ساعدوني مع الحليب

[fayza mbf]

السلام عليكم ياحراير

انا ولدت مند شهر مشكلتي مع بنتي الله يحفظها انها متشربش لحليب الاصطناعي شريتلها سيليا و نوريس نورمال و كنفور وزدت شريتلها رونالك هدو كامل ارميتهم بدون استعمال وانا لحليب تاع صدري قليل متشبعش في الليل تقعد تبكي نعطيها صدري بصح كي ناشف تبدا تبكي وحبيت تان توالف لحليب تاع برا باش نقدر نخرج نقضي شغلي
مع العلم تشد تيزانة تشربها نورمال
و الماء متحبوش كامل كل متحس بيه نحب تتقيا
الله يخليكم انا منعرفش كيفاش نتعامل مع الرضع و معنديش الي يوريلي بصح علبالي بلي كاين هنا نساء عندكم تجربة بليز انصحوني:sdf::sdf:

[ساندي 28]

اختى حاولي قد ماتقدرى ترضعيها طبيعى وادا مفيكش كولي مليج واشربي لحليب البارد يرجع الحليب فيك عن تجربه وحبيت نوصلك معلومه حليب الام فيه فائده عظيمه للرضيع يحميه ويكتسب مناعه ضد الامراض ويزودو بالكالسيوم لتقويه العظام اما الحليب الصطناعي تجنبيه قد ماتقدري لانو يدير الغازات ومافيه حتى فائده ونضن صحه بنتك عندك خير من شغالات الدنيا الي ماتخلاصش
انا نرضع ابنى عامين نقول قليل عليه لانك لو عرفتى فائده حليب الام متقوليش هاك
علابالي تقولي مفياش لحليب كيما قتلك اشربي لحليب كولي الطعام التمر هادو يدرو الحليب ان شاء الله ومممكن الاخوات يفيدوك
نتمنى تكوني فهمتيني صحه بنتك بالدنيا ومافيها خليها ترضع طبيعى احسن ماتعاني من ويلات الحليب الاصطناعي كي تكبر وتمرض بسهوله ومتكونش عنددها مناعه
خمي وشوفي اختى وشكرا

[بلسم غرام2018]

السلام عليكم ياحراير

انا ولدت مند شهر مشكلتي مع بنتي الله يحفظها انها متشربش لحليب الاصطناعي شريتلها سيليا و نوريس نورمال و كنفور وزدت شريتلها رونالك هدو كامل ارميتهم بدون استعمال وانا لحليب تاع صدري قليل متشبعش في الليل تقعد تبكي نعطيها صدري بصح كي ناشف تبدا تبكي وحبيت تان توالف لحليب تاع برا باش نقدر نخرج نقضي شغلي
مع العلم تشد تيزانة تشربها نورمال
و الماء متحبوش كامل كل متحس بيه نحب تتقيا
الله يخليكم انا منعرفش كيفاش نتعامل مع الرضع و معنديش الي يوريلي بصح علبالي بلي كاين هنا نساء عندكم تجربة بليز انصحوني:sdf::sdf:

انا مزالني صغيرة ومنعرفش مي على قضيه الماء راها بنت اختي تاني كانت متشربش لوكان تموةت انت حاولي على الاقل تشربيلها حتى مغرفه
ونساء لكبار قالولها معليش راه حليبك يزيها مش مشكل الماء
http://www.djelfa.info/vb/attachment.php?attachmentid=64802&stc=1&d=1377119185
وهاهي ظرك

[jemma]

اشري دواء يزيدلك ف الحليب تلقيه ف الصيدلية

[بلسم غرام2018]

اشري دواء يزيدلك ف الحليب تلقيه ف الصيدلية

لا اخيتي لا انصحك بهذا لانو الادويه مش ملاحه للمراه المرضعه
نصيحه من اخت في طريقها للتخرج
ممرضه
واسالي طبيبه وتقولك
ننصحك تبعي راي لعجايز لكبار ومتندميش

[ام اناهيد]

حلك ديري خبزة نتاع رخساس اي رخسيس وخلطي معاه شوية نتاع الجلجلان اي السمسم مقلي شوية
وانصحكي متستعمليش الادوية لمصاعفة الحليب

[هند222]

شوفي اختي انتي مزالكي صغيرة

شوفي عليكي باش يجيك الحليب

تاكلي البركوكس وتشربي اللبن وكولي الحوت راهو يزيد من الحليب

وحاولي ترضعيها بزاف باش اوعية الصدر تزيد تتفتح ويخرج الحليب

وربي يسعدك ان شاء الله

[fayza mbf]

ربي يخليكم لبنات نصائح قنعتني جزاكم الله خيراااا
بصح كي نروح لطبيب ولا كاش بلاص مهم منقدرش نديها على هذيك الي حبيت نعطيها لحليب غير كي تتحتم
مرة اخرى نشكركم على اهتمامكم
ســـــــــــــــــــــــــــــــــــــــــــــــــ ــــــــــــــــــــــــــــــــلام

[آمال أم]

