رايحا نهبل رايو عليا

[om lina]

السلام عليكم خواتتي رايحا نهبل من عقلي .انا نسكن هنا في الغربة وماعند يش فاميلتي بزاف هنا وراني نفساء والمشكل انو زوجيايقولي مانقيل حتى واحد ايجي عندي من فاميلتك تخيلو في هذي الايام كانت جايا عندي بنت عمتي قالي ماتجيش ومنستقيل حتى واحدفي داري وراني قريب نهبط للبلاد ديفينيتيف وقالي حتى واحد مايجي ماغير باباك وامك بارغم انو ماصرا والو بينو وبين فاميلتي ومايعرفهمش اصلا واناه هنا فالغربة مايخلينيش نخرج وحدي قلت ماعليش قالي الصحابات والجيران لا لا قلت ماعليش يعتي تنازلت على حوايج بزاف ودارنا قالولي هذا كي داك كنت بفاميلتك قالولي انتي ماراكيش معاقبة .انا في حياتي ماشفت وحدة نافسا ماجيش فاملتها تيبارك لها وزاد قالي انا عقليتي هكدا عجيك الحال صحا ماعجبكش داركم كاينة ودارنا قالولي ماتخليش روحك تنذلي رايحة نهبل ماعرفتش واش ندير وزيد رايحة للبلاد اكيد ايجوني ضياف وانا مانقدرش نقولهم ماجوش قولولي واش ندير

[محمد جديدي التبسي]

وعليكم السلام ..


سبحان الله غريب زوجك ربي يهديه
ما يطلبه غير واقعي وغير منطقي أبدا
الدين والعقل والعادات والتقاليد تفرض علينا استقبال الضيف بل وإكرامه غاية الاكرام
لذلك إذا جاءك أهلك ومحارمك فاستقبليهم عادي وقوليلو هو يطردهم إذا قدر !! ربي يهديه

[khawlita.dz]

السلام عليكم خواتتي رايحا نهبل من عقلي .انا نسكن هنا في الغربة وماعند يش فاميلتي بزاف هنا وراني نفساء والمشكل انو زوجيايقولي مانقيل حتى واحد ايجي عندي من فاميلتك تخيلو في هذي الايام كانت جايا عندي بنت عمتي قالي ماتجيش ومنستقيل حتى واحدفي داري وراني قريب نهبط للبلاد ديفينيتيف وقالي حتى واحد مايجي ماغير باباك وامك بارغم انو ماصرا والو بينو وبين فاميلتي ومايعرفهمش اصلا واناه هنا فالغربة مايخلينيش نخرج وحدي قلت ماعليش قالي الصحابات والجيران لا لا قلت ماعليش يعتي تنازلت على حوايج بزاف ودارنا قالولي هذا كي داك كنت بفاميلتك قالولي انتي ماراكيش معاقبة .انا في حياتي ماشفت وحدة نافسا ماجيش فاملتها تيبارك لها وزاد قالي انا عقليتي هكدا عجيك الحال صحا ماعجبكش داركم كاينة ودارنا قالولي ماتخليش روحك تنذلي رايحة نهبل ماعرفتش واش ندير وزيد رايحة للبلاد اكيد ايجوني ضياف وانا مانقدرش نقولهم ماجوش قولولي واش ندير


يا اختى لا افهم لما توصلن بانفسكم لهاته المواصيل
تنازلت و تنازلت نعم يتنازل الانسان ليصمد فى وجه العواصف لكن مالم يكن هناك تنازل مقابل من الطرف الاخر او على الاقل تقدير لهدا التنازل فلا معنى له و يصبح استعباد بدل تضحية
تنزلت عن حقك فى زيارة اهلك :confused:و حق اهلك فى زيارتك:confused:
يا اختى طاعة الزوج واجبة فيما يرضى الله و فى حدود اما ان يضعك بسجن و يحيطه بقيود فانت لست جارية لديه لتقبلى بهدا كله
ولا افهم ما اللدى يدفعك للسكوت و التنازل عن ابسط حقوقك
هناك من الرجال من يعتقد انه اتى بعبدة مهمتها خدمته و طاعته طاعة عمياء تتخلى فيها عن ابسط حقوقها ثم ان طالبت قال لها بيت اهلك مفتوح
بصراحة لو كنت مكانك لوضعت الحروف على النقاط
لما لا تكلمين اهلك ليضعوا له حدود والا فبيت اهلك موجود
صحيح لا توجد من تتمنى الطلاق لكن ليس الى درجة العيش بمهانة
نصيحتى اليك بداية طالبى بحقك و اوضحى له بانه حقك
فان لم يستجب كلمى اهلك و اهله و لينظروا فى امره
افهميه ان هدا لا يقبله لا دين ولا عرف ولا حتى فطرة الانسان
المراة كالرجل تحتاج الى والديها الى اهلها والى صديقاتها
الله يعينك و يسرلك امرك

