احس بالملل’ ارجو النصيحة

[linda007]

انا فتاة تبلغ من العمر 26 سنة متزوجة مند 6 سنوات .متحصلة على شهادة مهندس.ام لطفلين.موظفة
جميلة المنظر.لي سكن و سيارة.زوجي يحبني و الحمد لله
مشكلتي اني لا اطيقه مع العلم انل زواجنا كان عن حب.لا اتحما ان يلمسني.دائما جد قلقة.
فكرت كثيرا في الطلاق لكني لا اجد السبب الذي اقدمه لابنائي عندما يكبرون
ما رايكم.

[تهاليل]

السلام عليكم أختي هناك كثير من التساؤولات التي أريد لها جوابا هل لزواجك المبكر أثر على نفسيتك أم هناك مشكلة ما تعانين منها الآن من زوجك جعلك تتخذين هذا القرار و26 سنة مازلت صغيرة حتى تقولي لو فرضا راح تطلقي أكيد راح يجيك غير زوجك خاطب ومستحيل يتركك أهلك بدون زوج في السن الصغيرة يسما الأولاد واش مصيرهم انت تزوجي وتروحي وتخليهم ,ابيهم يزوج ايا وواش حل الاولاد ؟ شعال من طفل تشتت وانحرف من سوء اهتمام والديه

ثاني شيء ابغض الحلال عند الله الطلاق وانت علاه حابة تطلقي يااختي يخي قلت تحبي زوجك ماذالذي تغير أم أن هناك شيء أو طارىء جديد جعلك تغيرين رايك وأما إن كان هناك سوء تفاهم أو خصام بينكما اجلسي مع زوجك وحاولي تحلين المشكلة ولا تفرحي الشيطان ببعدك عن زوجك واكثري من استغفار مرنيش نقولك جربي لانو انا جد متاكدة مية في المية لو اكثرت من استغفار 500 او 600 او 1000 أو اكثر منقولش عدد معين حتى تكون أتيت به من نفسي لانه لم يثبت عن النبي الاستغفار بعدد معين ورديلي الخير وزيدي ارقي روحك ماخسرت والو والله وتالله سعادتك بقربك من الله وراح تشوفي بعينك وموفقة يارب وفكري مليييييييييييييييييح قبل ماتخطي اي خطوة واستخيري الله ولي عودة مرة أخرى للموضوع وربي يفرج عليك أخية

[ياسمين ماسي]

احمدي ربي واشكريه ربي انعم اعليك زوج صالح ورزقك الذرية كاين ناس متمنين هذا الشى

[السي محمد]

عليك بالرقية الشرعية

ماديا كل شيء متوفر

لا يوجد سبب منطقي للقلق و طلب الطلاق

كاين اللي عايشة في كوخ قصديري و مريضة

و زوجها يخدم بنص 1/10 من شهريتك و راضية و تحب زوجها و شادة فيه

[linda007]

شكرا لك على اهتمامك وردك,قد يكون السبب الزواج المبكر كما قلتي.لاني تزوجت وانجبت طفلي الاول و ابا ادرس, ثم العمل مباشرة ثم الطفل الثاني
احس اني ابلغ من العمر 50
وزوجي لا يهتم لتعبي,اجده غير مبال.
صدقيني حتى و ان قررت الطلاق,فاهلي لن يرضون لانه لا يوجد سبب وجيه.
احس ان نفسيتي تعبانة جدا.

[linda007]

المشكلة ان جميع الناس راح يلوموني كيما نتوما.على هديك ما نقدر ندير والو

[تهاليل]

شكرا لك على اهتمامك وردك,قد يكون السبب الزواج المبكر كما قلتي.لاني تزوجت وانجبت طفلي الاول و ابا ادرس, ثم العمل مباشرة ثم الطفل الثاني
احس اني ابلغ من العمر 50
وزوجي لا يهتم لتعبي,اجده غير مبال.
صدقيني حتى و ان قررت الطلاق,فاهلي لن يرضون لانه لا يوجد سبب وجيه.
احس ان نفسيتي تعبانة جدا.


