عاجل عاجل عاجل [الأرشيف] - منتديات الجلفة لكل الجزائريين و العرب

JIMI17

2013-08-27, 20:08

:24::24::24:حلوى الخاتم راني شفت عليه في قوقل بصح ما لقيتوش بتفصيل رجاء اريد الوصفة بالتفصيل الممل حبيباتي عاونوني ما شي تدخلوا و تخرجوا بلا ما تعونوني

omhadil

2013-08-27, 20:10

ان شاء يعونوك الاخوات

dadina

2013-08-27, 20:26

قاطو la bague من مطبخي
المقادير :

كيلة فرينة + كيلة لحظة +عسل + زبدة ذايبة +عجينة اللوز + حليب نيسلي + la jelée + breillon حبات فضية + ذوق الجوز. و اذا حبيتي زيدي كيلة جوز مرحي.

الطريقة:

نحمصو اللحظة في بوبيطة ثقيلة حتى تتحمر و نفس الشيء بالنسبة للفرينة ونخلطهم و نضيفو مغرفة كبيرة ذوق الجوز. و من بعد نضيفو مغرفة عسل و مغرفة زبدة ذايبة و نستمر هكذا حتى تتلم العجينة و من بعد نحطوها تبرد في الفريجيدار.
ونحكم العجينة اللوز تعنا نخلط فيها شوي ذوق الجوز حتى يولي لونها باش و نعجنها مليح. و نشكلها في طابع المعمول التالي:

إضغط هنا لرؤية الصورة بحجمها الطبيعي.

و نكسل فيها شوي حتى تولي نفس الشكل اللي عندنا و نلصقها فوق العجينة بواسطة السيرو على الشكل التالي:

إضغط هنا لرؤية الصورة بحجمها الطبيعي.

و من بعد نخلط زوج مغارف نيسلي( بعد ماغليناه في الما لمدة ساعة و نحطوه في الفريجيدار يبات) مع مغرفة من la jelée. و نحكم هذا الخليط نفرغو في الفراغ اللي عندنا على الشكل التالي:

إضغط هنا لرؤية الصورة بحجمها الطبيعي.

و نزيدو نشكلو العجينة بالطابع تاع les noeuds التالي:

إضغط هنا لرؤية الصورة بحجمها الطبيعي.

و نحطوها فوق الحبة تاعنا و نلصقوها بالسيرو ثاني و نحكمو حبة فضية على الشكل التالي:

إضغط هنا لرؤية الصورة بحجمها الطبيعي.

و نغطسوها في السيرو تاعنا و من بعد في ال breillon اللي عندنا و نحطوه في نص هذيك العقدة و نلون النيسلس تاعنا بنفس البريون اللي استعملناه و يكون الشكل النهائي كالتالي:

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

و اذا حبيتي لون واحداخر

و بعد ما تبرد نقطعوها بالمول على الشكل التالي

JIMI17

2013-08-28, 00:46

شكرا أختي الكريمة بصح الصور ما طلعولسش؟؟؟؟؟؟؟؟؟؟؟؟؟

JIMI17

2013-08-28, 00:49

وينكم يا الفحلات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

امازيغية وفتخر

2013-08-28, 06:32

شوفي مواضيع ام ماجد راهي حطاتو سابقا
للاسف ما عنديش امكانية نحط روابط
واكتبي
قاطو la bague
في قوقل يخرجولك الوصفات بالصور
بالتوفيق

/زهرة عصفور الجنة/

2013-08-28, 07:43

http://www.djelfa.info/vb/showthread.php?t=1144743&highlight=%DE%C7%D8%E6+bague