شبح العنوسة يترصد بي

[*تسنيم*]

:dj_17: انا لا اشكو اليكم لان الشكوة لغير الله مدلة لكن اريد منكم ان تواسوني واحس باني اريد ان افضفض فانا في عمر 27 سنة وفي الثلاث سنوات الاخيرة اصبحت احس بالرعب من شبح العنوسة الدي لا اتمناه لاي واحدة ودالك لقلة خطابي بالرغم من اني من عائلة محترمة ودات اخلاق ودين وسيرتي حسنة عندما كنت صغيرة اهتممت بدراستي ولم اعر الزواج اهمية حتى اني لم اكن ادعو بالزوج الصالح في صلاتي خطبني واحد عندما كنت في 18 من عمري دين واخلاق وعلم لكن الزواج في هداك الوقت ماكانش في راسي لاني كنت غير قادرة على تحمل المسؤلية ومن هداك الوقت ماخطبني حتى واحد حتى كملت دراستي حاب صاحب خويا يخطبني انا رفضت من الاول لانا مستواه اقل مني لكن هو بقا يصر وانا كي زيدت سمعت عليه بلي كان بكري مؤدن في المسجد و يخاف ربي طبقت الحديث لي يقول :ادا جاؤكم من ترضونا دينه وخلقه فزوجه ..........ومبعد جات امه واخته وشافوني وعجبتهم لكن هو لي بطل مافهمتش علاه وكي لقات امه ماما قالتلها نديها لخوه انا تغششت ورفضت وغاضتني روحي وبعد عام خطبني واحد يخدم معايا رفضت لسوء اخلاقو.:o
انا انسانة بسيطة ومتواضعة لااريد لاجاه ولا مال فقط اريد رجل دو اخلاق ودين وخدام وفحل هل شروطي صعبة المنال اصبحت حساسة من هدا الموضوع خاصة خالتي لي ضل تعاير فيا تقولي ماكيش قافزة لدرك مزلتي مادبرتيش راجل وانا خاطيني الخلطة مع الرجال ونحبش نكون علاقات معاهم والان بنات العايلة الي قل بني تخطبو وانا مزلت انا لا احسدهم ربي يكملهم .ياخاوتي انصوني كيفاه ندير مع هدا المجتمع.الحمد ليلاه لبابا وماما ربي يخليهم ليا ما يجرحونش في هدا الموضوع لكن المجـــــــــــتمع مايرحمش.
شكرا اخوتي لاصغاكم لي واطلب منكم الدعاء لي بالزوج الصالح من قلبكم.

[سميرة الحالمة]

ربي يهديك 27 سنة مازالك صغيرة و جاية للدنيا صحابات 37 سنة واش يقولو

ربي يرزقك بوليد الحلال

[رحمة من المولى]

ربي يفرج عليك حنوووووووووووووووونة

[حفيظة 1]

ربي يفتح على الكل
الاستغفار والدعاء والاستخار

[ToXiC_Dz]

اختي ربي يجيبلك مكتوبك ف اقرب وقت ان شاء الله
مي كاين حاجة حافظي على صبرك و حافظي على سلامة قلبك و اخلاقك الرفيعة
انتي ماكيش طالبة الموحال و نشجعك على هذا
و ما تسمعيش للكلام تاع " ماكيش قافزة" لان الامر ماهوش قفازة
لانك بالعكس انتي هي القافزة
لانك ما طيحتي قيمتك لحتى واحد والتزمتي بلي قالو ربي سبحانو
مالا تأكدي اختي انو ربي راح يجازيك على حساب نيتك
والهدرة تاع شبح عنوسة و ما عنوسة هاذيك بكري نهار كان الناس لباس عليها و الطفلة يدوها مولات 18و 20
+
الامر مكتوب ربي سبحانو
و الاقدار مقدرة من يوم خلق الله القلم 50 الف سنة قبل خلق السماوات اي قبل خلق الكون و قالو اكتب
و الكون عمرو حوال 12.5 مليار عام
يعني علاش راكي خايفة على رزقك و نصيبك لي راه مكتوب 50 الف سنة قبل 12.5 مليار عام
الآن ابتسمي اختي وعمري قلبك بالتفاؤل

