مشكلتي مع الغاشي

[مشكلتي]

السلام عليكم مشكلتي ببساطة هادو العرب يا خاوتي كاين في الحومة نتاعنا انك يا تكون كيما نقولو ...ترفد موس ..دق واحد ..تشرب تتكيف الكيف ..تما تقدر تسطالي نورمال اما ادا كنت خاطيك هادو الحوايج يبدواو يتبلاو فيك ديما ...بسك علابالهم بلي متقدرش عليهم ..وانا يا خاوتي ...يا اما ندير راسي براسهم ونخرج نقطع 2 ولا 3 باش نهنيهم ونستالي وهكدا راني رايح نخسر قرايتي ولا نكمل نقراا ومنديرش عليهم ونبقى نتخبط من الداخل....والله كاين خطرات لقيت روحي خلاص ..علا خاتش احترام تاعك لازم تفرضوا بالتقطاع ..وفي نفس الوقت حاب الواحد يقرااا ترنكيل كيفاش درك

[~~نهال~~]

اخويا
دوائهم التجاهل
تلقاهم بدل طريقك
يهدرو معاك جاوبهم على قد السؤال ماتفتح معاهم والو

نتا في طريق و هوما في طريق

[المحب للجزائر]

و الله لن يضروك في شئ ، و احرص أن تكون متجاهلا لهم
ذو خصال حميدة ، اتركهم للأيام ، و اعلم أنه يحز في نفوسهم
تفوقك و اجتهادك فاتركهم يموتوا بغيظهم ، و الله كان شخص
يؤذيني أكثر من 3سنوات و أنا استحمله في مكان شغلي
و لكن كنا أقهره بعدم الرد عليه اعتبره سفيها أو مجنونا ،
و كان بامكاني ايذائه ،أدنى شئ اشتكي به ، لكن تركته
و لم أعمل له حساب حتى يئس مني ، الله يوفقك

[حضنية28]

ابتعد عنهم وتجاهلهم اشغل نفسك با متهان حرف مقيدة فهكذا تشغل نفسك وتبتعد عن طريقه م وان صادفت وتلاقيت بهم تجاهلهم ولا تلق لهم بالا

[naamane3]

طبق هذه الحكمة
السكوت على الأحمق جوابه

[wissou2013]

khouya khlihoum wkal 3lihoum rabiiii matkhlich chitan yghreek wmchi tkhssr 9raytk brk tkhser hyatk akouuuuuul wtkhli waldiik fi 3dhaaab

[ToXiC_Dz]

كان عندي واحد وليد حومة صاريلو نفس لي راك تقول عليه و ربما اكثر بكثيييييييييييير
حومة كاملة تتبلى فيه و يتبلاولو باباه واختو
مي هو بالذات جايبينها موراه بزيادة من كبيرهم لصغيرهم
حتان خطرة دخل للسبيطار تالمون السيد توسوس
مي ممبعد دخل يطريني حديد
السيد خشان و عراض رجع كيما hulk هههه
ضرك راه يمشي و يعرض عليهم و المخير فيهم يهدر معاه
العربي يفهم غير بالقزول علابيها ما يحكمهم غير لي كيما السيسي و جماعتو
وما غلطش لي قال اضربو يعرف مضربو

[zaki4]

سؤال
هل ربك الله ام ربك الحمقى

[مجدة تسنيم]

يا اخي عليك الدعاءالتالي لاتتي جربته شخسيا بعدما ضقت ضرعا من تصرفات الحمقى و الحسوديين و اعلم انه كلما طعنت من خلفك فانت في المقدمة و كثرة حسادك دليل على نجاحك
المهم تمسك بالملك القهار الحبار و لا تنس ابدا الادعية و الاذكار اليومية و منها ادعية الدخول و الخروج من البيت
المهم اسال الله العلي القدير ان يثبتك و يشد غضدك
دعائي هو :
اللهم اكفنيهم بما شئت و كيفما شئت انك على ما تشاء قدير
اشال الله الغفور ان ينصرك و ينجحك في دراستك

[بلسم غرام2018]

اخويا
دوائهم التجاهل
تلقاهم بدل طريقك
يهدرو معاك جاوبهم على قد السؤال ماتفتح معاهم والو

