مشاهدة النسخة كاملة : خطبتها فكان هذا ردها.
عبد النور مكي
2013-08-17, 10:22
السلام عليكم و رحمة الله و بركاته
اليكم ما يريقني باختصار شديد
عرفتها و كنت معها في علاقة لمدة 4 سنوات....قبل 3 اشهر تقدمت اليها....اجابتني امها ( و التي كانت على علم بعلاقتنا) بان ابنتها مازال امامها عام دراسة اخير و لن ازوجها حتى تعمل لمدة كافية حتى تجهز نفسها.
لما سالت الفتاة قالت انها من راي امها...و هذا خير لي ولك حتى انت يجب ان تجهز نفسك.
قلت لها الست من كنت تقولين متى تتقدم الي؟ اتمنى ان يكون عرسنا اليوم قبل غد؟..قالت نعم و لكن يجب ان نجهز....
فما رايكم بهذا الجواب؟
وهل ظلمتها عندما تركتها بعد هذه الاجابة منها؟
و الى بنات المنتدى...افترضي نفسك مكانها ...هل تجيبين بمثل ذلك؟
ToXiC_Dz
2013-08-17, 10:35
رايي بدل السوق
قالت متى تتقدم لي لا متى نتزوج
عبد النور مكي
2013-08-17, 10:44
خلاص بدلت ....لكن يأتيني تأنيب الضمير من حين لآخر...
شكرا لمرروك الطيب
عبد النور مكي
2013-08-17, 10:45
قالت متى تتقدم لي لا متى نتزوج
فكرة تاعها كانت نتقدم ليها و نبقى نستنى فيها حتى تجهز.....و انا قلتلها نخليك تكملي قرايتك و تخدمي عامك الاول و نديرو العرس..فقالت لا يكفيني عام واحد
ToXiC_Dz
2013-08-17, 10:50
علاه تانيب ضمير ههههه والله تبانلي هنيت روحك، انت لي عليك درتو
ما غلطتش معاها ميليمتر
ممكن الغلطة برك طول وقت التعارف 4 سنوات بالاك بسببها ظنت انها ضمناتك ديفينيتيف هههه
عبد النور مكي
2013-08-17, 10:53
علاه تانيب ضمير ههههه والله تبانلي هنيت روحك، انت لي عليك درتو
ما غلطتش معاها ميليمتر
ممكن الغلطة برك طول وقت التعارف 4 سنوات بالاك دارت حسبت ضمناتك ديفينيتيف هههه
شكرا لمرورك اخي.......على ذاك الشي ضميري يانبني و انا العبد الضعيف الذي كنت امقت هذه العلاقات......ادعولي ربي يغفر لي و لها و يعوضنا بخير من بعضانا.......
شذا العطور15
2013-08-17, 10:58
صبرت 4 سنوات ومقدرتش تصبر 2 ولا 3
عبد النور مكي
2013-08-17, 11:04
صبرت 4 سنوات ومقدرتش تصبر 2 ولا 3
و علاش نصبر 3 سنةات اخرى؟....و انت هكدا تردي في مثل هذه الحالة؟ و انا قلتلها على عامين نديرو العرس اي بعدما تكون خدمت عام.قاتلي مايكفينيش عام
ToXiC_Dz
2013-08-17, 11:09
المهم خويا ربي يهنيك و يعوضوك بخير منها و يكتبلك وحدة تقدر قيمتك ان شاء الله
وهي تاني مادام راهي اختنا ف الله ما نتمانولها غير الخير وربي يخلف عليها
شذا العطور15
2013-08-17, 11:10
و علاش نصبر 3 سنةات اخرى؟....و انت هكدا تردي في مثل هذه الحالة؟ و انا قلتلها على عامين نديرو العرس اي بعدما تكون خدمت عام.قاتلي مايكفينيش عام
في هادي الحالة عندك الحق وكيما يقول المتل خيرها في غيرها
طلب ربي يسمحلك ومتندمش علي هاديك المراة مادامت علاقة غير شرعية
ربي يكتبلك لحلال ديما
واسمحلي ادا كان ردي فيه نوع من القسوة
عبد النور مكي
2013-08-17, 11:12
في هادي الحالة عندك الحق وكيما يقول المتل خيرها في غيرها
طلب ربي يسمحلك ومتندمش علي هاديك المراة مادامت علاقة غير شرعية
ربي يكتبلك لحلال ديما
واسمحلي ادا كان ردي فيه نوع من القسوة
لا قسوة و لا شيئ...فقط اريد ان يرتاح ضميري اختي الكريمة.
