زوجي 2

[مشكلتي]

السلام عليكم انا صاحبة موضوع زوجي
http://www.djelfa.info/vb/showthread.php?t=1397609
نشكر كل من رد على مشكلتي كل من دعالي وكل من نصحني
وبخصوص اللي قالو انه معقد او بدون اخلاق والله انا نشهدلو بحسن معاملتو لي وهدا لي راه مصبرني طول هاد المدة ادا مرضت يسقسي عليا ادا خصتني أي حاجة يعملها حتي اهلي مرة صرالهم مشكل وقف معاهم وساعدهم يعني لي يشوفني برا يحسب راني عايشة معاه la belle vie في كلش مليح الا في اللي حكيت عليه
ولكن لي صرا ليوم قلب كل الموازين
لحد اليوم كنت كيما الاطرش في الزفة عرفت علاش راه يدير هاك اليوم جات عندنا ختو للدار وانا ما صبرتش ولمحتلها على تصرفات خوها وحكيتلها على لي صرا نهار العيد وقتلها ادا بقا هكدا مش رايحة نبقى معاه فحاولت تغير رايي وقاتلي بانو خوها تزوج مرتو الاولى بدون رضا والديه وتخاصم مع يماه بسبتها و قاتلي انو يوم لي توفات كان عيد الفطر هو من تم تغير180 درجة صار انسان ثاني وانطوائي كل عيد بالنسبة ليه يوم اسود ومن لي توفات صار رافض فكرة الزواج ثانية ويماه كانت تلح عليه انو يتزوج وكي رفض قاطعاتو لمدة شهر حتى قبل يعني غصبا عنه فقط لارضائها
انا والله ماعرفتش واش ندير ضاقت بي الدنيا حسيت نفسي بدون قيمة يعني واحد من الاول رافضني واش ندير معاه ؟

[همسة مشاعر]

لا حولا ولا قوة الا بالله

[شجرة الدرر]

اصبري واستغفرى وحاولي تساعديه يطل مما هو فيه

[ام نسمة]

امالا الحل راه باين راكي تضيعي في وقتكك وخلاص وراح تصابي بأمراض نفسية من جراء معاملته لكي ولن ستغير على هدا اجمعي اغراضك وارحلي اكييييييد راح تلقي وليد الحلال اللي تبني حياتك معاه من جديد واذا كنت كبيرة في السن ابقي معه فقط من اجل الحصول على اسرة واولاد اي اولاده
مهما كان احسن من الوحدة لكن ان كنتي لا تزالين صغيرة انفذي بجلدك لانه انت بالنسبة له محتمة عليه

[مواطنة]

السلام عليكم اختي الفاضلة
اتفهم حالتك و اسال الله ان يفرج كربتك
مليح انك عرفتي الجواب على تساؤلاتك المهم ان المشكل في زوجك عندو مشكل نفسي و احساس بالذنب تجاه امه و مازال حزين على مرتو و هذا امر طبيعي اختي نقولك حاجة باش تقدري تتعاملي معاه انساي انك مرتو مثلا ديريه هذا قريبك او صديق من محارمك تحبين ان يتغير و يصبح افضل
حاولي تتكلمي معاه على اساس ان الرجل م له الحق في اختيار الزوجة ويستطيع ان يزوج نفسه بنفسه وليس عقوقا للوالدين ان تزوج من امراة لا يريدونها ليس عليه حرج لا تتكلمي عن المقطع الثاني الخاص بك حتى يستطيع ان يفصح ما بداخله اعفسي على قلبك و فهميه بلي مرتو الله يرحمها يمات اولادك عمرك ما تنساها واكيد انها ما تحبش تشوفك في هذي الحالة لازمك القوة لانها خلاتلك امانة اولادها في رقبتك و دوك في رقبتي امال لازم تعاوني باش نتعلاو كيف كيف في الامانة و شوفي اذا شفتيه حب يهدر اسمعيه اسمعيه و اذا زعف خليه يرتاح بلا ما تتقلقي
انت هي الطبيبة النفسانية تاعو اصبري عليه حتى يخرج من الحزن لي فيه
و ديري في بالك غير يبدى يتحسن يلقى مرى صالحة متفهمة وقفة معاه في الشدة ويمكن تنسيه نهائيا في الايام الصعبة لي فاتت عليه
اختي صح انت عندك حقوق لكن اذا طالبتيه بها الان تخسريه ما دخليش العائلة حاولي انت قبل معاه و حاولي تعرضي عائلتو وعائلتك لبيتك باستمرار حتى ما يبقاش وحدو و يحس بالاخرين الاحياء
والله غادوني الاولاد لي يحبوك خسارة يضيع ام حنون و صالحة
اختي اكيد لما قبلتي بيه كانت عندك نية تكفلي اولادو امال ركزي على الهدف يجيك الباقي باذن الله تعالي و كوني قوية

