راني خايفة نتمنى تنصحوني واش ندير

[مشكلتي]

السلام عليكم اخواني اخواتي نهاركم مبروك
اليوم حبيت نفرغلكم قلبي و تنصحوني الله يجازيكم
انا فتاة عندي قريب 19سنة نجحت هاذ العام في الباك في بداية السنة بعد ما قرينا شهرين جا عندي استاذ الفرنسية و قالي انو راه حابني في الحلال و ميحبش الحرام بعد ما لاحظت معاملتو المليحة معاي و هو متربي و اخلاق و ادب الله يبارك انا شاورت دارنا و بابا قالي نعرف اخواله ننصحك بيه انا قبلت و جا و جاب دارهم تمت الخطبة في ديسمبر الماضي كي عرفو صديقاتي والله بدل ما يباركولي وسوسوني من جيهته وحدة تقولي ماشي شباب (رغم انه مقبول والله ما ناقصه والو) و وحدة تقولي كبير عليك بزاف (عنده 30سنة) حيروني و هو كان يحكي معاي غير كي نخرجو والله في حدود قهرتني اقرب صديقة ليا كي قاتلي نبقى بايرة طول حياتي و منتزوجهش و انا تحديتهم و قبلت بيه و رغم المشاكل بقا لاصق فيا و مصر باش يتزوجني مننكرش انو اصرارو و اهتمامو بيا خلاني نحبو بزااااااااااف المهم قبل اسبوع تم العقد الشرعي و بما انو صار زوجي ولينا نحكو فالبورطابل و كي عرفو صحاباتي بالعقد بدل ما يجو يباركولي جاو قنطوني هكاك و مسمعتلهمش قلتلهم كي نحبو و يحبني خلاص حتى فيقتني وحدة كي قاتلي "عندك الجرأة تتزوجي استاذك و................???? " نتمنى فهمتو انا فيقتني و الله من اللي راحو و انا مبلعة على روحي و نبكي خفت منو يعني صاحبتي عندها الحق كيفاش رايحة نواجهو ليلة العرس والله نموووووووووووت خجلا عيطلي البارح يسقسي عليا صرخت عليه هو حار قالي واش درتلك كوبيت عليه و مزدتش رديت و انا راني غير نبكي معلاباليش علاه راني حاسة انو راني خايفة منو رغم انو الطف البشر محكيتش حتى لواحد من غير اختي راني حايرة كيفاش نواجهو ليلة العرس خايفة و خجلانة كل ما نفكر في هاذيك الدقيقة انهمر بكاء خاصة ان عرسي بقاله اسبووووووووووع واش ندير راني اتعس عروس رغم اني نحب خطيبي و نموت عليه قولولي راني نورمال كي راني خايفة منو في هاذيك الليلة نصحوني ارجوووووكم و شكون اللي صرالها كيفي و الله كلشي بسبب صاحبتي و كان ماشي هي انا منخممش كامل في هاذيك اللحظة
ادعوووووووولي ارجوكم و انصحوني الله يجازيكم راني حابة نفرح كيما البنات
اسمحولي طولت عليكم اسفففففففففففففففة و شكرا مسبقا

[القذافي999]

هاذو شياطين الانس و الجن راهم دايرين بيك


ربي يوفقك معاه

[Angleeyes]

؟؟؟؟؟!!!!دوختيني يا الاخت و علاه كي يكون راجل وحد آخر ماكيش رايحة تحشمي و تخافي هديك الليلةً؟؟؟ هذي الحاجة طبيعية الطفلة بطبيعتها تحشم و زيدي راكي تحبيه ماتخافي ماوالو وصحباتك هذو تافهين من الأحسن تبعدي عليهم بالتوفيق

[أمة الله 12]

حسبي الله و نعم الوكيل في صحباتك :confused:

شياطين الانس هاذم ماهمش صاحبات,:o

أختي باينة خلاص راهم غايرين

ماديري والو في بالك, و الخوف و الحشمة فيها فيها أستاذك و لا غيرو

نصيحة أقطعي علاقتك بيهم خلااااااااااااااااص, ماتعرضيهم لعرسك ما تزيدي تخلي أخبارك توصلهم



مبروك عليك, ربي يهنيكم و يدوم العشرة و المحبة مابيناتكم:mh31:
بيش تعرضيني للعرس:1:

[اسماء الشريفة]

ربي يوفقك لى مافيه خير

هذي مرحلة صعبة خاصة وانك مازلت صغيرة

ان شاء الله تتعودي وتعيشي احلى الايام

[لكحل بلال]

