معدومة الدخل

[مشكلتي]

]السلام عليكم ورحمة الله

اريد اقتراحاتكم ومساعداتكم بشان موضوع مهم

معدومة الدخل وغير مؤهلة باي شهادة تذكر تريد منكم الحل

بحيث زوجها لا يعمل وتعيش علة على الغير

تريد مشروع او فكرة بالاحرى تساعدها في ضمان عيشها وتستغلها للعمل الشريف

لكن تكون في المنزل بحيث تقطن في منطقة نائية وتريد ان تستغل بيتها للعمل وتبيع في المدينة حينما تكتمل جربت الخياطة وجدت نفسها بين الملايين من الخياطات لا يوجد الشاري وجربت صنع احزمة لم تستطع بيعها
فهل من مساعد بفكرة ما قد تنجح

[سوسو92]

اختي ممكن صنع اكلة تقلدية وبيعيها في المدينة كالمطلوع وربي يحسن الحال ويرزقك من الحلال

[صالح القسنطيني]

الحلويات للأعراس و الأعياد و ما يتبع ذلك

[naamane3]

قال الله تعالى: الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ
خَيْرٌ عِندَ رَبِّكَ ثَوَاباً وَخَيْرٌ أَمَلاً {الكهف:46}
وقال عز وجل في سورة نوح
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

[أم احمد3]

هذه افكار قديمة ولا تنفع هاتو الجديد ان كانت هناك

[AMINA.Z]

لازمك تتعلمي حرفة صعيبة و مطلوبة

مثل خياطة المفروشات للعرائس

او

حضري الكسكس و الشخشوخة و بيعي

ديري حسابك بلي صحتك راح تروح معاهم

ربي يفرج عليك

[صالح القسنطيني]

هذه افكار قديمة ولا تنفع هاتو الجديد ان كانت هناك
ابن عمتي يعمل في مخبرة و حدثني عن أحداهن في شهر رمضان كل يوم تأتيهمم ب( 10 بلاطو تاع مقروظ ) يعني بحساب بسيط عندها كل يوم دخل صافي يفوق مليون و نص

و تقولين لا تنفع

بل أحدثك بإحداهن فتحت محلا و نجحت نجاحا كبيرا لصناعة و بيع الحلويات التقليدية ( براج، طمينة، غرايف، فطير) و ما شابهه

و كانت كذلك تبيع للمقاهي البراج و الطمينة

و من محلها تصنع الحلويات للأعراس

[~~نهال~~]

ختي كاين تع الحلويات
يعني تخدم القاطوات تع العرس هاذي تنجح فيهم


كاين تع الكروشي كيما مثلا ليناب تع المائدة
مممممممم اذا زدت تفكرت نقولك
كاين حتى تبيع للحوانت قاطوات خاصة مثلا القريوش او البراج ((المبرج))

[بلسم غرام2018]

الحلويات للأعراس و الأعياد و ما يتبع ذلك
ربي يرزقك اخيتي

[الزبرجد]

تخدم أي حرفة تع يد مثل فتل الطعام و قاطو الأعراس ...و المقروط و الكعك و المبرجة أو البراج الذي يباع للمقاهي

أكيد لن تصل مع الطلبيات في ظل شغور المنازل من خدامها و التفنيين و اليدين المكسرة تع هذا الوقت :1:

[bouelame]

بالتوفيق ...............

[النجمة القطبية]

احسن شئ الحلويات دخلها جيد ان لم تكن متعلمة
المشكل انها تحتاج لتكوين لانو لازم يكون العمل متقن جدااا لان بصراحة لا احد يجازف لشراء حلويات متوسطة الجودة خاصة فى الوقت الحالى كاين بزاف اللى يخدمو والخيار موجود امام الناس
والنساء كامل يخدمو الحلويات وخاصة التقليدية اذن المشكل راه فى الاتقان لازم تكون حاجاتها مميزة اذا حبت تنجح
افضل نصيحة انها تعمل تكوين حتى لو كانت تعرف مسبقا وتعمل فى مجموعة ومع الوقت يصبح لديها عملها الخاص
موفقة

[أم احمد3]

كاين بزاف الحلويات النسا اكل تديرها لازم تدير حاجة مكسبها مليح حتى وان كان العمل صعب او الاستعانة ببنات اخرى كي تضمن النجاح انا نقول مصنع مصغر تغليف الاغذية

lombalage

[إكليل]

ربي يكون في عونك و يرزقك من حيث لا تحتسبين

[arc en ciel]

الحاجة الي تمشي بزاف هي المأكولات و الحلويات
ربي يوفقك ان شاء الله

[عين مليلية]

اوصيك بحرفة يتحقرها كل الناس الا قليلامنهم

هي

الصدقة


جربي و شوفي

[أم احمد3]

الله يكون في العون

[أم احمد3]

Kayen macharii3
fi net

[ولد حمد الباتني]

الواعرة والكاريثة زوجها لا يعمل
انا ندوخ فالذكورة هاذو

[roufaida19]

ابن عمتي يعمل في مخبرة و حدثني عن أحداهن في شهر رمضان كل يوم تأتيهمم ب( 10 بلاطو تاع مقروظ ) يعني بحساب بسيط عندها كل يوم دخل صافي يفوق مليون و نص

و تقولين لا تنفع

بل أحدثك بإحداهن فتحت محلا و نجحت نجاحا كبيرا لصناعة و بيع الحلويات التقليدية ( براج، طمينة، غرايف، فطير) و ما شابهه

و كانت كذلك تبيع للمقاهي البراج و الطمينة

و من محلها تصنع الحلويات للأعراس
أظن لو تفيدنا الأخت بمكان إقامتها أفضل
رايحة تسهّل علينا المقترحات
فكرة الحلويات تنجح في المدن الكبرى وأراها من أحسن الأفكار
أما إذا كانت تعيش في منطقة نائية وناسها فقراء فلن تكون ناجحة أبدا وسيستغلها الناس دون أن تجني كبير مدخول
بارك الله فيكم
ننتظر من الأخت تعطينا مكان إقامتها لعلنا نساعدها

[wafwaf8471]

takhdim nourice fi darha tchid 3andha wlade lkhadamate w tithala fihom bach ydiro fiha tika

[roufaida19]

الى الأخت صاحبة المشكل
حتى يتمكّن الإخوة إفادتك أرجو منك مزيد تفصيل حول مكان إقامتك
وماذا تجيدين ؟
فكرة الشخشوخة والكسكس أخطيك منها إذا ما كانش المساعدين
فكرة القاطو مليحة ولكن في مناطق دون مناطق وليس أي قاطو رايح يُقبل عند الناس
فكرة الأخت الأخيرة انتاع تحكمي الأولاد
هذه أيضا مليحة ولازملك تكون عندك ثقافة تربية الأولاد وكيفية التعامل معهم ولازملك جو في المنزل حتى يأمنك الأولياء على أولادهم
هناك أفكار أخرى يتوقف نجاحها على مكان الإقامة