اريد الطلاق

[مشكلتي]

السلام عليكم
لم اعد اتحمل الجو الدي اعيشه
انا متزوجة مند 3 سنوات و نصف زوجي ملتحي صلواته كلها في المسجد لنل ام لطفلين و حامل بالثالث مند تزوجت ما كسانيش راجلي بحكم اني قارية ندير ليكور لدراري الصغار ف الدار و منهم نتكسا هو الابن الوحيد لامه تغار عليه بزاف و نهار يزعف معاي و لا يضربني تفرح و تولي تقصر معاه ملي تزوجت ما هدانيش ولا حتى باكي شيكولا مرة جا و قالي انو جابلي كادو فرحت و جاو الدموع في عينيا مع اللخر ضهر يتمسخر بيا و جابلي كاشف الحمل
عييت ونهار داوسنا قلت جامي هديتني هدية قالي انا عامل هكدا هادي هي عقليتي بالرغم اني ديما نهديه روايح وكيما يكونش عندي نشريلو شيكولا في رمضان برك شريتلو بليغة كي نشوف الازواج نغير
حتى حقي كامراة نحسلو يعفني و لا ما يحملنيش صدقوني اماشي كزوج يجي يحسن لزوجته ومام كي نتزاعفو جامي يجي ليا و لا كي يدربني انا ديما لي نروح ليه هو جامي يولي ليا انا مراة ضعيفة وديما نحس لروحي محتاجاتو لو كان مانعرفوش مليح وعلابالي بجميع خطواته هو اصلا من الخدمة لدار و من الدار للخدمة كون قلت عندو واحد اخرى بصراحة محتاجة نحس لروحي انثى صدقوني حوايجي لي نلبسهم معاه و صدقتهم كامل نلبس ولا ما نلبسش كيفكيف تشهيتو شي نهار يجي يقولي هاد ليوم ليك خطرة سقسيتو قتلو عمرك خممت تخصصلي عشية ليا قالي جامييييييييييييييييي لما شتو ملتحي قلت هاد الانسان ادا حبني اكرمني و ادا كرهني لم يضلمني مي السبان تسبيت التعاير تعايرت الضرب نضربت واش مازلي غير التحويز هدرة زوج يقولي دورك نضربك هو سريع الغضب نهار لول قوتلو الحاجة لي مانحبهاش ما تحشمنيش قدام الغاشي مي في الصح ديما يحشمني قدام الي يسوا و الي ما يسواش
حماتي خرجت فيا لعيب السبعة مع الناس حتى انو حياتي الشخصية كامل عند الجيران حتى كي يضربني حاولت نكسبها بجميع الطرق ما فاد فبها والو هي يتيمه و انانية بزاف المهم دارت فيا منكر كبير حتي انو والديا ما يجوش عندي منها خطراش كي يجيو تولي تخبط و تعيط و تخبي في الماكلة و هي واعره بزاف الناس قاع حايرة كيفاش راني عايشة معاها
علابلكم تقطعتلي بليغة قولتلو شريلي قالي ما نشريش و دراهمك تاع ليكور وين راحو و هو شرا ليه صندال ب 6000 دينار و تفاهمو عليا يبطلولي لي كور خطراش عجوزتي ما تحبميش كي نلبس و نتكسا و ما تحبش كي يجيو عندي الناس مال قولتلو نبطل مي كل شهر تمدلي 2000 ديالي قالي باش نمدلك لازم نمد لياما تاني و باش نمدلكم بينزوش ما نقدرش مالا ما نمدش علما شيخي خدام و الحاجة الي تطلبها عجوزتي تكون حاضرة
وانا نروح بين الرجلين صباطي و راه مقطع
لوكان جاتني غير من عجوزتي نصبر مي زوجي اناني و ما يهتمش بيا قاع البنات قاع يحسدوني على زوجي مي كون يجيو يعيشو عيشتي يهبلو كاين نهار ما قدرتش نحمل بلعت 3 طابليتات تاع الدوا واش يقولي زوجي العزيز علاه جيتي لعندي كون بليتي روحك في دار والديك
ربي حبني ما موتش كافرة كي نخمم نولي للدار ما نقدرش بابا واعر ماشي الي تطلق بنتو و تولي لعندو
نقعد في داري و نصبر صبرت بزاف و حاسة لروحي حنهبل
اليوم ديسيديت نطلب الطلاق نبيع دهبي نكري دار و نقري لكور و منا العام الجاي ندير مسابقة تاع الساتدة انا مهندسة دولة في الاعلام الالي و عمري 27 سنة يعني مازالني شافية على القراية راني عايشة مدلولة بزاااااااااااااااااااف هدا الي حكيت ومازااااااااااال
عاونوني مانيش قادرة كثر