عندي زميلة تزوجت استاذها والامور مشات على ما يرام والحمد لله
هذا تفكير ضيق ختي
نورمال هذا حلال ماشي حرام
الله يهنيك ويفرج عليك ماتقلقي ماوالو عادي والله وش فيها تزوجي استاذك ،، بالعكس حاجة مليحة ربي يسهلك في عرسك وتتهناي في دار اهلية الزوج وتفرحينا
بوليد ولا بنية ههه ومتسايش تسميه بلال ولا أنس هههه ايا ربي يسهلك ،،

[ايمان نور الجزائر]

اه يا اختي يا من يامن بنات حوااااء
هاذا قع من الغيرة والحسد.....ونتي ديري عليهم كي المهبولة
ما تسمعيلهمش قع........قولهم ديت مكتوبي وراني راضية بيه
وننصحك تجبدي روحك عليهم تماماااااااااا
++
رجال قع كيف كيف استاذ .......والا بطال..........والا طياااااااااااار
طبيعة البنت تحشم..............وعند ربي راح يكون زوجك وكل شيء مباح في الحلاااااااااال
اطردي وساوس الشيطان وعيشي حياتك هذا وين بدات

[مراد سابقا]

يا أختي بصراحة شديدة

أنا نشوف في المراهقات هوما لي يتلاحوا على الرجال

وأنت خائفة

والله ضحكتيني

[أسومة المتفائلة]

انا تبانلى مكانش حتى مشكلة راكي برك تضخمي فى الامور

وتقولى عليهم صديقاتك هادي صحبة هادي
اخطيك منهم هادو شياطين يكونو غيرانين منك برك
ربي يهنيك ويسعدك
الف مبروك العقد
ربي ييسر امورك

[~~ أغيلاس ~~]

السلام عليكم،

أنصحك أن تقاطعي صديقاتك كليا كليا،

هؤلاء الصديقيات حسودات و غيارات،

يا بنتي الغيرة راهي قاتلتهم،

قلوبهم راهي تحرق،

المرة القادمة لويكلمك خطيبك اطلبي منو السماح، عيب تعيطي عليه يقدر حتى يفسخ الخطبة و تبقاي نادمة،

قوليلو كنت مدمرة نفسيا و اسمحلي كي عيطت عليك،

بالنسبة للخجل عادي جدا هذه فطرة في البنت و التي لا تخجل مطلقا حالة استثنائية،

الاستاذ راهو استاذ في المؤسسة التروبوية فقط، أما في المنزل ميصيرش قع استاذ،

خطيبك اللي راكي تشوفي فيه استاذ مثالي بعد الزواج راح تشوفي وجهو الحقيقي، شاب ككل الشباب، شخص عادي جدا، يقسر، يتمهبل، يزهى ( في المعروف طبعا )، حتى أنك لن تتصوري مطلقا أنه هذا هو الاستاذ الجدي في القسم،

مديريش قع في بالك راكي مخطوبة لأستاذ،

و مرة ثانية اخطيك من هاذوك الغيارات الحسادات،

محملوهاش،

الششششششههههههههههه فيهم،

يخي ستوتات يخي :1: .

[بلسم غرام2018]

طبيعة البنت تحشم..............وعند ربي راح يكون زوجك وكل شيء مباح في الحلاااااااااال
اطردي وساوس الشيطان وعيشي حياتك هذا وين بدا
ت

[قَاسِمٌ.قَاسِم]

موضوع فيه بعض الحلول لهذه الإنشغالات
وبعض خبرات الإخوة والأخوات
۞ظاهرة زواج الأساتذة من تلميذاتهم بين الواقعية والاستغلال!!۞ (http://www.djelfa.info/vb/showthread.php?t=1380428)۝ (http://www.djelfa.info/vb/showthread.php?t=1380428)
ننتظر بصماتكم ووقصصكم الشخصية

[khawlita.dz]

لا تلقى بالا يا اختى لكلام هؤولاء الصديقات فليست كل صديقة صدوقة و تتمنى الخير لك كما تظنين
ربما هى غيرة منهن فلا تلتفتى ان كلن رجلا تقيا مؤمنا مسؤولا و يحبك
و عيشى اللحظة بلحظتها
استرشدى باراء اخواتك و من يحب لك الخير لا بصديقات لا خير فيهن فلو كان به عيب و نبهنك نقول مقبول لكن ان ينفرنك منه بدون سبب اظن انها غيرة منك و الله اعلم
وفقك الله

[« أبْجَدِيَّاتْ »]

