~~~ غرايف ~~~ او ~~~ بغرير ~~~ من مطبخي وبطريقتي

[ladymillion]

http://im35.gulfup.com/o8tP0.gif (http://www.gulfup.com/?O4cHgx)


موضوعي لليوم الغرااااااااايف ممممم اوكيما يقول البعض بغرير راح نوريلكم تحضيرهم بطريقتي في منطقتنا نديروهم بزاف خاصة عند دخول الاطفال للمدارس نديروا الفال كيعاد حلوين يتغداو بيهم ويحبوهم الاولاد بزاف أو تقدميهم وقت القهوة في المساء

تبعوا معايا
المقادير :



400غ سميد
300غ فرينة
م ك سكر
م ك حليب بودرة
م ك خميرة الخبز
ملح حسب الحاجة
3 بيضات اذا كانت صغيرة أو 2 اذا كبيرة
ماء دافي


http://im35.gulfup.com/VWocG.jpg (http://www.gulfup.com/?T8yZnO)

1/ حطي البيض في ماء دافي لانهم يكونو في الثلاجة
http://im35.gulfup.com/0CouE.jpg (http://www.gulfup.com/?ALfG9V)

2/ خلطي المكونات الجافة مليح
http://im33.gulfup.com/PoN16.jpg (http://www.gulfup.com/?lYiC24)

3/ الان نبدا نضيف الماء تدريجيا حتي يكون عندنا عجين مبلل وجاري نوعا ما وندلك بكف اليد وراح يتكور شوي معليش نبقى ندلك بكف اليد بشكل دائري على القصعة حتى تتحلل الكوريات ملييح
http://im35.gulfup.com/vYmga.jpg (http://www.gulfup.com/?4Dtgfw)

4/ ونزيد نضيف الماء وندلك مليح مليح كي تغلب يدك اليمنى استخدمي اليسرى هههههه
http://im35.gulfup.com/AdYxf.jpg (http://www.gulfup.com/?oDWKWT)


** الغرايف نحب نخدمهم باليد يجيو أحسن من تاع الباتور وكاين حتى نتاع الروبو لكن باليد أفضل **


5/ دوركا فقصي البيض بالوحدة راح يكونو دافيين وخلطيهم برؤوس اصابعك باش يتحلوا في العجين وكملي الدلك

راح تلاحظي ان مكانش كويرات والعجين خدمتيه مليح وكيما يحب وراح يبياض شوي ويكون سائل
http://im35.gulfup.com/QFNjY.jpg (http://www.gulfup.com/?cC7g1S)

نخليوه يتخمر في وعاء ونغطي عليه نشعل الطابونة ونحط الطاجين يسخن ونحط قدامو الوعاء باش يتخمرا مايديوش الوقت

http://im35.gulfup.com/gda8J.jpg (http://www.gulfup.com/?gyb97n)
http://im35.gulfup.com/E8Vaz.jpg (http://www.gulfup.com/?sQj75m)

معذرة لم اصور عند الطلوع متاسفة لكن راح يطلعوا ويكونوا تخمروا مليح عند الحرارة طبعا ، لكن بعد التخمر اضيفي باكي خميرة الحلوى وحركي بالشوي وتتخلط الخميرة في الخليط وطيبي

نبدا بالطياب نستعمل الطريقة التقليدية ندهن الطاجين بصابون الطرف بالخف ونمسح بمنشفة نظيفة تكون صغيرة من بعد راح نرميها

ملاحظة : ماندهنش بين كل حبة وحبة لان راح يجي ذوق الصابون راح ندهن بين كل 3 حبات

http://im34.gulfup.com/rxb75.jpg (http://www.gulfup.com/?0Sf8zY)

ونحط كمية ونوسعها دائريا بالشوي ونغلق عليها بمغلاق يكون مرتفع شوي

http://im35.gulfup.com/v400c.jpg (http://www.gulfup.com/?eGzw3k)
http://im34.gulfup.com/tUAoN.jpg (http://www.gulfup.com/?y3uf54)
http://im34.gulfup.com/GSZuc.jpg (http://www.gulfup.com/?CM8az4)
