اجيبوني بصراحة هل مهري مبالغ فيه كما اخبروني؟

[سرور12]

سامحوني انا الغالطة لي طرحت عليكم مشكلتي جبتلكم واقع مر قاعد يعاني منو مجتمعنا وحكيتلكم مشكلتي باش ماطيحوش في مشكل العادات والتقاليد كيما طحت فيها انا اتهمتوني بالتشهير يلعن الصوارد لي خلات الناس روطار اكرر اعتذاري

[dreams girl]

مانعرف على حساب منطقتك
حنا عندنا الشرط في حدود 10 ملاين ومايديروش الصوف والذهب
غير اللي يقدر يدير حاجة خفيفة تاع ذهب

[z.abdo]

السلام عليكم ...........ولاحول ولا قوة إلا بالله

قال النبي صلى الله عليه وسلم في الزوجات " أيسرهن مهرًا أكثرهن بركة "


معنى حديث الرسول صلى الله عليه وسلم واضح اختي اقل مهر اكثر بركة والعكس صحيح حيث تقل البركة عند غلاء المهر وهذا هو السبب في كثرة الطلاق لأن اصبح اساس الزواج اليوم هو التفاخر بين العائلات ........بعد اشهر او سنة زواج يحدث الطلاق وهذا من نزع البركة

والله المهر غالي بزااااف اختي حتى وان قال زوجك عادي فهو لإرضائك فقط لكن اتمنى ان يكون مقتنع بما يفعل ولن يحدثك بعد الزواج بهذا او يلومك بعدها أنا عن والله لن اتزوج بهذا المهر حتى ولو بقيت طول حياتي أعزب

ربي يوفقك اختي

[khawlita.dz]

اظن المهر يكون فى العادة متفقا عليه فبالعادة كل ولاية لها قيمة معينة و تقاليد معينة
فان كان مساويا لما هو متفق عليه بولايتك فهو داك و ان كان زائدا فهى زيادة

[ennie]

هههههههه والله يا خويا عيش كثير تشوف اكثر:confused:

[عبدالقادر222]

بحسب عادات كل منطقة
اما بالنسبة لمنطقتنا فهذا المبلغ يعتبر جيدا اذا شمل جميع ماتحدثتي عنه
لان الذهب وحده عندنا يكلف مافوق 30 مليون

ولكن الافضل مساعدة الزوج

بارك الله لكما وبارك عليكما وجمع بينكما في خير

[سدرةالمنتهى]

السلام عليكم

في رايي اختي غاليييي بزاف و مافيهش بركة را يجيبلك غير المشاكل و الحسد
انا عندي صديقتي جابولها مهر 22 مليون و الذهب قيمة 20 مليون .........والله قاتلي ماقضاولي والو قضات 15 ذهب زادتو ليها و 7 ملاين في جهاز الفراش .........ومن بعد قاتلي حبست راني الان على الحديدة مالقيتش باش نشري الضروريات من اللباس ........

صراحة انا افقد قيمتي لو كان مهري بهذا الحد اللي قال البركة في القليل ماغلطش

نصيحتي اختي حاولي تتنازلي لو مليون و لا 2 و شوفي صورتك كيفاش تتصلح امام اهل زوجك راح ترجع قيمتك اللاصلية

[ام سارة ورقية]

راهو فيه كلش
في منطقتنا عادي معقول جدا
جربو اديو 20 مليون واشريو الذهب والصوف والكسوة تروحو مديونين

اختي راهو معقول

[charifa.bel]

اختي شرطك عادي
26 مليون ايلا جابت لك الذهب راكي مليحة
احنا في الصحراء يمدو 15 مليون
اقل شي ونهار يجو ناس العريس يدو عروستهم يجبو الذهب و الدفوع( الخروف الخضرة مواد غدائية و 500 الف نتاع القبول)
بالزيادة ان العريس يجهز الدار من مجاميعو لان في منطقة ادرار من المستحيل تسكن العروس مع نسابها

[mohaa47]

هذا ليس زواج 26مليون ...هذا بيع و شراء
من شؤم المرأة ثقل مهرها ..............أقلهن مهرا أعظمهن بركة ..........
تلك ماديات زائلة و الباقيات الصالحات خير ثوابا .
اشتراك ب26مليون يستطيع في يوم من الايا م إن كرهك ........يبيعك بأقل ........

المال يزول ..التقوى .......التقوى...التقوى ........

