طلب يدي مشكلتي

[مشكلتي]

انا طالبة جامعية ادرس ماستر في احد المدارس الوظنية العليا بالجزائر العاصمة و انا من قرية صغيرة
احلامي كبيرة جدا و من بينها ان اخرج من الريف و لا اتزوج فيه و ان اواصل دراستي و ان ارتبط بشخص عالي المستوى التعليمي
تقدم لحطبتي شاب يكبرني بعامين مع العلم عمري 25 سنة مؤدب مصلي ما شاء الله له مستوي ثانية ثانوي و يعمل في الجيش الوطني كممرض لديه بيته الحاص طبعا في الريف الذي اسكن فيه و كيما نقولو شاريني و قال لي انه يشجعني على الدراسة و الوصول اكثر فاكثر
كل صديقاتي و كل شحص اصادفه يقولون لي ان اقبل و انني ان رقضت ساندم و انني كبرت و ماذا انتظر و و و و
استخرت و استخرت و لازلت حائرة خائفة ضائعة اريد البكاء و الصراخ لا اعلم ماا افعل ماذا اقرر خاصة خوفي من الله بان يغضب علي
هل اتخلى عن احلامي هل سوف اندم عليه هل و هل و هل تساؤلات كثيرة تخالجني لا اعرف ماذا افعل و هو الان ينتظر ردي على احر من الجمر لا اريد ان اظلمه معي و اريد ان اجيبه اما سلبيا او ايجابيا
جزاكم الله خير ساعذونني فانني استشير كل ذي اهل علم و دين

[○•ميسون•○]

ننصحك ما تقبليش بيه

ماكاش كيف الراجل القاري و الفاهم

لا تتخلي عن أحلامك مهما كانت

و ربي يجيبلك ما خير منو

[أم احمد3]

ابن بلدك اولى لا تتركي غرورك يسيطر عليك هذا غرور الا راه طيب ومليح الثانية ثانوي واش بيها

الا تزوجتى واحد من المدينة هل تظمنين انه سيحبك مثل هذا وهل وهل

المهم شوفي اولا هذا عقليته ودينه ثم ادرسيه وبعدها ارفضيه او اقبليه وخليك من المدينة كملي احلامك راح امدولك بيت هناك

[yako02]

انا في رأي يا اختي انو اذا كنتي تعرفي اخلاقو و انه متفتح يعني تكوني متأكدة بلي يخليك تكملي قرايتك و هو لي يشجعك اكثر ففكري بالامر بالقبول و اذا كان عندو سكن في الريف معليش من بعد تقدرو تتفاهمو و تقوليلو على طموحاتك يمكن تقنعيه باش يغر السكن الى خارج الريف انا راني نشوف اصحاب الريف عايشين مليح يخرجو يحوسو عادي الريف الان ماهوش مشكل و لكن اذا مصرة التحاور هو اساس تفاهمو هادا مكان و اذا كان حابك و هو مليح اقبلي و استخيري

[hamza touazi]

اختاه استخيري الله وقال رسول الله اذا جاءكم من ترظون دينه اقبلوه اتوكلي على ربي راكي تقولي مومن يصلي ويخاف ربي وزاد حتى شجعك الله يبارك وعندو مسكن خاص لما لا توافقين مثيرك الزواج والبيت لانك امراة توكلي على ربي ويسكن قدام داركم شيئ مليح باش متكونيش بعيدة على اهلك وزيد لي قرا فبلادنا واش دار المهم راكي مثقفة وهو ايظا مستواه لاباس به قري ولادك بمستواك وتكوني قارية مليح تان فالدنيا هادي تعرفي تسيري بون كوراج ابعتينا الحلوة تاع العرس

[jasmin8]

و الله يا اختي لن تندمي على شيء إختاره الله (الزواج في الاول و الاخر مكتوب ربي سبحانه) وما تخليش الناس ياثرو عليك ما راكي لا كبيرة لا والو
مع احترامي لوجهات نظر الاخوة الكرام اللذين قالو ماكاش مشكل في المستوى العلمي راني معاكم إذا كان الفرق عام ولا عامين او حتى ثلاث لكن هنا الفرق شاسع بين ماستر و ثانية ثانوي...???
إستحالة توافق وجهات النظراو حتى النقاش في اي موضوع
مع هذا واصلي في الإستخارة (كما قال الرسول عليه افضل الصلاة و السلام ما خاب من إستخار الله)
و الله يوفقك و حظ سعيد