http://im34.gulfup.com/ylmEz.jpg (http://www.gulfup.com/?qJ6URD)


هاهم بعد الطياب الحبة الاخيرة جات كبيرة لان الكمية لي بقات كامل فرغتها جات حبة شوووووي كبيرة
http://im34.gulfup.com/Ct2Pf.jpg (http://www.gulfup.com/?NYkox9)
http://im34.gulfup.com/hN1oX.jpg (http://www.gulfup.com/?Zjf6Go)
http://im34.gulfup.com/4SoWI.jpg (http://www.gulfup.com/?xYsLOa)

وقدميهم كيما تحبي
بالعسل ، بالسكر والزبدة ذائبة ، ...... حسب الذوق

http://im34.gulfup.com/GpQUJ.jpg (http://www.gulfup.com/?8Y7Pmu)
http://im34.gulfup.com/UJ1fX.jpg (http://www.gulfup.com/?CXlCn1)
http://im34.gulfup.com/Kg1Nu.jpg (http://www.gulfup.com/?S1fyAF)


ان شاء الله نكون افدتكم ويكونوا عجبوكم وتجربوهم :mh31::mh31:

http://im33.gulfup.com/5C0Fh.gif (http://www.gulfup.com/?5r7X1B)

[أم ياسين الزهراء]

اممممممممممممممم هايل بصحتكم

[ام رزيقة]

هايل جاك مثقب بزاف بارك الله فيك

[الحطاب سهام]

هايل هايل يعطيك الصحة انا نطيبوا في مقلة نتاع البغرير هي جاية مسطحة لكن للاسف مايجينيش متقب هكا حبيت نسقسيك طاطا وعلاه تستعملي الصابون؟؟؟

[أم محمد تاج]

رووووووووووووووووووووعة يامحترفة خرجولك هبال ممممممممممممممممممم
يسلم يديك حنونة ومزيدا من الابداع

[razika zouzou]

بارك الله فيك

[ladymillion]

فرحتوني ههههههههه بردودكم الله يحفظكم بارك الله فيكم
الحطاب سهام نديرو الصابون ونمسحوه لان على الطاجين نتاع الطين يلصقوا اذا منديروش الصابون

[أم سراج الدين]

يعطيك الصحة خرجولك هايلين
حنا نديرو الزيت في بلاصة الصابون
مسحة خفيفة للطاجين باش ما يلسقش

شكرا على الوصفة نجربها باذن الله

[Oum Aness Bba]

يعطيك الصحة هاااايل و مثقب ما شاء الله وصع المقلة عملية و تكملي الطياب بالخف بالصح غرايف بريحة الطاجين وحدهم ..بارك الله فيك

[jasmin roses]

باينة تهبل يعطيك الصحة
هادي باينة غرايف تع لحراير

[راجية غفران ربها]

مممممممممممممممممممممممم رووووووووووووعة و هااااااااااااااااايل قوليلي نقدر نبدل الطاجين بالمقلاة طاجيني مشقوق حتان نشري واحد اوخر مي راكي موصيبة تبارك الله عليك

قوليلي تعطيني المقادير بالمكيال اذا تقدري رجاء لا امرا ههههههه

[ساندين]

رو9و9و9و9وعــــــــــــــــــــة مشاء الله

[*أم كوثر*]

امممممممممممممم يشهي تسلمي ياالحرة
للتثبيت

[ladymillion]

لكن ألف ألف شكر غالياتي الله يسعدكم بوركتن والله يجازيكن الجنة ان شاء الله
منال في الطاجين يجيو أحسن انا عمري مادرتهم في المقلاة منقدرش نقولك جربي كمية صغيرة وشوفي
ام كوثر راكي فرحتيني بالتثبيت الله يحفظلك أولادك يارب وينور الله دربك يارب

[مرام 1987]

Wawwwwwww wawwwwww wawwwwwwww raw3a ta3 hrayar ta3 sah jaw mtakbin kima dirhom mama w tanik ki kont ana 3la didani kont ndirhom yhablo
