هل يمكن ان تغير المرأة الرجل ؟؟؟

[صرخة ألم]

السلام عليكم و رحمة الله و بركاته ...
لطالما آمنت انو ماكانش شخص سيئ بطبعو كان عندي ايمان انو اي شخص الظروف هي اللي تخليه اما ايجابي او سلبي ... و حتى الشخص اللي تصرفاته غير سوية قادر اذا لقى ظروف معينة يتحسن و يتغير

هادي كانت قناعاتي ..........

بعد تجربتي الخاصة لقيت روحي مع شخص مضطرب و مزاجي بكل معنى الكلمة حاولت نغير
شخص يحبك و متمسك بيك بين ليلة و نهار يقلك اللي بينا انتهى و خسارة ضيعت عمري عليك ... انسحبت من حياتو ...
عمل المستحيل و رجع

* حاول قتل نفسو و سمعت صوت الرصاصة و قطع كل اتصال و تواصل بيه عمدا عشت الرعب و من بعد طلع ماكان والو

شخص يطلب لقاك و رؤيتك و في حالة الرفض لانو العلاقة مازال ماهيش رسمي يعتبرها عدم اهتمام و يقيم الدنيا و يصبح يتوعد و يهدد و و و

اعتقدت اني سبب عذابو و صبرت و بمعلومة اخرى عرفت انو سبب حساسيتو امرأة اخرى خدعاتو و كانو خلص حقو فيا رغم انو مصر انو لا

هل كان من الممكن تغيير تصرفاته ؟؟؟؟

بعد فوات الاوان اكتشفت انو الشخص كان مجروح بداية من اهلو و والدو بالتحديد بتهمة تهموه بيها وصلت بيه يشرب و يتعاطى المخذرات و يروح للامن و يرحل ثم امراة اخرى تركته و تزوجت

و بعد ما رجعلي حسيتو غير طبيعي لكن فهمتها متأخرة

هل كان من الممكن تغييرو ؟؟؟
هل كان بامكاني انقاذو ؟؟؟
هل اخطأت لاني عملتلو حدود و رفضت نكون معاه الا بشكل رسمي ؟؟ و هو اعتبرها تخلي عليه
هو دخل مستنقع رغما عنه ... و كم يحطمني الشعور اني جزء من عذابو و ان كان غصبا عني

ما تقولوش كلام يجبر خاطري ... قولولي كلام واقعي

كيف كان من الممكن تغييره

[soso sirin]

يا حنونة تبانلي انتي راكي باغية تعذبي روحك بسيف .هذا الشخص ممكن راه عندو اضطراب نفسي للمشاكل الي عاشها في حياتو مي انتي ماراكيش طبيبة نفسية باش داويه. هذا الشخص لازم يعاون روحو باه يقدرو الناس يعاونوه عندو مشاكل مع دارهم الحمد الله ها الشي انتي خاطيك بغا وحدا و راحت وخلاتو انتي مكان مادخلك اذا هو فقد الثقة في النسا انتي علاه عليك تربطي حياتك مع انسان مشكاك و مضطرب نفسيا.تخيلي غدوة تتزوجي بيه و راكي عايشة معاه قادر يقتلك غير بالخلعة برك انتي مابينك و مابينو والو دار بلي قتل روحو غدوة معنتها اذا تزوجتيه قادر يدير اي حاجة.انتي ماكيش طبيبة نفسية و لا مصلحة اجتماعية انتي انسانة باغية تتزوجي و ديري دار .نقلك حاجة كاين ناس ممكن ينصلحو اذا لقاو ناس واقفين معاهم و بغاو هوما يبدلو رواحهم مي كاين ناس و الله واش ديريلهم يقعدو كيما راهم و مايتبدلوش .انتي ماتقدري ديريلو والو ماراه راجلك ماراه خطيبك راه انسان بعيد عليك .راكي باغية تعاونيه في رايك كيفاش رايحة تعاونيه.اجبدي روحك من هذا السوجي مع انو راني حاسة بيك بغيتيه على هكا راكي تتخممي فيه مي والله انتي ماتقدري تعاونيه اذا ماعاونش روحو و ماتحمليش روحك فوق طاقتها .شي اشخاص تندمي الي قتيلهم من اصلو صباح الخير و دخلتيهم لحياتك لانو تحسي بلي دخلو باش يفسدوها برك لاهوما باغيين يبعدو و لا هوما راحو و هناوك.لهي روحك في كاش حاجة و انتي ماعندك ماديريلو ربي ينسيك فيه باش تتهناي ان شاء الله