[ABDOU ELE]

ربي يرزقك الزوج الصـــــــــــــــــــــــالح اجلا غير عاجل اميـــــــــــــــــــــــــــــــــــــــــــــــ ــــــــــن

[الأستاذة حياة]

مازالكي صغيرة متقلقيش روحك مكتوبك ما يديه غيرك
برك اكثري من الدعاء لله عز وجل بالزوج الصالح
وربي يفرج عليك وعلينا كامل بالازواج الصالحين

[ABDOU ELE]

ربي يرزقك الزوج الصـــــــــــــــــــــــالح ا عاجلا اجل غير اميـــــــــــــــــــــــــــــــــــــــــــــــ ــــــــــن

[بين الحقيقة و السراب]

جوابُ سؤالكِ في توقيعك :)

[ تمعّني ، تمعّني ]

ثمّ ، لا أرى في الأمر مشكلة ! ماذا تنتظرين منّا كنصيحة ؟ [ نقولك كيما قالت خالتك : قفزي؟ ، أيّا قفزي http://www.djelfa.info/vb/images/icons/bounce.gif]

لا عليك أختي ، هوّني على نفسك ، فلعلّ في الأمر خير ، فالامر ليس بيدك !

بل بيد خالقك :)

رزقك الله زوجا صالحا تقيّا / وسيما ثريّا / عاجلا غير آجل ^^

[بيلسان11]

السلام عليكم
دع المقادير تجري في أعنتها.. ولا تنامن إلا خـــــالي البال
مابين غمضة عين وانتباهتها .. يغير الله من حال إلى حـال
ربي يقول كن فيكون فلا تقنطي من رحمة الله. و اذا على السن ما زالك صغيرة و ما تخافي ما والو الانسان ما يدي غير الشيء اللي كتبلو ربي الحاجة اللي مقدرة راح تجي بالحلال و لا بالحرام فالأفضل تكون بالحلال احسن حتى ربي يبارك فيها ,
أخيتي الثقة بالله و الصبر و أكيد عيشي حياتك و تمتعي برؤية والديك و لا تعيري للأمر اهتماما لأنه التفكير في هذا الموضوع ماراحش يبدل شيء, ربي يرزقك و يرزق بنات المسلمين الأزواج الصالحين. ربي يوفقك

[*تسنيم*]

شكرا للجميع طلعتولي المورال سورتو كي دعيتولي .انا الحمد لله صابرة وواثقة من ربي ومنغيرش مبادئ مهما حصل انا فقط تقلقني هدرة الناس وحبيت نفضفض.

[أيمن عبد الله]

شكرا للجميع طلعتولي المورال سورتو كي دعيتولي .انا الحمد لله صابرة وواثقة من ربي ومنغيرش مبادئ مهما حصل انا فقط تقلقني هدرة الناس وحبيت نفضفض.
دع المقادير تجري في أعنتها.. ولا تنامن إلا خـــــالي البال
مابين غمضة عين وانتباهتها .. يغير الله من حال إلى حـال

*الجواب في توقيعك يا اختنا الفاضلة

لا تجعلي همك في تدبير زوج أو الهروب من العنوسة فهذا بيد الله تعالى

بل اجعلي همك النجاة من النار والدخول للجنة ...والبحث عن رضا الله تعالى

وتذكري كلامي

( إرضاء الناس غاية لا تدرك

وإرضاء الله غاية لا تترك

فلا ينبغي ترك ما لا يترك
لادراك ما لا يدرك))

[OMJINAN]

كما يقول المثل المصري الزواج قسمة و نصيب وانت مازال مكتوبك ومازالك صغيرة على هاد الهدرة ربي يرزقك بالزوج الصالح

[محبة القرآن]