Basah golili 3lah thato fihom farina hna jamais hado 3jayan ndirohom ghiiiiiir b smid jamais lahatina farina

[ladymillion]

الله يبارك عليك ماري ربي يعطيك صحتك
حتى يما مكانتش دير الفرينة انا نحب ندير فيهم الفرينة يجيو اخف اكثر

[فايزة44]

والله حرررررررررررررررررررة الحرايييييييييييييييييييييييير يالفحلة نستعرف بيك كل صبع بصنعة سعد اللي يدييييييييييييييك ربي يزين سعدك حبيبتي

شفتيييي كل والوصفات اللي نطلبها يثبتوها هههههه ربي يزيد والله كل مواضيعك تستحق لانها ابداع من العصري للتقلييدي بقات شخشوخة الظفر كاش مرة حضرينا العجيييييين لازم نطلب هههههههههههه

ربي يحفظك حبيبتي الغالية

[ladymillion]

ههههههههههههه صح فيوزة انت مبروكة وجه الخير نتاع الصح
ان شاء الله كاش نهار نحضر شخشوخة الظفر من الالف للياء حاضر

[ام الامورة مرام]

ما شاء الله روعة
انا نموت على البغرير

[ساندي 28]

يا ليدي يا الامورة كل شيء من ايديكى غييييييييييييييير ربي يحفظك حنونه وسلام خاااااااااااااص لطومه الجميله

[oum ibrahim]

الله الله على هاذاك البغرير مثقب و خفيف روووووعة يعطيك الصحة ايمان

[ilbeldelmondo]

عجبوني لكن من الخيابة ماكليتش كي فطرت ملقيتش شكون يدهنلي هوما تعشاو تليتلي و ضرك نرقد نبكي ههههه

[نسيم الإيمان]

الله يبارك يعطيك الصحة
غرايف تاع حراير
حنا ثاني في بسكرة نديرو الصابون
يشهييييييييييو

[islam1aya]

اممم ليدي ايمانو حرة بنت احرار تبارك الله عليك يا سعداه الي دارك في بيتو

ماشاء الله عليك يقولو ا بنات الشرق عندهم الذراع ماكذبوش

مشكورة حبيبتي اذا درت نصف المقادير شحال كمية الماء وهل اندير بيضة واحدة انا نجربو بصح نطيبو في الكرلاجة عمتي اعطاتهالي موالفة اطيبو فيها نفس طريقتك لكن ماديرش البيض

زيدي قوللي شحال نخليه يخمر جاوبيني عزيزتي

[soriaalg]

مممممممممممممممممممم يشهوووو يعطيك الصحة على الشرح بالتفصيل الممل افدتينا كثيرا بارك الله فيك

[oum malek]

ya3tik saha ya okhti:19:

[جوهر دعوة]

الله يبارك روعة يعطيك الصحة اختي
باتنية الف بالمئة هههههههه
ربي يبارك فيك
مشكورة علي الوصفة

[moslihe29]

ماشاء الله عليك حبيبتى مرة ونص ه طريقة الجدات والامهات ربى يبارك فيك ويرزقك الزوج الصالح حبيبتى 444444444444

[ladymillion]

اممم ليدي ايمانو حرة بنت احرار تبارك الله عليك يا سعداه الي دارك في بيتو

ماشاء الله عليك يقولو ا بنات الشرق عندهم الذراع ماكذبوش

مشكورة حبيبتي اذا درت نصف المقادير شحال كمية الماء وهل اندير بيضة واحدة انا نجربو بصح نطيبو في الكرلاجة عمتي اعطاتهالي موالفة اطيبو فيها نفس طريقتك لكن ماديرش البيض

زيدي قوللي شحال نخليه يخمر جاوبيني عزيزتي



أولا شكرا لكن جمييييييييييعا والله اسعدتوني يا لحراير بارك الله فيكن

اسلام آية
