خيانة زوج لا يتوب ابدا

[الفلة البيضاء]

السلام عليكم
اريد الاستفسار عن حكم الدين و الشرع في رجل كبير في السن و لديه اولاد و بنات على ابواب الزواج و حج و اعتمر و يصلي و قام بجراحة في القلب و يصوم و يؤدي الزكاة و لكنه على علاقة محرمة مع امراة فاسقة "اسفة على هذه الكلمة " و عائلته اكتشفت ذلك وواجهته زوجته فاستقام لمدة ثم بعد اجرائه لعملية القلب تاب لفترة و اذا زوجته تكتشف مرة اخرى انه لا يضع الهاتف من يده ابدا و اخبرتني انه منذ اسبوع قدم الى المنزل و تناول العشاء معهم ثم تأنق ووضع العطر كالعادة و خرج في ساعة متاخرة 22.30 لكن زوجته اتصلت به و اخبرته ان ابنها مريض فرجع ....هل يمكن ان يذهب اليها أ لا يخشى الله سرا ؟ هل يرضى احد ان يتزوج ابنته او ينسب ابنه؟ ما الحل مع هذا الانسان الخبيث الذي منذ ان صارت بيده اموال لجأ الى نساء اخريات علما ان زوجته و الكل يشهد عليها اكثر من صالحة ما رايت بحياتي انسانة مثلها مؤمنة و طاهرة و عفيفة ....و اكتشفت انه يتناول ادوية لتقويته جنسيا ...ارجوكم هذه الانسانة المسكينة محتاجة الى رايكم و ماهو الحل الانسب لانها لا تريد ان تفرق ابناءها و تعيشهم في جو حزين و لكنها صابرة على هذا البلاء ووقفت مع زوجها في اشد محنه و مرضه و لكنه يقابلها بالظلم لها و اسعاد الاخريات ...ما حكم هذا الامر في ديننا لانه يخادع الله و اهله و لكنه يخادع نفسه في الحقيقة ....حتى انه لا يبالي ابدا بمشاعر ابنائه و في اعين الناس هو ذلك الرجل الصالح المصلي لقد دمر اولاده اصبحوا عديمو الثقة بانفسهم يخشون نظرة الناس اليهم بسبب والدهم الخبيث ....و ان واجهته زوجته يكذبها و ينكر الحقيقة ما هذه الجراة؟ انه يجحد نعم الله عليه زوجة صالحة ابناء مطيعين مال و رزق واسع محبة الناس اليه و شفاء بعد معاناة ....هل يوجد قانون يحمي هذه الزوجة المسكينة التي ضحت بكل شيء من اجله و ابنائه .....انه يزني و لا يخاف الله

[salima14]

ربي يكون فالعون ويهدي هاذ الشيخ

[همسة مشاعر]

زوجوه اختي وتهناو
ربي يهديه

[imene12]

الصبر ثم الصبر ثم الصبر

[naamane3]

لا اله الا الله
ادعوا له بالهداية

[سدرةالمنتهى]

السلام عليكم

ادعو له بالهداية هذا هو الحل

[الجواهر]

و انا ايضا ادعو له بزوجة ثانية

[arc en ciel]

الله يهديه
انضن ادا قابلاتو مرة اخرى يكبر الموضوع و تصرا مشاكل فالاسرة
الانسب زوجوه و تهناو على الاقل ماتكونش حاجة حرام الي تخجلو بيها و تنفر الناس منكم الحمد لله قلتي واسع الرزق يضمن حق الاولاد و الزوجة و خلوه
صحيح صعيبة بزاااف لكن هذا افضل من ان تتفلج الاسرة
ربي يصبركم و يصبر الوالدة و يهديه ان شاء الله

[ToXiC_Dz]

ان كان كما تقولين فالامر خطير جدا
فهو في منزلة الثلاثة الذين لا يزكيهم الله و لا ينظر لهم ولهم عذاب شديد
اذا تقدروا شوفو واحد يهدر معاه بالتي هي احسن
وحتى الزواج مرة اخرى هو حل طيب جدا و افضل بكثير من هذه الحال
ربي يحسن عون مرتو ان شاء الله

[imane bela]

c pas façile rani hasa b wladhom
:(

[hanadi21]

اصحاب الردود لي طلبو منو الزواج بثانية اطلب منهم ان يضع نفسه مكان الزوجة المظلومة وهل ترضى بضرة

الحل هو التوبة لانو هده عادة وحتى لو انو تزوج ماتضمنش يزيد يعاودها مع 3 وهكدا ؟؟؟؟؟؟؟؟

[مريم الصابرة]

