المساعد الشخصي الرقمي

مشاهدة النسخة كاملة : الافراد المعفيين بسبب طبي من المدرسة التطبيقية للدفاع المضاد للطيران بالاغواط دفعة مارس 2013

نصرالدين توات
2013-08-22, 14:23
السلام عليكم
أتوجه بسؤالي للافراد المعفيين بسبب طبي من المدرسة التطبيقية للدفاع المضاد للطيران بالاغواط دفعة مارس 2013
هل تم منحكم بطاقات الاعفاء مباشرة بعدما دفعتم (الامر بالتوجه)) او مازالت دار لقمان على حالها؟؟؟
لأنه بالنسبة لنا نحن التابعين للناحية العسكرية الاولى بالبليدة لم يمنحونا البطاقة لحد الان؟؟؟؟؟
والسبب ان ملفاتنا لم تصل بعد من الناحية العسكرية الرابعة بورقلة من تاريخ 01 افريل الى يومنا هذا (حوالي 5 اشهر ولم تسوى الوضعية ) والمشكل الكبيريكمن في ان جل مسابقات التوظيف محصورة في الفترة جويلية /سبتمبر وهذا يعني تضييع عام اخر للاسف؟؟؟
وفي اخر زيارة لي لمكتب الخدمة الوطنية بالبليدة (منذ حوالي 15 يوم) اخبروني بان اعود بعد 3 اشهر اخرى حتى خيل لي بانني كنت في ثكنة في المحيط الهادي ربما وليس الاغواط؟؟؟ لانه لايعقل ان تتجاوز تسوية الوضعية 3 اشهر كاقصى حد؟
المهم من لديه اي جديد يخبرنا به ويقضي به على السوسبانس الحاصل
toufik16
2013-08-22, 14:30
اخي الكريم ممكن سؤال خارج الموضوع
لاي سبب طبي تم اعفاءك لاني انا سوف التحق بدفعة سبتمبر2013 و عندي ملف طبي لعملية جراحية على الركبة .
و اجو ان تتم تسوية وضعيتك ان شاء الله في القريب العاجل.
نصرالدين توات
2013-08-22, 15:01
يا اخي تم اعفائي بسبب عملية جراحية في اليد (تم وضع حديدتين في يدي في فيفري 2004 ونزعتهم بعد 6 اشهر) ... والسبب الرئيسي لخروجي هو التوفيق من الله اولا لانني لا اعاني من شيئ في يدي ولقد قمت باخد جميع الراديوات معي ... وفي الثكنة سالني الطبيب ان كنت مريضا فاخبرته ومن بعدها تم ارسالنا الى المستشفى العسكري بالاغواط وكل فرد ذهب عند الطبيب المختص.. وانا دخلت عند طبيب الاعظام وقام باجراء الاشعة من جديد لي ولما رأى الاشعة ظهرت له اثار العملية....(السبب الرئيسي في خروجنا هو العدد الكبير من الافراد الملتحقين بالثكنة لان هذه الاخيرة تتسع ل 270 فرد فقط والععد الذي دخل اليها هو اكثر من 850 فرد ومنه استوجب عليهم التخلص منا وتقريبا كل من اخذ معه ملفا طبيا وكان يعاني من مرض تم اخراجه
... بينما في سبتمبر يكون العدد قليل مقارنة بمارس لان المتخرجين الجدد يتم استدعائهم في مارس مما ينقص عدد الملتحقين
لذى انصحك بان تاخذ ملفا طبيا جيدا (ومن الاشياء التي لاحظتها هي ان الافراد الذين جلبوا ملفات تخص الامراض الداخلية تم اخراجهم ) مثلا المصابين بقصوركلوي لا يمكن للطبيب ان يكشف عنهم مقارنة بامراض العيون والقلب مثلا؟؟؟؟
ربي يوفقك يا اخي
moradp
2013-08-22, 15:23
انا تانى كنت فى لغواط كيما انت كلما نروح لبليدة يقولولى مجاوش لورق من ورقلة.يوم الاحد القادم رانى رايح ليهم كاش ما كاين رانى انقلك
fouad_bio1985
2013-08-22, 16:36
انا ايضا كمن هناك و خرجت يوم 1 أفريل....و ذهبت لمكتب الخدمة الوطنية بسطيف و أعطيتهم الورقة الي عطاوهانا في الثكنة ....و اعطاوني تأجيل ب 3 أشهر..
و بعدها في جويلية أعطوني بطاقة الاعفاء . و للعلم ف سطيف تابعة لناحية العسكرية الخامسة .

