nasiha w istichara

[assia88]

salam 3alaykom, ahbabi,
3andi mawdou3 haba nssakssikom w tanshouni,.ana fi 3omri 25 ans , ja khtabni wahad yakhdam f hassi mas3oud , yag3oud f walayatna 1 mois w yrouh lhassi mas3oud 1 mois bah yakhdem, w naskon m3a darhom w ana khadama , rani salit salat el istikhara, mais brit na3raf nassihatkom
hadou l bnat li azwajhom b3ad 3lihom , kifah dayra el m3icha ,
wach raykom , winha el 3ichra el zawjya, w zid mazal machaftou ma walou juste khtou chafatni 3jabtha, houwa yji hata 4 septembre .
rabi yjazikom w rabi yarzakni zawj salih amine

[نورسين.داية]

السلام عليكم عزيزتي ولاتي تقريبا جل شبابها عاملين في هذا القطاع ..........عايشين لا باس عليهم ...........لكن بالمقابل تستطيعين السكن مع الزوج ....ديري ترنسفار ...مثلا لست ادري عمل الزوج عزيزتي يجب ان تتكيف معه الزوجة مهما كان .................هاذي ديريها قاعدة ...........يعني إذا كان إنسان مليح ....لا تتركي طبيعة عمله تحول بينكما و ماذا نقول عن موظفي الدرك و الشرطة ............................؟؟؟ عموما فكري جيدا ..........................وفقكي الله أختي

[assia88]

non manrahch m3ah, khtah gatli taga3di m3a darna , w howa yrou w yji , w zid nddit tafssil sarir howa zayad f 1975 w ana 1988

[نورسين.داية]

لكن عزيزتي ألا ترين ان الفارق كبير ...........بينكما ....................و سبحان الله هو كل إنسان و قناعته .....................يعني هذه المسألة تعود لكي أنتي مسألة تبقاي في المنزل العائلي .................لما لا تناقشين الموضوع معه ...........لأن موظفي الحاسي لي يبقاوه في مقرات عملهم أكثر من منازلهم و تذكري السفر ...........هو عناء بالنسبة له .........لما يكون مستقر خير ليك و ليه ...........أما منزله العائلي ...........يسافر له ....كل مثلا شهرين ثلاث ....... عموما انا هذا رأي ....وفقكي الله عزيزتي

[assia88]

40mouchahada w 2 rodoud hada makan

[assia88]

makanch ga3 li ymadli nasiha

[هدى الجيجلية]

السلام عليكم
اختي
والله بما اني
عندي صديقتي متزوجة
بواحد مثل خطيبك
وهي كانت تعمل
ولكن حبست الخدمة
هو طلب منها ذالك
يعني عايشة
لما يسافر
لحاسي مسعود
تذهب عند اهلها
ولما يجي ترجع
يعني متنقلة
هي مسألة
تأقلم وخلاص
صدقيني مع الوقت راح تجيك
أصعيبة
ولكن راح توالف
بهذا الشيء
أما مسألة
العمر
كل واحد
وطريقة تفكيره
إن هو كبير ام لا

[**د لا ل**]

اختي ان كان صالحا وعلى خلق فتوكلي على الله

بالنسبة للعمل ستتأقلمين مع الوقت لدي قريبات أزواجهن يعملون في الصحراااء والحمد لله حياتهم مستقرة طبعا الامر كان صعبا في الاول

لكن مع الوقت تأقلمن واصبحت شيئا عاديا

وفقكِ الله ورزقكِ الزوج الصاالح

[عبد الله 22]