أنا نضم صوتي للأخوات وننصحك بالرضاعة الطبيعية
وأنا كنت نتمنى أنو ابني يشد صدري ولكن ....
وننصحك أختي بالحلبة فهي مفيدة جدا وابحثي في الأنترنت تلقاي فوائدها
كما أنو الطبيبة نصحتني بالحلابة وهي عبارة عن بودرة بعض الحبوب تباع
عند العقار

[عاشقة النبراس]

انا عزوجتي كانت تقولي كولي الحوت بزاف وفعلا لقيتو مفيد

[maramelmess]

كيما كانت بنتي ما تحبش الحليب

غير من صدري اشربي الما بزاف 3 لترات و اكثر

اشربي كانديا من البواطة كمليها و البانان ثاني يديرو لحليب

خليها تجبذ ما تتقلقيش ارقدي على جنبك حطيها فوق السرير و خليها تجبد وحدو دوك يجيك الحليب

و تاع البواطة جربي قيقوز لا معجبهاش ديريه شوية خفيف ولا حطيها قدام التيليفيزيون و شربيها

لا على الما جربي بالمغرفة ولا الكاس

التيزانة ديريها حلوة؟؟؟؟ تزيديلها السكر و ايدا ايه على بيها متحبش الحليب نحي السكر

[أيمن عبد الله]

معذرة على هذه النصيحة من رجل لامرأة

حتى ولو لم تشرب الحليب منك

فحليب العلب اجعلي لها نوعا واحدا

ولا تغيري كل مرة في نوع

وربي يحفظ لك ابنتك وتكون امرأة صالحة

إن شاء الله

[mina3]

شرب الشوائل ايضااا كثري من الماء و لي جي طبيعين
مي متشربيهاش الماء مزال الحال عليها

[mina3]

و سكر ممنوع هو و الملح حى تقفل عام

[fayza mbf]

يعطيكم الصحة على النصائح
بصح راني حاصلة في اموري منقدر ندير والو كل دقيقة تحب ترضع باش نروح لطبيب راني قاعدة واسناني واوووووووووووو دارو فيا حالة
اللله يكون معنا
شكرااا مرة اخرى

[اسيل]

مساء الخير اختي انا ايضا في نفس مشكلتك ابنتي عمرها شهر ونصف ولا ترضع حليبي ربما لانني ولدت قيصري ولم اعطها حليبي من البداية فبمجرد بداية الرضاعة في صدري احسها في صراع عنيف وهدا ما جعلني ارضعها بحليب الاصطناعي انا استخدمت بيوميل بلوس وسبب لها غازات كتيرة ومغص فاستبدلته بنورسي كونفور سبب لها امساك فاستبدلته بسيليا ديفلوب 1 اضن انه مناسب لها لحد الساعة
والحمد لله على كل حال انصحك بالدهاب للطبيب الاطفال هو الدي ينصحك احسن من استبدال الحليب من تلقاء نفسك هدا من جهة ومن جهة اخرى نصحني الطبيب باستعمال ماء معدني افري لانه خال من الاملاح لان الرضيع لا يحتاج لها في هدا السن
ربي يكون معاك يا اختي

[ayacheomarrtv]

اشري دواء يزيدلك ف الحليب تلقيه ف الصيدلية

[السي محمد]

هو موضوع نسائي و لكن لا بأس نزيدلك معلومة للفائدة

العامل النفسي له دور كبير كبير كبير في إدرار الحليب

يعني نفسيتك تؤثر في كمية الحليب التي ينتجها صدرك

يعني لازم ما تتقلقيش بزاف و الاهم انك تحذفي من عقلك فكرة ان الحليب كثير


كل اعضاء الجسم تخضع لسُلطة العقل ( الدماغ)

و الغدد التي تنتج الحليب ايضا خاضعة لسلطة الدماغ

تقدري تزيدي من انتاجها بتغيير افكارك و تبديد مخاوفك
و إذا انت كنت مقتنعة بان كمية الحليب تكفي و زيادة سترين كيف تزيد كمية الحليب عندك

بدّلي الفكرة اللي تقول بلي ( ماكاش حليب عندي ) بفكرة ( انا عندي حليب كفاية لإبنتي )

و يلزم تاكلي مليح...مليح...مليح

غذاؤك يجب ان يكون متنوع حيواني نباتي أسماك فواكه حليب بيض لحوم خضر ...

