رايحة نبطل منو قبل الخطبة الرسمية

[sersoura26]

lمدولي رايكم الله يخليكم راني رايحة نهبل انا تقدم لي واحد ودرنا الشوفة وجاو الرجال قطعو الشرط بقات غير الخطبة الرسمية يجي يلبسلي الخاتم بصح راهو رايح يهبلني قاللي ماتخدميش وما تخرجيش الا للضرورة ومش وحدك مع خواتاتك ولا معايا ولا معا اما واختي قلت ماعليش يغير وهادي في الحق تسمى حاجة ترضي ربي ومبعد ولى مام تكون عندي قضية لازمة ملي نخرج وهو يهبل فيا وينا حانوت راكي وازربي خلصي وحتى كي نعود فالدار لاكان كنت نهدر معاه وتدخل اختي مثلا نهدر معاها يقوللي معمن كنتي تحكي ويحلفني قداش مرة ولا يعيطلي نقولو كنت نتغدى يحلفني بلي كنت نتغدى برك ما درتش حاجة اخرى كيفاه ندير مدولي رايكم

[Some1]

موسوس ؟؟؟؟؟؟؟

[ToXiC_Dz]

انا حرت بلاصتك

[زرابة]

يا اختي الله يعونك

[madoucha]

شحال نكره هذا الصنف من الرجل الموسوسين

[sersoura26]

والله ما لقيت ما ندير معاه لازم نقوللو كلش ولا كان عيطلي وما هزيتش ما سمعتوش يبقى يهبل فيا قولي والله ماسمعتيش البورتابل كي صونا قولي والله ما كدبت عليك وانا لازم نعودلو الجملة كيما راهي اني حابة نبطل بصح خايفة نظلمو خطراش هو يموت عليا وحنين ويدللني بصح طريقتو هادي خلاتني مندبدبة فالعواطف تاعي ساعات نحبو وساعات ما عندي حتى مشاعر جيهتو

[amine9mm]

هذا والله راجل ونص مش ديوت راه يشوف العري والفسق في الشارع لازم يصونك انت تاني راجل والله

[alilou252]

صلي صلاة الإستخارة

[♥salma 04♥]

اختي اول حاجة ديريها هي صلي صلاة الاستخارة و أدعي ل ربي سبحانو إن شاء الله تفرج عليك

[إكليل]

اختي صلي صلاة الإستخارة و ربي يكون معينك إن شاء الله

[ou adem]

موسوس انا في بلاصتك نرفض الله يكون معاك

[sersoura26]

يا خاوتي والله راني صليت صلاة الاستخارة 4 مرات والله ماني فاهمة كيفاندير

[كوثر 20]

ربي يوفقك الغيرة مليحة في بعض الاحيان اصبري عادي

[محمد جديدي التبسي]

أخطيك منه
من يرضى ان يكلم بنات الناس هكذا وهو مازال لا عقد شرعي لا والو وزيد موسوس راح يكرهك في عيشتك
ربي يهديكم

[حفيظة 1]

خير الامور اوسطها لا توسويس ولا ديوث
كل شيئ ان زاد عن حده انقلب الى ضده

[الملهمة]

اختي شوفي والله هذا الراجل رايح يهبلك كي تتزوجي ديري في بالك : ماكانش الخرجة واذا لقاكي فرحانة يشك واذا مقلقة يقولك لاه هو انسان شكاك خميمع روحك مليح وشاوري اهلك وفهميهم وشوفي رايهم

[salamamal]

lمدولي رايكم الله يخليكم راني رايحة نهبل انا تقدم لي واحد ودرنا الشوفة وجاو الرجال قطعو الشرط بقات غير الخطبة الرسمية يجي يلبسلي الخاتم بصح راهو رايح يهبلني قاللي ماتخدميش وما تخرجيش الا للضرورة ومش وحدك مع خواتاتك ولا معايا ولا معا اما واختي قلت ماعليش يغير وهادي في الحق تسمى حاجة ترضي ربي ومبعد ولى مام تكون عندي قضية لازمة ملي نخرج وهو يهبل فيا وينا حانوت راكي وازربي خلصي وحتى كي نعود فالدار لاكان كنت نهدر معاه وتدخل اختي مثلا نهدر معاها يقوللي معمن كنتي تحكي ويحلفني قداش مرة ولا يعيطلي نقولو كنت نتغدى يحلفني بلي كنت نتغدى برك ما درتش حاجة اخرى كيفاه ندير مدولي رايكم