كمية الماء مانقدرش نقدرلك لان حسب السميد لي عندك كاين لي يشرب بزاف وكاين لي لا المهم لازم يكونوا جاريين كيما جاني الخليط في الصورة ساحلي علي يدي وكي تخمريه راح يثقال شوي السميد راح يبقى يشرب

بالنسبة للتخمر بما أن قلت حطيهم قدام الطابونة خليهم يتخمروا ساعة راح يديروا فقاعات وتلقاي الخليط متكاااااااااثف وشوي تقيل
البيض ديري واحدة كبيرة
طيبيه على الكرلاجة يجيو ملاح صح وان شاء الله يصلحولك
شكرااااااااااااا حبيبتي

[بريق أمل]

barak allah fik hanouna 9afza ma3likch

[حياتي نبع امل]

امممممم جاري التجريب بادن الله يعطيك الصحة

[fatima zohraa]

هااااااااايل بارك الله فيك

[lamiak1]

raw33a ya3tik el saha

[إلهام07]

مممممممممممممممممممممممممممممم خرجولك مثقبين مثقبين مثقبين ههههههههههههههههههه:19::19::19:
يعطيك الصحة ليدي
نقولك حاجة بصح شششششششششششششش خليها بيناتنا أنا لليوم مانعرفش نطيب الغريف في الطاجين نعرف غير نطيب في المقلاة ههههههههههههههه ماتبيعيش بيا :sdf::sdf::sdf::sdf::sdf::sdf::sdf:

خرجلك يهبل يهبل سخفتوني ودرتولي الدودة لازم نديرو :mad::mad::mad::mad:

[heaven's road]

الله الله عليك ديما فحلة و متالقة

[ام انس.]

فعلا هاذي هي لغرايف على اصولها ربي يحفظك ليدي
تماما كيما طريقتك تعلمتها من والدتي ربي يطول في عمرها
لكن للاسف راني وليت نستعمل الروبو والمقلة وتجي بنينة مي تاع اليد والطاجين الطين والصابون عندها بنة اخرى
ربي يجازك على الموضوع الاكثر من رائع حبيبتي

[maiar]

يعطيك الصحة اختي خرجلك هايل بالرغم انك ما عجنتيهش حبيت برك نقولك بلي الطاجين في غرفية فقسي بيضة و خلطيها بملعقة و جيبي طرف قماش ماتسحقيهش صغير امسحي بيه الطاجين مرة واحدة قبل ما تبداي تطيبي باه ما يلصقلكش هذه الطريقة المعتمدة عندنا اما عن جدة هههههههه

[ام سامي15]

ما شاء الله و تبارك الرحمان

تحححححححححححححفة

[احلام14]

بارك الله فيك

[صابرة2013]

هايل يعطيك الصحة

[بشرى2008]

44444444444444444444444444444444444444444444444444 4

[تسنيم مسلمة]

يهبلو ما شاء الله
بارك الله فيك

[fatiha83]

شكرا وروعة ويعطيك الصحة

[نور اليقين السوفية]

http://smiles.majidsr.net/images/thanks/a8b3c8cfcf.gif (http://smiles.majidsr.net/)

[ضوندرا]

غرايف وعليهم لكلام يعطيك الصحة

[merry_mora]

الله ابارك رووووووووووعة

[ريتان]

تبارك الله

مشاء الله

[kawthar1983]

baraka allah fik

[أم يحي صهيب]

الله يبارك انا ما عمري الا درت ليه البيض

[طير الرحمة]

غرااااايف على اصوولها نتاع ناس بكري انا ساعات لما نكوون مزروبة ندير نتاع المثقب فى عشر دقائق ولما نتوحشو البغرير الاصلى نديرو نفس طريقتك ربي يلم ايديك

[ايمان ألماس]

هاااااااااااااااااااااااااااااااايل حبيبتي بصحك ودرك نعاندك خخخخخخخخ

[wala]

السلام عليكم الله يبارك متقب ونص عجينة شابة ربي ينورك

[hadjer mascara]

روعة روعة يهبل ويشهد

[ام اسحاق.]