[سامو حنان]

اختي اصبري و احتسبي لله ،، و ادخلي للنت تسمعي فيديوهات عن الزواج و العلاقة الزوجية و خلي زوجك يسمع عن صلة الرحم ،، انتي ماتتقلقيش راكي نفساء و حتى مع والديك ماتحكيش على الموضوع كي لا تزيدي الطين بلة و أكثري من الدعاء و بإذن الله يتغير حاله إلى الأحسن ،،، المهم ماتتقلقيش في هذه الفترة،،، اسأل الله ان يوفقك و يسدد خطاكي

[حكاية منسية]

om lina
avant tt change votre emplacement
car t écri
frenc donc c fau
c
LA FRANCE

[wissou2013]

rabiiii yahdiiiiiih inchlalah

[samira135]

الصراحة وكان جيت في بلاصتك ما نقبلش بنت عمتي تجي تقعد عندي أيامات الصراحة الثقة إنعدمت هذي الايام و ممكن زوجك يخمم هاك و زيد ديننا لا يسمح بهذا الشيء

[om lina]

يصح بنت عمتي ماشي جايا تقعد عندي جايا ساعة مع الحشية تشرب قهوة وتبارك وتروح

[samira135]

يصح بنت عمتي ماشي جايا تقعد عندي جايا ساعة مع الحشية تشرب قهوة وتبارك وتروح

ربي يهديه ......إنتي حاولي تعرفي علاش راه يدير هاك ممكن عندو سبب ولا مر بتجربة و ممكن بنت عمتك قامت بتصرف مش مليح وممكن مادي نظرة مش مليحة على أهلك الناس الله يهديهم ويهدينا عادو غير ينقلو في الهدرة و يفتنو

[الملهمة]

اهم حاجة راكي نافس ما تحمقيش روحك ةافرحي بمولودك ةماتزيديش تهدري على هذا المةضةع معاه وضيافك روحي عقبيهم في دار باباك من بعد كي ترتاحي ادي حقك منو لانو مااعطاكش حقك

[عمر القبي.]

واعجبا من ناصح يزيد الطين بلة، عاملي زوجك بلطف و احسان و لا تدخلي معه في شجار، أعجب ممن ينصح بدخول المعترك، الأ يتقي الله من ينصح بذلك في حالة اذا حدث ما لا يحمد عقباه؟

ادفعي بالتي هي احسن و جادليه بالتي هي أحسن و ربي يوفق.

[ساندي 28]

يا اختى ماينغعك غيرزوجك وبيتك مهما كانت تصرفاتو رايح يتغير مع الوقت ومع الاولاد متقلقيش روحك كي تروحي لاهلك استقبلي فاميلتك تما وانتهى المشكل متكبريش الحكايه وخممى في ابنك يعيش بجنب والديه احسن من الناس وقعدتهم والقيل والقال انا زوجي يغير بزاف عليا وميحبش يخلينى نزور فاميلتى وتقبلتها عادي لاننى مع مرور الوقت تاكدت بلي عائلتي اهم شيء عندي في الوجود ونضحي علاجالهم باي شيء في الدنيا مهما كان وربي يفرج عليك اختى ويسخرلك زوجك يارب

[أمة الله 12]

ربي يهدي ما خلق, لم استطع أن أختلق اي عذر لزوجك

[راية الاسلام1]

السلااام عليكم ورحمة الله وبركااااته

أختي انا ضد زوجك عندما قال لك لا اريدأحدا في بيتي ... فمثلما هو يحب والديه واخوته انت ايضا

عيادة المريض وصلة الرحم أوصانا بها الرسول صلى الله عليه وسلم

لـــــــــــــــــــــكــــــــــــ ن ... أنا ضد أنك تجيبي بنت عمك وتخليها تختلي بزوجك .... رح تولي في مشاكل كبيرة ماتكونيش نية

جيبي أمك أحسن ....

