذه العلاقات
تقول انك تغار عليها الفتاة التي تصاحبك انت تصاحب 10 من امثالك و تفعل اكثر من ذلك
مازالك صغير على الامور الجدية و الزواج .....اما هي مادامت على هذا الحال تزيد عامين 3 تسمع تزوجت
يعني اذا بقيت هكا انت راح تخسر قرايتك و مستقبلك
اخي انت عصيت ربي كي دخلت في مثل هذا الهلاقات و كان هذا جزائك استغفر و اكثر من الدعاء انو ربي يخفف عليك و تنساها و تلتفت لقرايتك هذا ما نفقدر نقولك و اسمحلي اذا كنت قاسية معاك في الكلام
ربي يهديك و يوفقك في قرايتك

بارك الله فيك ، بارك الله فيك ، هذا يحدث كثيرا هنا [ للأسف ]

[ المشكلة لو يفطن متأخّر ] و هذا ما لا أتمنّاه !

هداك الله أخي و انار بصيرتك و رزقك من تصلح لك زوجاً ،
لا من تبادلك الحديث و تتقرّب اليك في المنتديات و الفيسبوك و غيرها من الأمور انت ادرى بها ، انت أدرى بها ،

لستً صغيرا ففكّر بعقلك ، فكّر بعقلك ،
دراستك ، أخلاقك ، هدفك ، نجاحك ، ..

و اتركها و شأنها و لتحدّث ألف فتى فما شأنك انتَ ، انتبه رجاءً ، حاول أن تحدّث نفسك و تشجّع ،
و لأنّ لي أخا فأنا اعتبرك مثله :)

و إلاّ ستندم يوم لا ينفع النّدم ،

وفّقك الله و أبعدها و غيرها عن طريقك :)

[بين الحقيقة و السراب]

إن استطعت أن تغيّر الثّانوية و لو إلى مكان بعيد لحدّ ما ، فافعل و لا تلتفت ،
و اعتزل النّت ،

و سترى النتيجة ،

وفّّقك الله اخي لما يرضيه ،

[أمّ عبد الله]

فترة مراهقة و ستزول و تولي كي تتفكرها تضحك على روحك صدقني
اللهم صل و سلم على نبينا محمد

[ilosa23]

اخطيك منها يا اخي
انتبه لدراستك قبل فوات الاوان
لما تروح للجامعة وتكبر وتتعقل تندم على كل شئ
واكيد تلقى ما احسن منها الف مرة

[salim dimaria]

عليك بالصبر

[salim dimaria]

عليك بالصبر وعدم التفكير كثيرا حاول ان تمضي قدما

[NOUR ELHAYAT]

عليك بالاستخارة

[وردة الروح1]

khoya rssel yemak tahder m3a yemaha kima n9olo t7ot lkelma
w 7ram 3likom ga3din tetahmo f lbent w t9olo kima hadret m3ak tahder m3a ghirek balak rabi yehdiha twali khir men chi nass

[tecboy]

السلام عليكم اخي ....مشكلتك جد بسيطة باذن الله ....واول شئ نقوله هو اذا عرف السبب بطل العجب .....
فقبل ان نقول انك صغيو او وا مما قاله الاخوة ..فانك فيزيولوجيا كبير وبالغ ...فمن الطبيعي ان تنجذب نحو اي فتاة ...وهي بنفس الطريقة ستنجذب الى اي شاب ...المشكل يكمن في الفرصة التي اعطيتها لنفسك ...واعطتها هي لنفسها ....والكلام الذي قيل وجاوز حدوده كما يبدو ...جعل الامور تتطور في توقيت لن تقدر على استيعابها...فامامك دراسة ومشوار طويل كذلك هي ....لن اقول لك ان شعورك خاطئ او غريب ....فهو انساني ومفهوم ...ولكن هيهات اخي ليس كل ما يتمناه المرا يدركه ....فالحياة هي مجموعة من التجارب والعثرات والاخطاء ....وهي كذالك استنتاجات .....انا اقول لك ...بعيد عن العين بعيد عن القلب ....حاول ان تبتعد عنها وان لاتراها فلاتؤذيها ...لانك تسئ اليها ...فالحب هو شعور بالمسؤولية وليس الغيرة فقط ...لان البنات يتعمدن اثارة غيرة الشباب ....فاحذر ان تسئ الى سمعتها ...فمهما يكن الفتاة ضعيفة امام الشاب ...وانا متاكد بانك اقوي من ذاك الشعور الذي يحصر حياتك في شخص ما .... وتاكد بانك بعد سنوات ستضحك على شعورك هذا و تستغربه .....وتحمد الله انك خرجت من عنق الزجاجة ....اخوك وليد

[ندرومة49]

شوف أخي أقترح عليك أن تخطبها وتدير عقد ومن تم تسهال عليك لقراية وتكون تهدر معاها من وجه شرعي والناس كااامل تحترمك وتعرف بلي راك علاقتك بيها شرعية ........................خمم في روحك رضى ربي أولى أعقد وتتنهنى 100/100 وفهم والدتك خاصة وقلها تقول لباباك راني نحوس نعقد لأني نهدر ونجلس معاها بززااااف راهم يفهموووك واذا باباك فوور راه يزوجك ومبروووك عليك مسبقا

أما بخصوص قرايتك الله الله اهتم بيها شوي واحذر انا زوجتك المستقبيلة تكون سبب في رسوبك اجعلها مطية تصعد بها للأعلى

نوصيك دير مدة زمنية كشهر مثلا شوف اذا راها سبب في تدهورك فراااجع نفسك كثييييرا

أوصيك ووصيها بان تبذلا جهدا للنجاااح والله الموفق

أنصحك بالعقد الشرعي والمدني يتفتح لك أبواب الخير لايعلمها إلا الله

تواصل معي ان اردت على الفيس ب و ك

الميلود زياني