[ريم ريحانة]

السلام عليكم اختي الفاضلة
اتفهم حالتك و اسال الله ان يفرج كربتك
مليح انك عرفتي الجواب على تساؤلاتك المهم ان المشكل في زوجك عندو مشكل نفسي و احساس بالذنب تجاه امه و مازال حزين على مرتو و هذا امر طبيعي اختي نقولك حاجة باش تقدري تتعاملي معاه انساي انك مرتو مثلا ديريه هذا قريبك او صديق من محارمك تحبين ان يتغير و يصبح افضل
حاولي تتكلمي معاه على اساس ان الرجل م له الحق في اختيار الزوجة ويستطيع ان يزوج نفسه بنفسه وليس عقوقا للوالدين ان تزوج من امراة لا يريدونها ليس عليه حرج لا تتكلمي عن المقطع الثاني الخاص بك حتى يستطيع ان يفصح ما بداخله اعفسي على قلبك و فهميه بلي مرتو الله يرحمها يمات اولادك عمرك ما تنساها واكيد انها ما تحبش تشوفك في هذي الحالة لازمك القوة لانها خلاتلك امانة اولادها في رقبتك و دوك في رقبتي امال لازم تعاوني باش نتعلاو كيف كيف في الامانة و شوفي اذا شفتيه حب يهدر اسمعيه اسمعيه و اذا زعف خليه يرتاح بلا ما تتقلقي
انت هي الطبيبة النفسانية تاعو اصبري عليه حتى يخرج من الحزن لي فيه
و ديري في بالك غير يبدى يتحسن يلقى مرى صالحة متفهمة وقفة معاه في الشدة ويمكن تنسيه نهائيا في الايام الصعبة لي فاتت عليه
اختي صح انت عندك حقوق لكن اذا طالبتيه بها الان تخسريه ما دخليش العائلة حاولي انت قبل معاه و حاولي تعرضي عائلتو وعائلتك لبيتك باستمرار حتى ما يبقاش وحدو و يحس بالاخرين الاحياء
والله غادوني الاولاد لي يحبوك خسارة يضيع ام حنون و صالحة
اختي اكيد لما قبلتي بيه كانت عندك نية تكفلي اولادو امال ركزي على الهدف يجيك الباقي باذن الله تعالي و كوني قوية
يعطيك الصحة اختي قولتي قهع واش كنت حابة نقوللها
نزيد حاجة برك نحي فكرة الطلاق من راسك اختي اصبري ان شاء الله تفرج عليك

[بلسم غرام2018]

اصبري واستغفرى وحاولي تساعديه يطل مما هو فيه
يجب ان يذهب لطبيب نفسي اخيتي

[arc en ciel]

7 اشهر مدة قصيرة زيدي اصبري و ماتجبديلوش خلاص على زوجتو السابقة حاولي تخرجيه من القوقعة هادي اخرجو مع العائلة مع الاولاد تقربي منو بصح بشوي ما تتسرعيش عانيه ينسى خليه يشوف فيك نعم الام و ربة بيت لا تعوض اصبري و ادعي ربي يهديه
و ادا فات مدة طويلة و مازال على حالتو طلقي على الاقل ما تندميش انك حاولت تحمي بيتك

ربي يفرج

[ToXiC_Dz]

7 اشهر ؟؟؟؟ تبانلي كاين شوية مبالغة
يعني 7 اشهر ما اقتربش منك نهائيا و لا من فترة لفترة ؟؟
+
نهار العيد هاذاك انتي درتي غلطة كي دخلتي عليه و سقسيتيه
ماكاش راجل يحب يشوف روحو ف موقف ضعف
و اكثر موقف الراجل يحب يكون فيه وحدو و واحد ما يشوفو نهار يكون يبكي
علابالي بلي انتي درتيها بحسن نية و طيبة و حنان و حبيتيه يفتحلك قلبو
مي باين مازال متعلق بالمرحومة في حين انو مازال متعلق بذكراها
الانسان ف الحزن القاهر يتحول الى مجرد طفل صغير قادر ينتفض على ابسط حاجة
و انا نشبه موقف زوجك بطفل صغير غضب من يماه لانها حاولت تنحي من يدواللعبة تاعو