[راية الاسلام1]

السلاااام عليكم ورحمة الله وبركااااااااته

هل كان من الممكن تغييرو ؟؟؟

ممكن لكن بعد شوط كبيــــــــر من الزمن ... بعد أن تضيعي نصف عمرك

هل كان بامكاني انقاذو ؟؟؟

ربما لكن بدون تدخل الأطباء النفسانيين لا أظن دلك فوضعه صعب لدرجة أن أقرب الناس إليه خانوه لا تنتظري منه أن يصدقك بعد ليلة وضحاها

هل اخطأت لاني عملتلو حدود و رفضت نكون معاه الا بشكل رسمي ؟؟ لا أختي ليس واجبا على أي شخص أن يعيش معاناة شخص آخر إلى باختياره هو

بالنسبة للرجل الدي تحدثتي عنه حالته جد صعبة .... وبما أنك قلت كان يشرب ويتعاطى المخدرات معناه أنه كان بعيدا كل البعد عن الله

يختفي ويظهر كما يريد وفي أي وقت يريد لا أظنه جاهزا لتكوين أسرة

كان عليه أن يلجأ إلى الله ... صدقيني أختي كما كان من المفروض على أهله أن يعرضوه على طبيب نفسي

جيد أن الله أبعدك عنه ولم ير فيه خيرا أبدا ... لا تلقي باللوم على نفسك

وفقك الله ورزقك الزوج الصااالح

[ToXiC_Dz]

و الله اختي راكي ف وضع صعب و حالة لا تحسدين عليها
لا يوجد مستحيل يمكن تغييره بالصح قد يكون الامر صعب وياخذ كثير من الوقت وللاسف لا يوجد حل سحري
اذا خممتي غير على روحك و حياتك الشخصية فمن الممكن تجبدي روحك نهائيا وواحد ما يلومك
مي ممكن حبك ليه اذا كان كبير يخليك تتحملي المسؤولية وقد يكلفك الامر ربما بعض من انكار الذات عطفا على هاذ الانسان
لي ممكن يزيد يغرق ف عالم الضياع و قادر يتحول الى مجرم
يعني هنا انتي و درجة حبك ليه و وفاءك ليه
مادام هو غارق ف مستنقع المخدرات و الشرب وامور اخرى فلازم عليك ديري مجهودك باش تجبديه من هاذ الصوالح
وديري مجهود مضاعف و اكبر باش ترديه لطريق ربي
اتكلي على الله و ديري مجهودك و حاولي معاه وادعيلو ف صلاتك ادعيلو بزاف باش ربي يهيده و يصلحو و ان شاء الله ربي ما يخيبكش
و ماتنسايش بلي ربي ارحم بيه من نفسو و منك
اذا نجحتي اختي فانتي انسانة عظيمة لانك انتشلتي انسان من الهلاك
علابالي كلامي انشائي و راني ف وضع المتفرج مي ما حبيتش نشوف للامر غير بمنظور دنيوي
حبيت نشجعك لان هذا ابتلاء من الله و الابتلاء مقياس لدرجة الايمان

[naamane3]

من يريد ان يتغير يجب عليه ان يلجأ الى الله
بالالتزام والدعاء والاستغفار وسيصبح انسان آخر باذن الله
اما اذا اردت انت ان تغييريه فيجب عليك ان تواضبي على اذكار الصباح والمساء
ثم الدعاء ثم الاستغفار ثم الصدقة وسترين ما لن تتوقعينه
والله المستعان

