راني فرحان اليوم مين قبلو الملف الاعفاء

[Ghechame]

السلام عليكم
اليوم رحت للكازيرنة وعطاوني سورسي مكتوب فيه وصل ايداع ملف الاعفاء تاع عام وقالولي استنى شهر يعيطولك الدرك باه يديرو التحقيق معاهم وقالولي لكان ماجاوش وعيطولك وليلنا على 3 اشهر

وقالولي تقدر تشارك بيه في المسابقات والحمد لله

[ABD FATAH]

بالبراكة عليك خويا

[kamikaz-dz]

مبروك عليك خويا
حبيت نسقسيك نتا رحت للثكنة ودفعتو وطلقوك في نفس اليوم ؟؟؟ ولا دفعتو فالمحكمة العسكرية
وواش درت ملف كفالة ؟؟

مبروك عليك ولعقوبة لينا

[Ghechame]

الله يبارك فيكم........... احنا تابعين للناحية العسكريةالثانية لسعيدة وانا كون رحت لسعيدة ودفعت الملف في نهار يدرسو الملف ويعطوك التأجيل ولا يرفضو الملف تاعك ولكن انا دفتع في الكازيرنة تاع معسكر لي تابعة لسعيدة وقالولي وليلنا على شهر والحمد لله كي وليت اليوم عطاوني السورسي وباقي لونكات مع الدرك ونتهنى
.
.
.
.
.ملف الكفالة
01-طلب خطي

02- شهادة الحالة العائلية بها كل الإخوة

03-شهادة عمل+كشف الراتب الشهري انا دفعتلهم فقط شهر جوان والملف دفعته في جويلية

04-شهادة الكفالة العائلية من البلدية

05-شهادة بطالة للوالدين مع شهادة تقاعد الأب اذا كان متقاعد والأم

06-شهادة طبية للوالدين تثبت اعجز أو عدمه

07-شهادة عدم الخضوع للضريبة للوالدين و المعني

08-شهادة مدرسية + الدبلوم المتحصل عليه المعني

09-وضعية الإخوة الذكور ازاء الخدمة الوطنية

10-الدفتر العائلي الأصلي و 2 صور شمسية

11- في حالة وفاة الأب ارفاق شهادة وفاته مع شهادة عدم اعادة الزواج للأم

12-في حالة الطلاق الوالدين ارفاق شهادة طلاق الوالدة مع شهادة عدم اعادة الزواج لهما

13-شهادة مدرسية للإخوة المتمدرسين و نسخة من بطاقة التأجيل الدراسي للإخوة المستفيدين من بطاقة التأجيل الدراسي

14-شهادة عائلية للإخوة المتزوجين الذكور + بطاقة اقامتهم

[kamikaz-dz]

بارك الله فيك خويا
يسمى يا خويا نتا مع وصلك الاستدعاء طلعت بيه للكازيرنة ؟
وعلاه ماديتش الملف للمحكمة العسكرية افضل ؟
لانو انا راني نستنى نولي عاصي وندي ملف الكفالة للمحكمة العسكرية

[Ghechame]

لا لا يا أخي انا ماوصلنيش الاستدعاء الاول ..........كي عطاوني دبلوم تاعي خرجت كواعطي في اسبوع ودفعت الملف في جويلية قبل مايبداو يخدمو في الاستدعائات

[kamikaz-dz]

يعطيك الصحة

[kamikaz-dz]

يسمى ممكن تكون منسي لانو لوكن كي رحت تدفع الديبلوم يقولولك عندك استدعاءات من قبل ولازم تجيبهم ...

[imed eddine 25]

[QUOTE=Ghechame;1054024619]لا لا يا أخي انا ماوصلنيش الاستدعاء الاول ..........كي عطاوني دبلوم تاعي خرجت كواعطي في اسبوع ودفعت الملف في جويلية قبل مايبداو يخدمو في الاستدعائات[/Q
مبروك عليك اخي
انا تقريبا في نفس الحالة تاعك اعطاوني دبلوم في شهر رمضان
مي حبيت نسقسيك كيفاه جبت -شهادة عمل+كشف الراتب الشهري تاع شهر جوان ؟؟
ولا كنت تخدم قبل ما يعطوك الدبلوم ؟؟
لاني أنا متخرج جديد و مازال مابديتش العمل
و بارك الله فيك

[kamikaz-dz]