أخي اذا خرجت يوم 1 افريل تسما رانا خرجنا يوم واحد....؟
ممن رانا نعرفوا بعضانا ... و خاصة بعد 4 أيام التي قضيناها في الترونزيت ...
toufik16
2013-08-22, 22:12
يا اخي تم اعفائي بسبب عملية جراحية في اليد (تم وضع حديدتين في يدي في فيفري 2004 ونزعتهم بعد 6 اشهر) ... والسبب الرئيسي لخروجي هو التوفيق من الله اولا لانني لا اعاني من شيئ في يدي ولقد قمت باخد جميع الراديوات معي ... وفي الثكنة سالني الطبيب ان كنت مريضا فاخبرته ومن بعدها تم ارسالنا الى المستشفى العسكري بالاغواط وكل فرد ذهب عند الطبيب المختص.. وانا دخلت عند طبيب الاعظام وقام باجراء الاشعة من جديد لي ولما رأى الاشعة ظهرت له اثار العملية....(السبب الرئيسي في خروجنا هو العدد الكبير من الافراد الملتحقين بالثكنة لان هذه الاخيرة تتسع ل 270 فرد فقط والععد الذي دخل اليها هو اكثر من 850 فرد ومنه استوجب عليهم التخلص منا وتقريبا كل من اخذ معه ملفا طبيا وكان يعاني من مرض تم اخراجه
... بينما في سبتمبر يكون العدد قليل مقارنة بمارس لان المتخرجين الجدد يتم استدعائهم في مارس مما ينقص عدد الملتحقين
لذى انصحك بان تاخذ ملفا طبيا جيدا (ومن الاشياء التي لاحظتها هي ان الافراد الذين جلبوا ملفات تخص الامراض الداخلية تم اخراجهم ) مثلا المصابين بقصوركلوي لا يمكن للطبيب ان يكشف عنهم مقارنة بامراض العيون والقلب مثلا؟؟؟؟
ربي يوفقك يا اخي

بارك الله فيك اخي و ربي يجازيك
نصرالدين توات
2013-08-23, 18:43
انا ايضا كمن هناك و خرجت يوم 1 أفريل....و ذهبت لمكتب الخدمة الوطنية بسطيف و أعطيتهم الورقة الي عطاوهانا في الثكنة ....و اعطاوني تأجيل ب 3 أشهر..
و بعدها في جويلية أعطوني بطاقة الاعفاء . و للعلم ف سطيف تابعة لناحية العسكرية الخامسة .

أخي اذا خرجت يوم 1 افريل تسما رانا خرجنا يوم واحد....؟
ممن رانا نعرفوا بعضانا ... و خاصة بعد 4 أيام التي قضيناها في الترونزيت ...
اكيد نعرفو بعضانا وانت كي قلتلي من سطيف تفكرتك على خاطر كانوا معانا زوج برك من سطيف لما خرجنا في 1 افريل واحد من تاشودة وانت؟
مبروووووك عليك البطاقة والعاقبة لينا ان شاء الله
;)
fouad_bio1985
2013-08-23, 18:49
اكيد نعرفو بعضانا وانت كي قلتلي من سطيف تفكرتك على خاطر كانوا معانا زوج برك من سطيف لما خرجنا في 1 افريل واحد من تاشودة وانت؟
مبروووووك عليك البطاقة والعاقبة لينا ان شاء الله
;)

مبروك لك انت ايضا صديقي ..وراك شفت المعانات اللي في الترونزيت ...أخي ماهي أفضل لقطة في الترونزيت ؟؟ لكان راك تشفا ؟
نصرالدين توات
2013-08-23, 18:50
بارك الله فيك اخي و ربي يجازيك

وفيك بارك الله يا اخي هذا واجبنا
وان شاء الله تتهنى من الخدمة العسكرية نهائيا
نصرالدين توات
2013-08-23, 18:59
مبروك لك انت ايضا صديقي ..وراك شفت المعانات اللي في الترونزيت ...أخي ماهي أفضل لقطة في الترونزيت ؟؟ لكان راك تشفا ؟