شوفي قلت مش قادرة يعني كل انسان وطاقته يعني تتخلي على العمل لراحة الوادك وزوجك وراحتك انت بالأول خير من الطلاق علاه ماخممت تتركي العمل قبل الرجل لانو الرجل ظل المرأة وماتعرف قيمته إلا كل عانس رغم انه لاأحبد هذه الكلمة جربي تتقربي من الله وتوقفي عن العمل راح تتفرغي لاولادك وتكسبي راحتك أحسن من الطلاق لو كنت آلة اكيد راح تتعبي عمل ابيت وتربية الأاولاد زيدي خمي مليييييييييييييح اختي وابشري راح ندعيلك ربي يسدد خطاك ويلهمك الراي السديد

[TOKYO]

انعلى الشيطان و توضي و صلي
الطلاق عند بالك ساهل
طلاق رايحه تفتحي ابواب حتى واحد ما يقدر يسكرهم عليك لا ليك ولا والديك و تاني واش دنب اولادك و راجلك مفروض راكي متعلمه اقعدو اتكلمو اخروجو بدلو الجو غيرو روتين بالصح باش تلحق للطلاق راكي عارفه واش رايح يصير لك احمدى نعمة الزواج و المال و العمل و سكنه الناس راهي ما لقات عليها
كاين هنا في منتدى مساكن مرضه و مالقاو الحل يحلمو بالجو تاع العائلة و الحب و حنان و تكوين العائلة
راكي في نعمه كبيرة يجسد عليها اغلب الناس
ارقي و شدى مصحف و صلى
هدرة هدي كبيرة بزاف

[linda007]

شكرا اختي لكن الحاجة هي التي دفعتني للعمل .لحد الن الدين تاع السيارة و البنك تاع الدار
وشهرية زوجي قليلة جدا
كافحت باه درت وش عندي,على هديك راني هكا انا لمرا و الراجل
يا ريت نرتاح انا و اولادى و يتوفرلي كل شيء

[wafa16]

بصح اختي ما فهمتيناش علاش حابة تطلقي
فقط لانو زوجك غير مهتم ??????
اختي استغفري بالاك عين و صابتكم على خاطر الحياة اللي راكي عايشتها كل وحدة تتمناها
قارية و خدامة و تزوجتي بزوجك عن حب و عندك اولاد و سكن و سيارة
كاين ناس مساكن ظروفهم اسوء و راهم صابرين
الا ادا كان هناك مشكل اخر

[maramelmess]

روحي ارقي و ايدا لقيتي بلي معندك والو

مع كل احتراماتي حكمك جنون العظمة

بما انك مرتاحة مادية راكي حاسة نفسك خير من الزوج ديالك

راجلك ما يعمرلكش عينك لازملك ما خير راكي حابة تعيشي تجارب جدد تكوني حرة تحسي بالجمال ديالك

نعرف بزاف بنات كيما نتي و من بلادك جاو للدزاير عايشين واحدهم في الاول ما يخصهم والو و مبعد كي يكبرو ولادهم يبداو يندمو صاحبتي درك تقول كون غير حملتو المهم يعاوني في تربية وليدو و ما يطمعوش فيا الرجال كرهت حياتها و راجلها نحا قاع وليدو من حياتو

مسكينة زينها دبل راحت قاع فيها درك عندها 7 طلاق واش نقولك من وردة لشوكة

[linda007]

الرقية ديما صعيبة عليا.نكونو نورمال بصح هو يقدملي و انا نرجع عبد اخر
ما فهمتش وش ندير

[sabra2009]

أختي السبب أنتي ذكرتيه..
أنتي تشوفي روحك راجل ومرأة في نفس الوقت يعني الدور تاع راجلك ألغي تماما ، زوجك أصبح لا يهتم لأنه يشوف فيك قادرة على روحك...
الله غالب هذه ضريبة عمل المرأة خارج البيت لأن الله عز وجل قال (وقرن في بيوتكن ولا تبرجن تبرج الجاهلية الأولى)
النتيجة وخيمة مجتمع فقد الرجولة إلا من رحم ربي رجال يقبلون أن تخرج زوجاتهم باكرا تستقل الحافلات و تنافس الرجل؛ رجال لا هم لهم سوى تحقيق مكسب مادي على حساب كرامة ورجولة... أطفال ضائعون أو ما يطلق عليهم أطفال المفاتيح زوجات مسسترجلات
أعرف شخصيا إمرأة إضطرها زوجها غير المبالي للعمل وهو يفضل النوم النتيجة والله على ما أقول شهيد أصبحت تضربه وتشتمه وهو راض وساكت... أعتقد لو علم شهداؤونا أنهم سيفقدون حياتهم من أجل بلد كهذا لفضلوا البقاء أحياء...