السي محمد
2013-08-17, 11:19
بالنسبة لي لا يوجد اي سبب لتأنيب الضمير
هي راهي مريحة في دارها و تخمم في المستقبل تاعها و انت مهموم؟؟؟
انساها و خلاص
كيف تثق بمن كنت على علاقة غير شرعية بها هداكما الله واغنى كل واحد عن الاخر
عبد النور مكي
2013-08-17, 11:24
بالنسبة لي لا يوجد اي سبب لتأنيب الضمير
هي راهي مريحة في دارها و تخمم في المستقبل تاعها و انت مهموم؟؟؟
انساها و خلاص
لا يا اخي ان شاء الله قريب نخطب وحدة بنت الاصل.....لكن لما اتذكر ما كنت معها فيه اشعر بالذنب
عبد النور مكي
2013-08-17, 11:28
كيف تثق بمن كنت على علاقة غير شرعية بها هداكما الله واغنى كل واحد عن الاخر
في تلك اللحظة ظهر لي ان تقدمي اليها سيكون كفارة لما فعلته معها....اي بذلك لن اكون (طمعتها).....فشاء الله ما شاء و الحمد لله على كل حال و لا خير الا فيما اختاره الله لنا....فاسال الله العظيم لي و لها التوبة النصوح و العفو عما سلف
amine9mm
2013-08-17, 11:37
اخي العزيزر ان الله لن يبارك لك في الحرام ابدا حاى ولو تزوجت بها يبقى الحرام عالقا بينكما اخي اعرف ان عزمن التقة بالله فسيرزق بزوجه صالحة دون الحاجة الا هذه العلاقات فانت تسرعت في هذه العلاقة الغير الشرعية انصحك اخي بالالتزام بكل طاعات الله لان الله يحب العبد المطيع واذا احبه رزقه بما يحب قلبه من زوجه متدينة صالحة هذه نصيحتي وابتعد عن تللك الفتاة لان العلاقة بدات بحرام وتانيا لثد اشغلت قلبك ظول 4 سنوات بهذه الفتاة ونسيت الله اذا ما عليك الا العودة الا الطريق الصحيح والتريت حتى يرزق الله بزوجة صالحة
الجزائرية 1995
2013-08-17, 11:41
السلام عليكم
متقلقش روحك أخي أنت فعلت ما عليك و حاولت تصلح الخطأ وهي رفظت فأين ذنبك ؟
استغفر الله عن ما مضى وابدأ بداية جديدة كلها حلال حتى يبارك لك الله
ويسعدك دنيا و آخرة رب يهنيك و يسعدك ويسعدها والسلام
dzHOCINE
2013-08-17, 11:42
أصلا بداية العلاقة قبل الزواج هي علاقة غير شرعية، وحتى إن تزوجتها فل تثق بها أبدا
هذا ما شهدناه من مجتمعنا... الطيبون للطيبات والطيبات للطيبين ، والخبيثون للخبيثات والخبيثات للخبيثين
اللهم اجعلنا من الطيبين واكتب لنا من الطيبات
السي محمد
2013-08-17, 11:49
لا يا اخي ان شاء الله قريب نخطب وحدة بنت الاصل.....لكن لما اتذكر ما كنت معها فيه اشعر بالذنب
استغفر لذنوبك و خلاص
مالا هذه كانت تتبهلل في هذو 4 سنين وجامي بغاتك يا اخي ...لانو مدام هانت عليها هذه العشرة بسهولة فتاكد ان لها حسابات اخرى انت خارج منها....المهم احييك على شجاعتك لانك تقدمت اليها رسميا ودرت الي عليك وزيادة ..فلترح ضميرك نهائيا ودع الايام تعل ما تشاء وطب نفسا اذا حكم القضاء.
عبد النور مكي
2013-08-17, 11:56
بارك الله فيكم على المرور الطيب.......
رحمة من المولى
2013-08-17, 11:57
ري يسهل عليكم ان شاء الله و يفرج
شجرة الدرر
2013-08-17, 12:00
لن اضع نفسي مكانها لانى لن اتجرا واعمل علاقه
هذا هو اساس الخطا يعنى تقلقتم لما قالت نزيد المدة معاها حق لاقيه مجال لانها تطلب وانت تجيب
استغفر الله وما بنى على باطل فهو باطل
احمد الله لانها وعتك في هذا الموقف ممكن تعيد حساباتك فزواجك ممن قبلت ان تكون علاقه لمدة 4 سنوات لا يؤتمن لها و الكارثه امها تعلم بالامر يعنى فساد عام وعائى
اعتذر فيس من عادتى التدخل في شان كهذا لكن استفزنى الموضوع
عبد النور مكي
2013-08-17, 12:01
بارك الله فيك على المرور...و أعتذر ان كان موضوعي ثقيل عليك
SOUSOU. DZ
2013-08-17, 12:19
خلاص بدلت ....لكن يأتيني تأنيب الضمير من حين لآخر...
شكرا لمرروك الطيب
:mad::mad::mad::mad::mad:
معها على علاقة 4 سنين وبعد تبدلها نوغمال كيفاش هادي هنا ييجي شكوك كنت تتمسخر ........ مليحة كي درت خطوة وتقدمت ليها .......... وانا معاها كي قاتلك نجهز روحي لانو والله تكاليف تجهيز اكثر من مئة مليون حالينا .......... لكن عليك ان تتفهم معاها ................ تجيبو حلول ماشي تروح وتخليها.............. اون + ستنيتها وستناتك 4 سنين وعام ولا عام ونص ماتقدرش ................. ربي يهديك
رجوت عفوك
2013-08-17, 12:21
يا أخي .. مع أنني ضد العلاقات الغير شرعية جملة وتفصيلا .. إلا أنني أنصحك بالتقدم لهذه الفتاة التي صاحبتها 4 سنوات .. و أكيد في هذه المدة جميع الناس سمعوا بعلاقتكم يعني إذا تركتها راك رايح تخلي الصالح والطالح يهدر عليها و راك تعرف بعض الناس كيفاش يديروا الإشاعات للبنات ...
و الحل في رأي أنو تخطبها و تعقد عليها و تحددو مع بعض الفترة اللي تريح كل واحد فيكم و مبعد ديروا العرس و جيبوا بنين و بنات و تربيوهم في طاعة الله و نتا هاكذا تكون سترت بنت الناس و ديت فيها اجر...
و يا أخي تفكر مليح بللي راه عندك خواتات و أكيد ماراحش ترضى لها هاذ الشي ..
SOUSOU. DZ
2013-08-17, 12:26
يا أخي .. مع أنني ضد العلاقات الغير شرعية جملة وتفصيلا .. إلا أنني أنصحك بالتقدم لهذه الفتاة التي صاحبتها 4 سنوات .. و أكيد في هذه المدة جميع الناس سمعوا بعلاقتكم يعني إذا تركتها راك رايح تخلي الصالح والطالح يهدر عليها و راك تعرف بعض الناس كيفاش يديروا الإشاعات للبنات ...
و الحل في رأي أنو تخطبها و تعقد عليها و تحددو مع بعض الفترة اللي تريح كل واحد فيكم و مبعد ديروا العرس و جيبوا بنين و بنات و تربيوهم في طاعة الله و نتا هاكذا تكون سترت بنت الناس و ديت فيها اجر...
و يا أخي تفكر مليح بللي راه عندك خواتات و أكيد ماراحش ترضى لها هاذ الشي ..
اختي عندك صح عجبني رادك مليح سيتغز كي قلتي رايحين يهدرو عليها صح عندك صح ربي يهديكم
عبد النور مكي
2013-08-17, 12:35
:mad::mad::mad::mad::mad:
معها على علاقة 4 سنين وبعد تبدلها نوغمال كيفاش هادي هنا ييجي شكوك كنت تتمسخر ........ مليحة كي درت خطوة وتقدمت ليها .......... وانا معاها كي قاتلك نجهز روحي لانو والله تكاليف تجهيز اكثر من مئة مليون حالينا .......... لكن عليك ان تتفهم معاها ................ تجيبو حلول ماشي تروح وتخليها.............. اون + ستنيتها وستناتك 4 سنين وعام ولا عام ونص ماتقدرش ................. ربي يهديك
ما كنتش نتمسخر اختي الكريمة......تمسكت بيها حتى وصل بيا الامر تزعف الوالدة تاعي ربي يرحمها على جال تعلقي الشديد بها.....تقدمتلها مرتين....مرة الوالد تاعي تقدم لعمها لان والدها متوفي....فكان رد فعلها ( ماشي هكدا تتقدملي....ابعث النساء لدارنا)...فكان لها ما ارادت..ابعثت اهلي من النساء الى امها و كان ما سبق اخبرتكم به.