عليكِ السَّلام و رحمةُ الله..
أعرفُ الكثير من الفتيات اللّواتي تزوّجنَ أسَاتذة وهنَّ الآن ينعمنَ بحياةٍ طيّبَة..
والدةُ صديقة أختي تزوَّجت أستاذها وهو يبلغُ 33 سَنة بينمَا كَانت في التَّاسعةِ عشر من عُمرها..
و اليومَ هي مُحاميَة، وهو لا يزالُ يعملُ أستاذًا، و رزقهُم الله 4 بناتٍ أكبرهُنَّ تخرَّجَت قبلَ عامينِ مع أختي صيدليَّة..
و الثَّانية التَحقَت بجامعةِ أختِها العامَ الماضي..
لا أفهمُ أينَ العيبُ الذِّي تراهُ صديقاتُكِ في الأمر.. بل أحسَبُهُنَّ تشعُرنَ بالغيرة والله أعلم..
فلابُدَّ أنَّهُنَّ لاحظنَ مُعاملتهُ الطَّيّبة نحوَك فأخذَتْ من أنفُسِهِنَّ الغيرةُ مأخذًا..
اقتربَ عُرسُك يا جميلة فافرحي و سَارعي إلى طلبِ العفو من زوجِك.. و دعيكِ من أقوال البَنَات..
( و ما تخلّيهمش يفزّدو عليك فرحتك ).. فإن كرّرت فتاةٌ أخرى على مسَامِعك تلك الوسَاوِس الخبيثَة
إسخَري ممَّا تقُول و اقطعي صِلتكِ بها..

وأمّا الخجل، فهي فِطرتُكِ التيِّ جُبِلتِ عليها أختي، ولا حرجَ في الأمر..
و الحقيقةُ أنَّني لا أدري ما أقولُ هنا ( فأنتِ بمثلِ سِنيِّ :o )
ولكن.. حاولي أن تجعلي من الجوّ الذي يجمعكما جوّ مُزاحٍ و ملاطفة
كي لا تشعُري بثقلِ الحَدِيث.. و ستَعتادينَ بمرور الأيّام ان شاءالله..

( كِدتُ أنسىَ أن أنصحكِ بتغيير شريحة الهاتف المحمول كي لا تُزعِجَكِ اتّصالاتهنّ.. )

و باركَ الله في زواجكُما و يسَّرَ أموركُما و جعل الهناء و السَّعادة لا تفارقكما ..

[هيا الجزائر]

و أتريـــن أختـي هآتـه مُشكلـة
هآتـه سُنـة الحيآة
أتأسـف لمآ يُختـصر الزوآج بتِلكـ الليلـة فقـط

هُو حقاً مـن طبـع الْبـنت الخجـل فـي الأول لكـنكـ ستعتآديــن زوجكـ

+


و أتعتقديـــن سيُعآملكـ كمآ يُعآمل تلآ مذته
بالطبـع لآ
أنت ستكُونيـن زوجتـه و شريـكـة حيآتـه
أمآ صديقآتكـ لسـن كذلكـ
إفرحـي بعرسـكـ يآ مهبـولـة و عيـشي أيآمـ أحلـى مـع زوجكـ

[dali rami]

بَارَكَ اللَّهُ لَكَ وَبَارَكَ عَلَيْكَ وَجَمَعَ بَيْنَكُمَا فِى خَيْرٍ

لا تتأثري بكلامهن نصيحة والله يفرجها ان شاء الله

[ام يمينة]

مبروك عليك وربي يكمل بالهناء والسعادة والدرية الصالحة
الشيء الاول انهي علاقتك بهدوك لبنات مفهومش اي بدرة تاع صداقة

غيري رقم الهاتف واقطعي علاقتك بهم
مافهم حتي واحدة فهم تربح ومتعرضهومش للعرس
واش هدا لكلام غيرة وحسد
لو كان صاح لهم هدا الاستاد مايكون هذا لكلام و كبري عقلك ياختي
الحمد لله هدا نصيبك وهدا مكتوبك ربي يفرحك بيه
شيء جميل انه بقى لعرسك اسبوع وجدي نفسك ومكان والو ليلة محلها ليلة شوفي طبيبة تنحي لك هدا الخوف تفهمك بصفة طبية كيف يون الحال ومتسمعيش من ومن كل واحدة كيف تعيش ليلتها بالبركة والسعد عليك
ويوم الدخلة الكل يخاف شيء جديد خي هو يكون مرتبك وخايف
وتجوز ان شاء الله بخير وعيشي ايام تعرويس ديالك لانها احلى ايام للبنت
والاستاد راهو في المدرسة والبيت شخص اخر هو حبيبك