رزقك الله زوجا صالحا و درية طيبة

فقط توكلي على الله وأكثري من الدعااء

لازلت صغيرة حبيبتي وأنت تفكرين هكدا

نحن معكي بالدعاء

[ساندين]

اولا حاجة لازم تعرفيها انه الزواج راه رزق من ربي سبحانو

وكاين وحد السبب لرزق وهو الاستغفار والدعاء

قوله تعالى : فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا


احسني الظن بالله وتوكلي عليه


اخيتي انصحك كذلك بالرقية الشرعية يمكن بيكي نوع من العين والحسد

اتخذي بالاسباب وتوكلي على الحي القيوم

[هدى الجيجلية]

السلام
عليكم
خيتي
هذا مكتوب ربي
سبحانو
لو إجى بيدنا
لا كل وحده متزوجة
إن شاء الله ربي
يرزقك زوج صالح يارب

[أمة الله 12]

ربي يرزقك الزوج الصالح اللي يهنيك و تهنيه

ما تعمريش راسك بهدرة خالتك و اللي يخمموا كيفها

استمتعي بوقتك و عيشي حياتك عادي, ماكانش ختى حاجة تستاهل تقلقي روحك عليها

[*تسنيم*]

* * * اجدد شكري للجميع * * *

[sarl02]

الحال من خوه يا اختي ..حطيتي يدك على الجرح ..رانا قاع بايرين ...واذا عمت خفت وربي فالموجود ما اتعمريش راسك.

[w05]

ربي يرزقك الزوج الصـــــــــــــــــــــــالح ا عاجلا اجل

[سدرةالمنتهى]

السلام عليكم

اختي سن 27 سنة لسة عانس او يائس انت امراة ناضجة فانت محط انظار الرجال العقلاء

ادخلي موضوعي نرى وجهة نظرك
http://www.djelfa.info/vb/showthread.php?t=1400241

تقبلي مروري اختي الفاضلة

[hano.jimi]

انا 31سنة ومازالت اصيحت اخجل من نفسي امام اهلي وحينا بناته كلهن من سنوات تزوجن وانجبن مرة واحدة قالت لي انا على وشك انجاب الطفل الثالث وانتي لازلت
على كل حال ماعلينا الا الصبر والذعاء ربي يفرج امين

[loulou02]

رانا كامل كيفكيف ، ربي يفتح علينا و يرزقنا أزواج صالحين عاجلا غير آجل .

[knives.55]

جاءك صاحب الخلق ودين فرفضته لسبب تافه اذا

اذا لا تتعبي نفسك اذا كان مصيرك العنوسبة بربي يسهلك ان شاء الله فيها

فربما العنوسة فيها خير لكي من زواج

[عبد الله3]

ربــــــــي يـــــرزقنــــــــي بيــــــك،ويرزقـــــــك بي
قـــــولي آميــــــــــــن

[naamane3]

طبقي على نفسك هذه الآية
وباذن الله سينقشع عنك شبح العنوسة
وستزفين في أقرب وقت
قال عز وجل في سورة نوح
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

[زبدة ذايبة]

شوفي يا أختي والله الكثيراااااااااااااااااااااااااااااااااات بكاو لأنهن لم يتزوجن وعندما تزوجن بكاوووووووووووووووو لأنهن تزوجن فما تدرين أين يكون الخير والحياة ليس فقط زوااااااااااااااااااج هناك أشياء كثيرة ممتعة في الحياة

[اسعى لرضى الله]

اول حاجة 27 سنة مازالكي صغيرة راكي في العشرينات برك

ثانيا

مشي المهم يا اختي تزوجي بكري كيعاد قداااااه من وحدة زوجت على 18 سنة و19 و20 ومش هانية وخرين طلقو بلولاد

المهم تلقاي وليد الحلال برك اللي يهنيك ويتقي فيك الله ويحبك ويربي ولادك على اخلاق الاسلام

والله قداه من وحدة زربت زوجت صغيرة وندمت

وزيد في يدك سلاح عطاهولك ربي وهو الدعاء استغليه ادعي ربي قومي الليل والله قيام الليل حكمة

استغفري وكثري

وزيد وين علابالك تزوجي براجل مكنتيش مامبا تحلمي بيه ؟؟ وهدوك اللي زوجو قبلك يعودو هوما يحسدو فيك


مالا متهبطيش مورال لروحك


وان شاء الله ربي يرزقك بولد الحلال عاجلا غير اجل ( انا وياك ههههه )

[اسعى لرضى الله]

رانا كامل كيفكيف ، ربي يفتح علينا و يرزقنا أزواج صالحين عاجلا غير آجل .