[ساندين]

اقلكم مهر اكثركم بركة

[الهام علي]

يا اختي اسمعي اذا كان اهل الزوج غير راضيين على المهر قولي لهم اشتروا انتم انا فقذ اذهب معكم اي انت وامك وام زوجك رزوجك واشتري مستلزماتك عزيزتي وسوف يروا باعينهم ان مهرك عادي وهكذا تتفادين الحرج

[wafwaf8471]

26milion c rien ma3andha madirlik dhabe ghali w kolich ghali ghir ila raki khadama w habiti t3awnih

[Hicham Ahmed]

السلام1 كاين موضوع مهبلني وهو الشرط اهل زوجي ماهوش عاجبهم الحال ويتهمو في بابا انو باعني شرطي 26 مليون كلش كلش يعني صداق وذهب وصوف وكسوة... الله يستركم نوروني مع العلم انو راجلي قال بلي عادي وبالعكس وقالي نزيدلك 4 ملاين مي انا ماحبيتش

السلام عليكم ..
اذا كان كما قلتي .. فالمبلغ عادي .. لا هو مبالغ فيه ولا هو قليل..
لا تلتفتي لذلك .. ربي يجعل الصلاح.

[عين مليلية]

مهر مبالغ فيه وكرامة المرأة في يسر مهرها و كثرة بركتها

اتقي شؤم المهر ، اجعليه عادي من عشرة الى خمسة عشر

[omiyad49]

الدين النصيحة

[wafa16]

شوفي في منطقتك شحال راهم يمدو
ادا اهلو قالو بلي غالي فهدا يعني مبالغة منك
و تبقى كل ولاية و تقاليدها

[المحب للجزائر]

الأهم من كل هذا المعاشرة الطيبة
إن شاء الله تكوني سكنا له
احنا في الغرب لا يوجد قصة الصوف هذه
و2 قناطر :confused:

[artfarid]

جداجدا للأسف

[علي بابا واللصوص]

بزاااف ختي
حنا في الغرب الأغنياء وبنات اطباء ومايطلبوش هكذا مبلغ
المفروض اهل العريس هم يشرو الذهب جاتهم مائة مليون 500 الف الله يسهل عليهم
ماشي جاية تطلبي 26 مليون دفعة واحدة حتى ولو كان الامر معقول ولكن خليهم هما يشرو
انت طلبي في حدود المعقول 10 ملايين على اعلى تقدير
وحنا ماعندناش عادات الصوف والقش وغير ذلك
على حساب المنطقة

[مـشتاقة للجنـة]

بالنسبة لي
لا مبالغ فيه ولا شيىء .....لي ابنة عم كان مهرها 40 مليون / كل شيىء ذهب وفراش الى غير ذلك /
ثم ان كان هذا المهر مبالغا فيه ...سأقول لك .....قولي لزوجك أن يشتري لك حقك الشرعي من الذهب وليقم هو بشراء الصوف وماالى ذلك....ولنرىماسيحدث
بارك الله لكما وجمع بينكما وزرقكما بالذرية الصالحة والعاقبة لجميع الفتيات المسلمات

[imene12]

إذا كان فعلا 26 مليون فيها كلش فهو معقول.. للأسف الدراهم ما عادت تقضي والو بسبب إلتهاب الأسعار في الأسواق .
ربي يسهلك و يهنيك

[maramelmess]

ختي بزاف مبالغ فيه و ما يديرو والو 26 مليون

هنا شرطنا كسي و دي الهنا يجيب الغنا

هكداك ماليه ما يسناو ذهب ما مطارح يدير كلشي وحدو يعمر دارو و يشريلك ذهبك و نتي تشري غير لباسك و حطاتك

[طالبة7777]

ana banetli bezzaf wallah a3lam rabi yssahalek f omourek

[ايمان نور الجزائر]

المبلغ عادي في رأيي ليس مبالغا فيه
احنا في عاداتناااااا المبلغ في حدود 20 مليون كل شيء ++ كبش العروسة وخاتم
وكاين مناطق المهر اكثر بكثييييييييييييييييير

[النجمة القطبية]

شوفى هو من ناحية المهر راه عادى لان مهرك الصافى حوالى 10 ملايين والباقي للذهب وهذا هو متوسط المهور فى كل الجزائر
لكن بصراحة لو مشرطتيش وخليتيهم يجيبو مقدورهم يكون احسن
و ربي يوفقك

[بيان 5]