["راجية الجنة"]

السلام عليكم

والله قلبي تقطع عليك اختي العزيزة ملقيت وش نقول
هو ملتحي و أبسط حقوقك في الدين نورمالموا يعرفها مليح بانه ملتحي
ولكن حسب وش راكي تحكي لحية نتع مظاهر برك حتى الذهاب الى مسجد مظاهر برك وما اكثرهم لعباد هذي تخافي حتى تزوجي تقولي نقعد في دار والديا خير
يضرب و ميصرفش عليك و طامع في دراهم لي كور ربي يهديه برك هذا مهوش نتع تصرف نتع انسان يعرف ربي
اما عجوزتك حاجة عادية تبقى عجوزتك و لازم تحمليها بعيوبها كامل و تحطيها فوق راسك مهما ادرللك

هذا ابتلاء اختي العزيزة لازم تقبليها تقربي الى الله عز وجل صلي كل يوم قيام الليل ادعي في السجود ربي يفك كربتك و يفرج عليك
والطلاق عمروا ماكان حل صدقيني مراحش تسلمي من كلام الناس راح يقولوا انت هي الظالمة ، و مسؤولية نتع الاولاد مهيش ساهلة خلاص خلاص وانت وحدك
ننصحك نصيحة انك تصبري و تحتسبي صبرك لله عز و جل كل ما يجيك اذى منهم روحي للبيتك واقراي القرآن و صلي ركعتين و اشكي لله في سجدة
كثري من الصدقة ، و كثري من الاستغفار ، وقيام ليل والفجر في وقتوا شيء مهم جدا جدا جدا

ربي يفرج عليك و يهدي زوجك يارب

[رحمة من المولى]

الله يهديه و يفرج عليك يااااااااااااااااااااااااااااا رب

[محب السلف الصالح]

لله رب المشتكى


نسأل الله العلي القدير أن يفرج همك


ويسعدك في الدارين

[biti]

اختي صلي استخارة وجربي قيام الليل ربي يفرج عليك

[wafa16]

لوكان ما عندكش دراري ننصحك تطلقي بصح راكي حامل بالثالث
امبعد يقولك علاش لمرا ما تفرطش في قرايتها
راكي خرجتي غير بالديبلوم ديالك الحمد لله راكي قارية
انا نقولك حوسي على خدمة بالديبلوم ديالك و
و دراهم ليكور طبعي بيهم و انا منك ما نزيد نهديلو والو نصرفهم على روحي و اولادو هو يصرف عليهم ماشي نتي
قالك صندال بر 6000 دج و مرتو مقطعة
و زعما اخينا
انا قلتلك اذا صيبتي خدمة بالديبلوم ديالك ادخلي تخدمي عجبو الحال عجبو ما عجبوش العيب يخرج من عندو و الطلاق يجي من عندو ماشي من عندك
ما قلتيناش كيفاش تزوجتو على خاطر راني حاسة سيفوك عليه يعني ماشي هو اللي خيرك
على بيها ماراهش مقيمك
مزية اللي مازالك صغيرة و كملتي قرايتك تعيشي و تعيشي ولادك

[ولد حمد الباتني]

شاورتي والديك ؟؟
شاوري والديك

[سآجدْ للهْ]