و باش تقوليلي تكاليف متكاليف..عندي اختي و زوجتها و باش يكون في علمك اعطاوها فترة 4 اشهر فقط و قمنا بتجهيزيها افضل تجهيز و هي الأن ام لبنت و الحمد لله....و انا ماتخليتش عليه غيل هاك....اهدرت معاها و قلتلها اللعني الشيطان ..راكي تطلبي في المحال...كملي قرايتك و اخدمي عامك الاول و نديرو العرس...قاتلي عام واحد مايكفينيش..لازم 3 او 4..قلتلها من قبل و كررت كلامي ليها اننا لا نقبل بفترة خطوبة اكثر من عام و مع ذلك و بما ان حالتنا خاصة قلتلها عامين و نديرو العرس و مع علمها بان والدي لا يقبل بذلك الا انها تمسكت برايها.
فما عساني افعل؟
رجوت عفوك
2013-08-17, 12:37
رايي بدل السوق
أخي .. السيد راه يحكي على فتاة يعني انسان بشر ماشي سلعة
في تلك اللحظة ظهر لي ان تقدمي اليها سيكون كفارة لما فعلته معها....اي بذلك لن اكون (طمعتها).....فشاء الله ما شاء و الحمد لله على كل حال و لا خير الا فيما اختاره الله لنا....فاسال الله العظيم لي و لها التوبة النصوح و العفو عما سلف
و هو كذلك
عبد النور مكي
2013-08-17, 12:40
يا أخي .. مع أنني ضد العلاقات الغير شرعية جملة وتفصيلا .. إلا أنني أنصحك بالتقدم لهذه الفتاة التي صاحبتها 4 سنوات .. و أكيد في هذه المدة جميع الناس سمعوا بعلاقتكم يعني إذا تركتها راك رايح تخلي الصالح والطالح يهدر عليها و راك تعرف بعض الناس كيفاش يديروا الإشاعات للبنات ...
و الحل في رأي أنو تخطبها و تعقد عليها و تحددو مع بعض الفترة اللي تريح كل واحد فيكم و مبعد ديروا العرس و جيبوا بنين و بنات و تربيوهم في طاعة الله و نتا هاكذا تكون سترت بنت الناس و ديت فيها اجر...
و يا أخي تفكر مليح بللي راه عندك خواتات و أكيد ماراحش ترضى لها هاذ الشي ..
اختي...خممت في هذا الامر ...و قلتلها الناس علابلهم بلي كنتي معايا..و انا تقدمتلك لاني وعدتك بلي نتقدملك و لاني نحبك و حاب نسترك....واش كان ردها؟...ماتخافش عليا الخطابة مازال راهم يجوني لدارنا و انا مانيش نقبل...بدلت اهدافي بعييييييييييييييد عن الزواج ..الزواج خليته ليك انت...
و باش نخطبها و نستنى اكثر من عام امر مرفوض .انا قلتلها على عامين يعني بعد ماتكمل قرايتها و تخدم عامها الاول لانها توظف مباشرة بعد الدراسة...فقالت لا يكفيني عام واحد.
و ان شاء الله ربي يغفر لي و يعوضها بواحد خير مني.......
عبد النور مكي
2013-08-17, 12:42
أخي .. السيد راه يحكي على فتاة يعني انسان بشر ماشي سلعة
و هو كذلك
و ذلك ما حدث...تقدمتلها ...و كان ردها بما سبق...فما رايك في ردها؟
ToXiC_Dz
2013-08-17, 12:47
أخي .. السيد راه يحكي على فتاة يعني انسان بشر ماشي سلعة
تعبير مجازي فقط الاخت
و ربما لو كان صاحب الموضوع فتاة كنت بالاك نستعمل نفس الرد
ماشي من عادتي ننتقص من قيمة اي احد
وعذرا اذا كلامي قاسك
SOUSOU. DZ
2013-08-17, 12:49
ما كنتش نتمسخر اختي الكريمة......تمسكت بيها حتى وصل بيا الامر تزعف الوالدة تاعي ربي يرحمها على جال تعلقي الشديد بها.....تقدمتلها مرتين....مرة الوالد تاعي تقدم لعمها لان والدها متوفي....فكان رد فعلها ( ماشي هكدا تتقدملي....ابعث النساء لدارنا)...فكان لها ما ارادت..ابعثت اهلي من النساء الى امها و كان ما سبق اخبرتكم به.
و باش تقوليلي تكاليف متكاليف..عندي اختي و زوجتها و باش يكون في علمك اعطاوها فترة 4 اشهر فقط و قمنا بتجهيزيها افضل تجهيز و هي الأن ام لبنت و الحمد لله....و انا ماتخليتش عليه غيل هاك....اهدرت معاها و قلتلها اللعني الشيطان ..راكي تطلبي في المحال...كملي قرايتك و اخدمي عامك الاول و نديرو العرس...قاتلي عام واحد مايكفينيش..لازم 3 او 4..قلتلها من قبل و كررت كلامي ليها اننا لا نقبل بفترة خطوبة اكثر من عام و مع ذلك و بما ان حالتنا خاصة قلتلها عامين و نديرو العرس و مع علمها بان والدي لا يقبل بذلك الا انها تمسكت برايها.