( الموز و العنب يضران بالرضيع ما تكثّريش منهم )

[/زهرة عصفور الجنة/]

اختي حاولي تنويع غذائك ليزيد حليبك واعلمي انها كلما رضعت كلما زاد حليبك فالغدد تتنشط
عليك بشرب رتلين من السوائل بوميا من حليب+عصير+تيزانات
واعتمدي في اكلمك على الشوربات والبروتيات
وتناولي التمر فهو مدر للحليب

هناك اقراص تباع في الصيدليات مصنوعة من اعشاب تدر الحليب
لا انصحك بالحليب الاصطناعي فلا فائدة له


ان لم يكفها حليبك
ما عليك الا بحليب الماعز فهو الاقرب لحليب الام

[fayza mbf]

اختي حاولي تنويع غذائك ليزيد حليبك واعلمي انها كلما رضعت كلما زاد حليبك فالغدد تتنشط
عليك بشرب رتلين من السوائل بوميا من حليب+عصير+تيزانات
واعتمدي في اكلمك على الشوربات والبروتيات
وتناولي التمر فهو مدر للحليب

هناك اقراص تباع في الصيدليات مصنوعة من اعشاب تدر الحليب
لا انصحك بالحليب الاصطناعي فلا فائدة له


ان لم يكفها حليبك
ما عليك الا بحليب الماعز فهو الاقرب لحليب الام

شكرااا للجميع
بصح حبيبتي حليب المعز في مثل عمرها ميضرش هي عندها شهر ونصف :confused:
شكراا على النصائح:19:

[/زهرة عصفور الجنة/]

اسألي طبيب الاطفال
اختي


اصلا حليب الاطفال الكعلب مصنوع من حليب الماعز

[ايمان2009]

اختي انت يبان فيك مقلقة لا هدا اول خطأ يهزلك الحليب لازم كي تحطي بنتك في حجرك تحني عليها و ترضعيها وتصبري مهما ماتعرفش تمص في الاول لكن بحنانتك يهبط الحليب وحدو ماش انت تهزيها وتبداي تتقلقي لازم تشبع لازم نروح للطبيب وتعودي تخمي بزاف هدا ايضا يأثر عليها خاطر اي تحس بيك واش تخمي انا ولدي كنت كي نقول نرضعه ليه ليه ونوقف نخدم على روحي يزيد يلصق اكثر ملا لا كي تحكميها اتهدني وامسحي على راسها وخممي بحنانة فيها وكولي الحوت بزيت زيتون والشواء والعجائن مثل الشخشوخة والكسكس والتريدة والمقرون هادو كل يديرو الحليب وكثلك شرب الحليب واكل الفواكه وابتاعدي على الحامض منها
ولكان حاولتي وماهبطش منك الحليب ننصحك ب france lait او مليح يحبوه الدراري خاطر هو حلو مقارنة بالانواع الاخرى و ماتتقلقيش كيماتشربش الماء لانه الحليب و التيزانة يغنيوها على الماء وربي يوفقك

[سحر الجزائرية]

السلام عليكم
اختي كل شيء بالصبر لما ولدت ابنتي لم يكن فيا حليب وظلت ابنتي لمدة اسبوع تبكي من الجوع ولم تتركني حماتي اعطائها الحليب الاصطناعي وتظل تجبذ فيا ليل ونهاروناكل الكسرة والتمر ولعجائنونشرب لحليب والزريرة(البسيسة)واليوم الحمد لله بنتي ضعيفة مي ماشي مريضة ونهار نزعف يروح لحليب
وعن الكمية كل وحدة وكيفاش المهم لكاين يكفي ن شاء الله&&بنتي تاني مكنتش تشرب الماء سقسيت الطبيب قالي لحليب تاعك فيه الماء حتى والات في عمرها سبع شهر باه عادت تشرب وضرك راهي عام والات تشرب وحدها من البيبرو طبعا الماء
ربي يحفظ ولادكم كامل

[nounoudjs]

سلام الله عليكم
هذا نفس لمشكل لعانيت منو مع ولديالاول
خلاصة تجربتي
1/اقنعي نفسك با فيك الحيب لان لعامل النفسي هو لاساس ودلك بترديد كلمة انافيا الحليب طول لنهار انا درت تحدي مع حماتي ليكانت تقولي مافيكش الحليب استعملي الصناعي
2/شرب لكتير من لماء طوال الهار
3/الراحة لنفسية انا كلما نزعف ينقص الحليب مني
4/اكل لتمر وشرب الحليب طوال اليوم
5/اكل الحوت والعجائن
6/اخذ قسط منالراحة كلما نامت بنتك
7/اعطائها صدرك وخليهاا تجبذ ترضع حتي ومافيكش الحليب ورذي ي نفس لوقتانا فيا الحليب
8/النسبةلالم اسانك هداراجع لنقص الكالسيوم عيك لاكثارمن الحليب ومشتقاته
هده خلاصة تجربتي وانالحد الان ارضع ابني وعمر16 شهر
بالنسبة للماء اعطيها ولو مغرف في ليوم باه تتعود عليه ماتخافي مادام ترضع مارايحة تحتاج الماء
ء سلام نتمني تفيدك تجربتي

[ندى خليل]

اختي الرضاعة الطبيعية ما كانش كيفها حاولي تزيدي الحليب عندك بتناول الحلبة مع الغرس و زيت الزيتون و شرب الحليب بكثرة . لكن إذا تحتّم عليك الأمر و حبيتي تعاوني بنتك بحليب إصطناعي جربي أعطيلها Biomil راو مليح بزاف و معظم الرّضع يشربوه اما الماء فحاولي تشربيها خاصة في السخانة لأنه ضروري