السلام عليك، هذا الانسان موسوس :mad:، وزدتي في التوسويس ديالو بكثرة حديثك معه ( ليكن في علمك أنه لا تجمعه معك أي علاقة شرعية و لا قانونية )، فبحديثك معه يظن بأنك تتحدثين حتى مع الغرباء، و لو رسمت له حدودا في البداية وقلت له بأنه لا حديث بينكم إلا بعد العقد الشرعي و المدني لكان سعيدا بك أشد السعادة .. سلااااااااااااااااااااااااااااااام.
:rolleyes: :rolleyes: :rolleyes:

[فـرح]

اختي كاينين رجال بزاف هكا ومليح كي يعود يغير عليك
انت استشيري تاع داركم وشوفي وش يقولولك وربي يقدمك للي فيه الخير

[Angleeyes]

صلي استخارة

[naamane3]

هدا انسان موسوس ومعمر راسو بيك بزاف وخايف عليك
لكنه ماعرفش يعبرلك عن خوفه عليك لذا يعاملك هكذا
اخبريه انك حاسة بيه وعلا بالك باللي راه خايف عليك
واخبريه انك صاينة نفسك خوفا وطاعة لله و حفاضا لكرامتك وكرامته
وحاولي ان تقنعيه بانك لم ولن تقعي قي ما حرم الله حتي ولو كان الامر بسيط
والله يهدينا ويهديكم ويهديه

[ToXiC_Dz]

اختي لو تنظرين الى الامر من جهة اخرى
قد تجدين ان تفسير سلوك خطيبك هو حبه الشديد و رغبته الكبيييييييييييييييييييرة في ان تكوني زوجته
والتي ربما لا يبديها بكلامه لكن افعاله هذه هي اكبر دليل
لذا هو يمثل دور الشرطي و المسؤول و الرقيب على حركاتك لانه يخاف فقدانك
و ارى انه متؤثر باخبار الفضائح و الخيانات التي تملا صفحات الجرائد وواقع الناس
و التي ملأت افكار الرجال بالشكوك رغم عفة الكثيرات
و اصبح الرجل ينظر نظرة مرتابة للفتاة مهما بدا له من عفافها و حشمتها
فهي مادامت بعيدة عنه لا يضمن تصرفاتها او ان تزل قدمها او ان يكون لها عشيق من حيث لا يدري
و قد حصل للكثيرين مثل هذا
انا لا اقصد شخصيا بهذا الكلام ولا اشجع ان يصل الشك و الغيرة الى هذه الدرجة
لكن اظن ان هذا هو المبرر الوحيد لسلوكه نحوك
و لا اظن انه سيقوم بنفس الامر في حال تزوجك لانك حينها ستكونين تحت ناظريه
في النهاية انا لا ارى الا انه يريدك فهل ستخللين عنه ؟؟

[samira135]

والله غير صحبتي زوجها كان اكثر من هاك انا هبلت في بلاصتها مي بعد الزواج تبدل الى الاحسن و راها لاباس عليها نظن هذي غيرة زايدة ردي بالك تتسرعي

[●|التّوَابٌ إلى الَلّه|●]

هذا والله راجل ونص مش ديوت راه يشوف العري والفسق في الشارع لازم يصونك انت تاني راجل والله


الله يرحم الكرش لي جاباتك .. نفس الرأي بالنسبة ..


لكن لا تتعب نفسك أخي بنات هذا الوقت لا يعرفون هذه الأمور .. و أسفااه ...

