مشكلة في الصلاة [الأرشيف] - منتديات الجلفة لكل الجزائريين و العرب

مشكلتي

2013-08-16, 19:33

السلام عليكم ورحمة الله
تكمن المشكلة في اني لا أركز في الصلاة لاني دائما أفكر بفتاة سحرتني بجمالها و أخلاقها رغم أني أعرف انها لن تكون من نصيبي راكم تعرفوا الزوالي معندوش قيمة في هاد الوقت هذا لا يعني اني حقرت روحي و لكنه واقع مأكد في مجتمعنا
والله أصبحت نحس بلي راني مقصر في حق ربي و أحاول أن أخشع في الصلاة ولكن بعد دقيقة اعاود التفكير بها
خاوتي أدعولي ننسى هذه الفتاة و نتهنى ونكمل حياتي عادي

*نآدرة~

2013-08-16, 19:50

ألهذه الدرجة؟؟أي فاتنة هذه؟؟ربي يجعلها من نصيبك
مادام راهي تجيك في صلاتك ادعي ربي تكون من نصيبك وييسرلك ربي وتكون حلالك،راني عارفة الزوالي كيما قلت انت كيفاش يعاملوه في مجتمعنا وكيفاش يحتقروه بالصح صدقنب كاين بنات الله يبارك عز وجاه ومال ومابغات غير الزوالي تكمل حياتها معاه في ظل حيرة كل المجتمع وهاذي قصص حثيثية،امالا ما تستاهنش بروحك ممكن الحوايج لي فيك يغنو عن مال الدنيا،ربي ينحي حاجات بالصح يعوضهم بحاجات اخرى
حاول تتقدملها من الباب الكبير وماتدري توافق وتكون من نصيبك
ربي معاك خويا وبالتوفيق

ToXiC_Dz

2013-08-16, 20:21

هذا يسموه تزيين من الشيطان خويا
اذا تقدر تونقاجي و تطبب الباب اللهم بارك حسيت روحك ماكش قادر اجبد روحك و لي ماهو ليك غير يعييك و انهي هاذ لحكاية نهائيا
البنات ماراحش يخلاصو
والشيطان مادام يعرف نقاط اي واحد منا دايما يستغلها ويقدر يزين و يشبح للانسان اي عفسة حتى ولو كانت تافهة
والانسان ضعيف ينخدع بالوهم و ياكل المقلب و النتيجة ف الاخر انو يلقى روحو خاسر
سواء يطيح ف ذنب و لا ينقطع عن طاعة ولا يضعف ايمانو
ما تخليش بليس يديرلك صنم ف قلبك و استعين بالله و كثر الدعاء و الاستغفار

ما وراء الطبيعة ؟؟؟؟

2013-08-16, 20:33

وما أكثر الفاتنات في زماننا

لو كان نتبعوك أنت

الواحد ميصليش ركعة وحدة صافية لربي

المهم تذكر في الأول والخير أنها إمرأة كباقي النساء

لها ما لها وعليها ما عليها

kmilya

2013-08-16, 20:48

ماتفقدش الامل بلاك تكون من نصيبك ان شاء الله
ثق بالله فحسب

نوسة النموسة

2013-08-16, 20:53

حاجة مليح كي راك تحس مقصر في حق ربي سبحانو

اكثر من الاستغفاار ووالدعاء

وكي تدعي قول يارب اخرج حب هذي الفتاة من قلبي

ربي يقدملك الخير يا اخي

وفية زاد

2013-08-16, 20:54

يمكن راني خرجت من الموضوع
بصح ما فهمتش
يعني انت تقدمتلها و رفضوك ؟؟؟
علاش ما رحتش تخطبها من دارها قبل ما تحكي باللي ماهيش من نصيبك خاطر راك زوالي
المفروض تتوكل على رب و تحاول
ماشي تقعد تخمم فيها حتى في الصلاة و تقول مستحيل تكون من نصيبي
وين تعرف انت واش كاتبلك رب
يمكن تروح تخطبها يقبلو بيك
تقدملها و ما تخافش و رب يوفقك