اختي زيدي أصبري وجزاءك عند ربي كبيير كبيير جدا
وربّـي راهو يخبييلك الأجر الكبيير والثواب الكبيير عندو
آآصبري فقط آآصبري فقط نتي صبرتي كملي الصبر
علابالـي الصّبر طعمو مر كيما العلقم
..ولكن الحلاوة تع الجزاء تع ربي منبعد تنسيك كلش..
آآنساي الافكار هاذي تع نطلّق ونروح نكري ونقري ووووو...
ليس من أجل أي شخص !
ليس من اجل نفسك ولا من أجل راجلك ووو
فقط من أجل الأطفال برك ما تطّـلقيش..

[تراتيـل صبــح]

كلّ المشكلة تكمن في كون زوجك هو الابن الوحيد لامه،
فهو انسان مدلل غير متحمّل للمسؤولية،
وهذا سببه طريقة تربية والدته له،
واسمحي لي انْ أقول أنْ والدته عرفت تختار له المرأة التي تناسبه وتناسبها،
فهو يريدها زوجة دون تكاليف ووجع رأس،
وهي تريدها انسانة طيعة تستطيع التحكم فيها دون أنْ تنبس ببنت شفة،
وفعلاً وجدوا ما أرادوا،
يا أختي هذا رأيي ولكِ أنْ تردّيه،
رجلٌ كهذا لنْ يكون والداً صالحاً لأولادك،
سيترك كلّ المسؤولية لكِ،
ومع الوقت سيكبر الأولاد وتكبر مسؤولياتهم،
وسترين كيف ستتعبين معهم،
هنا لا أطلب منكِ الطلاق فوجوده وعدم وجوده سواء،
لكنْ وجوده على الأقل سيجعل الأبناء يحسبون له حساب،
إنْ لمْ يكن كبيراً على الأقل ما يساعدكِ على التحكم فيهم وتربيتهم،
وشيء آخر،
لو لمْ يجدكِ زوجكِ فريسة سهلة لما استمر بمعاملتك بكل هذه القسوة،
فيبدو أنّكِ من البداية تعاملتِ معه على التنازلات،
خصوصاً وأنّه انسان سريع الغضب،
وعوّدته على الهدايا رغم حاجتك أنتِ للضروريات وهو لا يوفرها أصلاً،
فلا تنسي أنه انسان مدلل ،
والانسان المدلل متعوّد على الأخذ فقط،
لا يحبّ أنْ يقدّم شيئاً،
فهو انسان أناني،
لذلك انتبهي لهذا الأمر،
لدي تساؤل :
واولاده؟ هل هو واقف على طلباتهم؟
أنتِ الآن بين خيارين،
ربما ثلاثة،
الطلاق والعودة لبيت أهلك،
وقد قلتِ بأنّ ذلك غير ممكن.
أو الطلاق واستئجار منزل،
وهذا أيضا ربما سيشكل لكِ مشاكل،
وربما يلومك أولادك فيما بعد.
والاخير هو انْ تصبري،
وتحاولي تغيير طريقتك مع زوجك،
فعليه أن يتعلّم أنّ لك حقوق عليه، وأنه يجب عليه احترامك،
وربما المفتاح كله بيد والدته،
فلو تمكّنتِ من التقرب منها واستعملتِ معها أسلوب الهدايا بدل زوجك،
ربما لوجدتِ نتيجة،
وحاولي التخلص من كل تلك المشاعر السلبية التي بداخلك،
فالمشاعر التي نحملها تجاه شخص يشعر بها ولو عن بعد اميال،
انظري في امر الدروس التي تقدمينها،
إن كان استمرارك بها أحسن،
أو التوقف أحسن،
وقرري،
كل ذلك حسب المعطيات عندك،
و هنالك امر آخر،
يجب أنْ يشعر بأنك تحبين أمه،
وعليكِ نصحه بالبرّ بها حتى ولو كان يفعل،
ولو أردتِ شيئاً
جربي أن تتحايلي عليه،
واطلبي غرضاً لكِ واقترحي مثله لامه،
ربما يحرّك ذلك مشاعره،
فزوجك ولد أمه.
في الاخير لا ألعم مدى نفع ما قلت،
فليست لي تجربة لكن قلتُ ما رأيته صواباً
وكلامي يحتمل الخطأ،
لا تنسي الاستغفار أختي،
وأرجو أن يتغير حالك للأفضل بحول الله.