[* الحلم سكر *]

يا اختي انو يتغير احتمال و ايضا. احتمال لا.
و انتي ما كنتيش راح تتكهني هل هو بوضع طبيعي ام لا ؟!
حبيبتي خمي على روحك شوية و ربي معاك

[صرخة ألم]

شكرا لردودكم ... اقسم اني حاليا لا اشعر الا اني أعصابي ستتحطم و لو اصابني انهيار ارحم من العذاب المتقطع
ارجوكم ادعو لي

[سيدة القصر الهام]

مش ممكن تغيري عبد
ممكن تأثري فيه بعقليتك و تعاملك معاه بانك تعامليه كانسان تحترمي كل شي في و نقاطه تتقبليها مش تبدليها
بلعقل تحاولي تكسبيه و مبعد شوي شوي هو وحدو يتبدل
خليه هو يجي منو التغيير مش انت تحبي تفرضي منطقك
جربتها و مشات معايا مع عباد بزاف
مش بالضرورة حبيب و الحمد لله كان تأثيري ايجابي و لحد الان ممتنين ليا و تغيير كي يكون منهم يكون دائم
: )


نصيحة : ردي بالك تتكلحي و تكوني ساذجة كاين ناس يستاهلو و كاين ناس لازم نمضي لانهم هم اصلا مش عارفين وش حابين

[mariana1]

في بعض الأحيان يصعب التعامل مع هؤلاء الاشخاص خاصة اللذين أمضوا وقتا طويلا في الادمان فأصبحوا مزاجيين يستحيل تصور عملهم القادم .أقول هذا عن ظروف مشابهة لظروفك لكن حالي أنا أن الزواج كان أسرع ولم أستفد شيئا من هذا الزواج إلا أمراضا وقف الطب عاجزا عن علاجها.صحيح أن سنوات جهادي أثمرت أنه أصبح يصلي لكن في البيت يفعل مايريد من أشياء تتنافى والدين حتى في رمضان.أما عن حبك له فهو إشفاق أكثر منه حبا.لذا أخطيك .

[راية الاسلام1]

شكرا لردودكم ... اقسم اني حاليا لا اشعر الا اني أعصابي ستتحطم و لو اصابني انهيار ارحم من العذاب المتقطع
ارجوكم ادعو لي



أختي اسمعي لقوله تعالى: إنك لا تهدي من أحببت ولكن الله يهدي من يشاء وهو أعلم بالمهتدين

أختي هدا الدي تتحدثين عنه مريض نفسي يجب أن يخضع للعلاج وفي أقرب وقت .... لازم اختصاصية

ادا دخلتي روحك راح تزيدي الطين بلة .... دعك من وهم الحب

وان كنت تريدين مساعدته وهو ليس زوجك فهدا حراااااااام ....

سوف يبدلك الله خيرا منه ...

عليك بالدعاااااء

[صرخة ألم]

في بعض الأحيان يصعب التعامل مع هؤلاء الاشخاص خاصة اللذين أمضوا وقتا طويلا في الادمان فأصبحوا مزاجيين يستحيل تصور عملهم القادم .أقول هذا عن ظروف مشابهة لظروفك لكن حالي أنا أن الزواج كان أسرع ولم أستفد شيئا من هذا الزواج إلا أمراضا وقف الطب عاجزا عن علاجها.صحيح أن سنوات جهادي أثمرت أنه أصبح يصلي لكن في البيت يفعل مايريد من أشياء تتنافى والدين حتى في رمضان.أما عن حبك له فهو إشفاق أكثر منه حبا.لذا أخطيك .