السلام عليكم اختي
نتمنى تكوني بخير والله صراحة انا دايما نقول الخوف مش من ليجون الصغار الخوف من اللي كبرو وخرفو إسمحيلي على حساب ما حكيتي هذا راه يزوج في ولادو معناها نورمالمو راه بقيمتو قدام ولادو وبناتو ما راهش يدير في امور ولادو ممكن ما داروهاش ربي يهديه
هي الآن زوجتو لازملها تحكي معاه منها ليه هو بعيد على ولادو تفكر وبالزاني قدام ربي واش تكزن حالتو ويا ويلي هذا راح لبيت ربي وخرّف لا إله إلا الله محمد رسول الله قدر يلعب بإسم حاج على جال امرو دنيا ويا يت صغير نقولو الدنيا غواتو لازمها تفكرو باللي رايح يقابل ربي واش بقالو شخرة وراح خلي يروحها فالستر ويتوب قبل ما يفوت الوقت كان ما حبش يتوب وأصر على رأيو لو انام نها نفضحو قدام اولادو وخليه ربي يسهل عليه يروح ليها يتزوج بيها وخليها مع ولادها وربي يأجرها صعيب بزاف المرا تعرف براجلها هكذا وتتحمل مسكينة ربي يكون في عونها اما عن بناتو والله فعلا والد يأثر من ايام فقط تعرفي عندي بنت عم نعم التربية والاخلاق الحمد لله الناس كامل يعرفوها هي وخوتتها واحد يخدم معاها شاف اخلاقها حاب يجي يخطبهها على جال بابلها ربي يسامحو هكذا عندو علاقة مع وحدة اصغر منو ويشرب الخمر مسكينة قالها إسمحيلي هلي سقساو على وادلك وما نقدرش مات قدريش تعرفي حالتها مسكينة هي نعم الاخلاق وباباها شوه صورتها قدام الناس
ربي يهديه يا رب قبل ما يفوت الوقت الناس تكبر تستعقل وهوا يخرفو ويهبلو ربي يهدينا

[حفيظة 1]

الدعاء له وتحاول زوجته تتأنق له وتقدم له ما توفره الأخرى قدر المستطاع هي اكيد تعرف مفاتيح زوجها وما يشده اليها

[بين الحقيقة و السراب]

في رأيي الحلّ في اعدام تلك و شبيهاتها [ فصل الرّأس عن الجسد ]





زوجوه اختي وتهناو
ربي يهديه

أراه حلاّ منطقيا [ صحّ ، تتهنّى منّه :rolleyes: ] ، المشكل لو اختار تلك التّي لا تُذكَر !

[الزبرجد]

اصحاب الردود لي طلبو منو الزواج بثانية اطلب منهم ان يضع نفسه مكان الزوجة المظلومة وهل ترضى بضرة

الحل هو التوبة لانو هده عادة وحتى لو انو تزوج ماتضمنش يزيد يعاودها مع 3 وهكدا ؟؟؟؟؟؟؟؟

منهجكم الدائم و الأبدي : الحليلة ولا الخليلة

تفضلون بقاءه في الزنا و الطوام على زواجه مرة ثانية :confused:

ربي يسهل

[الهـ ع ـاشمي]

لا حول ولا قوة إلا بالله

يا ربي ألطف بعبادك المسلمين

أين إخوانه ؟ .. أين جيرانه ؟ .... أين أصدقاؤه ؟

ربي يهديه ويتوب عليه

لا حول ولا قوة إلا بالله

[nadia.chino]

الله يهديه راح لبيت ربي ولم يتب معندي واش نقول

[مناد بوفلجة]

أظن أن الحل هو أن تطلبي منه الطلاق

حاولي مراقبة تحركاته و أوقات لقاءاته
و أبلغي الشرطة
ليتم القبض عليه متلبس
ثم إرفعي دعوة طلاق ، و جرجريه في المحاكم
و طالبي في المحكمة بإدخاله السجن

و إنتهى الأمر

[wafa16]

حتى ادا زوجوه ماراحش يبطل هاد العادة يقعد هكدا حتى يموت
لانو هدا مرض و العياد بالله
يحب يعيش في الحرام و يعجبو و يخلي الحلال
و واش ذنب مرتو مسكينة عاشت معاه حتى رفد روحو و في الاخير يجيب واحدة اخرى تتمتع في مالو و تخرجلها قلبها

[لينا الجنة]

واستعينوا بالصبر و الصلاة

ربي يهدي ما خلق كيما يقول المثل الشعبي " الشيب و العيب" ناس ماتخافش ربي سبحانو

ادعولو بالهداية و الصلاح و لو اني عارفة انو الاولاد هم الضحية و من سيدفع الثمن فيما بعد و ما يحس بالججمرة غير اللي عافس عليها

يمكن الام تصبر و اللي يصبرها اكثر اولادها كي يكونوا حولها و يوقفوا معاها و يواسيوها و ينيحولها على خاطرها