نطلب منك تنساي رد فعلو هاذاك لانو ماكاش قاصدو لحظة غضب فقط
لكن الجملة لي قالهالك تعني انو كاين حاجة راهي معمرة قلبو من جيهتك
ربما لانك تحاولي تحتلي بلاصة المرحومة
ما تحاوليش تنسيه فيها، هاذي خدمة الوقت ، الوقت هو لي ينسيه
وما تغيضكش اذا بقى يفكر فيها خاطر مع الوقت راح يبدا ينجذب ليك
وقلبو يبدا يميل ليك و يبدا يحبك و يتبدل و اكيد راح يندم تاني لانو راح يحس بقيمتك
انتي اذا قدرتي اتقربي منو بالشوية بالشوية والتزمي الصبر خاطر تقدري تكسبيه
خاطر من غير المعقول راح يكمل حياتو كاملة متعلقة بانسانة غيبها الموت ( ربي يرحمها )
اذا اليوم يهدر معاك كلمة و غدوة ابتسامة وبالشوية بالشوية يتطور الحال
اذا كي تمرضي يسقسي عليك مالا غير امرضي بزاف هههه او تظاهري بالمرض و التعب
و استغلي هاذيك الاوقات احسن استغلال لانو باين قلبو يحن عليك

[عطر الجوري]

اصبري اختي ووقفي معاه حتى يخرج من محنتو وكوني المراة الرزينة العاقلة الي يفرح كي يدخل للدار يلقاها مسكين يحسن عونو هو تاني

[salima14]

أختي زوجك راح ينسى مرتوا أو يتعود على غيابها ماكانش أعز من
الوالدين وأصعب فراق فراقهم تحزني شهر شهرين عام عامين ومن
بعد تتعودي أكيد ما تنسايهمش
هكذا زوجك مع لوقت راح ينساها أصبري برك وحاولي تتقربي ليه
عن طريق لأولاد وإحتياجات لبيت وووو وأعملي جو عادي فالبيت
وأكسبي ولادو كي تشوفي الكل تعلق بيك روحي عطلة لبيت أهلك
باش يعرف قيمتك وزيدي تزيني وتعطري باش تلفتي إنتباهه
وزيد كي يكون غايب على البيت أو حتى كي يكون في غرفة وحدو
أبعثيلو رسائل بينيلو فيها باللي تحبيه ويهمك أمرو
هذا راه زوجك أصبري وأدعي ربي

[/زهرة عصفور الجنة/]

اختي صعب على الزوج ان ينسى زوجته والعكس صحيح
ما قرأته في موضوعك الاول انه تزوج عن حببالاولى وغصبا عنه منكي
احتفاظه باغراض زوجته الاولى يبقيه دائما يعيش في ذكرياته
معها
اتعلمين أحزن على حاله لانه صعب ان تفقدي من تحبين
واحزن على حالكي لانك وضعت في هذا الموقف الحرج



لكن هناك شيء مفرح في كل هذه القصة
هو ان الله تعالى انعم على هؤلاء اليتامى زوجة اب صالحة محبة
فصعب جدا ان يجد زوجة اب مثلك


نصيحتي اجذبي حب زوجك باولاده
اجعليهم مثل اولادك لما يرى التنغام الذي بينكم اكيد حينها سيرة جدوى وجود امرأة جديدة في حياته
اصبري قليلا وان شاء الله سيتغير واعلمي انه ابتلاء من الله
أسأل الله ان يغير من حاله
وان يسعدكم
وكان الله معكي في رعاية الاطفال وارفقي بهم وعوضيهم حنان الام الذي فقدهم وتخيلي دائما نفسك قولي لو انا التي ماتت كيف ستكون زوجة اب اولادي

[سامو حنان]

اختي و الله غير كاين نساء اكثر منك ،، صبروا فقط و ربي فرج عليهم .،،،،، انتي اصبري و خاصة ادعي ربي يجملك في عينيه ،،، و ماتحكيلوش أبدا على زوجته الأولى ،، اسأل الله لك التوفيق

[رجوت عفوك]

أكثري من الإستغفار

[biti]

اكسبي اولاده لانه اذا راى تعلقهم بك سينجذب اليك

[ilosa23]