اختي تعيشي جاوبيني يعني ممكن ادمانهم هو اللي يخليهم مزاجيين و الا فقط ظروفهم النفسية ؟؟

[مريم الصابرة]

السلام عليكم اختي
نسقسيك امر وجاوبيني إنت تحبيه او لا
يعني الراجل هذا بكل حالاتو راكي قابلاتو قادرة تتحمليو تغييره وما لا كان هو شاد فيك وممكن إنت املو إنسان مريض تتخلاي عليه
المرض النفسي كالمرض العضوي يعني قاجدرة توقفي معاه وتنصحيه بطبيب لو فعلا اب يكمل حياتو معاك راح يسمعلك وقادرة تغيريه ما راهيش محال
لكن الامر بيدك إنت كان قادرة او لا كان تتحمليه وتتحملي منو أي شي لكل فعل ردة فعل يعني كلن قادرة تتحمليو تحبيه مش قادرة تخلاي عليه نقولك ما تكونيش إنت والزمان عليه والمأصلة تتحمل يعني لو راجلك راحا تتخلاي عليه اكيد لا لطلك انا ننصحك كان مستمسكة بيه حاولي كان تشوفي روحك مش قادرة يعني دعيلو ربي يوفقو ويهديه شكرا

[khawlita.dz]

السلام عليكم و رحمة الله و بركاته ...
لطالما آمنت انو ماكانش شخص سيئ بطبعو كان عندي ايمان انو اي شخص الظروف هي اللي تخليه اما ايجابي او سلبي ... و حتى الشخص اللي تصرفاته غير سوية قادر اذا لقى ظروف معينة يتحسن و يتغير

هادي كانت قناعاتي ..........

بعد تجربتي الخاصة لقيت روحي مع شخص مضطرب و مزاجي بكل معنى الكلمة حاولت نغير
شخص يحبك و متمسك بيك بين ليلة و نهار يقلك اللي بينا انتهى و خسارة ضيعت عمري عليك ... انسحبت من حياتو ...
عمل المستحيل و رجع

* حاول قتل نفسو و سمعت صوت الرصاصة و قطع كل اتصال و تواصل بيه عمدا عشت الرعب و من بعد طلع ماكان والو

شخص يطلب لقاك و رؤيتك و في حالة الرفض لانو العلاقة مازال ماهيش رسمي يعتبرها عدم اهتمام و يقيم الدنيا و يصبح يتوعد و يهدد و و و

اعتقدت اني سبب عذابو و صبرت و بمعلومة اخرى عرفت انو سبب حساسيتو امرأة اخرى خدعاتو و كانو خلص حقو فيا رغم انو مصر انو لا

هل كان من الممكن تغيير تصرفاته ؟؟؟؟

بعد فوات الاوان اكتشفت انو الشخص كان مجروح بداية من اهلو و والدو بالتحديد بتهمة تهموه بيها وصلت بيه يشرب و يتعاطى المخذرات و يروح للامن و يرحل ثم امراة اخرى تركته و تزوجت

و بعد ما رجعلي حسيتو غير طبيعي لكن فهمتها متأخرة

هل كان من الممكن تغييرو ؟؟؟
هل كان بامكاني انقاذو ؟؟؟
هل اخطأت لاني عملتلو حدود و رفضت نكون معاه الا بشكل رسمي ؟؟ و هو اعتبرها تخلي عليه
هو دخل مستنقع رغما عنه ... و كم يحطمني الشعور اني جزء من عذابو و ان كان غصبا عني

ما تقولوش كلام يجبر خاطري ... قولولي كلام واقعي

كيف كان من الممكن تغييره



الافضل انو يتوجهل لطبيب نفسى كفوءو يتابع العلاج بصفة سليمة
انت فى الاول و فى الاخير لست مظطرة لتحمل شخص كهدا فقط لاجل عواطفك
كيف سيبنى بيت و يتحمل مسؤولية اسرة و كيف سيربى بناتك و اولادك و كيف سيتعامل م يحترم و يقدر اهلك وواجباتك
ابدا لم تخطئى و لا يوجد انسان مهما كان يستحق ان تسحقى مبادئك و تربيتك لاجله
هل يستحق اهلك و هل تستحق نفسك ان ترمى بها هكدا بدون حسبان من اجل شخص مريض و ربما يدعى المرض للايقاع بك و استغلال عاطفك اتجاهه
وان كان يهمك امره جدا فالاولى ان توجهيه اطبيب نفسى وان شاء الله يكون الشفاء و بعدها لكل حادث حديث
لا تتعاملى معه ابدا مادام لايوجد شىء رسمى بينك و بينه و واحهيه بانه ان كان يريدك فليخضع للعلاج اولا و لما يشفى يرسم العلاقة اولا
وانت ادى بمصلحتك مع انى اظن بناءا على كلامك ليس بكفوء للزواج
الزواج ليس مجرد مشاعر قد يبدا هكدا لكنه لن يصمد الا ادا توفر شخصين قادرين على انجاحه ولهما مؤهلات كافية للوقوف به
بالتوفيق