[QUOTE=Ghechame;1054024619]لا لا يا أخي انا ماوصلنيش الاستدعاء الاول ..........كي عطاوني دبلوم تاعي خرجت كواعطي في اسبوع ودفعت الملف في جويلية قبل مايبداو يخدمو في الاستدعائات[/Q
مبروك عليك اخي
انا تقريبا في نفس الحالة تاعك اعطاوني دبلوم في شهر رمضان
مي حبيت نسقسيك كيفاه جبت -شهادة عمل+كشف الراتب الشهري تاع شهر جوان ؟؟
ولا كنت تخدم قبل ما يعطوك الدبلوم ؟؟
لاني أنا متخرج جديد و مازال مابديتش العمل
و بارك الله فيك

خويا اذا عندك s k y pنحكيو باسك انا لعام لجاي نكمل قرايتي ونولي كيفكم :)

***** تاعي samirsamir60662

[ahmedsig]

السلام عليكم
اليوم رحت للكازيرنة وعطاوني سورسي مكتوب فيه وصل ايداع ملف الاعفاء تاع عام وقالولي استنى شهر يعيطولك الدرك باه يديرو التحقيق معاهم وقالولي لكان ماجاوش وعيطولك وليلنا على 3 اشهر

وقالولي تقدر تشارك بيه في المسابقات والحمد لله

قولنا أخي نتا عامل الفحص الطبي و لا لا أنا تاني تابع ل سعيدة و معسكر و مقبلوهش و قولنا واش قلتلهم و بصحتك خويا و العقوبا لينا ان شاء الله

[ahmedsig]

قولنا أخي نتا عامل الفحص الطبي و لا لا أنا تاني تابع ل سعيدة و معسكر و مقبلوهش و قولنا واش قلتلهم و بصحتك خويا و العقوبا لينا ان شاء الله

في انتضار الاجابة أخي ما تنسناش

[julien2013]

mabrouuuuuuuuuuuuuuuuuuk

[Ghechame]

[QUOTE=Ghechame;1054024619]لا لا يا أخي انا ماوصلنيش الاستدعاء الاول ..........كي عطاوني دبلوم تاعي خرجت كواعطي في اسبوع ودفعت الملف في جويلية قبل مايبداو يخدمو في الاستدعائات[/Q
مبروك عليك اخي
انا تقريبا في نفس الحالة تاعك اعطاوني دبلوم في شهر رمضان
مي حبيت نسقسيك كيفاه جبت -شهادة عمل+كشف الراتب الشهري تاع شهر جوان ؟؟
ولا كنت تخدم قبل ما يعطوك الدبلوم ؟؟
لاني أنا متخرج جديد و مازال مابديتش العمل
و بارك الله فيك

انا كنت نخدم في عقود ماقبل التشغيل من قبل يعني كل شي كان واجد اخر حاجة هي الدبلوم كي عطاوهلي دفعته دون انتظار باه نربح الوقت

[Ghechame]

يسمى ممكن تكون منسي لانو لوكن كي رحت تدفع الديبلوم يقولولك عندك استدعاءات من قبل ولازم تجيبهم ...

انا كنت في وضعية قانونية وماوصلونيش الاستدعائات الحمد لله انا السورسي يموتلي في 31 اكتوبر 2013 لكن عجلتلهم بالملف باه من بعد مايقولوليش عندك لوردبال وروح للكازيرنة

[Ghechame]

kamikaz hahowa ***** ta3i : hebali.abdelhak

[Ghechame]

قولنا أخي نتا عامل الفحص الطبي و لا لا أنا تاني تابع ل سعيدة و معسكر و مقبلوهش و قولنا واش قلتلهم و بصحتك خويا و العقوبا لينا ان شاء الله

انا درت الفحص الطبي صحابي رسلولهم باه يديرو الفحص وانا مارسلوليش
لقيتهم رايحين رحت معاهم ودرت الفحص والحمد لله
اول حاجة يسقسوك عليها قبل ماتعطيهم الملف هو الفحص الطبي وتاني يسقسوك على الاستدعاء لكان عندك ولا لا

[Ghechame]

mabrouuuuuuuuuuuuuuuuuuk

ellah ybarak fik khouya w la39ouba l chabiba

[hichemhad]

مبروك عليك اخي و الله فرحتلك

لعقوبة لباقي اعضاء هذا المنتدى

[Ghechame]