[TOKYO]

يا اختي ادا كان عنده اخته مليحه و عاقله و تتفاهم معاك اجبدي الموضوع و احكي معاها تعاونك +و ادا مكاش قولى امك و باباك يفهموم يا يغيير طريقة تعامل معاك او يكري لك حوش او الدار وحدك باش تنحو المشاكل و الطلاق اختي ماهوش الحل الخلاص و زيد الله يبارك 3 راه قريب كثري من الصلاة و الصدقة و الدعاء
الله يهديه و يهدينا اجمعين ان شاء الله

[wafwaf8471]

istakhiri c mieu

[~~ أغيلاس ~~]

و عليكم السلام و رحمة الله و بركاته،

زوجك تفكيره غير طبيعي، كيف لا يصرف على زوجته بحجة أنها تعمل في المنزل و تدخل المال ؟ !!!!!

شرعا يجب أن يكسيك مما اكتسى، اشترى صندالا بـ 6000 دينارا فيجب عليه أيضا أن يشتري لك صندالا بـ 6000 دينارا أيضا،

ثم كيف يضربك في كل صغيرة و كبيرة ؟ !!!!

هذه صفات اللئام و ضعيفي الشخصية من الرجال، فالرجل الذي يضرب زوجته من دون سبب أو لأسباب تافهة إما أنه وقح لا مشاعر له و إما أنه يحس بالدونية أمامها فيلجأ إلى الضرب لعله يملأ النقص الذي يحس به، و الإحساس بالدونية يرجع إلى أسباب كثيرة منها كون المرأة جميلة جدا و زوجها ذميم أو مستواها العلمي جيد بخلاف مستواه إلى غير ذلك، هذه الفروق يختلف تأثيرها على الرجال، فمن نفسه كريمة و قوي الشخصية لا تؤثر فيه بخلاف اللئام و ضعاف الشخصية،

العبرة ليست باللحية و الصلاة في المسجد، زوجك توفر فيه الدين، لكن هل توفرت فيه الأخلاق ؟ في الحديث إذا جاءكم من ترضون دينه و خلقه فزوجوه،

حاولي تذكير زوجك بوجوب الإنفاق في حقه و أمامك الأنترنت اختاري من المواعظ ما تشائين،

المهم، تبقى أمه كما يقول من الأسباب التي تمنعه من الإنفاق عليك، اعذريني على هذا الكلام لكن أمه يطول الزمن أو يقصر سوف تفارقكم و سوف يخلو لك الجو في منزلك،

أنصحك بأن تتوقفي عن تقديم الدروس الخصوصية و دعي زوجك يتحمل مسؤوليته، و بعد زواجك لو لم تقدمي هذه الدروس لكان خيرا لأن زوجك الآن يعلم أنه إن لم ينفق عليك فستتدبرين أمورك كما يفعل أحد أقاربي، يسافر و يترك زوجته و أبناءه الخمسة الصغار دون دينار واحد و لما يسأله الأقارب عن السبب يقول : زوجتي أفضل من الرجال و ستتدبر أمورها، يقول هذا الكلام في الغيب، لكن في المنزل يشتمها و يسبها و يشبعها ضربا و يحسسها أنها بلا قيمة،