فما عساني افعل؟
اولا راح نحكو من جيهة تكاليف ممكن انت اختك كنت قادر تجهزها وقادر على مصروفها وهيا لا وزيد على ذالك هيا والدها ماعندهاش مكاش ليها مدخول ولا راني غالطة
مي كي حكيتلي لقصة مليح وحابة 3 سنين ولا 4 اواه هادي sava pas دوكا راه عندي راي اخر انت درت لي عليك وضميرك علاش يأنبك .... باسكو اانا شخصيا واكل اسرتي ضد خطوبة اكثر من عام ............... خويا من عندي درت لي عليك وربي يكون معاك .............. وربي يهنيها ويهنيك
rabi ysahalek w tel9a bent hlal
عبد النور مكي
2013-08-17, 13:05
اولا راح نحكو من جيهة تكاليف ممكن انت اختك كنت قادر تجهزها وقادر على مصروفها وهيا لا وزيد على ذالك هيا والدها ماعندهاش مكاش ليها مدخول ولا راني غالطة
مي كي حكيتلي لقصة مليح وحابة 3 سنين ولا 4 اواه هادي sava pas دوكا راه عندي راي اخر انت درت لي عليك وضميرك علاش يأنبك .... باسكو اانا شخصيا واكل اسرتي ضد خطوبة اكثر من عام ............... خويا من عندي درت لي عليك وربي يكون معاك .............. وربي يهنيها ويهنيك
بارك الله فيك و الحمد لله الذي وفقني لاوضح كلامي اكثر......
بالنسبة للتكاليف....صحيح ان والدها متوفي رحمه الله ..الا ان امها موظفة و احيلت على التقاعد مؤخرا و اخوالها بخير عليه ربي يباركلهم و حتى اعمامها.....و على كل حال مدة عامين تكفي لتجهيز نفسها .....و الله اعلم
الهام علي
2013-08-17, 13:08
اخي انا لو كنت مكانها لقبلت فورا ما دامك ستسمح لها بالعمل بعد الزوج والتي تحب قد تتخلى على عملها لو وجدت من تتفق معه واحبته بصدق
احلام طموحة
2013-08-17, 13:16
لا يؤنبك ضميرك على تركك اياها
بل على تلك الاربع سنوات
انت اعطيت حلولا و هي اغلقت الابواب
بالتوفيق
soso sirin
2013-08-17, 13:28
انت درت الي عليك و رحت خطبتها هي ماقبلتش و قاتلك زيد اصبر عليا اذا راك قادر زيد اصبر ماراكش قادر كل واحد يروح في طريقو و ربي يعوضك و يعوضها بالاحسن ان شاء الله.
رجوت عفوك
2013-08-17, 13:35
اختي...خممت في هذا الامر ...و قلتلها الناس علابلهم بلي كنتي معايا..و انا تقدمتلك لاني وعدتك بلي نتقدملك و لاني نحبك و حاب نسترك....واش كان ردها؟...ماتخافش عليا الخطابة مازال راهم يجوني لدارنا و انا مانيش نقبل...بدلت اهدافي بعييييييييييييييد عن الزواج ..الزواج خليته ليك انت...
و باش نخطبها و نستنى اكثر من عام امر مرفوض .انا قلتلها على عامين يعني بعد ماتكمل قرايتها و تخدم عامها الاول لانها توظف مباشرة بعد الدراسة...فقالت لا يكفيني عام واحد.
و ان شاء الله ربي يغفر لي و يعوضها بواحد خير مني.......
إذا في هذه الحالة راك درت اللي عليك ...
ما بقالي نقولك غير ربي يرزقك بالمرأة الصالحة التي تصونك و تصونها ..
http://forum.muslimh.net/pimg/8cc13d6d1dff94495fc581a7c9c69436.jpg
عبد النور مكي
2013-08-17, 14:26
بارك الله فيكم على المرور الطيب.....
HODHOD HADAHID
2013-08-17, 14:32
إخيي درت لي عليك يععطيك الصحة وربي يعوض لي فيه الخير
هدو هوما النساء يحبو يتخطبو ومن بعد يحبو يمشيو الراجل على رايهم ربي يهدينا
راية الاسلام1
2013-08-17, 14:34
السلااام عليكم ورحمة الله وبركااااته
مع أنني ضد العلاقات طويلة المدى هده
أخي سأقول لك ماقاله الشقيري * ولا يخال لي أنك لا تعرفه *** لكن بأسلوبي
أنت 4 سنوات وانت مع هده المسكينة بعد أن لوثت سمعتها بالكامل
كن على يقين يا أخي أنك ان لم تتزوج حبيبتك فستتزوج حبيبة رجل آخر
تترك فتاة ماضيها في يدك وتتزوج فتاة ماضيها مجهووول
لا تقل لي بنت أصل ... ولست هنا لاقدف ... ولكن كن متأكدا أن الطيبات للطيبين
غفرالله لكما .... لست في صفها ولكنك حقا ظلمتها
كون اقنعتها بالشوي كان خيرا لكما ....
عبد النور مكي
2013-08-17, 14:41
السلااام عليكم ورحمة الله وبركااااته
مع أنني ضد العلاقات طويلة المدى هده
أخي سأقول لك ماقاله الشقيري * ولا يخال لي أنك لا تعرفه *** لكن بأسلوبي
أنت 4 سنوات وانت مع هده المسكينة بعد أن لوثت سمعتها بالكامل
كن على يقين يا أخي أنك ان لم تتزوج حبيبتك فستتزوج حبيبة رجل آخر
تترك فتاة ماضيها في يدك وتتزوج فتاة ماضيها مجهووول
لا تقل لي بنت أصل ... ولست هنا لاقدف ... ولكن كن متأكدا أن الطيبات للطيبين
غفرالله لكما .... لست في صفها ولكنك حقا ظلمتها
كون اقنعتها بالشوي كان خيرا لكما ....