[aiche]

مشكلتك مشكلة أي امرأة تريد أن تلعب كل الأدوار في أن واحد ( زوجة + أم + عاملة + ربة بيت ) وهذا مستحيل ... مستحيل,,, مستحيل

أنت انسانة وليس آلة وبالطبع ستتعبين جسديا ونفسيا وفكريا وتصبحين sur charge

أعيدي ترتيب أولوياتك، وفكري ¨جيدا بشكل عقلي ومنطقي,,, من يحتل المرتبة الأولى على قائمة أولاويتك؟ ومن يحتل المرتبة الأخيرة؟ حينها تخلي عن ما يجب التخلي عنه، وتمسكي بخياراتك الأولى

وأرجو أن لا تضعي أبناءك و زوجك وعملك في كفة واحدة، فهذا قمّة الغباء الذي نجده اليوم عند الكثيرات من النساء الجاهلات والغبيات
وإن كنت تظنين أن الطلاق سيحل المشكلة، فأنت مخطئة كثيرا، لأنك تجهلين الطلاق وتبعاته

[Hicham Ahmed]

انا فتاة تبلغ من العمر 26 سنة متزوجة هناك من هن 36 سنة ويحلمن بالزواج - نسال الله لهن ازواج صالحين.....مند 6 سنوات .متحصلة على شهادة مهندس... بعضهن لا يعرفن حتى كتابة اسمائهن ويتحرقن شوقا لذلك .....ام لطفلين.. - ربي يحفظهن .. أعرف الكثير وزواج لأكثر من 30سنة بدون أولاد..موظفة .. هناك بعض العائلات الرجل يحلم بعمل يسد به رمقه ورمق عائلته .. الزلط كلاهم
جميلة المنظر. - ؟؟؟؟؟؟ أكيد لهاتين الكلمتين سبب- .. لي سكن ... عائلات تفترش الكاراجات .. استغفر الله الكازمات وحتى الشوارع..- و سيارة...لا تعليق ..زوجي يحبني - .. ماذا تريدين أكثر من ذلك .. و الحمد لله .. الأفضل استغفر الله..
مشكلتي اني لا اطيقه مع العلم انل زواجنا كان عن حب.لا اتحمل ان يلمسني.دائما جد قلقة.
فكرت كثيرا في الطلاق -لو كان الطلاق فيه تجربة لنصحناك بذلك .. لكن يا أخيتي .. كلمة فقط منك تزلزل حياتك زلزال .. وأنصحك أن تقرئي قصة أم زرع....لكني لا اجد السبب الذي اقدمه لابنائي عندما يكبرون -- اسمحيلي هذا عذر اقبح من ذنب..
ما رايكم. .. -أظن أن النعمة التي أنت فيها .. لم تعجبك .. وتريدين تجربة حياة البأس والشقاء..
أختي الفاضلة .. كفاك جنونا - اسمحيلي على هذه الكلمة لأنني مندهش من كلماتك ..ربي يهديك
أختي الفاضلة أسألك ولا أحتاج جواب .. فقط لماذا قلتي جميلة المنظر؟؟ .. وهو - حسب ما أرى - سبب البلوى.