بالنسبة للطلاق فإياك ثم إياك ثم إياك من طلب الطلاق،

سوف تندمين أيما ندم،

كما تقول جدتي، دار بعتبة أفضل من دار دون عتبة،

اعلمي أنه لصبرك على أذى زوجك الأجر الكبير عند الله،

اصبري من أجل أبنائك و أكثري من الدعاء،

الدعاء الدعاء،

و عليك أن تعلمي أن بعض الطباع يصعب تغييرها، فلا تحلمي أن يتحول زوجك بين عشية و ضحاها إلى ألفريدو تع قوادالوبي، أو اليخاندرو تع كاساندرا ( إن لم تخني الذاكرة في الأسماء )،

عليك أن تتكيفي مع زوجك كما هو،

أنت متعلمة،

سوف يكبر أبناؤك قرة عينك و ستجدين متعة كبيرة في الاهتمام بهم و تربيتهم و تدريسهم،

و زوجك له السنون لتعيده إلى رشده، فكم رجلا تكبر و تجبر لكن زال كل هذا لما كبر الأبناء و انتقلت السلطة إلى الأم،

مرة أخرى؛ إياك ثم إياك من الطلاق، ستندمين و هيهات ينفع الندم .

[imane bela]

rebi yferedj 3lik
lwahed ychouf ham enass yensa hamou

[abdel02]

( يا أيها النبي قل لأزواجك إن كنتن تردن الحياة الدنيا وزينتها فتعالين أمتعكن وأسرحكن سراحا جميلا (http://library.islamweb.net/newlibrary/display_book.php?flag=1&bk_no=49&ID=1484#docu) ( 28 ) وإن كنتن تردن الله ورسوله والدار الآخرة فإن الله أعد للمحسنات منكن أجرا عظيما (http://library.islamweb.net/newlibrary/display_book.php?flag=1&bk_no=49&ID=1484#docu) ( 29 ) ) .الأحزاب.

[~~ أغيلاس ~~]

( يا أيها النبي قل لأزواجك إن كنتن تردن الحياة الدنيا وزينتها فتعالين أمتعكن وأسرحكن سراحا جميلا (http://library.islamweb.net/newlibrary/display_book.php?flag=1&bk_no=49&id=1484#docu) ( 28 ) وإن كنتن تردن الله ورسوله والدار الآخرة فإن الله أعد للمحسنات منكن أجرا عظيما (http://library.islamweb.net/newlibrary/display_book.php?flag=1&bk_no=49&id=1484#docu) ( 29 ) ) .الأحزاب.
الرسول عليه الصلاة و السلام عاش فقيرا و حث زوجاته على الصبر معه،

أما السائلة فزوجها بصندال بستة آلاف دينار و هي بصندال ممزق،

استدلالك بالآيتين في غير محله .

[أم معاذ أم معاذ]

أختي بدلي العقلية
ديري غير الواجبات
و نحي المميزات اللي راكي ديري فيها
وش من هدايا و شوكولاطة اللي تمديلو فيها


و حاولي تناقشيه من الناحية الدينية دون عصبية
و المفروض أمر الضرب ممنوع
و أعرفي كيفاه تطلبي
و دراهمك تاع ليكور إذا شايفاتو مدايرهم سبة باه ما يصرفش عليك
بطلي علاه عليك تعب خدمة الدار و زيد خدمة تاع لي كور مع زوج أطفال
ربي يفرج عليك
و ننصحك دسما و نصصح كل النساء بالدكتورة ناعمة الهاشمي مقالاتها جد مفيدة هي استشارية في العلاقات الزوجية

[biti]

امثاله من دفعوني للاصرار على العمل زعما لحية الله يهدينا وربي يصلح احوالكم

[أمة الله 12]

لا حول و لا قوة الا بالله

كان الله في عونك, ربي يفرج عليك و يصلح مابيناتكم

خممي مليح في ولادك قبل ما تطلبي الطلاق, فهم فقط من سيكونون الضحية

[أمة الرحمان رقيّة]

السّلام عليكم

من حقّك ان يصرف عليك حتّى و لو كنت عاملة
و مزية لي راكي قارية هنا تنفع القراية خاصة وانك تعملين عمل مشروع يعني ليس فيه اختلاط
و اياك ان تقيسي الدين بلحية الشخص انت هنا اخطأت يا اختي
فليس كل ملتحي متديّن!