كيف اقنعها؟....قلت لها....انا خرج معاك انا نديك نسترك ...يا اختي...راهي حابة بعد 5 سنوات تتزوج....حابتني نخطبها و نبقى نستنا 4 سنوات على الاقل......ماحبتش تتنازل عن هذا الراي مهما حاولت معاها.....ديما تقول لي نوجد روحي
واش نديرلها انا؟...فهميني الله يخليك
nibrasse 76
2013-08-17, 14:47
المفروض يا احي تبكي على كرامتك لانها عائلة مادية وبدلوك بدراهم رخيصة ....وليس شعورك بتأنيب الضمير ؟؟؟
لا اجد سببا واحدا لتهافتكم على هؤلاء المتعجرفات ذوي الوجوه الصحيحة ؟
زهرة الاحلام
2013-08-17, 14:53
يا خويا متندمش انت ربي يسعدك مع غيرها و هي ربي يهنيها و خلاص
هي اللي خاسرة
انت درت اللي عليك
و ان شاء الله ربي يقبل توبة تاعك
راية الاسلام1
2013-08-17, 15:02
كيف اقنعها؟....قلت لها....انا خرج معاك انا نديك نسترك ...يا اختي...راهي حابة بعد 5 سنوات تتزوج....حابتني نخطبها و نبقى نستنا 4 سنوات على الاقل......ماحبتش تتنازل عن هذا الراي مهما حاولت معاها.....ديما تقول لي نوجد روحي
واش نديرلها انا؟...فهميني الله يخليك
آسفة أخي لانني لم أر ردودك على الاعضااء
ان كانت كدلك فهي الخاسرة
كان الله في عونك ... المهم انك تندم على اللي فات
firouza fifi
2013-08-17, 15:06
ما كنتش نتمسخر اختي الكريمة......تمسكت بيها حتى وصل بيا الامر تزعف الوالدة تاعي ربي يرحمها على جال تعلقي الشديد بها.....تقدمتلها مرتين....مرة الوالد تاعي تقدم لعمها لان والدها متوفي....فكان رد فعلها ( ماشي هكدا تتقدملي....ابعث النساء لدارنا)...فكان لها ما ارادت..ابعثت اهلي من النساء الى امها و كان ما سبق اخبرتكم به.
و باش تقوليلي تكاليف متكاليف..عندي اختي و زوجتها و باش يكون في علمك اعطاوها فترة 4 اشهر فقط و قمنا بتجهيزيها افضل تجهيز و هي الأن ام لبنت و الحمد لله....و انا ماتخليتش عليه غيل هاك....اهدرت معاها و قلتلها اللعني الشيطان ..راكي تطلبي في المحال...كملي قرايتك و اخدمي عامك الاول و نديرو العرس...قاتلي عام واحد مايكفينيش..لازم 3 او 4..قلتلها من قبل و كررت كلامي ليها اننا لا نقبل بفترة خطوبة اكثر من عام و مع ذلك و بما ان حالتنا خاصة قلتلها عامين و نديرو العرس و مع علمها بان والدي لا يقبل بذلك الا انها تمسكت برايها.
فما عساني افعل؟
السلام عليكم ورحمة الله وبركاته
اخي الكريم بما ان ردها كان هكذا وانت حسبما قلت لم تبخلها بشيئ اذن هي من ظلمت نفسها
وانصحك بان تنساها وتتخلى عن هذا التفكير
ربي يلاقيك ببنت الحلال اللي تصونك وتخدمك
دعاء المحبوبة
2013-08-17, 15:08
اختي...خممت في هذا الامر ...و قلتلها الناس علابلهم بلي كنتي معايا..و انا تقدمتلك لاني وعدتك بلي نتقدملك و لاني نحبك و حاب نسترك....واش كان ردها؟...ماتخافش عليا الخطابة مازال راهم يجوني لدارنا و انا مانيش نقبل...بدلت اهدافي بعييييييييييييييد عن الزواج ..الزواج خليته ليك انت...
و باش نخطبها و نستنى اكثر من عام امر مرفوض .انا قلتلها على عامين يعني بعد ماتكمل قرايتها و تخدم عامها الاول لانها توظف مباشرة بعد الدراسة...فقالت لا يكفيني عام واحد.
و ان شاء الله ربي يغفر لي و يعوضها بواحد خير مني.......
كلامها صحيح والواقع يؤكد ذلك
كل وحدة دارت رايها بالعلاقات تتزوج بكل بساطة ويتهافت عليها الخطاب و من اعلى المستويات (ربما الخبرة مطلوبة حتى في الزواج)
صحيح كان الخطأ منك في البداية في اقامة علاقة معها
وقد عملت للازم عليك
وبما انك نادم على فعلك هذا ربي نجاك منها
ربي يرزقك بزوجة صالحة
ايمان نور الجزائر
2013-08-17, 15:10
هداكما الله........علاقة من الاول غير صحيحة
لو وفرت على نفسك عناء مصاحبتها لاربع سنوات من الاول لوفرت الان حسرتك على رفضها
من رايي كنت تزيد تصبر عليهااااااااا وفرات مادام قضيتو مدة مع بعض
افضل من الفراق
++
انت ستخدع من ستتزوج وهيا ستخدع من ستتزوج
4 سنوات حاجة ماشي قليلة
عبد النور مكي
2013-08-17, 15:11
المفروض يا احي تبكي على كرامتك لانها عائلة مادية وبدلوك بدراهم رخيصة ....وليس شعورك بتأنيب الضمير ؟؟؟
لا اجد سببا واحدا لتهافتكم على هؤلاء المتعجرفات ذوي الوجوه الصحيحة ؟
الله يغفرلي.....و يغفرلهم و يهدينا اجمعين
أيادي الأمل
2013-08-17, 15:15
بالنسبة لك أخي
ياك قالتلك عام واحد ميكفينيش باش نجهز نفسي ماقالتلكش مانقبلش ،
الآن راهي مسألة جدية متقعدش تخمن واش راهي تخمم،
إسألهم مباشرة هل انت موافقة ام لا ؟ قولها متتهربش ماهيش لعبة هاذي
إذا كان فعلا عام ميكفيهاش باش تجهز نفسها كيفاش حبيتها دير العرس !!
فيما يخص لي قالوا ان العلاقة ماتنجحش و لي قالوا بلي الثقة ستنعدم ،
اقول لك ما حصل من الخطأ يحتاج إلى توبة نصوح،
والتوبة تجُبُّ ما قبلها، وتمحو ما قبلها،
فإذا تبت و رجعت إلى الله تبارك وتعالى –وتابت هي كذلك ورجعت إلى الله تبارك وتعالى–
فإنه لم يُرَ للمتحابين مثل النكاح،
وهذه المشاعر التي بدأت بالخطأيمكن ان تصحح ، وتستروا ماكان بينكما من قبل،
واالنجاح واحد مايحكم عليه المهم التوبة و الثقة انتما ادرى ببعضكما منا .
و انا عندي قصتين لزوجين كانت لهم علاقة غير شرعية و صححوها بالتوبة الصادقة النصوح و بعدوا على بعضاهم و ربي عاود جمعهم في الحلال و علاقتهم بعد الزواج اجمل علاقة ، المهم ركزلي على التوبة الصادقة و اصلاح الخطأ.