[algeroi16000]

انا طالبة جامعية ادرس ماستر في احد المدارس الوطنية العليا بالجزائر العاصمة و انا من قرية صغيرة
احلامي كبيرة جدا و من بينها ان اخرج من الريف و لا اتزوج فيه و ان اواصل دراستي و ان ارتبط بشخص عالي المستوى التعليمي




...كل ما ابتعد المرء عن واقعه كل ما كانت الصدمة أعنف...

[صالح القسنطيني]

حتى الرجل القاري كما اكي تقولي كما احب يزوج ميديش وحدة طاب جنانها بل يبحث عن الصغيرة و خريجات جامعات لمن كان يحب الزواج بهن كثيرات و منهن الصغيرات فلا تغتري بدراستك و تحسبين انك بمفردك صاحبة شهادة بل مثلك ألوف

و انت 25 سنة و مزالك تلعبي آو مزالك عام و لا زوج و تصيرين غير مرغوبة من عامة عامة الرجال

و أفضل دراسة هي الطب و لكن توجد طبيبات كثيرات عازبات لا لشيء الا لانهم كبيرات 30 سنة و اكثر

الرجل اذا اراد الزواج يبحث عن الجميلة المتربية الصغيرة

و لا يبحث عن الجامعية و و ان كانت صاحبة دكتوراه


بل كل جامعية تزوجت فتجدها تزوجها اما من كان معها في جامعة او من عرفها قبل التحاقها بالجامعة
و غير هذا قليل فيما علمت

و آخر الكلام اذا كنت ترضين دينه و خلقه فتزوجي

و الله ضخنا فيكم

متزوجوش ضالوا تبكوا

اجي لي يخطبكم و مخاصوا والو تبداو تعوجو

و الله صح لبيب و ادوخ

[kmilya]

اذا خلاك تكملي قرايتك ويشجعك وباغيك ومليح علاه لالا
لمجرد انه من القرية ومكملش قرايتو
متحكميش على الامور من باب المظهر والله قادرة تلقاي واحد قاري ومن المدينة وتلقاي عقليتو ماتسواش
شخصيا انا رايي مش تقبلي ومتقبليش هديك حاجتك مي مدي اسباب مقنعة معجبكش مترحتيلوش

[سآجدْ للهْ]

السلام عليكم
إستخيري الله
وآفعلي ما في قلبك..
وحددي إجابتك بنعم أو لا بكل بساطة
حبيتي الراجل ؟>>>قولي نعم ...
ما حبيتيهش ؟>>> قولي لا ...
مثلا نتي ما حبيتيش الراجل وقلتي نعم وتديه وتبقاي في دوامات..والرجل راح يعاني معاك وتظلميه ووووو وانت تبقاي تقولي لوكان درت ولوكان درت...ييمالا ديري لي في قلبك باش تقطعي [لوكان]..

و25 سنة مزالتي صغييرة الله يبارك كاين بنات في الثلاثين ومشاء الله..عقل ورزانة ووو..
يعني الزواج راهو مكتوووب الزواج معندوش عمر معين يتزوجو فيه الفتيات
الفكرة هاذي لازم تتنحا من رؤوسكم
اليوم جاك هذا الرجل ما قبلتيش غدوا يجيك راجل ما تقبليش وهكذا حتى يجيك الرجل المناسب
وأنت ايضا راح تحسي بذلك وكيما تقبلي تعرفي بلي راكي درتي الصواب. وأنت أعلم بأحوالك منا..
وربي يرزقك

[Hillin]

السلام عليكم.
عزيزتي
لن يلحقك غير المكتوب
لذلك لن أقول لك سوى:
اذا رأيت فيه " زينة العقل , الخلق و الدين" فأنصحك به
رأي الوالدين مهم جدا
لان لا يعرف الرجال غير لرجال
تحياتي

