أستحلفكم بالله ديروني اختكم و سلكوني

[أملي و حبي3> ربي]

شكرااااااااااااااااااااااااااااااااااااااااااااااا ا

[أملي و حبي3> ربي]

حتى هنا ملقيتش زهري

[النجمة القطبية]

شوفى حبيبتى قبل ان اتناقش معك فى موضوعك احب الفتك لامر
متقوليش رغم انى صغيرة وجميلة واصغر من زوجي ب 15 سنة واجهت مشاكل
رغم اني اصغر من سلافاتي واجهت مشاكل
رغم اني اصغر من زوج سلفتي ونصف عمره واجهت مشاكل لاني شفت هذه الجملة متكررة فى موضوعك
حبيبتى المراة لما تتزوج الرجل حتى لو كانت اصغر منه بعشرين سنة واجمل منه لازم تتحمل مسؤولياتها كاملة وتمنش عليه جمالك وسنك لا دخل لهم بموضوع المشكلة يعني لا تتوقعي معاملك خاصة
ولازم نتفافقو ايضا ان زوجك واقف معاك يعني الحمد لله متقوليش زهرى مكانش لان الحمد لله الزوج يساندك
درك مازال مشكل عجوزتك وسلافاتك
انا نظن ان عجوزتك هى الاساس اكسبيها اولا بالمسايسة وحسن التدبير يعنى حسب ما سمعت من الاغلبية اغلب اللي يعيشو مع العجوزة المشاكل تكون تكون مالا الحل المسايسة وتعرفي تتعاملي مثلا تقولك ارفدى سلفتك وانتى رافضة لازم تعرفي ترفضى بطريقة غير مباشرة وتكسبيها بحسن المعاملة مترفضيش بطريقة مباشرة احتراما لها
والافضل متدخليش زوجك فى المشاكل لان ممكن تشك انك حرضتيه حلي مشاكلك بنفسك ومتكونيش حساسة بزاف
وربي يطيب العشرة ويوفقك ويفرج عليك اختى
موفقة

[عطر الجوري]

اختي والله لوكان تجيبي بيبي ينسيك الدنيا ومافيها وانتي علاش معمرة راسك بيهم واعرين ولا ساهلين لابغاو ايهود الي يهمك راجلك وبسسسسسسسسسس ودرك اتزوجتي اصبري واتهلاي في راجلك وديري القيمة لروحك واخطيك من التدلاق وتسياق الدرج ارفدي الكرش واولدي ورديلي الخبر وفي رايك كي تتطلقي هاداك الحل الله يهديهم برك

[مرام اروى]

يا اختي على حسب مافهمت راجلك معاك وحابك تبقاي معاه هذا هو المهم وعلاه مكسرا راسك بلاخرين على بالي كي يروح الراجل يخدم تذيق روحك وتحبي تحكي وتقصري هاهو عندك الميكرو احكي هنا ونحي على قلبك ماتعمريش راسك بحاجة ماتهمش اللي يهم هو راجلك واجب عليك لاالباقي خضرة فوق عشاء بصح نصيحة ما توصليش امو وماتقوليلها حتى كلمة تجرحها اياك ثم اياك على خاطر لوكان تغضب الام من ابنها و ماتسامحوش راكم ماتنجحوش في حياتكم رضى الوالدين من رضى الله كي تلقايها مرحبي بيها وديري غير الخير معاها كوني صافية عند ربي غير هو اللي يسلكك ويحميك لان الله لايرضى بالضلم على هذي ماتعمري راسك بحتا واحد وانتلاي في روحك وراجلك هو الاساس طول ماراهو معاك ماتخفيش اعرفي كيفاش تزيدي تكسبيه
وحاجة حابة نفهمها وعلاش مازلت ما جبتيش الاولاد؟

[سنة4]

ياختي احكمي في راجلك ونتهلاي فيه و ردي للخير باش يصلح الامور مع امو اما الباقي متعمريش رااسك بيهم خليهم يعياو او يسكتو ربي يفرج عليك و يهنيك

[نورسين.داية]

السلام عليكم

لي سؤال : ماذام تسكنين مع الزوج بصفة منفردة ..........كيف و ما هي ظروف اللقاء إن لم تدهبي انتي لهم ....؟؟؟

يا أختي في رأي لا تتواصلي معهم إلا في المناسبات من باب إحترامك لوالدي زوجك الباقي لا تعتبرينهم موجودين أصلا ماذام فعل الأدية قائم بينكما

وفقكي الله عزيزتي

[Angleeyes]

ماتخالطي النخالة ماينقبك الجاج اخطيك منهم غير يخربولك بيتك

[أسومة المتفائلة]

مادام راجلك راه واقف معاك وعارف بلعبتهم احمدى ربي
شدي فى راجلك واخطيك منهم واش راحلك فيهم

[wafa16]

و زعما صح نتي شابه ههههههههههه
اختي ملي بدا الموضوع و انتي انا شابة انا صغيرة انا العاقلة
صغيرة و شابة عند راجلك اما والديه ما عندهم ما يديرو بالزين ديالك و ما عندهم حتى فايدة فيه
الاخلاق و الفضيلة هي اللي تحكم بينك و بين الناس و تحببهم و الا تكرهم فيك
و تاني ماشي نتي تشكري روحك خلي الناس تهدر عليك
انا نظن ركبلك الوسواس غير من هاد الشيئ لدرجة انك تقارني روحك بمرت لوسك و تقولي عندها عاهة بالاك ماراهيش كامل سامعة بيك
المشكل تاعك راه في الدلال و الفشوش والديك صبتيهم واقفين معاك و حابين يدخلو روحتيهم و حابين يطلقوك بدل ما يصبروك و ينصحوك
و تاني لاحظت انك تتعاندي بزاف مع عجوزتك انا رحتلها لازم هي تاني تجي
اختي وين تعلمتي هاد المنطق انا جداتي الله يرحمها ما داستش بيتنا لمدة 11 سنة غير احنا نروحولها
تقولنا نتوما صغار نتوما اللي تجو ليا و عااااااااااااااادييييييييييييي
و قاعدة تتعاندي مع لويتك النافسة واش فيها ادا رفدتيها يامات كنتي تقطعي عليها الطريق و تحافظي على محبة عجوزتك
اما السلفة الثانية هادي حكاية معروفة كل عروسة جديدة تحاول تبني علاقة جيدة و تتحالف مع مرت لوسها ضد العجوزة و اللواسات خصوصا ادا كانت العلاقة ماشي مليحة بيناتهم لكن هادي لعبتهالك و عرفت صلاحها
اختي اسمحيلي كيما حاولت نعطيك الحق ما قدرتش حسيتك متكبرة و مدللة بزاف
عجوزتك كانت تحبك و فرحانة بيك ولما كرهاتك فهدا يعني انو العيب جا من عندك
لكن سؤالي لما زوجك قاطع يماه ما هو موقفك و هل حاولتي تنصحيه ام قلتي خلي المهم راجلي جا معايا
هاد السياسة تع المقاطعة تقدر تمشي مع كل الناس الا الولد مع يماه لانو هدا عقوق فحداري
ربي يهدينا اجمعين
راكي دوك مرا متزوجة حاولي تحافظي على بيتك و ما تسمعيش بزاف للاهل ديالك لانك لما تطلقي امور بزاف تتغير