فيما يخص تأنيب ضميرك لازم نحوسلك لاني صادفت مرة استشارة تشبه سؤالك،
نحاول نبحثلك عنها و ان شاء الله اضعها
بالتوفيق
عبد النور مكي
2013-08-17, 15:17
هداكما الله........علاقة من الاول غير صحيحة
لو وفرت على نفسك عناء مصاحبتها لاربع سنوات من الاول لوفرت الان حسرتك على رفضها
من رايي كنت تزيد تصبر عليهااااااااا وفرات مادام قضيتو مدة مع بعض
افضل من الفراق
++
انت ستخدع من ستتزوج وهيا ستخدع من ستتزوج
4 سنوات حاجة ماشي قليلة
بما انك تقولي 4 سنوات ماهيش قليلة...اذا هي تطلب 4 سوات اخرى من الانتظار
أيادي الأمل
2013-08-17, 15:20
لن اضع نفسي مكانها لانى لن اتجرا واعمل علاقه
هذا هو اساس الخطا يعنى تقلقتم لما قالت نزيد المدة معاها حق لاقيه مجال لانها تطلب وانت تجيب
استغفر الله وما بنى على باطل فهو باطل
احمد الله لانها وعتك في هذا الموقف ممكن تعيد حساباتك فزواجك ممن قبلت ان تكون علاقه لمدة 4 سنوات لا يؤتمن لها و الكارثه امها تعلم بالامر يعنى فساد عام وعائى
اعتذر فيس من عادتى التدخل في شان كهذا لكن استفزنى الموضوع
سمحيلي اختي متقوليش هكذا
قبلك قالوها و عملوها ،
ليس برغبة منهن و لكن ضعفت النفس ووسوس الشيطان و خلى الله مابينهن و بين انفسهن ..
دايمن قولي الحمد لله لي هداك و موقعتيش في خطأها و دعي ربي يهديها و يهديك،
واحد ماراه معصوم
تقبلي رأي
أيادي الأمل
2013-08-17, 15:25
السلام عليكم
هاك تفضل إقرأ هاذي ربما تفيدك
http://www.alukah.net/Web/refai/0/49670/
أناييس الربيع
2013-08-17, 15:45
هذا جزاء من يقيم التعارف قبل الزواج
احلام غايتي الجنة
2013-08-17, 17:25
ربي يصلحلك الامور اخي و يجيبلك لي فيه الخير رانا في زمان ما يعلم بيه غير الله نتمنى تعرف الصح هاذي الفتاة و تخير الحلال ماكانش كيفو ربي يبارك فيه مافهمتش لاه الماديات هاذي تجهز المكتوب لي كتبولها ربي المهم لوكان تحبك صح تخير تعيش معاك و من بعد تعمرو داركم بالشوي خلاصة القول ربي يهديكم للصواب و يبعد عليكم البلا و الشيطان
leila ben
2013-08-17, 17:35
عيب عليها هاذ الكلام حتى جازو 4 سنين تفكرت أنها تخدم وتجهز وين كانت من قبل معليش ربي يعوضك ماخير منها مكاين ني عذاب الضمير ني والو كي خليتها عندك الحق واش تفني روحك على جالها واش يضمنلك تزيد معاها عامين تزيد تقولك راني لقيت واحد خير منك كل واحد يشوف حياتو إ
لازم تحكي معاها بجدية وتقولها راني قررت وخبرت الأهل تاعي باش نجي نخطبك وراهم رايحين يجيو وشوفها واش تقولك إذا رفضت معنتها راهي شايفتلها شوفة أخرى بسكو هدي ماشي سبة أما إذا قبلت ربي يهنيكم ونفرحولكم من القلب
هدى الجيجلية
2013-08-17, 18:45
السلام عليكم
اخي
والله انا محتارة
من تفكير
هؤلاء البنات
لو كان مجيتش تخطبها
لوكان قالت
راه اتمسخر بية
بصح كيجات لصح
قعدت
تتماطل
واش انقلك خويا
إن شاء الله ربي ايعوضك خير
هي الي خاسرة
Ritaaj1824
2013-08-17, 18:49
على الاقل كانت تقبل بالخطبة و كي تكمل تتزوجوا و تخدم في نفس الوقت لكن باش تبقى تستناها و بالاك نهار اوخر ما يكتبش المكتوب و تتزوج واحد اوخر
انا مكانك كنت مانسمحش فيها و كنت نشمر على ذراعتيا مدة عام كامل ما نرتاحش حتى نلايملها مهر محترم يغنيها عن العمل بعد الدراسة......اذا ما قبلتش بهذا الحل فهي اذا راهي تحوس تخدم ....فهنا نخليها
هذا مجرد رايي الشخصي و انت اخي شوف الشي الي يساعدك و يرضي الله سبحانه و تعالى
ربي يعطيك الخير
حمزه أبو مريم
2013-08-17, 18:59
العلاقة خطأ من الأساس وما بني على باطل فهو باطل
عمري ضايع
2013-08-17, 19:34
انت درت اللي عليك وتقدمت ليها وهي كان لها شروط وانت مساعدوكش كل واحد ربي يهنيه ويتممله بالخير متحس بحتى ذنب مركش ظالمها....وعلاش متتنازلش هي وتقبل انها تخدم عام واحد فقط....