[RAZANE23]

يا أختي واش من مستوى اللي راك تحكي عليه و الله غير نموت بالضحك كي جي واحد يقولي عندي ماستر و لا دكتوراه راها تطايش اختي و كل الناس عندها ملي جا السيستام LMD الناس كل ولات قارية و عندها الديبلومات.... دواب حاشاك نعرفهم و يقريو في الجامعات و عندهم دكتوراه و الباك اصبح مثل السيزيام نورمال اللي يجوزو يجيبو و الله و الله و الله انا باك 1990 و مهندس دولة و في وقتنا كان البك يجيبوه 10 من الناس مكسيموم من كل ثانوية و ضرك ههههه الباك يمدوه EN GROS تسمع غير الثانوية الفلانية نسبة النجاح 100 بالمئة و الله عيب احد في جيلكم يقول اني قاريو هو ما يعرفش حتى يكتب une lettre de motivation......................استهدي باللله اختي و روحي ازوجي بلي تعرفيه هو اصلح بيك و يزيك من الغرور اك ما عندك والوووووووووووووووووووو بسم الله الرحمن الرحيم ( فانك لن تخرق الارض و لن تبلغ الجبال طولا ) صدق الله العظيم و الحديث قياس و قيس قبل ما تغيص و الغياص بعد الغرق ندامة..............

[سآجدْ للهْ]

و الباك اصبح مثل السيزيام نورمال اللي يجوزو يجيبو و الله و الله و الله انا باك 1990 و مهندس دولة و في وقتنا كان البك يجيبوه 10 من الناس مكسيموم من كل ثانوية و ضرك ههههه الباك يمدوه en gros تسمع غير الثانوية الفلانية نسبة النجاح 100 بالمئة و

ما حقكش يا مخلوق تدفن جهود جل التلاميذ
زعمـة راك تتكبّر ؟
لوكان جيت انت بعد داب وقريت في الجامعة ماشي خير ؟
كيفاش نحنا نتعبو من اجل الباك هذا ..
ونجيبوه ان شااء الله تجي نت بكل بساطة وتقول باك السيزيام
روح جيبو يا سيدي وزووخ
ولوكان كنت انا باك 1990 نجيبو خير خير منك !
العين بصيرة واليد قصيرة..

[حمزه أبو مريم]

خوفي من الله بان يغضب علي
وخوفك من الله أن يغضب عليك كونك تدرسين بعيدة عن قريتكم ودون محرم وفي جو مختلط أين هو ، إن كان حقا يهمك رضا ربك فالزمي دينه واتقيه .
غير أني لا أنصحك بقبول من يعمل في الجيش إن كان همّك الدين لأنه من يعمل في الجيش بعيد عن الدين شاء أم أبى وليس الدين فقط صلاة وصوم يعني إنه إذا جاءك من هو في الجيش فلم يأتك من ترضون دينه وخلقه .
قد لا يعجب ردّي الكثير من الناس لكن لا ينبؤك مثل خبير
وفي الأخير لا خاب من استخار ولا ندم من استشار (الإستشارة تكون في أهل المشورة)

[سليلة الغرباء]

يا أختي واش من مستوى اللي راك تحكي عليه و الله غير نموت بالضحك كي جي واحد يقولي عندي ماستر و لا دكتوراه راها تطايش اختي و كل الناس عندها ملي جا السيستام lmd الناس كل ولات قارية و عندها الديبلومات.... دواب حاشاك نعرفهم و يقريو في الجامعات و عندهم دكتوراه و الباك اصبح مثل السيزيام نورمال اللي يجوزو يجيبو و الله و الله و الله انا باك 1990 و مهندس دولة و في وقتنا كان البك يجيبوه 10 من الناس مكسيموم من كل ثانوية و ضرك ههههه الباك يمدوه en gros تسمع غير الثانوية الفلانية نسبة النجاح 100 بالمئة و الله عيب احد في جيلكم يقول اني قاريو هو ما يعرفش حتى يكتب une lettre de motivation......................استهدي باللله اختي و روحي ازوجي بلي تعرفيه هو اصلح بيك و يزيك من الغرور اك ما عندك والوووووووووووووووووووو بسم الله الرحمن الرحيم ( فانك لن تخرق الارض و لن تبلغ الجبال طولا ) صدق الله العظيم و الحديث قياس و قيس قبل ما تغيص و الغياص بعد الغرق ندامة..............