كم امقت هذا النوع من الرجال كيف له ان يشتري صندال ب 6000 دج و زوجته محتاجة؟
ربي يهديه برك لان هذا حرام
هناك بعض الرجال من يظنون أن الدين سمح لهم بان يضربو زوجاتهم و ان يهجروهن
بخصوص طلاقك انا لا استطيع ان انصحك لان الاستخارة أحسن و لكن يصعب على المراة ان تعيش مع من يضربها
حواء خلقت للذكر لكي تكون سكنا له و يحميها
هناك من الرجال من لا يستحقون اسم رجل
الرجل الذي يضرب زوجته رجل جبان
اما من قالت (أخينا) فانا حقا اشفق على من يفكرون بهذه الطريقة
و هل من هو حالق للحيته ليس باخ
أم انكم تستعملون كلمة اخينا للتهكم على الملتحين
هداك الله

[Hillin]

السلام عليكم
عزيزتي لا أنصحك بالطلاق "فهو آخر حل قد يرجع اليه الزوجين" و انما أنصحك بان ينصب كل تفكيرك في كل ماهو ايجابي
هنا تستغلي كونك انثى فكل امراة مجهزة بما يسمى
Anti-probleme
يعني يمكنك الحصول على ماتريدين بعدة طرق بديلة و بنتائج مضمونة و بأقل الخسائر
فمثلا : بدل الطلب من زو ج كان يشتري لك حذاء لان حذاءك ممزق يمكنك ان تقوليها بأسلوب يجعله يشتري و هو راض
كأن تقولي له( اتتذكر ذاك الحذاء الذي اشتريته لي ذك البني او كان اجمل حذاء ارتديه ؟ انا حذاءىي هذا اشتريته مؤخرا لكنه تمزق انا أعرف أن ذوقك جميل و انا اثق في ذوقك كثيرا لذا سأكلفك بهذه المهمة 'اشتري لي حذاءا مثل ذاك الذي اشتريته لي"
و يمكنك ان تقيسي على ذلك عزيزتي " كلش يجي بالسياسة" و المراة في نظري أدهى سياسية
ما هو معروف قرويا دوليا عالميا ان ان والدة الابن لا توافق زوجة ابنها الاقليلا لذا انه من الغباء التام جعلها عدوة و نتهى السذاجة اعلانها عدوة على مرآى من ابنها"
Illogic
لذاك لا تكوني فريستها بل كوني الموقف الأقوى في الحالتين " اصبري على كلماتها التي قد تكون جارحة و لا تشتكي لزوجك منها قبل أن تكوني زوجته فهي والدته فبدل ممارسة فن المصارعة معها" حاولي ان لا تقف على كل كلمة تقولها او تفعلها و عامليها دائما بالحسن كان تقولي لزوجك بان يشتري لامه كذا لكن اياك( ليس على ظهرك, اي من مالك الخاص) مثلا كان تقولي له :
على ما أعتقد قد رأيت أمك ترمي زجاجة العطر اَنها لا تملك عطرا, سوف تدعو لك ان احضرت لها زجاجة اليوم’ هيا هيا انها فرصتك هيا فالدعوة في الانتظار"
تنازلي لكن بحدود المعقول فكل شيء زاد عن حده انقلب الى ضده
الهدايا تتبادل فن من فنون المقايضة اما تعطى بدون سماع كلمة شكر او فقط من طرف دائم واحد فهي جنون
قانون الهدايا= المرأة اكبر مستقبل هدايا