فرج الله همك أختي

[مينوشتي]

ربي يهدي زوجك

[mamou love]

يا أختي اصبري فالصابر ينال
المهم أنو سمحلك تشوفي يماك أو باباك يعني العائلة الصغيرة.
كان أخي هكذا لكن مع مرور الوقت والله تغير بشكل تام.
المهم اصبري
فالصبر مفتاخ الفرج
و ادعيلو في صلاتك ربي يهدينا أو يهديه

[salam algeria]

السلام عليكم اختي
انا في رايي تحاولي تهدري معاه بالعقل و اذا ما قبلش ماكان لاه تديري مشاكل اصلا انت راكي وحدك في الغربة و تزيدي تخسريه هو
و الحاجة الثانية ماكان لاه تقولي كلشي لداركم خبي عليه شوية بلاك يتصلح هو و ما يبقى غير العيب
اختي انا نحالي عباد بزاف من ال***** تاعي في الاول جاتني كبيرة من بعد لقيت بلي كامل الناس نقدر نستغني عليهم غير والديا و اولادي و هو

[bouchra hakerz]

ادعي ربي و احسني الضن بالله و انوي

[مواطنة]

السلام عليكم اختي مبروك عليك المزيود الجديد تربوه بالصحة و الهناء
الغربة صعيبة بزاف احساس مقرف للغاية خصوصا اذا كان الزوج متسلط دكتاتوري يظن الزوجة جاريته ويعطي الحق لنفسه في التصرف كما يحلو له دون ان يتقي الله في فتاة تركت كل شيء و اعز الاحباء لتعينه في غربته و في الاخير لي حلله الله تعالى يحرمو هو
معليش اختي اصبري و احتسبي اجرك اقسم انك لست الوحيدة وليس الصبر لان المراة لا تستطيع العيش دون رجل و انما الصبر لاسباب لا يستطيع غيرك ادراكها
بما انه في الغربة يعني مافيش عائلتك او ناس لي يعرفوه يحشم منهم يدير و يقول كيما يحب لكن كي ترجعي للبلاد يتبهدل وحدو اكيد ما يحبش الناس تهدر عليه امالا يستقبلهم رغما عن انفه كي يجو يزوروك يجو مع امك سقسيه الفلانية جاية مع ماما واش نرد نقولها جي ولا كيفاش انا حشمت ماشي تحصلي فيه وتتهميه فهميه بلي ما تقدريش طيحي بقيمتو قدام اهلك و بلعقل يوالف الناس يا اختي صحاب الغربة واعرين و قلابين و يحبو وحدهم الا من رحم ربي .لا تستسلمي ابدا لحق مشروع
اذا الجيران الدصارة تاع الدار كل دقيقة دير مشاكل و العائلة كيف كيف لازم بالنظام .زوجك ممكن يخاف عليك تتبدلي عليه اذا خالطتي ناس يحرشو او يفتحولك عينيك
وتاني ممكن باش ما تحكيش على طريقة معيشتك تحت سلطتو ولا راني غالطة؟نستنا الجواب اختي الغالية

[Ra_Alg]

فهميه بلي ربي امرنا باش نوصلو الرحم ماشي نقطعوه وادا محبش يفهم خليه وروحي وخلاص علابالي صعيبة بصح حتى الطلب تاعو صعيب ياسر ومفيهش حتى درة احترام ليك وديجا علاه مشرطوش عليك قبل الزواج باش متصراش مشاكل ودرك يقولك دار باباك مفتوحة .. ربي يعاونك اختي وربي يجيب لي فيه الخير .

[أسومة المتفائلة]

ربي يهدي زوجك

[Assouma 93]

عجيب امر زوجك كيف يمنع عائلتك من زيارتك يا اختي سايريه ياك راكي تقولي راني نافسة اذا اصبري و متضيعيش روحك مع مولودك بلاك هو مع الوقت يتغير و يهديه ربي

[elhassen 02]

أختي أصبري فصبر مفتاح الفرج
و ربي ايكون معاك

[z.abdo]

كل شيء له اسباب ويجب ان تعرفي السبب اختي

[RANIA 2001]