صحيح كثرت الحكايات على المستويات والمفاخرة بها ، وهي في أكثر الأحيان شهادات على كراتين والرؤوس ربما أكثرها فارغة ، ولا أقصد أحدا هنا ولا الأخت بردي عن المستويات العلمية ولكني انبهها والجميع ، وفي ردك شدة يا أختي ربما لو غيرت لهجتك للهجة طيبة وبنفس الفكرة أفضل ، حتى لا تدجرحي غيرك

حقيقة الباك زمان ليست كالباك في هذا الزمن ومن سنوات قصيرة ، كانت الباك عظيمة وعزيزة جدا وغالية لا ينجح في القسم أو القسمين إلا عدد بسيط يعد على رؤوس الأصابع ، لكن اليوم النجاح بالجملة ، والكل يعلم المستويات المتدنية ،،،، المتأخر الي نقل نجح والقاري المجتهد الذي لا ينقل رسب ، وهذا يسعلمه الكل حتى وإن جحده الكثير في زماننا

أقول للأخت استخيري الله عموما ، وبما أنه صاحب دين ويحفظك فلا تتركي العنان لأحلامك ربما لن تجدي أفضل منه وربما مستواه الأقل منك علما هو أفضل من غيره أصحاب الشهادات العليا ، ربما من ثقافته ما هو أعلى من ثقافة صاحب الشهادة ، لأن الشهادة العليا لا تعبر بالضرورة على ثقافة صاحبها ومن يجملها

[kamel76]

نصيحة لوجه الله . يقول الرسول صلى الله عليه و سلم : "إذا جاءكم من ترضون دينه و خلقه فزوجوه" فالحديث واضح و مدلولاته واضحة و لاتحتاج لتفسير . فلا تكلفي على نفسك و لاتحمليها ما لا طاقة بها .

[سارةالتلمسانية]

حنونة انا كيما راني نشوف دك ماراهوش كاين فرق بين القاري واللي ماشي قاري انا ننصحك تدي المثقف ماشي القاري كاين اللي قاري بصح 0000 وكاين اللي ماشي قاري بصح مثقف فاهم الدنيا هادا هو الراجل اللي نحبو انا وزيد هادا الانسان اللي خطبك وليد بلادك وميقدرش يفوتك اولا تانيا باش راهو في الجيش حتى راهو مثقف كتر من قرايتك نتينا وزيد المرا مهما قرات و توسعت ماترفدها غير دار راجلها انا ننصحك اقبلي بيه وتزوجي وديري دار وولاد راح تندمي عليها باسكو الوقت اللي رانا فيه ماراهوش يرحم المرا وزيد 25 سنة مراكيش صغيرة راكي فاهمة وواعية مراحش ترفدك دار والديك وكان لاقدر الله يروحو تبقاي ضايعة بين نساء الاخوة ونزيدلك حاجة دك راهم يتزوجو غير بنات 17 سنة و18 سنة حنا عدنا في تلمسان والله غير 18 سنة راهم يتزوجو لبنات 25 سنة و29 سنة فاتهم القطار انا نقولك هادي فرصة ادا فتك تندمي عليها وديري الحاجة اللي تخرجك نتينا ماشي تخرج الناس وزيد الريف واش بيهم مثقفين خير من صحاب المدينة نورمالمو تشوفي روحك نتينا مين جاية وكيفاش دايرة الله يبارك مشاء الله لازم تفتخري بنسبك وجامي تقولي مستوى طايح

[سليلة الغرباء]

ننصحك ما تقبليش بيه

ماكاش كيف الراجل القاري و الفاهم

لا تتخلي عن أحلامك مهما كانت

و ربي يجيبلك ما خير منو


كأنه من خطبها ليس بقاري وفاهم ، ومن يظمن لك أن صاحب الدراسة العيا فاهم ومتواضع ،،،،،،،، فيهم من يغتر بالشهادة ، منين كان يستلف الدراهم ممن هم أقل منه علما من أجل اكمال دراسته ،،، صار بعد تمام الدراسة ونيل الشهادة متكبرا ، حتى عمن كانوا سببا في مصاريف دراسته

وأحلام اليقظة قد لا يتحقق منها إلا جزء نسبي وقليل ، فهل تضمني لها تحقق كل أحلامها ................................