في منطقتنا عادي يعني المقياس وحدو 23 مليون زيد لاباق وخاتم العقد وجهاز الفاتحة وجهاز العرس والشرط وحدوا 4 ملاين يعني المجموع44 مليون ولا اكثر

[djaho]

با ختي قوليلو يزيدلك إدا عنرو لان الذهب برك يسوا 20 مليون و الباقي جهازك و ما تخلي حتى واحد يقلقك حسادين و غيورين ربي يكملك حنونة و يهنيك

[سرور12]

انتي الوحيدة لي فهمتيني ربي يهنيك انشاالله با ختي قوليلو يزيدلك إدا عنرو لان الذهب برك يسوا 20 مليون و الباقي جهازك و ما تخلي حتى واحد يقلقك حسادين و غيورين ربي يكملك حنونة و يهنيك

[سدرةالمنتهى]

با ختي قوليلو يزيدلك إدا عنرو لان الذهب برك يسوا 20 مليون و الباقي جهازك و ما تخلي حتى واحد يقلقك حسادين و غيورين ربي يكملك حنونة و يهنيك

السلام عليكم
اختي اذا قلتيلو زيدني رايحة ماتحبسيش كامل لان متطلبات المراة ابدية لا تزول

من رايي اختي كوني ذكية في التصريف نتع الدراهم مع زوجك ديرو الحاجة اللي تبقالكم عقوبة و تتهناو فيها

ننصحك روحي لقسم تجهيز العرائس ثمة يفيدك البنات كيفاش صرفو في مهرهم و واش طلبو و واش داو من دارهم

ماتبقايش ترضي غير في الناس اذا اهتميتي برضاهم مايقنعوش ايضا

[سرور12]

السلام عليكم
اختي اذا قلتيلو زيدني رايحة ماتحبسيش كامل لان متطلبات المراة ابدية لا تزول

من رايي اختي كوني ذكية في التصريف نتع الدراهم مع زوجك ديرو الحاجة اللي تبقالكم عقوبة و تتهناو فيها

ننصحك روحي لقسم تجهيز العرائس ثمة يفيدك البنات كيفاش صرفو في مهرهم و واش طلبو و واش داو من دارهم

ماتبقايش ترضي غير في الناس اذا اهتميتي برضاهم مايقنعوش ايضا
شكرا اختي كلام في القمة

[المصطفى السعيد]

السلام عليكم ...
لم هذ التشهير يا سيدتي الكريمة ... ؟ بعضكن لا ترتاح أنفسهن ولا يلقين راحة بال إلا بعرض سلعهن الخاصة والعامة على الملإ؟ هي خصوصيات لا رأي لأحد فيها من قريب كان أو من بعيد؛ فماذا لو نصحوك المترددون على تشهيرك بأن مهرك غال، فهل ستقدمين على إنزاله؟ ولو استقلوه على ستقومين برفعه.
كما تعلمين سيدتي ويعلم الجميع فلم يكن لك يد أبدا في تحديده فالوالد حفظه الله أو الوالدة من رضوا به بعدما طلبوا بالطبع أكثر من "المبلغ" وليس "المهر| المذكور.
كفاكم تشهيرا وتغنيا وكأن 26 مليونا سنتيما تعكس شيئا من الحقيقة التي عليها المرأة إما نزولا أو صعودا ... فليت الكثير يفقه حقيقة المهر (الصداق).
اللهم اهدنا ... بالتوفيق

[ailemak]

lebnet koul wahed w les traditions te3ou

[أمة الله 12]

وش تحبي اختي, صح 26 مليون تبان برشى,

بصح كي تروحي تشري و تقضي ما تجيبلك والو

[rafik__87]

مممممممم 26 مليون هذا شرط يعني بخلاف العرس وباقي التجهيزات يعني رايحة تفوت 100 مليون كلش ربي يهنيك ختي ويرزقكم الذرية الصالحة
زيدي شوفي معاه يلحقلك لل40 مليون هكدا خير كي تروحي للعراس والا تشوفي صحباتك تفتخري وتقولي مهري 40 مليون شكون يلحقني انا لنجة بنت السلطان وزيدي زيري عليه بلاك ديرو شهر العسل في تركبا

راسي تبلوكا منكم

[سرور12]