سيدة القصر الهام
2013-08-17, 20:40
صراحة غاضتني :(
اذا تحبك اصبر و قنعها
اذا مش حب و هي لقات سبّة باش تهرب ربي يسهل عليها
استخر الله و اذا صح تحبها و تحبها صونها مادام مشيت معاها 4 سنين و اديها فالحلال
اصبر عليها عامين برك و كل شي يهون
انت حاول تهدر معاها فهداوة و شوف
انت تحبها؟ هي تحبك؟
و المهم الحلال : )
سميرة3940
2013-08-17, 22:38
ربي يعوضك ما خير منها تهنيت منها
samira135
2013-08-17, 22:51
شروط تعجيزية
والمسكينة باينة نية حاسبة انو تتخرج منا تخدم منا
وفي الاخير تلقى روحها ماهي بالخدمة ماهي بالزواج
samira135
2013-08-17, 22:56
انا مكانك كنت مانسمحش فيها و كنت نشمر على ذراعتيا مدة عام كامل ما نرتاحش حتى نلايملها مهر محترم يغنيها عن العمل بعد الدراسة......اذا ما قبلتش بهذا الحل فهي اذا راهي تحوس تخدم ....فهنا نخليها
هذا مجرد رايي الشخصي و انت اخي شوف الشي الي يساعدك و يرضي الله سبحانه و تعالى
ربي يعطيك الخير
اذا كان المهر المحترم يرضيها يعني هي مادية والمرأة المادية لا تصلح للزواج
لو كانت صح حابة تكمل و كان إقترحت حل وسط ماشي تفرض رأيها
khawlita.dz
2013-08-17, 23:49
لا اظن انه من حقك التخلى عنها بعد ان وعدتها 4 سنوات
لكن السؤوال المطروح هل فعلا هدا هو السبب الحقيقي جالت ببالى عدة افكار و انا اتبع سردك لردود فعلها
-يا اخى اما ان الفتاة لا تثق بك و تظن انك ستقف فى وجه مستقبلها و عملها بعد الزواج
_اما انها خائفة من الارتباط الان و تبعد الموضوع على قدر الامكان او ترى انها مازلت صغيرة على الارتباط و انها تريد ان تفعل و تحقق اشياء اخرى قبل الزواج
_اما انها تخلت على فكرة الارتباط بك شافتلها كاش شوفة و تريد ان تفسخ ما كان بينكم
-او انها غير مقتنعة بك تماما و تريد الوفت للتحقق من انك الشريك المنتظر
اظن عليك معرفة الجواب منها بمفاتحتها و مصارحتها بالحقيقة ثم تبنى رايك و قرارك
بالتوفيق لك و لها
wissou2013
2013-08-17, 23:53
ممم بانة امها اللي قاتلها اصبري شوي ولا شفتلها ولد الجارة ان شاء الله ربي يعوضك
○•ميسون•○
2013-08-18, 13:13
السلام عليكم
لا أنت لم تظلمها بل هي التي ظلمتك
لو كنت مكانها لما فعلت ما فعلته
قالت رأيها من رأي أمها؟؟ وعلاه هي لي راح تتزوج ولا أمها؟؟
الله يغفر لكم وربي يعوض لكم
أنا نشوف عندك الحق ولا يوجد سبب لتأنيب الضمير
بعنى انت تقدمت لها ومخدعتهاش ووفيت لها وهى ثانى الله غالب امها ممكن سيفت عليها
معناه المكتوب مكتبش بيناتكم وربي شايف الصلحة
كان عليها تقبل لأنه أنت قلت لها عام تكملى دراستك وعام تخدمى وبعدها زواج صح؟؟ وهى قالت لك عام خدمة قليل
ان نظن أن السبب تاعها غير مقنع
ربي يوفقكم اخى
ريم الوداع
2013-08-18, 15:55
خوياااااااااااا هدا انسانه تتمسخر بيك بي امهااااااااا خليك منها نت مدلمتهاااااااااااش بعكس جات باه توقرها ولات تتكبر وباغيه تخدم خليه تنفعه خدمه وراي تاع يماه هدا تحلاب اسمحلي على هدره مي ساعات تجاك عفايس تقلقك تاع صح خويا نت عملت واجب واكتر يملا انا نقلك روح قله الي جابك يجاب غيرك واحسنننننن انا لو مكاااااااااااااااانه ولله حتى باه نعمل دكتوره لحبس انا وياك 4 سنوات ومن باعده نقلك باغيه نحضر روحي هدا تمخير خوا
سلامووووووووو
ravanaflora
2013-08-20, 10:52
شوف أخي الكريم قلبك هو دليلك ..وانت قلت أنو تعرفها من 4 سنوات يعني راك حفظت عقليتها وتقدر تعرف ماوراء هذا التأجيل وإذا كانت نيتها تجبد بيك التابي ولا العكس
وثاني انت تعرف ظروفها لا عاد عايلتها قد حالها وماتقدرش تجهزها بالاك يكون عندها حق كي تخاف
الحاصول لو كان أنا في بلاصتها نقبل يجي يخطبني وماعليش رانا نجهزو رواحنا مع بعض ونتعاونو بالشي لي قدرنا عليه
المهم انا ليه وهو ليا
kamilyo10
2013-08-20, 14:54
انا برايي يمكنكما التفاهم و غيجاد الحل غذا كنتما متناسبين و متفاهمين في الافكار ما دمت علاقتكما عمرها اربع سنين
ولكن إجابتها لك لم تكن لهل بل هذا تفكير أمها و اعلم ان دائما الام تبحث عن مصلحة البنت و لكن راي البنت اولى لان في الاخير هذا مستقبلها
زيادة غلى هذا ما راي اب البنت لانك لم تتكلم عنه
أخي الكريم انت عملت الي عليك وزيادة .. مع أنك كنت مخطئا من الأساس ..على العموم ربي يسهلك
يا أخي صحيح لأنها كانت علاقة عير شرعية لم يكتب لها....فمن أرادت الزواج قبلت من اول مرة ...ولا تختلق الأعذار أو الحجج....لو كانت هذه الفترة التي مررت بها خطوبة أحسن....على كل ربي يعوضك بأحسن منها.....
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ...)
أخي الكريم ..... تكون معها لأربع سنوات متتالية ، و تتركها لأنها طلبت منك عاما واحدا أو عامين ....
أنا اسألك ..... بعد ما تركتها، كيف تركتها.؟ مقهورة .؟ متألمة منك....؟
آخر الأمر، أنت طلبت حلالا، و لكنك لم تصر عليها، و لم تتمسك بها,,, لما لم تقترح عليها حلولا وسطا..؟ أم كان يجب أن توافق على شروطك وفقظ ؟؟.......
على كل استخير المولى ، و لكن اعد التفكير ارجوك ....
تقبل مروري
salima14
2013-08-20, 19:31
عَنْ الأَغرِّ بنِ يسارٍ المُزَنِيِّ رَضِيَ اللهُ عَنْهُ قَالَ : قَالَ رَسُولُ اللهِ صَلَّى اللهُ عَلَيهِ وَسَلَّمَ : « يَا أَيُهَا النَّاسُ تُوبُوا إِلى اللهِ وَاسْتَغْفِرُوهُ ، فَإِنِّي أَتُوبُ في الْيَوْمِ مَائَةَ مَرَّةٍ » .
في العادة الرجال ميقدروشثقل التجهيزات راك عارف واش معناها تجهز عروسة غير لخياطة لبسة وحدة تشدلك عام ونص او اكثر وزييييييييد وزيييييييييييييد وكل شيئ غالي يكوي غير خاتم ذهب واحد يبغي مزانية صراحة ليس سبب مقنع وجدي للانفصال وكأنك كنت على سبة ولا أشك فيك ولكن كان لزم ان يكون هناك حوار وأخذ ورد .