[razika zouzou]

حنونتي هاذا راه موسوس فوق اللازم

اموا تكون ثقة بيناتكم علاه حتى يحلفك

املا كي يديك منيش عارفة كيفاه رايح يدير

و قيل يغلق الباب كي يروح يخدم


واش هذا الغيرة عندها حدود

هو عندو الحق متخرجيش وحدك خرجي وحدة معاااك


بصح هاذي نتاع زربي و متخرجيش و بطلي الخدمه

راني ضدها و 1000%


اسيي قبل مايديك قوليلو يحبس هذا الشك

رايحا تكبر الى مشاكل كثر و كثر بعد الزواااج

[مواطنة]

السلام عليكم اختي
يقولو بلي لي يحب يغير
لكن الغيرة على الدين اولى علاش يهدر معاك ويحكم كانو زوجك ؟
كاين فرق بين الغيرة معناه ما يحبش غيرو يشوفك يخاف تهدري مع كاش واحد هدا امر طبيعي و الراجل تع الصح من صفتو الغيرة لكن الاستجوابات تاع كل دقيقة تبين انه شكاك ماشي فيك برك ما عندوش ثقة في نفسو لان الانسان السليم لا يشك في غيره و لا يظن السوء دائما
فلك ان تحكمي اذا اردت العيش مع الوسواس القهري و تندمي على حياتك تفضلي و مبروك الخطبة
واذا اردت العيش مع انسان سوي يغار فقط لانه يحبك و يخاف عليك ..هل تظنين انه كذلك ؟ اظن ان صلاة الاستخارة خلاتك مشوشة وميلك اكثر لتركه وليست الاستخارة فقط استشيري ولي امرك او مشرفة حكيمة في المسجد او امك وليس كل من يدلي برايه قد يفيدك فكل يرى الحياة من منظور.
مازالك في بر الامان ما تخافي من حتى واحد الله تعالى عطاك حرية الاختيار فاستغلي حرية اعطاها الله لك وهي الرضا يجب ان يرضيك الزوج لا ان يجعل راسك مملوءا بالشكوك و الهموم قبل ان تصبحي حتى زوجته
و اما عنه اخبريه مباشرة دون لف ودوران انك لا تحبين العيش بهذه الطريقة و ان الزواج يبنى على الثقة المتبادلة وليس على الوساوس

[THE MEN]

إلى كل من يظنون أن هذه غيرة أقول لهم : ليست هاته غيرة بل هو مرض .
الغيرة هي رد فعل شهم ضد كل ما يمس العرض و الأدب العام من تصرفات و يكون رد الفعل هذا فوريا على حالة معينة .
و ليست الغيرة هي حراسة نية انسانة بعيدة عنك و لم ترتبط بها بعد ، و كأنه تشكيك من دون وجه حق ..عادة المتهم بريئ إلى أن تثبت إدانته و في حالتك أنت مدانة و متهمة إلا أن يثبت الإتهام لأن هذا سيستمر و لن يتوقف .
الغيرة في الإسلام محمودة لأنها رد فعل طبيعي من البشر الطبيعيين ضد كل تصرف يمس مملكة العفة و لو من بعيد و ليس مضايقة الآخرين فقط لمحاولة ارضاء وسواس ينبع من الإنسان الذي يشك فيما يعلم أنه يفعله للاسف الشديد .
استخيري الله و أعيدي حساباتك آنستي ..

[رحمة من المولى]

الله يفرج عليييييييييييييييييييييييييييييييييييييييييييييييي يييييييييييييييييييييييك

[مبروكة الصحراء]

راه زايد عن الحد بهذه التصرفات و لقاك تساعفيه لوكان من الأول قلتيلو مادام خطبتني و انا متربية و بنت فاميلية ماعندك علاه تشك فيا
و اسمحيلي هذا يا اما راه مجرب و لا سامع حكاية راه خايف تتعاود
بصح باه يحلفك على كل شيء هذه حاجة غير مقبولة

[السي محمد]

إذا عمّت خفّت الحمد لله مارانيش وحدي