[ToXiC_Dz]

انا ف لول حسبتو راجلك قتلك اصبري عليه لانو ممكن تغيريه
مي كي طلع انسان براني عذرا اختي اجبدي روحك و اتهناي
ماكان حتى مجال يخليك تبدلي طبايعو و انتي اصلا بعيدة عليه
زيد هو راح يتزوج ، يعني يبقى ف علاقة معاك تولي خيانة للزوجة
اما تانيب الضمير و الحزن على جالو تقدري تتجاوزيه لانك ما درتي والو و ماكيش سبب المرض تاعو
الله غالب ربما مرض بسبب اهلو وهنا المسؤولية تولي عليهم ماشي عليك
اذا تقدري انصحيه بان يزور مصحة نفسية ويلا كان يسمع كلامك
و ثاني ادعيلو بالخير، وادعي ربي يهنيه ف زواجو
و ادعيه باش يبعدو عليك وينساك
ربي يكون ف عونكم اختي

[abedalkader]

السلام عليكم


بعد تجربتي الخاصة
..................اياك من التجارب قبل الزواج انها تغضب الله وربما تجر المهالك والهموم

لقيت روحي مع شخص مضطرب و مزاجي بكل معنى الكلمة حاولت نغير
شخص يحبك و متمسك بيك بين ليلة و نهار يقلك اللي بينا انتهى و خسارة ضيعت عمري عليك ... انسحبت من حياتو ...
عمل المستحيل و رجع

....................تجربة قبل الزواج هذي شي حرام
....................بعد الزواج المراة الحرة والفحلة تقف مع زوجها مهما كانت الظروف


* حاول قتل نفسو و سمعت صوت الرصاصة و قطع كل اتصال و تواصل بيه عمدا عشت الرعب و من بعد طلع ماكان والو
.................................كلمات تدل انكما غير متزوجين
..............................ننصحك خافي الله وبعدي هذ الطريق

شخص يطلب لقاك و رؤيتك و في حالة الرفض لانو العلاقة مازال ماهيش رسمي يعتبرها عدم اهتمام و يقيم الدنيا و يصبح يتوعد و يهدد و و و
.....................يطلب لقاك ..............وعلاقة ما هيش رسمي ............غير واضحة
يطلب لقاك بمحرم ولا بدون محرم .................الي ما هيش رسمي حرام تتلقاو بدون محرم
الجماعة ما حبوش ينصحوك تبعدي على الطريق الحرام وينصحوك بطريق ربي الحلال
وراحوا يجيبوا في النصايح ووقفي معاه وما توقفيش ........واش هذ الكلام اذا كان ماهيش زواج رسمي انت
انت استناي حتى يصير زواج رسمي ............ومن بعد قرري

اعتقدت اني سبب عذابو و صبرت و بمعلومة اخرى عرفت انو سبب حساسيتو امرأة اخرى خدعاتو و كانو خلص حقو فيا رغم انو مصر انو لا
.....................اياك والوقوع في الحرام وفكري في نفسك .........مدام مكانش رسميات

هل كان من الممكن تغيير تصرفاته ؟؟؟؟...............كي تزوجوا ويسهل ربي يديرلها الف حل ما جمعكم الا ورايح يسهللكم اذا اعتمدتوا اعليه سبحانوا

