مركز تدريب المشاة بعين أمقل ن ع 6

[alg_04]

السلام عليكم
لقد وصلني الاستدعاء الثالث و الاخير في 22 سبتمبر الى مركز تدريب المشاة بعين امقل بتمنراست
للعلم لدي مستوى اولى جامعي " صف ضابط "
و اجريت عملية جراحية حول الفتق hernie في 25 افريل الماضي ولدي وثيقة تثبت ذلك
من يعرف هذه المدرسة جيدا يعطينا معلومات ..هل حصل من قبل اصحاب العمليات الجراحية الخاصة بالفتق على الاعفاء ... وهل الطبيب الذي هناك بالعامية حقاني و لا لالا
ماذا تنصحوني اخوتي الكرام

[houhou92]

بانتظار الرد من الاعضاء خويا انا ثاني بعثوني لتماك وحاب نعرف على الثكنة اكثر

[alg_04]

هل من معلوامت حول هذه الثكنة اخواني
نرجو بعض التفاصيل

[غصن زيتون]

اخي هذي الثكنة تقع في اخر نقطة من خريطة الجزائر اذا كان عندك كتاب جغرافيا تقدر تشوف اخر نقطة في الخريطة هيا قريبا بزززززززززززززاف من مالي انصحك نصيحة اخ بعدم الذهاب وشكرا

[badi09]

مركز تدريب معناها انت برتبة ضابط الصف او اقل باعتبار انها ليست مدرسة زيد خمم وشوف منقولكش متركبش او مبعدا تندم ونقولك اركب وتوصل للبقعة تقول واش داني
احسن شيء مشاورة مع العائلة والاهل ومع الناس القريبة والتي تعرف منطقة جيدة

[alg_04]

انا قلتلكم راني مداير عملية على الفتق عفاكم الله
يعني لو كان نروح يردوني

[صالح القسنطيني]

الذي أعرفه أن مراكز التدريب خاصة برجال الصف و هم الجنود و العرفاء

و لكن الجنود ليس لهم استدعاءات في سبتمر

يعني هناك ابهام كبير

و الضباط الاحتياطيين و صف الضباط الاحتياطيين يرسلون للمدارس العسكرية

و لا يرسلون لمراكز التدريب

[alg_04]

و الله ياخويا صالح مانا فاهمين والو

[صالح القسنطيني]

شوف خويا قد تم التاكد

المهم

هذا المركز فهو للجنود و ضباط الصف

نعم توجد فيه دورة تكوينية لهم اي ضباط الصف

و لكن حسبك ان مستواها مستوى الجنود

يعنى سيكون فيها شدة لا تكون في المدارس

و سيكون قادة الفصائل من الرقباء و المساعدين المتعاقدين

كما يقال (طابوا في جيش)

و هم يحملون حقدا دفينا و غلا كبيرا على الاحتياطيين

فاثناء التدريب يذيقنهم شدة و قسوة








خذ ملفك الطبي كاملا



و توكل على ربك


و العادة انهم يعطون الاعفاء لكل من اجرى عملية جراحية

و نسال الله لك التوفيق


دمت في رحمة الرحمن رحمة خاصة

[houhou92]

الذي أعرفه أن مراكز التدريب خاصة برجال الصف و هم الجنود و العرفاء

و لكن الجنود ليس لهم استدعاءات في سبتمر

يعني هناك ابهام كبير

و الضباط الاحتياطيين و صف الضباط الاحتياطيين يرسلون للمدارس العسكرية

و لا يرسلون لمراكز التدريب

اخي كيفاه راك تقول لا توجد استدعاءات للجنديين في سبتمبر باسكو انا فس سبتمبر لفات صلتني لوردبال برتبة جندي احتياطي لهده الثكنة وفي مارس ما وصلتنيش ؟؟ وعلاه راكم تخوفونا منها قاع هاكا وبلي راها قريبة من مالي وضحولنا اكثر

[صالح القسنطيني]

اخي كيفاه راك تقول لا توجد استدعاءات للجنديين في سبتمبر باسكو انا فس سبتمبر لفات صلتني لوردبال برتبة جندي احتياطي لهده الثكنة وفي مارس ما وصلتنيش ؟؟ وعلاه راكم تخوفونا منها قاع هاكا وبلي راها قريبة من مالي وضحولنا اكثر

صدقت توجد استدعاءات للجنود في سبتمبر و السبب أني أهملت الحساب

و لم يأتيك في مارس للفرق في المدة فالضباط الاحتياطيين و صفهم كل 6 اشهر

و للجنود كل أربعة اشهر اي 15 سبتمبر و 15 جانفي و 15 ماي


و نصيحتي لك ان كان ما وصلك ليس الاستدعاء الثالث فلا تذهب

و يبقى الأمر لك

[houhou92]