عزيزتي: الطريق لم تنتهي بعد يمكنك الوقوف و البدء من جديد لكن كوني "سياسية" هذه المرة استخدمي طاقتك كحواء كوني على يقين ستجدين نفسك زوجة ناجحة باذن الله
آه كدت أنسى لا تقحمي أهلك في مشاكلك الاسرية اليومية و انما اجعل منهم سلاحك السري عند الضرورة وذلك عندما تفشل كل محاولتك في المحافظة على اسرتك بمعنى الرجوع الى الاهل و الطلاق يكون فقط ان انعدمت الحلول
أتمنى ان تفيدك كلماتي كما ارجو من الله عز و جل أن يوفق بينك و بين زوجك
و ان يهدي والدته
أجمل التحايا

[souso30]

ربي يفرج همومك لكن العيب فيك لما رايته يضربك ويهينك و ييتلدد باحتقارك لمادا قررت لانجاب الاول و الثاني و الثالث علاش يا اختي راكي تجحيبي اطفال يعيشو معيشة الدل و الحقرة و المزرية كيفاه راكي غادية تربيهم مع اب متسلط علاش مخممتيش فيهم تعرفي غير تولدي يا اختي لا تطلبي الطلاق لكن انصحك بالاستخارة و الدعاء و اطلبي راي والديك في هدا الامر لان الامر ليس سهلا خصوصا 3 اطفال ربي يكون معاك و هدا درس و عبرة لكل فتاة تقلقت على زواج غير باش يقولو متزوجة و عبرة لكل فتاة موظفة و حاملة شهادة جامعية تخرج من اجل رجل و تحبس خدمتها على جاله

[kamel76]

لا حول و لاقوة إلا بالله . لا تذهبي إلى الطلاق مباشرة يا أختي . حاولي أن تنصحيه و أن تذكريه بما قاله تعالى و رسوله صلى الله عليه و سلم في حقكن ، و إذا لم ينتصح فلا تبقي وحدك تصارعي الهموم أعلني هذا الأمر لأهل الحل و العقد فحكما من أهلك و حكما من أهله يوفق الله بينكما ، ابعثي له من يسمع كلامه ، أخبري أهلك و أهله أنك مظلومة و أنه يضربك و لا يعاشرك بالمعروف ، لعل الله تعالى يهديه و يلين قلبه . لا تقنطي من رحمة الله و اصبري و أكثري من الدعاء في جوف الليل و الإستغفار و الصلاة على خير الأنام صلى الله عليه و سلم .
أسأل الله تعالى أن يفرج همك و يهدي زوجك . آمين

[7anine 87]

ربي يفرج كربك ويهجى زوجك ويهديك للحل الامثل

[123boutheina]

انا متزوجة مند 3 سنوات و نصف زوجي ملتحي صلواته كلها في المسجد




ي اختي ي العزيزة
للاحاطة بكل جوانب المشكلة كان يكفي القول زوجي مُصلي وفقط
حتى يعي القارئ انه ليس بالمتهاون ولا الساهي

لأنه وإن لم يراعي هو أصول العشرة فمن شيمة الحر ان يراعيها
فلا يشّمت به أحد وان قُضي بينهما


.

والله اعلم

[dalal batna]

hadha n9oulak wach hal ntaou? lazmou wahad men khawtak rjal aw wahad men ahlak ykoun ya3raf yahdar w yw9fou 3and hadou walah ya okhti hadh nou3 men nasse lazmatou 3in hamra.w anti thani houwa yadhrbak w enti tzidi ta3tih les cadeaux;loukane ja mlih ta3tih 3inik w t9ouli 9lil mais hadha inssane lazmatou el3in elhamra kima 9oltlak jarbi ahki l babak w choufi kifach ywali ki louliya puiske houwa aslaa ma houch rajal

[zaki4]

لماذا تقبلي الزواج اصلا اختي وانتي تعلمي انك ستسكنين مع امه .وتعلمي سوء هذه الظاهرة .

اصبري اختي وقولي لزوجك يشتري او يكري منزل وتعاونوا على دفه ثمنه .

فان ابى فقولي لوالديك بالتي هي احسن

[شهرزاد 213]

ربي يفرجك عليك .الحل باذن الله من عنده سبحانه
ماعليك غير تصبري وتستغفري وتقومي الليل باذن الله يفرج عليك ربي