ربي يهيده ربي يهديه ربي يهديه و ربي يصلحه و ان شاء الله ترجع الامور الى مجاريها و يرجع الى اهله و اولاده

[maria maryoma]

ربي يكون فالعون ويهدي هاذ الشيخ

[الفلة البيضاء]

شكرا على الردود و لكنه لا يتوب و حج بيت الله و مرض من قلبه حتى اجرى عملية القلب المفتوح و في البيت يلوم ابناءه انهم هم السبب و لا يعتني بهم يظن ان المال هو كل شيء و لكن اضاعهم منذ صغرهم

[samira135]

زوجوه اختي وتهناو
ربي يهديه

منهجكم الدائم و الأبدي : الحليلة ولا الخليلة

تفضلون بقاءه في الزنا و الطوام على زواجه مرة ثانية :confused:

ربي يسهل


السلام عليكم

نظن هذا مش حاب الحلال ويتزوج يعني دار لحرام قُدام زوجتهُ و أولادو ما خافش أكيد مش رايح يخاف منهم ويستنى في موافقتهم باش يوافقو انو يتزوج

الحــــــــــــل بِيد الله الهِـدآآآآآآآآآآآآيـــــــة

[هيا الجزائر]

أمقت شيـئ عِنـدي خِيآنـة الْزوج

ربـي يهديــــه

[الفلة البيضاء]

الخياااااااااااااااااااااااااااااانة مدممممممممممممممممممممرررررررررررررة

[أم معاذ أم معاذ]

بالك متزوج بيها ؟

[dinebibo]

يا اخي يا من قال زوجوه انت ترضى مرت ابوك تكون زانية واخواتك من ابوك يكون اولاد زانية هذي كيما دارت معاه تدير مع غيره ومرته لازم تصبر وتلتزم بالاستغفار هذا هو الحل الوحيد لانه لو كان يحب يتزوج لكان تزوج بيها قبل ما يزنى معاها بصح هو لقى اللذة في الحرام الله يهديه

[زكرياء الأوراسي]

راكي تقولي عليه زاني خبيث شفتيه نتي يزني؟؟؟ لا حول ولا قوة الا بالله الناس تهدر برك وتقذف برك احكموا السنتكم عن اعراض الناس وتزيدي تقولي لا يتوب ؟؟؟داخلة في علم ربي نتي؟؟؟ ولا هداية التوفيق في يدك نتي؟؟
ربي يهديك نتي على القذف ويزرقك توبة نصوحة وتكفي لسانك الطويل على اعراض الناس

[الفلة البيضاء]

شوف انت اولا ما تعرفش القصة كيفاه و لا شفت بعينيك لذلك لا تتكلم كلاما و كانك تريد النصح فانا اعني كل كلمة قلتها و حتى و ان كنت اخطات فلا تقول لي انني قذفت فانا اعرف ديني و اعرف ما اقول جيدا فلا تتهمني بالقذف و ان كنت لا تعلم الرد على مشكلة و حلها فتجنب ان تقول كلاما فارغا ليس له معنى و تعلم احترام اختك في الله لا ان تقول لها قذفتي و لسانك طويل ليس لانك مختفي وراء الكمبيوتر ان تقول ما تشاء فالله يعلم ما تقول و ما تفعل اتمنى ان تقرا ردي هذا حتى تكفينا شر رودك
و ان كنت تريد الامر بالمعروف فتعلم شروط الداعية الموفق
و لا تنسى بانك ذكر فلن تحس ابدا باحساس خيانة الزوج لزوجته
ما علي الا ان اقول حسبي الله و نعم الوكيل

[ilosa23]

ثلاثة لا يكلمهم الله يوم القيامة ولاينظر اليهم ولا يزكيهم ولهم عذاب اليم منهم : شيخ زان
نسال الله العافية

[امينة 1991]

الحل انكم تهدرو معاه وتفهموه بلي الي راه يدير فيه حرام وكيفاش يقابل ربي كي يموت وفكروه ايضا انو الموت ماتستأذنش كيفاش رح يسلك من عقاب الله وقولولو انو الزنى من الكبائر التي لا يغفر الله عليها , وسجلولو فيديوهات تتكلم عن الزنى واضراره في الدنيا والاخرة وخلوه يسمع القران وان شاء الله يتوب ويرجع للطريق المستقيم هكذا باش ترتاح زوجته المسكينة , اصبروا عليه وربي يفرج

[راية الاسلام1]

السلاام عليكم ورحمة الله وبركاااته

الحد في الشرع يا أختي هو الرجم حتى الموت

لا أظن انه يوجد حل مع مثل هداا النوع من الرجال

مادام ولادها كبرو علاش ماتطلقش منو وتعيش حرة

واش رحدير برجل كيما هادا يهينها وما عطيهاش حقها؟؟؟

وبالنسبة للاعضاء اللي طلبو تزويجه بامرأة أخرى ... هادا كون يجيبولو النساء تاع الدنيا كامل ماهوش رح يتسقم