ربي يهديه اختي العزيزة انتي الي تقدري تعرفي شخصية زوجك من معاشرتك ليه وتقدري تحلي هاذ المشكل معاه بالحسنى وبالمناقشة الطيبة اما اذا ادخلتي اهلك في المسالة فصدقيني راكي راح تكبري الموضوع برك واذا كان لازم طرف ثالث فلازم يكون والديه وبالاخص امو صدقيني عن تجربة شخصية فانا تقريبا عندي 11سنة زواج لا ابي ولا امي يسمعو واش كاين في داري وكي نغضب نغضب عند امو تفريها وهاكذا ولا يحتارمني اكثر واكثر وماكانش الي ماعندهاش مشاكل في حياتها اكل فوتنا الي مايفوتش والي ماتحمل غش ماتبني عش كيما يقولو وربي يهدينا ويهديه يا رب

[سوسو الطموحة]

هذوا اللي في الغربة كي يجيهم واحد يحسوه جاي يطلب عندهم ولا يبروفيتي هذا واش يخمو يخافو على الدورو تاعهم حاشى لله مانجملش الناس كامل انا من عندي تقدري تزيدي تصبري راه عابر كي عدت وحدك كي تهبطو للبلاد فهميه نمشي عايلتي ونمشي عايلتك ماراناش مقطوعين من شجرة واذا ماحبش يفهم روحي لداركم وقولي لباباك او اخوك الكبير يتكلف بالمهمة لازم يتغير راه والف يعيش وحدو
او يمكن كي تهبطو لبلاد ويعود كل واحد يعرضكم ويكبر بيكم يعود يحشم ويسكت كي يجوكم

[بيزة الشاوية]

أختي أنا من رأي زوجك هو ما منع عليك داركم و كي تروحي للبلاد تروحي عند ماماك يجوك هذا عارف الدنيا و عارف بلي تكثار الخارج و الداخل يكثر المشاكل راجلك متهلي فيك ومدللك واش باغيا كثر من هكا خليه على راحتو واقيلا مع زمان يبدل رأيه ما عاتش تذكري هذا الموضوع لأنه كلما زاد إصرارك زاد عنادو و توصلو مواصل ما ينفعوكش ماليك وذرك عندك صغير لازم تنظري لمصلحته ربي يهنيك ويبعد عليك كل المشاكل و يحنن زوجك عليك أكثر

[salima14]

أختي ننصحك أصبري راكي جديدة حتى أنا صرالي كيفك ولا أكتر
هذو هوما الرجال يبغو فالأول يوريلك لعين لحمرة ههههه
بصح صدقيني درك راه هو يقولي أخرجي وروحي لفلانة وفلانة ومانبغيش

[nadia.chino]

الله يهديه وربي يكون معاك انشاء الله

[مناد بوفلجة]

السلام عليكم

إملئي وقتك بما يفيد ، بالمطالعة و غير ذلك

و ما عليك سوى الصبر

و أكيد ، ستتغير الأجواء مع مرور الزمن

[أم عابد]

لا حول ولا قوة الا بالله ، اختي زوجك ما منعكش من باباك و يماك و خاوتك المهم عائلتك الصغيرة و راكي متزوجة اذا قال زوجك متسقبليش فلان و علان لازم تطبقي واش يقول هذا في ديننا لازم تسمعي كلام زوجك، و للعلم انا تاني ساكنة في الغربة نخرج غير مع زوجي و مكاش الداخل و خارج هذي هي راهو يشريلك في راحت البال المخالطة و هدرا تجيب لدارك المشاكل و سكنا في الغربة صعيبة هكذا تتجنبي الفتن هو راهو ادرى واش راهو يصرى ربي يسترنا من النساء المتزوجات لي خالطو و لوكان من عائلتهم المغتربة، مبروك عليك المزيود ر بي يشدلك

[بين الحقيقة و السراب]

رغم استغرابي لتصرّف الزّوج و لكن ربّما أوافق أم عابد في رأيها لحدّ ما [ كعذر له ] ،
خاصّة مع وجودك خارج الوطن ،
و طبعا مسموح للوالدين و الإخوة و إلاّ !!!!