كان لزم تقعدو قعدة جدية وتقدرو ماهي المدة الفعلية للتجهيز انتم تعرفو دراهمكم واش تحتاجو واش هي المدة الفعلية للتجهيز وشكون قالك هي غلطت لما قالت عام ميكفيش ولربما مدخولها المادي محدود الله اعلم الواحد لزم يسمع منك ومنها
ربي يعوضك ويعوضها خير في النهاية كل شيئ بالمكتوب
انا مكانك كنت مانسمحش فيها و كنت نشمر على ذراعتيا مدة عام كامل ما نرتاحش حتى نلايملها مهر محترم يغنيها عن العمل بعد الدراسة......اذا ما قبلتش بهذا الحل فهي اذا راهي تحوس تخدم ....فهنا نخليها
هذا مجرد رايي الشخصي و انت اخي شوف الشي الي يساعدك و يرضي الله سبحانه و تعالى
ربي يعطيك الخير
:19: رأي محترم ورجولي جداااااا
لازم انت توجد روحك وهي توجد روحها لكن الخطبة مش مشكل ديروها ومن بعذ كي توجدو رواحكم ديرو العرس
razika zouzou
2013-08-20, 23:11
اااااااايه صبر عليها
ومبعد و لا حبيتها تضيع
كاااااااامل لعواااام لي قراتهم
على جااااال الزواااااااج
عبد النور مكي
2013-08-23, 16:43
مشكورين على الردود
اهلي لما ذهبو الى امها اخبروها باني بعد عام يكون العرس لكن ولدتها رفضت و قالت انها لا تملك شيئئا تجهز به ابنتها الآن لذلك يتطلب ان تعمل هي حتى تعين نفسها يعني لمدة 3 سنوات قالت لهم حتى هو مازال صغير و هذي في مصلاحته يوجد روحه حتى هو.
بعدما كان هذا الرد منهم تحسس والدي من الامر و قال لي يعني كانت تقولك ارواه تقدملي و ضرك تقولك مازال؟ قتله هي كانت تقول لي اهدر علي برك و الخطبة لوقت آخر قالي كاينة خطبة و عرس مكانش تهدر علي و زيد الخطبة ماتزيدش على عام...انت تقدمتلها و هي قالت مزال..اذا وقف الشي الي كان بيناتكم و توب الى الله و حتى انت زيد اخدم و لم روحك مليح و من بعد كيتلم روحك اذا كانت من نصيبك راهي من نصيبك و الا فكل واحد و يعطيه ربي الخير.
لما اخبرتها بالامر قالت لي بان اهلك لا يريدونني و لا يقبلون بي لذلك عندما قدمو الى بيتنا لم يكونو يريدونني فعلا يعني فقط انت سيفت عليهم برك .و انا الوالد تاعي قالي ماعندي حتى مشكل مع البنت مرحبا بيها في داري راهي وحدة من بناتي.
hd_science
2013-08-23, 19:29
ما بني على باطل فهو باطل. فأنت اقررت انك كنت معها في علاقة مدة 4 سنوات والعلاقة بين الرجل والمرأة ولو سطحية لا توجد في الدين
السلام عليكم اخي الفاضل انا عن نفسي بطلت القراية على جال خطيبي راهي غالطة الف بالمئة خاصة لما قالتلك باغية نتزوج بيك اليوم قبل غدوة لازم تكمل في هدرتها...
ابنة الحضنة
2013-08-23, 19:57
بما اني بنت واعرف نوعا ما هيا كانت تريد ان تضمنك لها وبعد كي جيت حبت تدي راي امها 3 سنوات كانت كفيلة للتفاهم ومثلما انتظرتك 3 سنوات يجب عليك ان تنتظرها ومن حقها من جهة اخرى التطول ينفعك انت راجل لا غبار عليك انا هيا مضنيتش رايحة توجد روحها ليه ليه وتقلك هيا من الاحسن كمل معاها وتفاهمو بالشوية متضيعها متضيعك وربي يوفق بينكم
نصيحتي ماتسمحش فيها والله تموت بعدك وكيما يقولو من الحب ماقتل وربي يجمع شملكم في القريب العاجل عندك ماتعرضنيش للعرس هههههه
elhassen 02
2013-08-23, 22:56
السلام عليكم و رحمة الله تعالى و بركاته
أنت ياأخي قمت بالصواب
وريب ايجيبلك مرآة صالحة ان شاء الله
ام ضياء01
2013-08-24, 20:15
لازملك تعرف حقيقة نواياهااذا كانت حاكما يدها بيك تقول بالاك يجي خير منو ولا.....واذا كانت حابة صح تكمل معاك ممكن تصبر معاها خير وقدر ضروفها مليح ليك تزيد تلم على روحك حتى تكونو مستعدين للزواج وربي يقدم لي فيه الخير
فارس وجواد
2013-08-26, 20:23
كون من النهار الاول تفاهمتوا على مشي خليت نبقالها عام وحبيت تحبسها راك غالط مئة بالمئة
أم لُجَيْن
2013-08-26, 20:48
السلام عليكم
اخي الكريم ربي يعوضك خير منها حابة تخدم وشمن خدمة ياك راهم بشهاداتهم قاعدين تحت الحيط وعام تخدم فيه يكفيها انا وبكل صراحة قريت ديت ليسانس وكي كنت في الماستر تخطبت بطلت لقراية رغم انو كان طموحي كبير اني نكمل العامين ونخدم وصغيرة في السن لكن اذا جائكم من ترضون دينه وخلقه فزوجوه هكذا قال النبي صلى الله عليه وسلم
واخيرا اقول لك
عسى ان تحبوا شيئا وهو شر لكم وعســـــــــــــــــى او تكرهوا شيئا وهو خـــــــــــــــــيــــــــــــر لكم
ربي يعوضك ببنت الحلال
أيمن عبد الله
2013-08-26, 21:02
نتمنى أن الاخ الكريم وجد في مشاركات الاخوة والاخوات
ما يستطيع من خلاله اتخاذ قرار
vBulletin® v3.8.10 Release Candidate 2, Copyright ©2000-2025, TranZ by Almuhajir