ههههههههههه
كاين لقطات بزاف ماننساهمش
النهار الاول المبيت في ساحة العلم وزيد نهار نيتواياج تاع الشالي لي كانو فيه حرس الحدود وبتنا فيه وزيدلها جماعة الجزائر وعبد الباقي ''نورمالمو هذا اسمو'' المعسكري
وبلا ماننسى ماكلة الحوت في وسط الصحراء ونهار لي متنا بالعطش في الطريق لورقلة وزيد كي خسرت الكار كي كنا جايين
المهم فاتوا ايامات حلوين بزاف
fouad_bio1985
2013-08-23, 20:24
ههههههههههه
كاين لقطات بزاف ماننساهمش
النهار الاول المبيت في ساحة العلم وزيد نهار نيتواياج تاع الشالي لي كانو فيه حرس الحدود وبتنا فيه وزيدلها جماعة الجزائر وعبد الباقي ''نورمالمو هذا اسمو'' المعسكري
وبلا ماننسى ماكلة الحوت في وسط الصحراء ونهار لي متنا بالعطش في الطريق لورقلة وزيد كي خسرت الكار كي كنا جايين
المهم فاتوا ايامات حلوين بزاف


صح أخي تسما رانا كنا كيف كيف ...المهم و لكان راك تشفا نهار كنا راقدين في ساحة العلم...و كانوا نتاع الحرص الجمهوري خارجين ... و خرج جرذ عافاكم الله الى ساحة العلم و بدأوا يلعبون به كالكرة ....و ناضت الجماعم مخلوعين ...هههههه
و اضف على ذلك أنا كنت في الشالي اللي جبنا فيه الدومينو ...
moradp
2013-08-23, 21:54
السلام عليكم.حبيت نشوف الترونزيت من غوغل ماب ادا تعرفو وين جاي.
انا رحت لورقلة فى الدفعة الاخيرة
نصرالدين توات
2013-08-24, 12:13
صح أخي تسما رانا كنا كيف كيف ...المهم و لكان راك تشفا نهار كنا راقدين في ساحة العلم...و كانوا نتاع الحرص الجمهوري خارجين ... و خرج جرذ عافاكم الله الى ساحة العلم و بدأوا يلعبون به كالكرة ....و ناضت الجماعم مخلوعين ...هههههه
و اضف على ذلك أنا كنت في الشالي اللي جبنا فيه الدومينو ...

كنت معاك في شالي واحد (نزيد نقلك حاجة انت كنت لاباس سيرفات 3 بوند زرقة مايلة للكحل صح)
مزالني شافي عليهم واحد واحد وان شاء الله يكونو كامل بخير
منيرر
2013-08-24, 13:03
صح أخي تسما رانا كنا كيف كيف ...المهم و لكان راك تشفا نهار كنا راقدين في ساحة العلم...و كانوا نتاع الحرص الجمهوري خارجين ... و خرج جرذ عافاكم الله الى ساحة العلم و بدأوا يلعبون به كالكرة ....و ناضت الجماعم مخلوعين ...هههههه
و اضف على ذلك أنا كنت في الشالي اللي جبنا فيه الدومينو ...

السلام عليكم
ان شاء الله راكم لاباس....... انا تاني كنت في الاغواط ودخلت في 16مارس وخرجت في 12 افريل......26 يوم وانا لابس ... راكم شفتو المعيشة و التدريب كيفاش بلا ما نحكي والحمد لله خرجت نهار الجمعة 12 افريل .... ورفدت لاكارت يوم الثلاثاء 16 افريل .
4 ايام بعد الخروج فقط.
ونسلم عليك يا خويا فؤاد من سطيف . انا منير من بسكرة ورانا تلاقين مليح في الثكنة.
تهلاو في رواحكم
سلام خاوتي.
fouad_bio1985
2013-08-24, 15:26
السلام عليكم
ان شاء الله راكم لاباس....... انا تاني كنت في الاغواط ودخلت في 16مارس وخرجت في 12 افريل......26 يوم وانا لابس ... راكم شفتو المعيشة و التدريب كيفاش بلا ما نحكي والحمد لله خرجت نهار الجمعة 12 افريل .... ورفدت لاكارت يوم الثلاثاء 16 افريل .
4 ايام بعد الخروج فقط.
ونسلم عليك يا خويا فؤاد من سطيف . انا منير من بسكرة ورانا تلاقين مليح في الثكنة.
تهلاو في رواحكم
سلام خاوتي.