ربي يفرج عليك اختي

[« أبْجَدِيَّاتْ »]

عليكِ السَّلام و رحمةُ الله..
بدءً، أسألُ الله أن يُفرِّجَ كربكُما و يرفعَ غمَّكُما ، و يرزُقَكِ الصَّبرَ و الثَّبَاتَ ، و يشرَحَ صَدركِ بإذنِه
قرأتُ مُشكِلتكِ أخيَّة ، فوجدتُ العتبَ يقعُ على كِليْكُما.. و سَأحاولُ أن أستَوضِحَ الأمرَ ..
قُلتِ في كِتابِكِ الأوّل أنَّ زوجَكِ يتجاهَلُكِ و يُجافيكِ، ثُمَّ قُلتِ في الثاَّني أنَّهُ يُحسِنُ إليكِ و يُعاملُكِ بكرمٍ و جُودٍ ،
ومن لا يقرأُ إعترافَكِ بخُلُقِهِ الكريم، سَيتصَوَّرُ زوجَكِ رجُلاً أنانيًّا قاسٍ شديدَ المِراس ، وهو ليسَ كذلِك ..
أُقَدِّرُ ما تَجدِينه في نفسِكِ من ألمٍ و شُعُورٍ بالخذلان ، لأنَّكِ لا تحظَينَ بالإهتمامِ ذاتِه الذِّي تحظىَ بهِ كلُّ مُتزوِّجة ..
ولكنَّ شعُوركِ أختي الحبيبَة أفقَدَكِ أعصابَكِ ، فتَمَالَكي نفسَك . لم يمُرَّ عامٌ على زواجِكُما وها أنتِ تُفكِّرينَ في الطَّلاق !
لالا.. بل كوني حكِيمَةً و ذكيَّةً بعواطِفِكِ و قلبِكِ . أنتِ الآن تَعلَمينَ ما يُقاسِيهِ زوجُك ، فبعدَ ذِكرى زوجتِه الأولى
هُو يتعذَّبُ الآنَ من حادِثةِ وفاةِ والِدَتِه ، أتتخيَّلين حجمَ مأسَاتِه ؟ إذن لابُدَّ من مُواسَاتِه ، لابُدَّ أن تمنَحيهِ عطفكِ
و حنانَكِ !.. إحرصي أن تُقابِليهِ بوجهٍ بشُوشٍ لا عبُوسٍ كُلَّما أتيتِ إليه أو اتَّجَهَ نحوَكِ..
و احتَفِظي بشَكواكِ حتىَّ تَحينَ السَّاعةُ المناسِبَة.. وإيّاكِ أن تتجرَّئي ثانيةً و تُحدِّثيهِ عن الفقيدة بتلك الطَّريقَةِ المستَفِزَّة..
بل تجنَّبي ذِكرَها يا أخيَّة كي تمتَصِّي غضبَهُ و تُحافظِي على هُدُوئِه ، كلِّميهِ برقّة و صَوتٍ مُنخفِض، ولا تسأليهِ إن كانَ بخير ،
تفقَّدِي إن كان يرغبُ في شيءٍ مَا ( طعَام، شرَاب..) . لاطِفيهِ بكلماتٍ جميلة أو مُمازِحَة و تزيَّني في ذلكَ بالحياءِ و الهمْس..
عَطِّري البيتَ بروائِح مُنعِشَة و تجمَّلي له بأبهىَ اللِّباس . أحِبيِّ طِفلَيه كمَا لو كاناَ طِفليْكِ أنتِ ، أغدقي عليهِما بالحنَان ،
و حاولِي أن تجعَليهِما يلاطِفانِ زوجَكِ و يلعبانِ حولَه ..

لا تقنطي يا أختي، جرِّبي الذِّي كتبتُهُ لكِ و ستَرَيْنَهُ يلينُ و يَحِنُّ إليكِ بإذن الله..
إمنَحيهِ فُرصةً أخرى.. قَد رضيتِ بهِ زوجًا فتحمَّلي و حاوِلي إسعادَهُ و بثَّ نفَسٍ جديدٍ فيه من خلالِ لمسَاتِك..
و جعل الله الهناءَ لا يفارقُكِ..

[islam02]

يااختي ان طلبت الطلاق فذلك حقك لكن اذا صبرت فلك اجر عظيم احتسبي واصبري خاصة انك تقولين انه يعامللك معاملة جيدة .اكثري من الدعاء والاستغفار 7اشهر ليست كثيرة .