مبروك عليك اخي و الله فرحتلك

لعقوبة لباقي اعضاء هذا المنتدى


ellah ybarak fik akhi

[zaki4]

وكيف اتيت بالوثيقة6 التي تثبت عجز الوالدين و شهادة العمل

[Ghechame]

وكيف اتيت بالوثيقة6 التي تثبت عجز الوالدين و شهادة العمل



الوالدة لا تعمل والوالد متقاعد

[المرسم]

مبروك عليك اخي ماذا دفعت في الثكنة مانوع الملف شحال قعدت في الثكنة هل انت الكبير في الدار عندك خوتك جايبين الاعفاء +هل عندما روحت لسعيدة طلبو منك ملف كفالة من جديد هل دفعت الدبلوم تاع الجامعة في الملف في سعيدة ممكن تحكيلنا اخي

[Ghechame]

مبروك عليك اخي ماذا دفعت في الثكنة مانوع الملف شحال قعدت في الثكنة هل انت الكبير في الدار عندك خوتك جايبين الاعفاء +هل عندما روحت لسعيدة طلبو منك ملف كفالة من جديد هل دفعت الدبلوم تاع الجامعة في الملف في سعيدة ممكن تحكيلنا اخي

السلام عليكم
اولا الله يبارك فيك ولعقوبة ليك ان شاء الله بالنسبة للملف انا دفعته في الولاية لراني تابع ليها في الكازيرنة وهي تكلفت بالامور الاخرى هوما لي طلعو الملف تاعي لسعيدة
انا دفعتلهم ملف الكفالة العائلية
في الاول لما دفعت الملف عطاوني استدعاء وهي المدة لي يدرسو فيخا الملف ومن بعد كي وليت عندهم عطاوني سورسي تاع عام وقالولي استنة التحقيق مع الدرك على شهر يجو للدار يعيطولك
وانا الوحيد في الدار ولخرين بنات هدي هي الحاجة لساعدتني بزاف في الملف
انا مارحتش لسعيدة كبما قلتلك قبل الملف دفعته في الكازيرنة تاع ولايتي وهوما طلعوه لسعيدة ومن بعد ردوه للكازيرنة تاع معسكر
الدبلوم راك مجبر باه تدفعه باه تبينلهم بلي كملت قرايتك وانا كل الشروط كانت متوفرة يعني انا كنت خدام في عقود ما قبل التشغيل دخلت نخدم يشهادة ليسانس وكملت الماستر تاعي غي وقت الغفلة قبل مايتحلبولي ويحبسوني من الخدمة وبالنسبة لكشف الراتب انا دفعتلهم فق كشف الراتب لشهر واحد فقط

[zaki4]

الوالدة لا تعمل والوالد متقاعد

بارك الله فيك على الرد اخي لي سؤال
وهل شهادة العجز معناها عدم العمل وليس عجزهما طبيا.

[Ghechame]

بارك الله فيك على الرد اخي لي سؤال
وهل شهادة العجز معناها عدم العمل وليس عجزهما طبيا.

لازملك تخدملهم شهادتين طبيتين عند طبيب مختص ....... انا رحت عند طبيب صاحب خويا وهو خدمهالي وماعلباليش واش كتب فيها وشهادة عدم العمل تاع الوالدة وحتى لكان بوك متقاعد تقدر تخرجله شهادة عدم العمل لانه متقاعد ولا يعمل

[zaki4]

وبخصوص شهادة العمل من اين اتيت بها

[Ghechame]

وبخصوص شهادة العمل من اين اتيت بها

شهادة العمل انا كنت خدام في عقود ماقبل التشغيل من قبل بشهادة الليسانس وكي جبت الماستر دفعتلهم الدوسي

[saladin2]

الف مبروك اخي
انا تم قبول ملفي في باب الواد في ماي واجريت التحقيق في جويلية
وانا انتظر للعلم قبل ملفي بعد تعب كبير من جانفي وانا نجري لانه خرج لي استدعاء
ربي يفرج علينا الكل بكرت جون

[Ghechame]

الف مبروك اخي
انا تم قبول ملفي في باب الواد في ماي واجريت التحقيق في جويلية
وانا انتظر للعلم قبل ملفي بعد تعب كبير من جانفي وانا نجري لانه خرج لي استدعاء
ربي يفرج علينا الكل بكرت جون

الله يسهلك في امورك