السلام عليكم ...
لم هذ التشهير يا سيدتي الكريمة ... ؟ بعضكن لا ترتاح أنفسهن ولا يلقين راحة بال إلا بعرض سلعهن الخاصة والعامة على الملإ؟ هي خصوصيات لا رأي لأحد فيها من قريب كان أو من بعيد؛ فماذا لو نصحوك المترددون على تشهيرك بأن مهرك غال، فهل ستقدمين على إنزاله؟ ولو استقلوه على ستقومين برفعه.
كما تعلمين سيدتي ويعلم الجميع فلم يكن لك يد أبدا في تحديده فالوالد حفظه الله أو الوالدة من رضوا به بعدما طلبوا بالطبع أكثر من "المبلغ" وليس "المهر| المذكور.
كفاكم تشهيرا وتغنيا وكأن 26 مليونا سنتيما تعكس شيئا من الحقيقة التي عليها المرأة إما نزولا أو صعودا ... فليت الكثير يفقه حقيقة المهر (الصداق).
اللهم اهدنا ... بالتوفيق


والله نحير فيكم كيفاش تخممو وين نعرفكم حتى نفوخ عليكم انتم الرجال هدفكم في الحياة طيحو بقيمة المراة وتذلوها الا من رحم ربي نوكل عليكم ربي هنتوني اهانة عمري ماراح ننساها

[سرور12]

مممممممم 26 مليون هذا شرط يعني بخلاف العرس وباقي التجهيزات يعني رايحة تفوت 100 مليون كلش ربي يهنيك ختي ويرزقكم الذرية الصالحة
زيدي شوفي معاه يلحقلك لل40 مليون هكدا خير كي تروحي للعراس والا تشوفي صحباتك تفتخري وتقولي مهري 40 مليون شكون يلحقني انا لنجة بنت السلطان وزيدي زيري عليه بلاك ديرو شهر العسل في تركبا

راسي تبلوكا منكم
ربي يشفيكم هاذا ماراح نقوللكم

[rafik__87]

نتي قلتي رايكم بصراحة انا قتلك رايي هدا مكان ونتاع ربي يشفيكم ونطيحوا بقيمة المراة علاش تشوفي فيا ندير في حملة تشهير والا راني ننشر في الفضائح لازم تتعلمي تقبل الراي المخالف بصدر رحب
وكي يدي واحد مراة ب ب30 مليون والا بواش الله اعلم يقللها تروحي لداركم النهار ب200 الف يعني يرجع دراهموا بارفسيليتي
معليش هذي مرتي ورايحة تكون قرة عيني بصح مش كيما هك والمراة قيمتها مش بالمهر قيمتها باخلاقها ودينها وادبها

[arc en ciel]

تقول البعض عايشين في كوكب اخر
26 مليون شاملة كلشي,,,, حاجة معقولة و نقولك رح تزيدي من عندك نووووووورمال
مافهمتش وين راهي المبالغة ولا التشهير طرحت حاجة بانتلها مشكل هدا مكان؟

اختي ربي يهنيك مدام انتي و زوجك متفاهمين هكا و هو قابل ماتهتميش لارااء الناس

[سرور12]

تقول البعض عايشين في كوكب اخر
26 مليون شاملة كلشي,,,, حاجة معقولة و نقولك رح تزيدي من عندك نووووووورمال
مافهمتش وين راهي المبالغة ولا التشهير طرحت حاجة بانتلها مشكل هدا مكان؟

اختي ربي يهنيك مدام انتي و زوجك متفاهمين هكا و هو قابل ماتهتميش لارااء الناس
والله ندمت ني طرحت مشكلتي... مرسي حنونة وربي يهنيك

[سرور12]

نتي قلتي رايكم بصراحة انا قتلك رايي هدا مكان ونتاع ربي يشفيكم ونطيحوا بقيمة المراة علاش تشوفي فيا ندير في حملة تشهير والا راني ننشر في الفضائح لازم تتعلمي تقبل الراي المخالف بصدر رحب
وكي يدي واحد مراة ب ب30 مليون والا بواش الله اعلم يقللها تروحي لداركم النهار ب200 الف يعني يرجع دراهموا بارفسيليتي
معليش هذي مرتي ورايحة تكون قرة عيني بصح مش كيما هك والمراة قيمتها مش بالمهر قيمتها باخلاقها ودينها وادبها
علابالك مهري واش راهو مصحف لافوقو لاتحتو ال26 راهي صوالح العرس... مافهمتش علاه تديرو فيا هكا:confused:

[ام ظافر]

اسفة ولكن سيتم اغلاق الموضوع لانه خرج عن هدفه وبدل استعمال النصيحة والكلمة الطيبة تحول لاتهامات