Tawba2

2013-08-16, 21:29

ليتك تشرح لنا مشكلتك أكثر

naamane3

2013-08-16, 21:37

حاجة مليح كي راك تحس مقصر في حق ربي سبحانو

اكثر من الاستغفاار ووالدعاء

وكي تدعي قول يارب اخرج حب هذي الفتاة من قلبي

ربي يقدملك الخير يا اخي
رايي من راي الاخت

احلام طموحة

2013-08-16, 22:14

قل

ربي زدني حبا لك و تعلقا بك و اقبالا عليك

و ربي يهدينا للخشوع في الصلاة

فكلنا مقصرون

jandi

2013-08-16, 22:25

كي تكون تصلي وجيك في بالك هاد الفاتنة تفكر الموت وحاول تتخيل عند موضع عينيك حفرة القبر وظلمته

محمد mca

2013-08-17, 00:12

السلام عليكم

حاول ان تنسى هذي الفكرة + اذا قدرت نوض في الثلث الاخير من الليل اقرى القران صلى 2 ركعات على حساب واش قدرت وادعي ربي

يصلح احوالك . بعد ذلك صلي صلاة الفجر والصبح .هكذا والله العظيم غير تحس بواحد الراحة تحسد علها ربي يوفقك .

اناناسة

2013-08-17, 07:32

السلام عليكم ، أخي أنصحك بتتبع برنامج كيف تتعامل مع الله للشيخ مشاري الخراز ابحث عنه و سوف تتبدل الامور بالنسبه لك سوف ترى العالم بشكل آخر صدقني و اول ما ستغيره بإذن الله هو صلاتك ستشعر بالخجل من الله لكل صلاه مرت و انت غير مركز في ما تقول على الأقل ( انا لم اصل بعد لدرجت الخشوع لكني على الأقل لم اعد كما كنت ) تذكر يا أخي انك تصلي أمام رب العباد . رب العباد يا أخي تذكر بانه يراك و يرقب تصرفاتك في الصلاه عندها سوف يتغير كل شيء ... بالنسبه للفتاه اول شيء ابتعد عن كل مكان قد يجمعكما، ثانيا أدعو الله لقبول توبتك و ليساعدك على نسيانها وفقك الله يا أخي .

جمعي البشاري

2013-08-17, 09:17

قرات العنوان ففرحت على المشكل الجديد والجيد وهو مشكل الصلاة والكثير الدي لا يثقنه
دخلت فوجت الموضوع يتحدث على الجمال والفتياات والحب والزواج ككامل المشكلات
قل ربي زدني حبا لك و تعلقا بك و اقبالا عليك
و ربي يهدينا للخشوع في الصلاة

ندى العالم

2013-08-17, 10:52

تحسرك اخي دليل على ان قلبك بدا يحيي فهنيئا لك ب\لك ماعليك الا الاصرار و العزيمة على نسيانها و التركيز في الصلاة
و ادعو في الصلاة ان يرزقك الله خيرا منها فسبحان الله الرزاق

salima14

2013-08-17, 11:16

أخي ننصحك روح أخطبها إذا ربي كاتبهالك يا مبارك إذا مكانش
شوف وحدة زوالية حتى الزواولة فيهم الزين وكمل نصف دينك
وتهنى من هاذ المشكل طول ومدام راك خايف من ربي ربي يوفقك

صالح القسنطيني

2013-08-17, 11:43

اعظم شيء يعين على الخشوع في الصلاة هو التدبر و فقه ما تقوله يعنى ان تكون فاهما لكلمات الصلاة كلها كلمة كلمة من معنى الله أكبر الى معنى السلام عليكم

رجوت عفوك

2013-08-17, 15:38

يا أخي ... تفكر برك ظلمت القبر و وحشته و يوم الحق اللي ماراح تنفعك فيه لا فاتنة و لا مزعوقة ..

و إنما ينفعك فقط عملك الصالح ...

بلسم غرام2018

2013-08-17, 15:40

اخي تقدم لها
والخيرة فيما اختاره الله

kamilyo10

2013-08-18, 14:19

السلام عليكم
أخي أنصحك بصلاة الإستخارة و كثرة الدعاء و الإستغفار و إن شاء الله تظهر الأمور مليح و ييسر الله لك نواياك الطيبة غن شاء.

evaevalle

2013-08-18, 15:00

ههههههههههههههههههههه
لهذه الدرجة فتاة فاتنة
المهم يا اخي ماكش وحدك تعاني من المشكلة الجميع يعاني
انا ايضا كي نصلي نتفكر هموم الدنيا بكلهم
هذا اسمه الشيطان اكثر من الاستغفار قبل التكبير في الصلاة
سلام