الخدمة العسكرية: البرواقية سبتمبر 2013

[ali.dje]

السلام عليكم
شكون بعتولو للبرواقية لمدرسة التطبيقية للدفاع الجوي م.ت.د.ج_
e.a.d.a.t وقولونا اذا تروحو ولا لا . انا بربي ان شاء الله قررت باش نروح... ولا الجماعة لي جوزو فيها من قبل يحكو لنا عليها بخصوص عدد المجندين في الدفعة وظروف التدريب

[ali.dje]

ما كاين ولا واحد في هاذي المدرسة . معناها راني وحدي

[amine eco]

في مارس خرجو اصحاب الملفات الطبية برك ..........

[ali.dje]

يعني ما يبعثوش ليها بزااف ولا كيفاه ... تقريبا كل المدارس دايما فيها فائض .ما عندناش الزهر ثاني في هااذي

[glourious99]

نصيحة لوجه الله ما تروحش
هذه المدرسة تبعث للحدود ... يعني بعد 6 أشهر دير في بالك بلي يبعثوك لاي مكان في الحدود الجزائرية ... في الغالب الصحراء الكبرى ... وين كاين غير الغراب .... صدقني في هذه ... زيد اصبر شويا اذا تقدر ...سي نو ... أنا نوريلك الطريق للبرواقية- المدية

[ali.dje]

انا جاني الاستدعاء الاول . ونقدر ناخر لمارس.لكن انا ما نيش حاب نضيع 6 شهور
ما فهمتش كيفاه توريلي الطريق للبرواقية .. انا نعرفها البرواقية بصح مانيش عاارف اذا كانت في المدينة ولا بعيدة في الجبل

[mechakou]

ya kho madir 3la 7ata wa7ed ida rak 7ab trou7 atkall 3la rabi khalek men hadrate nass rahi temarad

[amine eco]

.................................................. ....

[amine eco]

اطلع على الرابط تجد معلومات هنا

http://www.djelfa.info/vb/showthread.php?t=867643

مدرسة لا باس بها
في حقيقة ليس لدي معلومات كثيرة عنها لاني من ولاية مدية وجماعة نتاعنا ميبعثوهمش ليها كاش حاجة تخصك راني هنا راهي بعيدة عليا 35 كم برك
بنسة للفائض في مار مكاش فيها بزاف و سبتمبر حالة قليلة شوي ..ادي معاك ملف طبي ان وجد ....لان اذا بعثك طبيب الثكنة يبعثك للمستشفى العسكري في البليدة بالتوفيق اخب وصلي صلاة الاستخارة

[ali.dje]

ان شاء الله خويا .بارك الله فيك
لي فيها الخير ان شاء الله

[ali.dje]

وقيلا راني رايح وحدي

[amine eco]

ان شاء الله خويا .بارك الله فيك
لي فيها الخير ان شاء الله

بالتوفيق ................

[dzfayy]

:dj_17: سلام خويا انا فيصل من المسيلة و بعثولي كيفك للبرواقية ممكن نتعرف عليك اكثر راسلني انا في الانتظار

[dzfayy]

سلام عليكم واش مازال مرحتش

[dzfayy]

وقيلا راني رايح وحدي

سلام عليكم معاك فيصل من المسيلة وعندي نفس الضروف انضر الرد منك في اقرب الاجال

[ali.dje28]

اهلا بيك فيصل . وين كنتو كيما كنت نحوس عليكم ههههههه
المهم انا مازال ما رحتش . بلاك سمانة الجاية . الاحد ان شاء الله

[bibilou]

اهلا بك اخي انا ايضا لدي استدعاء البرواقية 15 septembre الاحد ان شاء الله نمشي انا من ولاية ميلة

[ali.dje]

اهلا بيك خويا الميلي .انا ثاني نهار الاحد نروح ان شاء الله
رانا نتلقاو ثما

[bibilou]

ok inchallah khouya mnin tarkab nta??

[ali.dje]

اوك ان شاء الله
انا نركب ديركت قريبة شوي البرواقية مني . وانت من احسن تركب سطيف ومباعد البويرة . واذا لقيت للبويرة ديركت خير وكي توصل للبيورة راك تلقا كاين الطاكسي الصفورة الي يدو للبرواقية
بصح الثكنة مانيش عارف اذا قريبة من مدينة البرواقية ولا خارج . نسقسي عليها ونرد لك بالخبر

[bibilou]

ok rabi y3aychek khouya ana rayah direct alger w mba3d blida w mba3d berouaghia

[ali.dje]

علاه ما تهبطش في البويرة وتبدل البرواقية .. تجيك خير هكدا

[angel-med]

السلام عليكم
ربي يسهل ان شاء الله

[bibilou]

ana rayah namchi b sabt direct f lil hna 3andna ligne direct alger yassama nhar lhad 4 ta3 sbah nkoun fel kharouba ma3andnach la bouira

[ali.dje]

اخ amine eco (http://www.djelfa.info/vb/member.php?u=407774) راني سمعت بلي هاذي المدرسة تقدر تستقبل 100 برك .
كاين منهاا؟؟؟

[amine eco]

نعم تشد حوالي 100 طبيب نتاعها ماشي مزير بزاف يبعث للمستشفى العسكري بليدة اذا دراك انابت

بنسبة للموقع نتاعها مهيش بعدة بزاف حوالي 1 كم برك على وسط مدينة كي توصل للمحطة اركب في حافة النقل منطقة زمالة راه يحط قدامها امشي شوي برك

ميتاسيون تاعها كل انحاء الوطن
التدريب ماشي شاق بصح كرفي بزاف
صاحبي كان تم دفعةمارس 2012 ...مياتوه لي قسينطية منبعد
بالتوفيق للجميع

[ali.dje]

بارك الله فيك خويا amine eco (http://www.djelfa.info/vb/member.php?u=407774)
ربي يحفظك

[mechakou]

ana ba3touni convocation fi mars 2012 w mara7teche

[ali.dje]

mechakou (http://www.djelfa.info/vb/member.php?u=442902)كشما تعرف جماعة راحو ليها في مارس لي فات