بعد فوات الاوان اكتشفت انو الشخص كان مجروح بداية من اهلو و والدو بالتحديد بتهمة تهموه بيها وصلت بيه يشرب و يتعاطى المخذرات و يروح للامن و يرحل ثم امراة اخرى تركته و تزوجت
.......................فوات الاوان ............ما فات والوا الامور بيد الله اذا ما عصيتيهش
يخي ما زال متزوجتوش يعني يعتبر رجل غريب وليس بمحرم واش هذ الكلام

و بعد ما رجعلي حسيتو غير طبيعي لكن فهمتها متأخرة
...................رجعلك يعني طلقك او غاب على البيت ..............هذي ممكن
......................رجعلك ونتما غير متزوجين .............هذي بدون زواج حرام ولو افتاك الاعضاء وافتوك
.................................................. ......اياك ومعصية خالقك فالموت ياتي بغتة

هل كان من الممكن تغييرو ؟؟؟
هل كان بامكاني انقاذو ؟؟؟
اتهلاي في روحك اولا وطيعي خالقك ...............ودير لها الف حل اذا ما عصيتيهش

هل اخطأت لاني عملتلو حدود و رفضت نكون معاه الا بشكل رسمي ؟؟
هذي طاعة لله والله ما تندمي اعليها
و هو اعتبرها تخلي عليه
الي دخل من الباب اهلا بيه والي حاب يدخل من النافذة الله لا يردوا

هو دخل مستنقع رغما عنه ... و كم يحطمني الشعور اني جزء من عذابو و ان كان غصبا عني
.......................اذا كان راكي بعيدة اعليه يعني بعيدة على الحرام الله يكون في عونك
..............................بعدي ودعيلوا ..............بعدي بعدي الحرام ودعي ليك ولغيرك عسى الله يصلح الاحوال
.................................................. ..............كي يرضى ربي هذيك الدنيا وما فيها هذيك السعادة
الحقيقية


ما تقولوش كلام يجبر خاطري ... قولولي كلام واقعي

كيف كان من الممكن تغييره


((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))[الرعد:11
يعني الله سبحانه وتعالى هو مدبر الأمور وهو مصرف العباد كما يشاء سبحانه وتعالى، وله الحكمة البالغة والحجة الدامغة وهو سبحانه قد شرع لعباده الأسباب التي تقربهم منه وتسبب رحمته وإحسانه عليهم،
..................انتم ما كمش متزوجين وحابة تغيريه
...............................اختي اهتمي بنفسك اولا ربما تصرف من التصرفات يغضب منك خالق فتخسري الدنيا والاخرة
...............................................اهت مي بنفسك

.................................................. ...............ومن يتق الله يجعل له مخرجا ويرزقه من حيث لا يحتسب

[أمّ عبد الودود]

تأكدي أختي أنك لن تجني شيئا من علاقة محرمة حتى ولو كانت بالهاتف فقط
سواء قبل الزواج ام بعد ه ...ثمنها سيدفع اليوم أو غدا
لذلك
انصحك بالابتعاد عنه ولو كان ذلك مستحيلا في نظرك
توكلي على الله
تغيير الشخص يمكن إذا كانت عنده قابلية لذلك
مع الدعاء له
هذا ما يمكنك فعله الان

[بلسم غرام2018]

من يريد ان يتغير يجب عليه ان يلجأ الى الله
بالالتزام والدعاء والاستغفار وسيصبح انسان آخر باذن الله
اما اذا اردت انت ان تغييريه فيجب عليك ان تواضبي على اذكار الصباح والمساء
ثم الدعاء ثم الاستغفار ثم الصدقة وسترين ما لن تتوقعينه
والله المستعان
متدريش قادر يتغير قادر لا

[salam algeria]