[rafik__87]

اظن الملل من كبر المسؤولية الملقات على عاتقك وكثرة الاشغال وبسبب الضغوط النفسية كل انسان يحتاج راحة كيما نقولو تبدلي الجو شوية واعيدي ترتيب اولوياتك

[elhassen 02]

السلام عليكم و رحمة الله تعالى و بركاته
أختي الفاضلة قرأت منشورك و لكن لا يوجد شيئ أو سبب يجعلكي تطلبين الطلاق
أحمدي الرب إذا انت راك متزوجا و عندك طفلين الله يبارك و زوجك يحبك كما ذكرتي أعلاه
كاين نساء ماجاهمش نصيبهم و سنهم 46 سنة و راهم صابرين و حامدين ربي ليل و نهار
و انتيا رح تخربي بيتك بيدك واذا طلقتي من هذا الزوج الصالح فنهايتك معروفا فالكل حينها ينظر اليك بوجه آخر و عندهم الحق في ذلك و حينها ستسلكين طريق مظلم و انت تعلمين ما اقصد
و على ما اعتقد انك تحبين ان تعيشي حياة البئس و شقاء و اطلب منكيالاكثار من الدعاء و الصلاة و ارقي نفسك بنفسك و انصحكي بالابتعاد عن هذا الموضوع
و بالتوفيق

[عبد الله 22]

السلام عليكم الله يهديك يأخت اللعبي دورك كإمراة فقط وإستمتعي بهذا الدور ستجدي الفرق ، فكل ميسر لما خلق له ـ حاولي أن تحتكي بالمطلقات وزري المحاكم لتري مشاكل العائلات و الامور الاخر، اما عن الملل حاولي أن تغيير الروتين ، - ديري عمرة مع زوجك- فالملل حالة إنسانية تصب كل واحد منا إلا ان علاجها لا يكون بالطلاق و الطلق عمر ماكان حل حتي لمشاكل الاخرى بل هو تقيد لمشكلة ضد مجهول في الاخير كما ردا من سبق إستغفري ربي وصدقي يأخت النعمة راها الدور وتروح لمعرفش حقها وتبقى الحسرةـ ويما ناس كانوا في أعز من العز وكما يقول أصحاب التنمية البشرية أن الامور التي نفكر فيها تنجذب نحونا ، وهذا مصدقا لقول الرسول الله صلي عليه وسلم '' في حديث حسن الظن بالله

[مواطنة]