أهلا منير خويا كي راك لاباس ...حاولت الاتصال بك مرارا ...كيف حالك أخي ؟
منير راني شافي عليك ملييييح
fouad_bio1985
2013-08-24, 15:28
كنت معاك في شالي واحد (نزيد نقلك حاجة انت كنت لاباس سيرفات 3 بوند زرقة مايلة للكحل صح)
مزالني شافي عليهم واحد واحد وان شاء الله يكونو كامل بخير

صحيح أخي 100/100 ...راك تشفا الله يبارك...
بصح أنا ماشفيتش عليك ؟
المهم خرجنا و تهنينا من الفشلة الوطنية و الحمد لله
منيرر
2013-08-24, 20:17
أهلا منير خويا كي راك لاباس ...حاولت الاتصال بك مرارا ...كيف حالك أخي ؟
منير راني شافي عليك ملييييح
صح خويا فؤاد
راني نشفا مليح نهار لي جيتو من ورقلة و كنتو خارجين لعشية من المدرسة و انا نضرب في الكرفي الا راك شافي ههه
ABD FATAH
2013-08-24, 22:59
السلام عليكم
عندى سؤال خاوتى ان سمحتم
المدة الزمنية التى يعديها الواحد فى الثكنة وهو معفى بسبب طبى
حبيت نقول قداه يقعد الواحد المعفى بسبب طبى
سلام
fouad_bio1985
2013-08-25, 00:37
صح خويا فؤاد
راني نشفا مليح نهار لي جيتو من ورقلة و كنتو خارجين لعشية من المدرسة و انا نضرب في الكرفي الا راك شافي ههه

راني شافي مليييح خويا منير .و الله غير غاضني الحال ...واحد خارج و واحد يدير في الكرفي؟ بصح أو فرج عليك ربي و تهنيت ...و الحمد لله
fouad_bio1985
2013-08-25, 00:42
السلام عليكم
عندى سؤال خاوتى ان سمحتم
المدة الزمنية التى يعديها الواحد فى الثكنة وهو معفى بسبب طبى
حبيت نقول قداه يقعد الواحد المعفى بسبب طبى
سلام
يا اخي أنا نقلك على ثكنة الاغواط ..أنا مكثت 8 أيام بالتمام ....ممكن تمكث أكثر قليلا ...10 ايام مثلا.
أما الثكنات الاخرى الله أعلم ممكن حتى شهر .
moradp
2013-08-25, 12:31
انا تانى كنت فى لغواط كيما انت كلما نروح لبليدة يقولولى مجاوش لورق من ورقلة.يوم الاحد القادم رانى رايح ليهم كاش ما كاين رانى انقلك
رحت وقالولى بعد شهر عاود ولى.
mohamed bensaad
2013-08-25, 19:30
بالتوفيق للجميع
moh_bens
2013-08-29, 20:02
سلام عليكم
والله حتى انا من جماعة الاغواط بصح انا دخلت مباشرة لترانزيت ورقلة ما رحتش كامل للاغواط
وخرجت بسبب طبي
وكي مادولي هاديك الورقة (الامر بالتوجه) ديتها للناحية العسكرية الاولى بالبليدةعلى خاطر انا ثاني تابع للبليدة
بصح من هذاك النهار مارجعتش ليهم ماحوست عليهم راهي من افريل
كنت داير في البرنامج هادو الايام روح ليهم وصدفة راني لقيت الموضوع تاعك
وفهمت بلي مازال ماكان والواا في البليدة
بصح حاب نسقسيك واش تدي معاك وثائق باه يمدلوك لاكارت؟؟
والله قالونا ونسيت شافي غير على التصاور
moradp
2013-08-29, 21:12
سلام عليكم
والله حتى انا من جماعة الاغواط بصح انا دخلت مباشرة لترانزيت ورقلة ما رحتش كامل للاغواط
وخرجت بسبب طبي
وكي مادولي هاديك الورقة (الامر بالتوجه) ديتها للناحية العسكرية الاولى بالبليدةعلى خاطر انا ثاني تابع للبليدة
بصح من هذاك النهار مارجعتش ليهم ماحوست عليهم راهي من افريل
كنت داير في البرنامج هادو الايام روح ليهم وصدفة راني لقيت الموضوع تاعك
وفهمت بلي مازال ماكان والواا في البليدة
بصح حاب نسقسيك واش تدي معاك وثائق باه يمدلوك لاكارت؟؟
والله قالونا ونسيت شافي غير على التصاور
لاكارت ناسيونال و 2 تصاور