بل قد يزيد الامر الطين بلة

أنا يا أختي نصيحتي أنها تتطلق منو ... ماعندها مارايحة دير بيه

تتعدب مرة خيرمن تبقى حياتها كامل وهي في الجحيم

وكما قال رسول الله صلى الله عليه وسلم

لايكرم النساء الا كريم ... ولا يهينهن الا لئيم

رب ي يكون في عونها

[زكرياء الأوراسي]

شوف انت اولا ما تعرفش القصة كيفاه و لا شفت بعينيك لذلك لا تتكلم كلاما و كانك تريد النصح فانا اعني كل كلمة قلتها و حتى و ان كنت اخطات فلا تقول لي انني قذفت فانا اعرف ديني و اعرف ما اقول جيدا فلا تتهمني بالقذف و ان كنت لا تعلم الرد على مشكلة و حلها فتجنب ان تقول كلاما فارغا ليس له معنى و تعلم احترام اختك في الله لا ان تقول لها قذفتي و لسانك طويل ليس لانك مختفي وراء الكمبيوتر ان تقول ما تشاء فالله يعلم ما تقول و ما تفعل اتمنى ان تقرا ردي هذا حتى تكفينا شر رودك
و ان كنت تريد الامر بالمعروف فتعلم شروط الداعية الموفق
و لا تنسى بانك ذكر فلن تحس ابدا باحساس خيانة الزوج لزوجته
ما علي الا ان اقول حسبي الله و نعم الوكيل

لوكان جات الدنيا دنيا وجينا نطبقو حكم ربي رانا طالبناك تجيبي 3 شهود خرين شافو هاذ الرجل يزني واذا ماجبتيهمش نجلدوك 80 جلدة ظهرك يتشلفط حتى توبي لربي وكلما تحبي ولا تنوي تهدري على واحد والا على وحدة وتقولي عليها خبيثة زانية تتفكري السوط تحبسي وتحكمي لسانك بصح الله غالب لقيتو رايكم ولقيتو الدنيا سايبة امالا اهدرو وش تحبو واحكيو وش تجبو ولي ينعتلكم صلاحكم دايمن مايعجبكمش وماوش مليح
فائدة بسيطة لكل من لا يعرف ماهو القذف
فالمراد بـالقذف في الحدود هو الرمي بالزنى أو اللواط وهذا مناسب لأصل معنى القذف في اللغة فإن معناه الرمي بقوة فمن اتهم إنساناً بالزنى أو شتمه به فقد قذفه ورماه بشيء شنيع .

[غزة في عيوني]

واش نقولو ربي يهديه ويهدينا جميعا

[غفران 2]

الله يهديه

[صحوة امل]

ربي يهديه ان شاء الله

[knives.55]

ومن قال لكي انه يفعل الحرم ربما تزوجها سرا

ربما وجد في زوجته السرية التي هي حلاله ان شاء الله ما لم يجد في زوجته اول

تتهمنون دون ادلة

[hattal]

أظن أن الحل هو أن تطلبي منه الطلاق

حاولي مراقبة تحركاته و أوقات لقاءاته
و أبلغي الشرطة
ليتم القبض عليه متلبس
ثم إرفعي دعوة طلاق ، و جرجريه في المحاكم
و طالبي في المحكمة بإدخاله السجن

و إنتهى الأمر

هل ما يستحقه هو يستحقه ابناؤه و بناته ؟؟؟؟

[biti]

ربي يفرج عليكم
الاخ الوراسي ضربة بسباط على راسك وقليل تحوسو دايما على الاعذار للرجل مهما دار

[biti]

اختي ممكن تري على في موضوعي بخصوص عملة القلب راه في قسم سوال و جواب ولك دعوة من القلب

[بنت غليزان]

علاه يتزوج اذا كانت مرتو ماشي مريضة و قايمة بيه و بدارو و الله غير العجب راهو صاري ؟؟؟؟؟؟
حتى شاب و دارولو حجاب
شيباني و تزربح لابدلو ينضبح

[زبدة ذايبة]

حالو صعيييييييييييييييييييييييييييب يا لحبيبة

هذا شاب على هذا الشيء فإما الدعاء له بالهداية والتوبة ؟؟؟؟؟؟ أو أن يأخذه الله وهو بين المومسات ويلقى الله على هذا الحال. هذا الشيخ اقطعوا منو الأمل إلا أن يشاء الله. خلوه على رايو واتركوه فالذي لايخشى الله لايخشى الناس

[عذراء الجبل18]

Rabi yahdiiiiiiiiiiiiiiiiiiiiiiiiiiiiiiiiiiiiiiiiiiih