[مريم الصابرة]

السلام عليكم اختي
والله حرت فيك بيرة وتسمعي لكلام الناسو خليتي راجل اول ما حبك جا بالحلال للدارهم قضية زين قوليلهم لو عندو زوج ريسان نديه لازم تتعلمي تضربيهم بالبارد واما موضوع إنها خوفاتك وإنو أستاذك هذا مراهش غول راح ياكلك يا اختي هذا زوجك وراكي قلت نحبو يعني اختي شوفي فيه الأامور الجيدة وقرّب العرس ومالازمش تستقبلي زوجك يخوف او بنفور لالا من رأي إرقي لنفسك وكثري الصلاة وصدقيني هذوك كامل راهم غارقين في غيرتهم منك لوو اي وحدة منهم تقدملها والله لو وافقت بسرعة اختي الله يهديك حرام عليك تعامليه هكذاك هو واش ذنبو ولما تتزوجو وتشوفي معاملتو ليك راحا تندمي إنك ظلمتيه
ربي معاك وما تخافيش خمي راحا تعيشي مع إنسان تحبيه واحمدي ربي نوضي علينا من التقلاش ووجدينا القاطو بعثيه ربي يهنيك

[biks]

السلام عليكم

أيتها الأخت الغافلة ألم تلاحظي أن الشياطين تدور بك ؟؟؟ ألا تعلمين بغيرة النساء ؟؟ أنا ألومك أنت لأنك سمحت لحثالة من البنات أن يتدخلن في مسار حياتك و لا أظن أنهن يحببنك أكثر من أبيك

لاحظي معي، أبوك الذي ولدك لم يثير أي مشكلة بخصوص أستاذك لأنه يري بعينيه و قلبه أما تلك الحثالات فهن يكدن لك لكي لا تكونين سعيدة في حياتك و لا أستبعد أن يعملن لك سحرا لتفرقتك عن زوجك

أوصيك بالأذكار و قراءة التحصينات و إياك أن تقبلي منهن شيئا كهدية لأنهن أفاعي و الافاعي تعطيك السموم

أختم بهذه القصة الحقيقية :

أنا عندي عمي يدرّس في الجامعة و زوجته كانت طالبة عنده و رزقهم الله بالبنبن و البنات و الحمد لله و هذه منذ 20 سنة

[أويس DZ]

السلام عليكم
لقد حققو ما ارادو صديقاتك ربي يهديهم
الغيرة دير يا بنت الناس
في عوض تحمدي ربي رزقك براجل خدام خدمة شريفة وعند الدولة ومربي قاعدة تخمي في واش قالولك صحاباتك
ياو فيقي لعمرك راهم حابين يديروها بينك وبين راجلك

ديري سورة البقرة في داركم خلي الcd يدور h24

ربي يسهلك
ومبروك الزواج

[kamel76]

أولا هؤلاء ليسوا بصديقاتك ، لم يفرحوا حتى بزواجك ، هن يحسدنك لا أكثر و لا أقل و أنصحك بألا تتكلمي معهم أبدا بل واقطعي علاقتك معهم ، الزواج أسمى رابط بين رجل و امرأة أما هؤلاء "الصديقات" سوف يتخذن أخلاء و علاقات غير شرعية هن يردن لك هذا .
أما عن كونه أستاذك فهو لم يعد كذلك هو زوجك و يجب أن تنظري إليه كزوج و فقط . أما خجلك منه ليلة العرس فهذا الخجل و الخوف هو طبيعي ، لأنك مقبلة على حياة جديدة و العيش مع شخص لم تكن تعيشي معه من قبل ، فهذا شيء طبيعي فلا داعي لتكبير الأمور .
وخلاصة القول أقول لك : مبروك عليك الزواج.

[z.abdo]

انت غبية لأنك تسمعي كلام صديقاتك وليسهم صديقاتك لأن يحسدونك عن هذه النعمة ولو بقيت هكذا راح تخسريه وممكن يفسخ العقد في اي لحظة

عامليه كما يعاملك ولا تتخوفي فإنه انسان مثقف ويعرف كيف سيتصرف معك

كذالك اقول لك هاذو البنات لة تجيهم نفس الفرصة والله لن يتركوها لكن بسبب غيرتهم منك راه يتكلمو هكذا

يجب ان يكون عندك شخصية اختي ولا تسمعي لهذو الغيورات الحسودات