صدقت توجد استدعاءات للجنود في سبتمبر و السبب أني أهملت الحساب

و لم يأتيك في مارس للفرق في المدة فالضباط الاحتياطيين و صفهم كل 6 اشهر

و للجنود كل أربعة اشهر اي 15 سبتمبر و 15 جانفي و 15 ماي


و نصيحتي لك ان كان ما وصلك ليس الاستدعاء الثالث فلا تذهب

و يبقى الأمر لك

خويا روحت لمركز الخدمة تاع مدينتنا في ماي ودفعتله الديبلوم قالي استنى لوردبال 1 في سبتمبر قوتله عندي 1 في سبتمبر 2012 قالي غادي تجيك قاع من جديد يعني لوردبال 1 هادي المرة ومزال ما وصلتنيش مي قلت بلاك غادي يبعثوني لنفس الثكنة هادي وبغيت نستفسر مي نتا علاه راك داي عليها فكرة ماشي مليحة علا البعد ولا على الصحراء ولا على المعاملة ولا شيئ اخر ما ذكرتهلناش خويا

[صالح القسنطيني]

خويا روحت لمركز الخدمة تاع مدينتنا في ماي ودفعتله الديبلوم قالي استنى لوردبال 1 في سبتمبر قوتله عندي 1 في سبتمبر 2012 قالي غادي تجيك قاع من جديد يعني لوردبال 1 هادي المرة ومزال ما وصلتنيش مي قلت بلاك غادي يبعثوني لنفس الثكنة هادي وبغيت نستفسر مي نتا علاه راك داي عليها فكرة ماشي مليحة علا البعد ولا على الصحراء ولا على المعاملة ولا شيئ اخر ما ذكرتهلناش خويا

زين لن أحدثك بشيء

و لك مني الدعاء لا غير

وفقك الله في الدارين

و نسال الله الحي القيوم ان يعقد لكم الخير عند نواصيكم اينما حللتم

[houhou92]

زين لن أحدثك بشيء

و لك مني الدعاء لا غير

وفقك الله في الدارين

و نسال الله الحي القيوم ان يعقد لكم الخير عند نواصيكم اينما حللتم


ياخي مادابيك تقول لازم نعرف عليها قبل ما نروحلها وما تخلينيش شاك ؟؟؟

[alg_04]

انا عندي صاحبي يخدم في اراك وهادي بلاصة بعيدة على تمنراست في حدود 400 كلم
وقالي على هادي عين امقل جات بين عين صالح و تمنراست و هي قريبة على تمنراست 100 كلم
زيد تاني قالي هي بعيدة بواحد 2 كلم على دينة عين امقل و فيها باراج تاع العسكر و الجادارميا

[alg_04]

انا حبيت نفهم واش ندي معايا فالملف الطبي
الوثيقة تاع العملية برك و لاكاين حوايج خرين

[ahmed genie]

أنا جاني الإستداعء الأول في عين أمقل في مارس بصح غلطولي خاطر أنا مهندس هما بعثولي بالسنة الثالثة جامعي .المهم سألت وحد العسكري على عين أمقل قالي
الرصاص التل ولا ذبان عين أمقل
وثاني قالي
الجوع ولا الرجوع

[alg_04]

يا خويا احمد هادا صاحبك مازال تم
بالاك يقدر يسقسيلنا على جماعة العملية الحرحية اسكو موالفين يحكموهم و لا يردوهم

[houhou92]

أنا جاني الإستداعء الأول في عين أمقل في مارس بصح غلطولي خاطر أنا مهندس هما بعثولي بالسنة الثالثة جامعي .المهم سألت وحد العسكري على عين أمقل قالي
الرصاص التل ولا ذبان عين أمقل
وثاني قالي
الجوع ولا الرجوع
يعني في رايك خويا ماهاش مليحة ميزيرية وغبينة وخطر ؟؟

[alg_04]

واش كشما جديد خاوتي

[samir*]

السلام عليكم
بغيت ندير رد للامانة .... واحد نعرفو قاسوه في عين امقل "جندي" فوتها عادي يعني با دو بروبلام ابري لا ميتاسيون قاسوه غير تم و كملها و ورجع لدارهم و الحمد لله ... و الله اعلم " بالتوفيق"

[alg_04]

بعد 12 يوما من المعاناة
عدنا و الحمد لله من هذه المنطفة الموحشة

[رفيق لي]

بعد 12 يوما من المعاناة
عدنا و الحمد لله من هذه المنطفة الموحشةمبروك عليك خويا حبيت نسقسيك على العدد نتاعكم والفائض بداو يخرجو فيهم ولا مازال خويا راهو يعقب ثم ولبسوه الكومبا ولكن عندو ملف طبي