نتا في طريق و هوما في طريق

[عبد الله 22]

السلام عليكم عمر الوقت نتاعك بالمشاركة في نوادي رياضية وبحث عن أصدقاء بعيد عن حيكم

[الملهمة]

باعد عليهم وماتسمعلهمش خلاص

[wafa16]

اخطيك من القعاد في الحومة
راك تقرا كيما راك تقول
و كي تحب تخرج ارض ربي واسعة
و المدينة كبيرة

[jemi king]

تجاهلهم افضل حل

[kmilya]

عباد تاعدكا ميفهموش بسياسة لازم توقفهم عند حدهم مي اعرف كيفاه تتصرف معاهم بلا ماتنضر

[محمد mca]

السلام عليكم

يااخي ابتعد عنهم لا تتكلم معهم الا كلام سطحي .هذي بالنسبة ليهم يسموها رجلة لكن هما (اسمحولي على هذي الكلمة) عرايا .

كاين بزاف ناس شفتهم كانوا حاسبين روحهم رجلة . لكن عاقبتم كانت مأساوية كاين لي راهم في السجن كاين لي طردوهم من الجامعة

والامثلة الكثيرة لكن ماتخافش كمل قرايتك احصل على الشهادات وتشوفهم كيفاه يتحسروا على الايام

[قَاسِمٌ.قَاسِم]

السلام عليكم
تحذير إلى الإخوة والأخوات الذين ينصحون بـــ:
التجــــــــــاهـــــــــــــل
والله التجاهل سيزيد من العداوة واشتعال نار الحقد والكراهية
وهذا عن تجربة شخصية..
عليك بإفشاء السلام، والبسمة في وجوه الآخرين، ومواجهة الإساءة بالإحسان، والصبر على الأذى والإلتزام بالصلوات والأذكار المختلفة
والله الموفق لما فيه الرشاد
أما نقطّع وندير ونعمل..
فهل تعتقد ان هؤلاء الناس بطاطا يبقون مكتوفي الأيدي وتجي انت وتقطع
راهم يقلعولك عينيك قبل ما تنوي تقطع
حل عينيك
سلام..

[yousra14]

بارك الله فيك على حسن سلوكك وأتمنى لك الثبات .
قال تعالىـــــ وإذا خاطبهم الجاهلون قالوا سلاما .ــــ
وقال ـــــادفع بالتي هي أحسنـ ـــ
عندما تخرج من البيت قل ـ باسم الله الذي لايضر مع اسمه شيئ في الارض ولا في السماء وهو السميع العليم ــ
ولن يصيبك مكره منهم ان شاء الله .
وعوض أن يسحبوك لصفهم حاول أنت أنت أن تسحبهم لصفك بمعاملتك الطيبة معهم ولك الأجر العظيم

[○•ميسون•○]

التجاهل[ صدقة جارية لفقراء الادب]

هاذا هو دواهم

[yako02]

السلام عليك اخي

و الله انا شفت فيك وليد عائلة عاقل و متربي و راك تقرا معناها راك تخرج صباح بكري قبل ماتشوف هادو الغاشي راك في قرايتك و حافظ عليها و حاول تنجح فيها و كي ترجع العشية لداركم ريح في الدار شوية و اخرج برا لكن حاول متبقاش في الحومة نتاعك دير اصدقاء من حومة اخرى يكونو ملاح انسى بلي انت من هدي الحومة اذا راك في المنزل راك مع عائلة نتاعك و اذا خرجت متبقاش دور في الحومة انا و الله عندي خاوتي جامي شفتهم حاكمين حيط في حومتنا دايرين صحاب بعاد ما يسمعوش قاع بهادو الغاشي نتاع المشاكل
روح للمسجد في وقت فراغك اذا معندكش اصحاب اقرأ القرأن في المسجد و الله الغاشي هادو دير عليهم يا تهبل يا تتدخل الحبس و ضيع حياتك
ربي يهدينا و يهديهم و ينورلك طريقك و ينجحك

اختك في الله تقبل نصيحتي

[أمة الله 12]

عليك بالحقرة, و ما تقعدش في الحومة خلاص