حائرة في امر

[مشكلتي]

السلام عليكم ورحمة الله وبركاته
انا مشاركة في هذا المنتدى وحبيت نطرح شي شاغلني كثيرا وخاصة هذه الايام
لي اختان تعدتا الثلاثين عاما ولم ياتي نصيبهما والحمد لله ماشاء الله دين وزين واخلاق والكل يشهد لهما بذلك تقدما لهما الكثير من الخطاب لكن اغلبهم لا يعودون وانا ضاق صدري وصرت حساسة من هذا الوضع تعرفون ان المراة اذا تعدت الثلاثين تصبح امال الحمل ضعيفة حبيت نفرح بيهم وحتى والداي لاحظت قلقلهما ازاء هذا المشكل بصراحة والله خايفة لا يتزوجوا ويقعدوا بلا زواج واختاي مش مقلقين ابدا وعندهم عادي مابقي لنا سوى الدعاء بان يفتح الله علينا وان يرزقنا بالازواج الصالحين
رجاء لاتبخلوا علينا بدعواتكم

[بَلقِيـس]

اختي كلش بالمكتوب
اذا كتبلهم ربي غدوة يتزوجو سما غدوة
ادعيلهم

[naamane3]

اكثرن من الاستغفار
يرزقكم الله بالاموال وبالازواج وبالاولاد
والله المستعان

[غريبة في هذا الزمان]

الاكثار من الدعاء فلنا رب سميع مجيب

[zaki4]

قال عز وجل في سورة نوح
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))


نعم اكثروا الاستغفار

لاتنسونا من دعائكم
اخوكم
زكي.م

[أم الولدين]

الزواج مكتوووب اختي و حتى تعداو الاربعين و يقدر ربي في يوم ما يجيهم مكتوبهم
و شكون قالك تفوت ال30 الحمل نسبته قليلة ابدا عندي بنت عم زوجي تزوجت و هي بسن ال 40
وزواجها كان وراا زواجي و الحمد لله ماشاء الله صارت من ورايا بثلاتت اطفال كالقمر و ربك الرحيييييم
و ال 30 مازال الفرص كثيييرة امامهم و في عملي زميلات حوالي 8 او ازيد فتن ال 30 والان ماشاء الله ربي فرج
على زميلتين بهده الآونة الاخيرة الاولى سنها 32 عام و الثانية 36 سنة وهن بل وكن متفائلات
ماتقلقيش روحك عادي هذا مكتوب و قدر الله ماعليك سوى بالدعاء لهما ربي يرزقهما و يرزقك الزوج الصالح امييين

[fifi180]

ربي يرزقهم بازواج صالحين كلشي بتسهيل من ربي

[ام يمينة]

مكتوب تاع ربي صح من جهة الواحدة تخاف على امومتاها ولكن الي عند ربي ماهو بعيد كل شيء محكوم ومحسوب
يقدر في شهر يكتب المكتوب ويولوا في دارهم
ولو ربي بعد عليهم كاش بلية وراهم معزيين مكرميين في دار ابوهم
الصح في النوعية وليس الكمية
يتزوجوا صغار يتعدبوا في دار الرجل يتذلوا
كي تتزوج وتكون دات ثقافة ووعي تعرف كيف تسير وتسير دارها
ربي يبعث الخير ان شاء الله

[سارةالتلمسانية]

الزواج والبنين من عند ربي واش نقولو ربي يفتح عليهم ابواب الخير انشاء الله والزواج جاي جاي ليوم ولا غدوا بكبير ولا بصغير

[اِشراقـة أمل]

أكثروا من الدّعاء وصلاة الحاجة
ربّي يفرج عليهم

[أمة الله 12]

ربي يرزقهم الأزواج الصالحين

[souso30]

اختي انا عندي 30سنة و خطبوني بزاف انا لم ارد الارتباط لان الردل الدي اتمنى ان اعيش معه مزال ربي لم يكتبه لي و نبقى هكدا حتى ربي يفرحني بالزوج الصالح الكفأ

[kamel76]

نسأل الله تعالى لهما أن يرزقهما و يرزق جميع الشباب أزواج صالحين . أما خوفك من ألا يتزوجا ، فأنصحك أن تريحي نفسك من هذا الخوف ، لأن مسألة الزواج أو عدمه قد قدرها الله تعالى لما كان العبد في بطن أمه ، تماما مثل أجله و سعادته أو شقاوته . فالله تعالى قد جعل لكل واحد منا نصيبه من الرزق من زواج و مال وصحة .... و أنا أعرف أنك تعرفين هذا الكلام لكن نقوله للذكرى فقط ، و ما على العبد فعله في هذه الحياة الدنيا سوى الدعاء و العبادة و الإستقامة ، و لا يدري الإنسان أين يكون الخير أفي الزواج أم في العنوسة أفي الصحة أم في المرض أفي الغنى أم في الفقر ..... هل رأيت إذا رزق الله عبدا ، مالا كثيرا و جاها كبيرا و سلطانا عظيما ثم كان هذا العبد من أهل النار و العياذ بالله ، أما عبد آخر فابتلاه الله تعالى بالفقر و المرض و الضعف و الهوان أمام الناس فصبر و كان من أهل الجنة . فإذا خير الإنسان بين الأول و الثاني ، أكيد أنه سيختار الثاني . نسأل الله تعالى أن يرزقنا الرضا بما قسمه لنا . آمين

[سوسو92]

اختي ليكن املك بالله كبير
ز
وبما انك قلتي العديد من الخطاب تقدموا ولكن لم يعدوا فاقل لك اكثرا ومن قرءاى سورة البقرة والاستغفار
زعادي انا تاني عمتي راهي في الثلاتينات وتخطبت وعرسها قريب والله كل شئ بالمكتوب

[عبد الله 22]

السلام عليكم إذا المشكل هذا راها في اغلب البيوت الجزائرية المهم المحافظة على التربية و الدين وربي يجيب لي فيه الخير إن شاء الله

[مناد بوفلجة]

ربي يرزقهم الأزواج الصالحين ، عاجلا ليس بآآآآآآآآآجل

اللهم آآآآآآآآآآآآآمين

[ولد حمد الباتني]

ربي يرزقهم من فضلو
ف الثلاثين مازالو صغار مقارنة ببنات ال40 الي مازال ماتزوجوش
ربي يرزقهم ويرزق المومنات من فضلو

[رحمة من المولى]

كل شيء بالمكتووووووووووووووووووووووووووب

[amalelrouh]

ربي يفرج عليهم وعلى الجميع ياااااااااااااااارب