السلام عليكم
اختي واحد كيما هذا لازملو طبيب اولا ومن بعد يلزم يتزوج و يدير اسرة
و الله كاينة هنا وحدة جزائرية مغتربة معايا راجلها مكرهلها حياتها وكي تطلب الطلاق ترجع هي لي مش مليحة و حتى اولادو ماسلكوش منو لدرجة رجعو ما يروحوش لدارهم بحكم انهم يدرسو بعاد راح يهبلهم ستر ربي لي خرجو صالحين و قاريين بسب تربية امهم لانو ابوهم و كانو ماكانش حتى المصروف امهم لي صرفت و تصرف عليهم و السبب في الحالة تاعو امو لي كانت متسلطة بزاف و حوايج اخرى
اختي ما تربطيش روحك بواحد كيما هاك و الله شفت زوج حالات هنا هذي لي حكيتلك عليها و الاخرى ما تحكيش مسكينة بصح و الله كي شفتها في العيد تخلعت كيفاش ضعفت
و الله يا اختي تندمي كون ترتبطي بواحد هاكا راني نشوف في صحاباتي يعانيو اختي ما تحاوليش تكوني مثالية لو كان زوجك و صراتلو حاجة ايه لازم توقفي معاه لكن هاك ماننصحكش خلاص بعدي عليه و ادعيلو ربي يفرج عليه

[أيادي الأمل]

" إِنَّكَ لَا تَهْدِي مَنْ أَحْبَبْتَ وَلَٰكِنَّ اللَّهَ يَهْدِي مَنْ يَشَاءُ ۚ وَهُوَ أَعْلَمُ بِالْمُهْتَدِينَ "


دعيلو بزاااف اختي،
دعيلو في اوقات الاجابة

ومايغير القدر الا الدعاء

ربي يهديه و يهدينا اجمعييين

[رَكان]

إمرأة تغير رجلا ؟؟؟
مستحيل..
قد تفسد طباعه إن كان صالحا بالأصل أما العكس فلا...
يمكن القول أنه يمكن للمرأة أن تؤثر في سلوكاته ..خاصة إن كانت ذات شخصية قوية..
نعم المرأة تحدث تغييرا في الرجل ولكن أن تغيره مستحيل..

[عماني نور]

حابة كلام واقعي ،، هذا شخص مريض نفسيا

و حسب الي ذكرتيه ،، شخصيته حديّة ،، حوسي فالنت على اصحاب الشخصية الحديّة ،، أو البينيّة و اقراي

و رايحة تفهمي كل شي ان شاء الله :)

[عماني نور]

إمرأة تغير رجلا ؟؟؟
مستحيل..
قد تفسد طباعه إن كان صالحا بالأصل أما العكس فلا...
يمكن القول أنه يمكن للمرأة أن تؤثر في سلوكاته ..خاصة إن كانت ذات شخصية قوية..
نعم المرأة تحدث تغييرا في الرجل ولكن أن تغيره مستحيل..

العاشق ،، يمكن أن تعبث به الأنثى فكيف لا تغيّره ;)

أو لنقل ،، هو وحده يتغيّر :)،، لأجلها و بسببها و معها

[sali-sali]

السلام عليكم

يا اختي كي تشوفي شعب دزاير كامل مريض و يتحسس

الدين النصيحة..حاولي تقدمي نصيحة و تساعديه اكيد في حدود
ممكن تعملي تغيير بسيط في شخصيتو خاصة ادا كانت عند ارادة و اقتناع
لكن لا يغير الله بقوم حتى يغيروا ما بانفسهم
ادا كان هو حاب يتبدل..اكيد تقدري انتي تساعديه

[النجمة القطبية]

شوفى الانسان متغير بطبعه يعني ممكن فى كل الاحوال تغييره لكن يحتاج الامر لارادة من الشخص نفسه
يعني مستحيل ان تغيري فى شخص هو لا يريد ذلك او متمسك بتلك الصفة اما ان كان ضعيف والصفة تتغلب عليه ممكن تغييره
يعني كيما يقولو فى الطب مثلا كاين مرحلة مرضية يمكن علاجها او عكسها لانها لم تصل الى الاساس او الثوابت وحالة يكون صاحبها دخل فى مرحلة اللارجوع وبالتالى اللاعلاج
هل المراة تستطيع ان تغير الرجل الجواب نعم بكل تاكيد اما قليلا او كثيرا وعلى مراحل ويحتاج الامر للصبر والقوة الداخلية للمراة والاهم القبول من الطرف الاخر
لكن على كل حال المراة تستثمر فى زوجها هو فقط من يستحق التعب
موفقة