السلام عليكم كعامل سابق في مثل هذا الوضع ننقلك الوقع
1 4 *4 يعني شهر معك وأشهر في hmd إذا كان موقع العمل في المدينة لأصاحب الادارة أما إذا كان طبيعة منصبه عمل ميدني فقد يكون يعد بمائات الكلومترات على hmd بالتالي حتي الكراء في حاسي مسعود يصبح لامعني له ، إضافة إلى ان الكراء و المعيشة بشكل عام مرتفعة بشكل كبير، إيجابيات الزوج من عامل 4*4 نقص المشاكل نتاع الاحتكاك تتلقو 6 أشهر في العام و6 تلفون، سلبياتها الغايب الطويل و المسؤليات التربية والاولد تقع بشكل مطلق على المراة وتتزداد صعوبة مع المراهقة ، - يقال إلى حد أن أحد العاملين عند راجع يوم إلى بيته و طرق الباب قال الطفل الصغير إلى أمه لقد جاء الرجل الذي يحضر لنا الاموال- مشكلة هي عدم توجده في حتى في الاوقت الصعبة إذا لم يكون في شهر البيت إلى ل 3 أو 4 أيام، تبقى الاجور قد تكون مرتفعة إذا كان في شركة محترمة اما إذا كان في شركات المناولة فالاجر يكون ....متغيير وو... بالرائ الشخصي العمل وفق 4*4 هو نظام عمل لعزاب اما المتزوج من الافضل ان يبحث عت عمل مستقر لان الحياة الزوجية ليست مجرد جلب للأموال بل مسؤلية متواصلة

[علي بابا واللصوص]

في رأيي الشخصي الأمر صعيب
25 سنة مازلتي شابة
شهر بشهر هذي ماشي عيشة
بالهدرة تبانلك عادية ولكن كي تجربي راكي تحسي
المشكل ماشي الآن المشكل كي يزيدو أطفال رايحة تنغبني بزاف
إلا إذا وافق هو تنتقلي معاه لحاسي مسعود
شوفي انتي وش يخرجك راكي كبيرة وتعرفي صلاحك

وربي يجيب اللي فيه الخير

[راية الاسلام1]

السلااام عليكم

أختي طبيعة العمل بالنسبة إلي أنا ماكانش مشكل ادا رحتي معاه أما انتي تبقاي مع اهلو وشهر باش تشوفيه لا

ثانيا الاخوات هنا قالو بللي فارق السن مايأثرش ...

أنا نظن 13 سنة بيناتكم بزاااف ...

بزااف للي تزوجوا رجال كبار عليهم ب 10 سنوات وقالوا بللي مع التقدم في السن الرجل ينقصلو الحماس

أتصوري انتي بعد 20 سنة انتي 45 مازلك حابة تخرجي وتحوسي وهو تقريبا شارف على الستينات ويكون تقاعد وغلب من الدنيا

أختي مازلتي صغيرة ... أنا نقولك ديري استخارة مرة أخرى واتخدي قرارك

ربي يكوننن في عونك ويرزقك الزوج الصالح

[assia88]

allah yjazikom bel khir ahbabi, nawartouni , w rabi yarzakni zawj salih ya rabbb

[ツღعـصُـ♥ـوِݦۑツღ]

السلام عليكم اختي الفاضلة

أنا عندي وليد خالي تانيك يخدم في حاسي مسعود شهر هنا وشهر لهيه ، إنسااان عااااااااااقل ذيب ما شاء الله ، ايا عمرو 25 سنةو تزوج بنت بن عمو من مدينة تبعد عليه 65 كلم و هي استاذة ، خطبوها و وعدوها بلي تخدم كي تزوجو و راهي الآن تسكن مع عايلتو و بالإضافة انها ماراهيش تخدم يعني كذبوا عليها و الحمد لله راه عندها زوج ولاد الله يبارك و عايشة مع بيت عمها و خيرات في نعمة
ونت شوفي لي تخرج عليك ، انا نقول تقبلي والله أعلم

وتصبحين على خير

[assia88]

zidou nashouni, ahbabi, w surtout li 3andha wala 3andah tajriba yahkili 3liha

[بلسم غرام2018]

اخيتي منقدرش نفيدك
استخيري الله عز وجل

[الدكتور سام]

انا امي قبلت الزواج ب ابي بالرغم من ان ابي كان يخدم في فرنسا و يجي شهر واحد في السنة.وكان هدا لمدة 30 سنة. و الان هو متقاعد شهر ب شهر تبانلى عادى.و يبقى القرار قرارك