ربي يرزقك بالزوج الصالح اللي تتهناي معاه وتعيشي مرتاحة

[اسعى لرضى الله]

انا 31سنة ومازالت اصيحت اخجل من نفسي امام اهلي وحينا بناته كلهن من سنوات تزوجن وانجبن مرة واحدة قالت لي انا على وشك انجاب الطفل الثالث وانتي لازلت
على كل حال ماعلينا الا الصبر والذعاء ربي يفرج امين

معليش اختي اصبري وكثري من الاستغفار بالاك ربي مخبيلك زوج في الاحلام مكانش


نعطيك مثال وحدة نعرفها كانت جارتنا

تشوفي مسكينة مزوجتش باش تربي خاوتها حتاااان كبرت وصلت تقريب ل 40

وحدة في 40 في مجتمعنا يحكمو عليها بالاعدام يعني يقطعولها القسم يقولك ويحلفو بلي واحد ميديها بصح قدرة الله فوق الجميع

قدر ربي جا خطبها راجل ماتت مرتو وعندو ولاد , هي قالت ايه يا زهري بصح كي زوجت عادت تحمد في ربي قالت يعاملني كي الطفلة الصغيرة وداها للحج والعمرة وراهي هانية معاه لدرحة متتخيليهاش ربي بارك ربي يكملها ومام ولادو يشتيوها وقبل ميديرو حتى حاجة يشاوروها

شفتي متقلقيش روحك ادعي ربي برك ربي قادر على كلش في دقيقة

[biti]

27 مزال الحال متقلقيس روحك وحدة نعرفها 42 سنة تزوجت عادي
خالتك عندها الحق اقفازى شةية دوك نقلك واش ديري
قيام الليل الاستغفار الدعاء الصدقة و حتى الرقية
ربي يفرج عليك

[salimata]

متتقلقي م والو 27 سنة راكي صغيرة و الزواج مكتوب ربي الله يقدم لي فيه الخير ويرزقك الزوج الصالح

[imenealg]

ya okhti 3onossa khir matady wa7ad marmarlak 7yatak

[alger1]

لماذا وهل نحن نعيش في مدينة الاشباح هذا مخييييييييييييف لذوي القلوب الحساسة

توكلي على الله واكثري من الاستغفار ربنا جل في علاه لا يترك او ينسى احدا وخاصة اذا لجات اليه

موفقة باذن الله

[سامية كريم]

والله الدنيا مكتوب،راني اكثر منك،مرة تقدملي ولحد ومريحتلوش رفضت،قالي راكي كبرت وشكون راح يديك ،عادي القسم بيد ربي سبحان وكيما يقول قبل ما يتزاوج في الأرض يتزاوج في السماء’يعني رزقك مكتوب ليك مش راح يديه غيرك

[basma09]

يارب ياكريم يا فتاح يا عليم ارزقها بالزوج الصالح اللي تقربيه عينها عاجلا غير اجلا يا ذا الجلال و الاكرام امييييييييييييييييييين

[hnina]

نقولك حاجة برك اختي
كاين وحدة تخدم معايا عمرها 41 سنة
ويتيمة الوالدين ( لا أم حنونة ولا أب عطوف )
ومزالها ماتزوجت وتحمد ربي على كل شيء
أي وضعيى أحسن ؟؟؟؟؟؟ حالك أم حالها ؟؟؟؟؟؟؟؟
شوفي لمصيبة غيرك تهون مصيبتك
قل لن يصيبنا الا ماكتب الله لنا