[نايفز55]

السلام عليكم

نعم يمكن اذا كان يحبها سوف يتغير من اجلها ويعمل مستحيل من اجلها

[أم عامر]

يا أختي نصيحة لوجه الله أتركيه وابعدي عنه دون رجعة

ما لم يقرر المرء بنفسه أن يتغير فلن يستطيع غيره أن يغيره
التغيير قناعة من أعماق النفس و ليس أمر خارجي
يتغير هو لأنه يحتاج لذلك لا لأنك تحتاجين لذلك
لأنه في أول مشكل يعود لحالته الأولى

إحمدي الله واشكريه أنك عرفت شخصه و عقده النفسية
و لو قبلت به زوجا فلا أراك الا بضع سنين تشكين من أمراض نفسية و جسدية

هل يقبل رجلا بزوجة بهذه المواصفات
تجدين الرجل يبحث عمن تريحه و يسكن اليها و هذا مطلب مشروع
و هو كذلك بالنسبة للمرأة
تتزوج لتجد راحة و سكنا و حبا و أمانا
لا خوفا و ترقبا للأذى

ابعدي الآن بأقل الخسااائر
ستتألمين و يتألم
و دائما الدواااء النافع مر و به ألم

[iman14]

سبحان الله و كانك قد سردتي قصتي قصتي تشبه قصتك 100% الا في مسالة المخدرات عندي فضول كبير نتعرف عليك لانو انا و انت نفس الوضع تماما

[صرخة ألم]

حابة كلام واقعي ،، هذا شخص مريض نفسيا

و حسب الي ذكرتيه ،، شخصيته حديّة ،، حوسي فالنت على اصحاب الشخصية الحديّة ،، أو البينيّة و اقراي

و رايحة تفهمي كل شي ان شاء الله :)

شكرا اختي على ردك قريت عليها و ما نعرف اذا صدفة او ماذا سبحان الله كأنهم يحكيو عليه في عدة امور و حتى الاسباب و التصرفات سبحان الله
هو يتناول ادوية اعصاب و ما نعرف اذا راه يعالج على هذا بالذات ام ماذا
اختي تعيشي حابة نسألك بما انك في التخصص اذا ممكن تجاوبيني باي طريقة تحبي

و ممنونة فعلا لردك و بصراحة استفدت و لاول مرة نعرف الشخصية الحدية و المعلومات اللي قريتها عليها
بارك الله فيك و ربي يحفظك و نستنى ردك
و شكرا لاهتمامك مرة اخرى

[صرخة ألم]

شكرا للجميع لاهتمامكم بالموضوع
اسفة للتاخر بالرد الظرف اقوى مني و اضافة عندي مشكل بالنت
انا نتواصل معاكم بالفعل حاليا بصعوبة حبيت برك نقلكم كلا باسمه ربي يحفظكم و يكرمكم
مع اني نحمل داخلي هم ما يعلموا غير ربي سبحانه و باقرب وقت راح نقلكم واش صرا بالتفصيل -النت ثقيلة هبلتني- لكن خففتو عليا و ماراحش نقدر نوفي حقكم
شكرا للجميع كلا باسمه
سلام الله عليكم جميعا

[صرخة ألم]

سبحان الله و كانك قد سردتي قصتي قصتي تشبه قصتك 100% الا في مسالة المخدرات عندي فضول كبير نتعرف عليك لانو انا و انت نفس الوضع تماما
اختي ايمان راح نحاول نتواصل معاك باقرب وقت

[sofff28]

نعم اختي نصيحة لك من يتعاطى المخدرات يعني في حالة الادمان لا يمكن ان يصلح اسال الله ان يزل عنه همه اااااااااااااااااااااااااامين