السلام عليكم اختي
هذه امور يمر بها كلا الزوجان احيانا الروتين وكثرة التفكير في الامور المادية يجعل الانسان منغلقا على مشاكله وكيفية تسديد الديون فينسى تنظيم اولوياتاته
اختي من قولك انت تتعبين كثيرا في جميع النواحي و ترين ان زوجك يتعب اقل منك فكرهته مؤقتا فقط لانك واقعية كثيرا وعملية
ماذا تريدينه ان يفعل ان كان دخله لايسمح له بالحصول على اغلب المتطلبات
يا اختي الله هو الرزاق فيه نساء رجالهم مراض ولا كسولين هما يخدمو عليهم باش يحافظو على بيوتهم
اذا انت شاطرة و الله خلقك ذكيه و قافزة عاونيه بكل حب و قناعة لانه جنتك او نارك ماتشوفيش بلي كاين الدنيا هذي برك كاين الاخرة لي نخلدو فيها خممي مليح في هذي النقطة
اختي انت صغيرة ماشاء الله لي عندك انا كبيرة عليك والله ماعندي كل لي عندك هههههههههههههه لكن احمد الله ولما اتذمر افعل اشياءا حاولي فعلها وسوف تجدين النتيجة باذن الله الحل
اذا كنت جالسة اسفل شجرة لن تستطيع رؤيتها كاملة بل جزء صغير كلما ابتعدت عنها سوف ترينها بوضوح.
1/ابتعدي قليلا من عائلتك الصغيرة ولو لنصف يوم اخرجي وحدك لاي مكان فيه هواء طلق بحر او حديقة او اي مكان مناسب تنفسي ولا تفكري الا بالجو و الطبيعة
2/اذهبي للمسجد صلي تحية المسجد او اذا كان فيه صلاة مفروضة اقرئي ولو جزء صغير من القران و اسجدي لله تضرعا و ادعي بصدق
في كل نقطة سوف ترين نفسيتك تتحسن
3/اذا استطعت زوري المستشفى قسم النساء سوف ترين انك في نعمة
4/ احمدي الله بصدق ولتفعلي ذلك انظري لمن هم اقل منك بكثير فترتاحي
5/اقنعي نفسك ان كل ما تفعليه فيه اجر عند الله كل شيء
تكلمي مع زوجك عن الملل الذي دخل البيت وعليكم اخراجه مثلا كل يوم سبت او جمعة يكون للعائلة و مرة في ا10ايام تاخذون اولادكم عند العائلة و تخرجون دونهم ولو لساعتين حافظي قدر المستطاع على جدول تضعينه نصب عينيك لان الضغط يولد الانفجار و على حسب ما قلتيه انت من تريد الانفجار على العائلة
تعرفين شيئا اعتقد انك لا تقصدين الطلاق بل تقصدين الانفصال عن المسؤوليات لفترة
*لا تدعي طموحك يقضي على اسرتك لاننا مسلمون طموحك لازم يسعد عائلتك لالزم تبيني بلي رغم الصعاب انت مهتمة بلم الشمل حتى لو طلقت ستبقى لديك المسؤوليات نفسها او اكثر وتفقدين قلب زوج احبك ب
*لا تتركي الشيطان يوسوس في داخلك قولي دائما احب زوجي و احب البقاء معه لان العقل الباطن ينفذ ما يسمع حتى لو لم تقتنعي
*انت مقصرة في حق زوجك وتعلمين ذلك لا تتبعي هواك اذا احسست انك لا تريدينه فهاذا لا يعني ان تفكري بانانية في الزوج الذي ترك تكملين الدراسة او تركك تعملين لا فيه رجال ما يخدمو ش و يحصرو نساهم في الدار
تحرر المراة لا يعني ان تعيش مثل الاوربيات كي تحب تزوج و كي تكره تطلق لانو انت ماشاء الله عندك في الراس ماتخليش كل شي بنيتيه بيدك تهدميه بيدك و اذا على الدين في البنك عندك الحل وانت ادرى انا ماعنديش دار وما نخممش نداين في البنك نعيش في كوخ مع زوجي و ما ندورش لكلام الناس المهم نعيش مع الانسان لي عطاني اسمو و اختارني مرتو
اعيدي النظر في تصرفاتك تجاه زوجك حتى لو لم تستطيعي التودد اليه لا تصديه و بالوقت ترجع المياه الر مجاريها لانك ان صديته دائما لن تضمني تغيره عليك و بعدها فقط سوف تحسين انك ايضا تحبينه و بما انو دايما قريب يبان امر عادي
اتمنى ان تعيدي النظر بمنطق اكثر لعلاقتك بزوجك المحب اكيد انو فبه ناس تحسدك على هذا الزوج المحب الذي اقل شيء تعملينه لاسعاده اعطاء نفسك وقتا و فرصة للتجديد
بما انك قدرت تحقيق كل ذلك اكيد يجيك امر ساهل ان تجعلي من بيتك بيتا سعيدا فيه ام حنون زوجة محبة وجزائرية متحررة فحلة

انساي الطلالالالاق ما يليقش بوحدة قافزة كيما انت
اكثري من زيارة مواقع لتجديد العلاقة الزوجية
ان اردت المراسلة على الخاص انا حاضرة و انتظر ردك

[ToXiC_Dz]