[المحب للجزائر]

إن كان ذا أخلاق و دين استخاري الله و تزوجيه
أما المستوى العلمي فانصحك ليس كل متعلم مثقف
و يعرف مناحي الحياة كلها ، لإن طموح الفتاة يتوقف
عند تكوين اسرة و انجاب أولاد ،لأنه في الأخير إن حققت
طموحاتك الأخرى لن تجدي يوما ما تسعين إليه ، الله يوفقك

[sarah1424]

ننصحك ما تقبليش بيه

ماكاش كيف الراجل القاري و الفاهم

لا تتخلي عن أحلامك مهما كانت

و ربي يجيبلك ما خير منو
لا اؤيدك في كلامك
والله مكنش كيما الراجل المتربي المتخلق والي يعرف ربي مليييح
انا اعرف مثقفون ومتعلمتعلمين واخلاقهم 0000000 العلم خسارة فيهم

[فارس وجواد]

اتعلمين يا اختى ماهو اصعب شيء في الاحلام هو ان الكثير منها لايتحقق ان لم نقل معظمها خاصة في امر مثل الزواج فالواقع الاجتماعي يفرض نفسه بقوة خاصة من ناحية الفتاة فهي لاتستطيع ان تفعل شيئا سوى القبول او الرفض لمن تقدم لها , اما الشاب فنستطيع القول انه اكثر حظا في الاختيار ويستطيع ان يبحث عن الزوجة التي تناسبه او التي تناسبه او التي رسمها في احلامه ;فيا اختي نصيحتي لك اذا كانت ظروفك الاجتماعية والعئلية تسمح لك بالرفض دون اي مشكل فارفضي عسى ان يرزقك الله خيرا منه اما اذا كانت غير ذلك فتوكلي على الله واقبلي;فالاحلام والطموحات لا تبنى عليها الحياة ,والقدر سيلعب دوره في هذه المسالة.وشكرا

[telli1986]

اختي انا من جهتي الرجل باخلاقه لا بمستوه وانتي تعلمين وكلنا نعلم اننا اصبحنا ندرس فقط من اجل المستوى لا من اجل اكتساب اخلاق حميدة و زيدة الخوف من الله " اختي ارجوا ان الفتي انتبهكي الى شئ ان الطلق في السنين السابقة في وقت والديك والديا كانت شبه معدومة لخاطر اختيار الزوج او الزوجة كان يعتمد على الخلق اما الان : 04 سنوات وهو معاها في جامعة يخطبها وبزيد : 04 سنوات في تليفون ومن بعد الزواج بشهر طلق علاش لخاطر درك عاد المظهر و المال و عائلة و سن و مستوى يلعبوا دور وخلاق ربي اجيب وياما حكايات امشات كما هاك اختي ربي يهدك لصواب والخلق عمره ما يعوضه المستوى ...

[سارةالتلمسانية]

الراجل عيبوووووووووووووو جيبو ماشي مستواه وثقافتو

[محب السلف الصالح]

تحوسي طيري


غفر الله لك

[الأستاذة حياة]

استخيري الله واكثري من الدعاء ولا تنسي استشارة من اكبر منك سنا وخصوصا والديك
والله الموفق

[قابضة على الجمر]

اختي اذا كنت انت من الريف و مراة و لا تريدين الزواج من رجل يسكن في الريف فكيف يرضى رجل من المدينة ان يتزوج امراة من الريف ؟ هذا طبعا ان كان الناس كلهم يفكرون مثلك
تقبلي مروري و رايوفقك الله لما يحبه و يرضاه