اين تقع جامعة الجزائر 2 بوزريعة

[قطر النى]

ارجوكم اخوتي اين توجد جامعة بوزريعة بالضبط
مع الشكر المسبق

[قطر النى]

اعتقد انه لا يوجد احد يعرف مكانها

[wolfman]

9oulili mnine raki jaya ne9oulek kifach terou7i kheti

[بوطالب إيمان]

أختي العزيزة ربما تجدينها في قوقل أرث أفضل و ربي يوفقك إنشاء الله في المسابقة

[kamellll]

ارجوكم اخوتي اين توجد جامعة بوزريعة بالضبط
مع الشكر المسبق
جامعة بوزريعة توجد في بوزريعة في الجهة الغربية من العاصمة واحسن شئ هو الركوب في سيارة اجرة للنقل الحضري يوصلك اليها ( تنقصي على روحك تكسار الراس )

[Taki eddine 05]

لا أنصحك بسيارة أجرة لأنه سيأخذ منك 600 أو 700 دج أو أكثر
اذا كنت في alger center
خذي حافلة من ساحة الشهداء الى للأبيار
انزلي في الابيار بالقرب من مركز البريد ومن هناك ستمر حافلات تنقل الى بوزريعة
وستضعك قرب الجامعة بأمتار فقط
الطريق طويل نوعا ما ومزدحم لكن لن يكلفك أكثر من 60 دج .

[chiraz mimi]

بما اني كنت نسكن تما نفدر نقولك اذا كنت في البيس اهبطي في ARRET TA3 AIR DE FRANCE لي هو قدام الكشافة امشي واحد 50 متر او اهبطي مع الهبطة تزيدي تمشي حوالي 200 متر تلفي لافاك راهي ساهلة بزاف و متبحريش كامل و اذا تلفتلك سقسي براسكو في بوزريعة كاينه عير هاذي الجامعة لي جاية في la fumé و كاين المدرسة العليا لتكوين الاساتذة في trente deux اي سؤال اخر اني في الخدمة

[قطر النى]

شكرا للجميع على المساعدة
ولكن انا قادمة من بوفاريك بسيارتي

[امين83]

شكرا للجميع على المساعدة
ولكن انا قادمة من بوفاريك بسيارتي

كنت حاب نساعدك بحكم انني جوزتها 4 مرات 2مرتين في بوزريعة و 2 في دالي ابراهيم
.لكن كي فيها من بوفاريك لتم ..معرفتي تم و حبست ههههه الا المنتدى يقدر يساعدك راهي البنت في الرد اعلاه تقدر تساعدك ..
الله يجيب التوفيق و يسهل عليكم

[chiraz mimi]

اكثر سهولة اذا كنتي بسيارتك تجي على الطريق السريع الدخلة الاولى تاع الحي الاولمبي تدخلي معها و تكملي قبالة كي تلحقي شوفالي اطلعي طاعة بوزريعة روحي غير قبالة و سقسي تلقيها و تركني سيارتك داخل الجامعة

[رحمة من المولى]

[QUOTE=chiraz mimi;1054128431]اكثر سهولة اذا كنتي بسيارتك تجي على الطريق السريع الدخلة الاولى تاع الحي الاولمبي تدخلي معها و تكملي قبالة كي تلحقي شوفالي اطلعي طاعة بوزريعة روحي غير قبالة و سقسي تلقيها و تركني سيارتك داخل الجامعة[/QUOTE
هذي هي الطريق فوتي على شوفالي تلقاي ليبيس اللي يطلعوا لوزريعة اطلعي كيفهم كي تمشي شوية زيدي سقسي
نورمالمو كي تبدا التسجيلات يخدمو لبيس تاع الطلبة كاين بوفاريك بوزريعة متشقيش قاع سيارتك ربي يسهل

[قطر النى]

شكرا لكم جميعا

[hamza_blidi]

كما قالولك الجماعة احكمي الطريق السريع كما انت من بوفاريك روحي على بئر توتة و من بعد بدلي الطريق السريع لي يروح زرالدة تيبازة و من بعد غير الاتجاه نحو بن عكنون و هو نفسه اطريق الحي الالمبي 05 جويلية ...فوتي الملعب 05 جويلية تلحقي شوفالي تلقاي الاشارات دلك على بوزريعة ...طريق ماشي صعيبة

[عكيف]

هل من جديد حول نتلئج علم الاجتماع الديني جامعة الجزائر 02 بوزريعة ولكم من جزيل الشكر

[l'avocatprince]

i d'ont no

[Master Y]

هههههههههه
سقسي على جامعة الجزائر 2 كي تلقيها احكمي طلعة و مبعد الحدرة
تلقي جامعة بوزيعة

[الأخت نونو23]

هذا سؤال قديم ياأخي

[ياسمين كريمة]

السلام عليكم من فضلكم ما هي اللغات المتوفرة و الموجودة بجامعة بوزريعة?

[fetfoul]

السلام عليكم من فضلكم ما هي اللغات المتوفرة و الموجودة بجامعة بوزريعة?
السلام عليكم اختي لقد اخطات في طرح سؤالك في هذا القسم من المنتدى لان هذا القسم خاص با التحضير لمسابقة القضاء فقط اما با النسبة لسؤالك فعلى ما اظن باالنسبة للغات المتوفرة في جامعة بوزريعة هي الفرنسية و الانجليزية الإسبانية والروسية والإيطالية وكذا الألمانية و اتمنى من الاخوة الاعضاء عدم الخلط فيما بين اقسام المنتدى