عذرا اختي لكن انا نقدر نشبهك بواحد انجرح ف يدو مي بلاصة ما يصبر يدو تبرى حب ينحيها
فرضا راكي تطلقتي و خربتي حياتك و فككتي اسرتك و ممبعد
راكي تقولي راجلك يحبك مي ماهوش يهتم بيك
راكي ضامنة تلقاي واحد اخر يحبك و يعيشك نفس الحياة و ما يحقركش وما يستعبدكش ؟؟
+
مادام راكي الزوجة الاولى و الوحيدة لزوجك
اسكو تحبي تولي نيميرو 2 و لا 3 و لا 4 ف حياة راجل اخر مزوج
+
اذا حياتك مستقرة علاش راكي حابة يضربها "الربيع العربي"
باغية القلقة ولا باغية التوسويس ولا حابة تولي حكاية ف لسانات النساء
+
اذا راكي مستقرة عاطفيا تحوسي تعيشي الحرمان؟؟
+
ولادك لي راهم يترباو تحت عينين والديهم وتشوفي الضحكة على وجوهم
و حبهم ليك و لولادهم علاش تحوسي تحرميهم من هاذ النعمة وتشتتي العائلة
هل كل هذا في سبيل عدم الاهتمام ؟؟؟
--------------------
عدم الاهتمام كاين عندو بزاف علاجات من غير هاذ العلاج
ومادام ما نعرفوش ظروف حياتك فمن الممكن ان عدم اهتماماك بنفسك هو سبب انصراف الزوج
و حتى انتي قلتي انك راك تحسي روحك كبيرة !!!
تشوفي روحك كبيرة و مازالت ف العشرينات ؟؟؟؟؟؟؟ ماهو السبب ؟؟
انا نظن هذا دليل على تقصيرك و لا لالا ؟؟

[ToXiC_Dz]

ديتي قروض من البنك ؟؟ قروض بالفائدة ؟؟

[naamane3]

اتقي الله في هدا الزوج الذي وهبك كل ما يملك
وطفليك الذي لا ذنب لهما الا ان هما وجدا ام مثلك
استغفري الله كثيرا فمن دخل نعمة ولم يشكر خرج منها ولم يشعر

[مريم الصابرة]

السلام عليكم
اختي والله العظيم سامحيني على كلامي لكن والله ما راكي حامدة ربي دار وزوج واولاد اي وحدة مكانك تحمد ربي الصباح والعشية وعلاه كرهتيه حابة التجديد ربي يهديك هذا بليس راه يوسوسلك بباه تطلقي وتقعدي دوري هو راجل يجيب احسن منك مليار وحدة إسمحيلي إنت واحج ما يشوف فيك خاصة يعرفوك إنت طلبت الطلاق تحبي تكوني زوجة بقيمتك تولي في امر آخر ربي يهديك إرقي ممكن ما راكيش مليحة او سحر او عين وكان هذا تقلاش إسمحيلي نقولك راكي كثرتيها يعني احمدي ربي خير من تخسري كل شي وتندمي ربي يهديك

[7anine 87]

اختى الكريمة فهماتك انو الواحد يلعب الدورين حاجة مش ساهلة خلاص بصح انتى لازم ضحى علجال وليداتك حتى تخلصى ديوناتك ومباعد حبسي عليك الخدمة وخلى زوجك يدبر راسك واقنعنى بالقادر يعيشك بيه ومكلاه تخمى فى الطلاق لانو مش حل على الاقل لحالتك حاولى تاخدى اجازة من كل شئ حتى من اولادك بعدى وافرزى امورك وتوكلى على ربي ومتنسايش بلى راكى فى نعمة كبيرة خافى عليها واحمدى عليها ربي اما وش ناقضك مش شئ بسيط بصح كى يتقارن مع وش عندك يهون اذا قررتى تتخلى على حاجة ياريت تكون الخدمة لانو لو تخليت على الزوج راح تهدمى الاسرة وتخسري كلش ربي يوفقك ويهديك وينورلك الطريق

[مناد بوفلجة]

السلام عليكم

رأيي أنك مريضة نفسيا و يلزمك زيارة أخصائية نفسانية
لتجري عندها عدة جلسات معالجة نفسية

و ربي يشافيك

[املي في ربي]

لا تعليق .........ربي يوفقك لما يرضاه لك و فيه خير لك و لعايلتك

[رُوحْ أُنْثَىَ]

السلام عليكم


أولا استغفري واحمدي ربي ليلا نهارا على نعمه

ثانيا عليك بالرقية

ثالثا لن ترتاحي الا اذا عدتي لوظيفتك الاساسية وهي البيت

[imane bela]

ejri 3la rohek 3and kach tbib nafssi marakich nrml kayen hbabati yetmenaw elm3icha eli raki 3aychetha
w ma cousine tetmena edjib bébé w hiya f 44ans
rebi yahdik hada wach n9olou
eli ma hmedha w houwa yechkor yahmedha w houwa yedhor