و الله أعلم ،

وفّقكما الله لكلّ خير ،

[King.josef]

هناك نشوز المراة ونشوز الرجل

وزوجك يا اختاه قد ضلمك ويجب عليك ان تعالجي نشوزه بهدوء وروسة ذذالله قد اكرمك بعقل فستعملي عقلك ودكائك لاقناعه

فان لم يقتنع فكلمي والدته واهله

فان لم يقتنع

فكلمي اهلك وهنا يتدخل اهلكي مع اهله

[سارة البوسعادية]

يا اختي عليك بالصبر ماتنسايش راكي في بداية زواجك وبلاك زوجك يختبر فيك من جهة او متخوف من فاميلتك
لانو كاين عباد ادا زاروك يكرهوكوماعندهمش اداب الزيارة
وزيد غير بلعقل راه مع الوقت يتبدل احسن ماتبداي تضغطي وتوصلي روحك تسمعي يقلك دار باباك

[loty]

السلام العليكم
بحكم أني في الغربة انا مع زوجك 70% لأنوا المخالطة هنا وعرة بزاف لكن بعد مرور 5 سنوات فتأكد انه سيتغير
زوجك يريد الحفاض على زواجه
والله هو المستعان

[hattal]

يا اختى ماينغعك غيرزوجك وبيتك مهما كانت تصرفاتو رايح يتغير مع الوقت ومع الاولاد متقلقيش روحك كي تروحي لاهلك استقبلي فاميلتك تما وانتهى المشكل متكبريش الحكايه وخممى في ابنك يعيش بجنب والديه احسن من الناس وقعدتهم والقيل والقال انا زوجي يغير بزاف عليا وميحبش يخلينى نزور فاميلتى وتقبلتها عادي لاننى مع مرور الوقت تاكدت بلي عائلتي اهم شيء عندي في الوجود ونضحي علاجالهم باي شيء في الدنيا مهما كان وربي يفرج عليك اختى ويسخرلك زوجك يارب

لا فض فوك اخية

[hattal]

لا حول ولا قوة الا بالله ، اختي زوجك ما منعكش من باباك و يماك و خاوتك المهم عائلتك الصغيرة و راكي متزوجة اذا قال زوجك متسقبليش فلان و علان لازم تطبقي واش يقول هذا في ديننا لازم تسمعي كلام زوجك، و للعلم انا تاني ساكنة في الغربة نخرج غير مع زوجي و مكاش الداخل و خارج هذي هي راهو يشريلك في راحت البال المخالطة و هدرا تجيب لدارك المشاكل و سكنا في الغربة صعيبة هكذا تتجنبي الفتن هو راهو ادرى واش راهو يصرى ربي يسترنا من النساء المتزوجات لي خالطو و لوكان من عائلتهم المغتربة، مبروك عليك المزيود ر بي يشدلك

بوركت اخية

[زبدة ذايبة]

يا اختى لا افهم لما توصلن بانفسكم لهاته المواصيل
تنازلت و تنازلت نعم يتنازل الانسان ليصمد فى وجه العواصف لكن مالم يكن هناك تنازل مقابل من الطرف الاخر او على الاقل تقدير لهدا التنازل فلا معنى له و يصبح استعباد بدل تضحية
تنزلت عن حقك فى زيارة اهلك :confused:و حق اهلك فى زيارتك:confused:
يا اختى طاعة الزوج واجبة فيما يرضى الله و فى حدود اما ان يضعك بسجن و يحيطه بقيود فانت لست جارية لديه لتقبلى بهدا كله
ولا افهم ما اللدى يدفعك للسكوت و التنازل عن ابسط حقوقك
هناك من الرجال من يعتقد انه اتى بعبدة مهمتها خدمته و طاعته طاعة عمياء تتخلى فيها عن ابسط حقوقها ثم ان طالبت قال لها بيت اهلك مفتوح
بصراحة لو كنت مكانك لوضعت الحروف على النقاط
لما لا تكلمين اهلك ليضعوا له حدود والا فبيت اهلك موجود
صحيح لا توجد من تتمنى الطلاق لكن ليس الى درجة العيش بمهانة
نصيحتى اليك بداية طالبى بحقك و اوضحى له بانه حقك
فان لم يستجب كلمى اهلك و اهله و لينظروا فى امره
افهميه ان هدا لا يقبله لا دين ولا عرف ولا حتى فطرة الانسان
المراة كالرجل تحتاج الى والديها الى اهلها والى صديقاتها
الله يعينك و يسرلك امرك

أحسنت بارك الله فيك

[عذراء الجبل18]

Rabi yahdiiiiiiiiiiiiiiiiiiiiih