[tarek1987]

الارزاق اقدار والزواج اقدار وربنا يقول وكل شيءجعلناه بقدر ...وقدرك لم يحن وقته بعد فصبر جميل ..اصعب شيء ان تنتظر امرا قد يطول ....ولكن منيدري قد يحمل لنا المستقبل اكثر مما كنا نتوقع فرب السماء كريم فلندعوه

[*تسنيم*]

اجدد شكري للجميع على الردود الطيبة خاصة دعائكم لي وربي يرزقني ويرزقكم ماتتمناو.
اللهم اني ليما انزلت اليا من خير فقير

[elise]

يا اختي الله يهديك 27 سنة واش كبرك و واش قلقك على الزواج انا راني كيما انتتي 27 سنة و مازال ماجاني حتى خاطب للدار دائما يهدرو برا و مايلحقوش للدار لكن واالله ماني مققلقة روحي كي نتفكر هذاا الشي نقول و قل لن يصيبنا الا ما كتب الله لنا

[samira135]

الله يرزقك الزوج الصالح عاجلاً غير آجل

[maachousat]

مازالك صغيرة
وربي يرزقك بوليد حلال

[ravanaflora]

أختي تيقني بأن الأمر ماشي قفازة كيما يقولوا ..وللأسف الناس رايحة تجهل
راهو كلشي بمكتوب ربي سبحانه ..أمره بين الكاف والنون إذا أراد للشيء أن يقول له كن فيكون
خلي يقينك بربي كبير واصبري
وانت راكي صغيرة عند ناس يقولك هذا وين كمل عقلها
انتي وثقي الصلة تاعك بربي سبحانه وعيشي حياتك بالطول والعرض ولا تلتفتي لكلام الناس
اشغلي وقت فراغك وطوري مهاراتك ..اتعلمي خياطة ..طرز..طبخ..ديري سبور ....الخ

ربي يرزقك الزوج الصالح في أقرب وقت انشاء الله وجميع المسلمات
وربي يسترنا دنيا واخرة

[هيا الجزائر]

أنآ أيضاً بِسـن27
والله لمـ أمتعـض يوماً مـن جِهـة هذآ الأمـر
رغمـ أنـي سمـعت كلاماً جآرحاً مـن أقرب النآس لـي
أنآ نعـرف حآجـة وحـدة
كآيـن ربـي سُبحآنـه

ربـي يرزقكـ الزوج الصآلـح أختـي

كآن الله معـكـ

[*تسنيم*]

:dj_17: انا جد ممتنة لكم يا اعضاء هدا المنتدى الغالي وجيت نبشركم بلي تقدملي عريس بفضل الله تعالى وبفضل دعائكم لي واطلبو منكم ان تكملو جميلكم معي وتدعو لي بان يتمم الله لي بخير وان يكون هدا الرجل كما تمنيته يخاف ربي ومتخلق لاني الا الان مازلت لا اعرفه.

[يوسف الجزائر]

:dj_17: انا جد ممتنة لكم يا اعضاء هدا المنتدى الغالي وجيت نبشركم بلي تقدملي عريس بفضل الله تعالى وبفضل دعائكم لي واطلبو منكم ان تكملو جميلكم معي وتدعو لي بان يتمم الله لي بخير وان يكون هدا الرجل كما تمنيته يخاف ربي ومتخلق لاني الا الان مازلت لا اعرفه.

ربي يسهلك في امورك ويجعل هذا الشخص الي تقدملك قرة عين لك ..ربي يوفقك

[**سارة**]

أكثري من هذا الدعاء أختي اللهم لا تذرني فردا وانت خير الوارثين وربي يرزقك الزوج الصالح

[بنت الرضى]

ربي يرزقك الرجل الصالح
الذي يسعدك ويكون عند حسن ظنك

[بنت الرضى]

ربي يتمملك مع هذا الرجل
الذي تقدم لك

[قمر السلام]

الله ييسر امرك ويجعلك مخرج