بارك الله فيك

[liyna_24]

طريقتك كيما تاعنا بصح علاش الصابون؟
جربو الزيت أو صفار البيض امسحوه بسارفيات مسحة خفيفة

[idron0]

بارك الله فيك روعة ربي يجازيك

[amina bourennane]

مررررررررررررسسي جاري التطبيق انشالله

[koukou23]

رائعة يعطيك الصحة
أحنا ندهنو الطاجين بالزيت باه متلصقش

[حفصية]

يعطيك الصحة الله يجازيك

[وبشر الصابرين]

روووووووووعة تسلمي

[koukou23]

راني طيبتو اليوم وجا روعة وخفيف خلاه جزاكي الله خيراااااااااااااااااااااااااااااااا أختي الغالية

[faryal zahira]

رووووووووووووووووووووووووعة

[it's me]

مثقب عالكيف يعطيك الصحة الشاطرة تاعنا

[الباتنية 19]

شحال بنااااااااااااااااااااااااان
شوي حلويييين
كيما نتي

[بوبازين]

يعطيك الصحة هدا هو الغرايف. لي ينفش .احنا في جيجل نبل دفيق.شوية زيت.ملح خميرة.نبل بالبيض باش يجي خفيف ونكتر البيض.أما الطاجين يدهن الشحمة تاع ،..الكبش مربوطة في قماش ندهن كلما لصق او بصفار البيض ولازم تغطي بالمقلاة الغرايف. معلومة لما طيبي الغرايف لازم واحد مايمشي حتي ينفش الغرايف .مقولة اجذنا

[ladymillion]

مشكوراااااااااااات على التشجيع فرحتوني صح صح الله يبارك فيكن

[أم امتنان]

شكرا راني جربتها اليوم وففرحت كي صللحتلي وادعيتللك من قلبي هاهو تطبييقيhttp://www.djelfa.info/vb/showthread.php?t=1552571

[iaman.fr]

بارك الله فيك

[ام ايمان16]

بارك الله فيك

[سندس1967]

انا منحبش البغرير بصح كيشفت طريقتك حببتيني فيه يعطيك الف عافية وربي يحفظلك يديك

[sasamer]

شكرا على مجهوداتك ......... روعـــــــــــــــــــــــــــه

تقريبا نفس طريقتنا °°°°°°°°°°°°°°°° احنا ما نديرو ش الفرينة نكثرو البيض , والملح مانديروهش حتى نجيوو نطيبوه ,,لوكان نديروه في البداية قبل الماء يتكور بزاف ويديرو فيه الخيوط ,, بهذه الطريقة يجي قوامه مثل اللبن ,,,

[أم ضياء عبد الرحيم]

يا سلام عليك ليدي خدمة تاع حراير تاع الصح فكرتيني بدارنا و القعدة لمليحة
انا جامي صلحولي ندير غير تاع الروبو و الله نستعرف بيك جاوك فوووووووووووووور
موضوع قمة و يستاهل خمسة نجوم

[minina2601]

بارك الله فيكي
سبحان الله والحمد لله ولا اله الا الله والله اكبر

[kamili1]

بارك الله فيك

[anfal10]

فكرتيني بيه نحب البغرير لازم نديروا هاد السمانة حنا نديروه بالسميد برك او تاني بلا بيض ايجي خفيف هايل يعطيك الصحة ladymillion وصفاتك رائعة راني كنت نتبعكم قبل ما نسجل في المنتدى

[salima.dz2]

روعة ماشاء الله ربي يباركلك

[المنتقبة]

بارك الله فيكى مام حنا نديروه كيما درتيه بصح حنا نقولولو لغرايف و نغطيوه بالكسكاسة باش ما ديرش الماء

[lwiza2000]

ندهن الطاجين بصابون الطرف؟؟؟؟؟؟؟؟؟؟؟؟؟؟؟؟؟؟؟؟

[سمية 61]

هذا وقت الغرايف والابراج شكرا جزيلا

[عطر و مطر]

يعطيك الصحة
مشكورة اختي