مشكلتي

[مشكلتي]

انا شخص معاق بنسبة 30بالمائة على مستوى العمود الفقري درت حادث بالسيارة

نخدم في العقارية وهناك تعرفت علىوحدة حبيتها وبادلتني نفس الشعور بصح هي معلابلهاش بلي انا معاق لخطرش اعاقتي غير واضحة خصوصا ان هذي المراة تحب انها تكون ديما الافضل امام صحباتها وعايلتها
والله انا خايف من ردت فعلها راح نتالم اكثر من الالم الي انا فيه
نقلها بلي انا معاق ؟

ولا نبتعد عليها بلا ما تعلم تعلم اني معاق ؟

ساعدوني راني حاير واش ندير معاها هي ديما تضغط عليا وتقلي وقتاش تجي تخطب ومعلابلهاش بلي انا مدمر في قلبي

[نوسة النموسة]

كون صريح معاه وقوللها اذا اكانت تحبك راح تقبلك كيما راك

وان شاء الله ميكون غير الخير

ربي سهلك ان شاء الله

[حميد.ص]

نعم قولها و ربي يعطيك الخير

[شاملة لينة]

لا يوجد احسن من الصراحة كن قوي و قول لها واش كاين و تقبل الامر كيما يكون .انا نشوف باللي المرض مش سبب للرفض خاصة اذا كان حب متبادل . و ربي يقدملك ياللي فيه الخير .

[أيادي الأمل]

نعم اخبرها

و الاعاقة ليست مشكل

المعاق مثلو مثل الشخص العادي ،
الاعاقة يا اخي هي الاعقاة العقلية مشي البدنية لي مايفهمش هاذي هو المعاق !

[asil333]

الي يحب شخص يقبله بكل عيوبه

[سمية المستغانمية]

صارحها
لأنها اذا كانت تحبك صح تقبل بيك رغم اعاقتك
و الحمد الله ليست اعاقتك خطيره

[ToXiC_Dz]

خويا ما كاش كيما الصراحة
اونقاجي ما فيها والو خصوصا انك ديجا حاط روحك خاسر و تخمم تجبد روحك
يعني اذا ما قبلتش ان شاء الله ماراحش يغيضك الحال
جرب صارحها واذا هي اعتذرت عن القبول فلك الحمد يا رب وتكون قصرت على روحك الطريق
و ربي يعوضك بلي خير منها
و اذا قبلت فلك الحمد يا رب ونقولولك هنيئا لك و ربي يتمم بالخير

[*نآدرة~]

الحمد لله على سلامتك،مادام اعاقتك مش باينة بزاف قوللها عادي،حتى واحد مارايح يعرف بلي انت معاق تماما كيما هي ماراهيش عارفة،وصدقني اذا راهي قابلاتك واختارتك بنفسها اكيذ رايحة تتغاضى على هاذ الأمر المهم خبرها ماتخليهاش تعرف من واحد آخر وراني متاكدة بلي ماراهيش رايخة تسمح فيك،هذيك حاجة ربي وقادر اي انسان يتعرض لواش تعرضت انت،ناس مصابين كثر وتزوجوا وراهم لاباس عليهم
ربي يسهلك زواجك وان شاء الله ترضى وتقبل غير بيك وتعيشوا هانيين
بالتوفيق أخي

[ツღعـصُـ♥ـوِݦۑツღ]

صراحة ثم صراحة أآخي

كونك صريح أخي ، وهادي ماشي إعاقة كبيرة حاجة خفيفة مدامها ما شفتهاش

أتوكل على ربي يخيو و ربي يسيرلك أمورك

[ou adem]

sareha yla thebek akid rah teg3od m3ek rabi ysahal

[amalelrouh]

صارحها عادي اذا كانت اتحبك راح تقبل بيك كيفما كنت اذا كانت اتحب غير المظاهر ربي هناك وريحك منها وان شاءالله ربي يرزقك بواحدة تتفهمك واتحبك ان شاءالله

[سهيلة2013]

انا شخص معاق بنسبة 30بالمائة على مستوى العمود الفقري درت حادث بالسيارة

نخدم في العقارية وهناك تعرفت علىوحدة حبيتها وبادلتني نفس الشعور بصح هي معلابلهاش بلي انا معاق لخطرش اعاقتي غير واضحة خصوصا ان هذي المراة تحب انها تكون ديما الافضل امام صحباتها وعايلتها
والله انا خايف من ردت فعلها راح نتالم اكثر من الالم الي انا فيه
نقلها بلي انا معاق ؟

ولا نبتعد عليها بلا ما تعلم تعلم اني معاق ؟

ساعدوني راني حاير واش ندير معاها هي ديما تضغط عليا وتقلي وقتاش تجي تخطب ومعلابلهاش بلي انا مدمر في قلبي
من الاحسن انك تصارحها دورك خير
الانه راح يجي نهار لتعرف امالا تعرف دورك ومنك خير
بصح انا باغية نعرف الاعاقة هادي ك دايرة

[أمة الله 12]

لما القلق يا اخي, حسب كلامك فهي لم تلاحظ اعاقتك رعم انها حريصة,

اذن فاخبرها و لا تقلق,

[بنت البلاد الجزائر]

ماكانش كيما الصراحة في هذه الحياة
اخبرها و ان شاء الله يكون الخير

[وفية زاد]

اخي لازمك تصارحها
و ان شاء الله اذا صح تحبك و قابلة بيك
حاجة كيما هذي ما راحش تهمها
خاصة ان الاعاقة غير واضحة كيما راك تقول
و زيد راك خدام و قادر و الاعاقة ماراهيش مأثرة عليك
نصيحة تشجع و تقدم لخطبتها قبل ما تخسرها و تندم
بالتوفيق

[kmilya]

انت قلها واحكيلها واذا كانت تحبك صح صح ماشي راح تخليك
نوصيك ماتخليهاش هكاك
مكانش قد صراحة

[naamane3]

قولي هو قطع العلاقة نهائيا دون سابق انذار
وعند ما تستفسر منك اخبرها انكما في علاقة غير شرعية
واذا قالت لك لندعها شرعية اخبرها بحالك قبل كل شيئ
والله المستعان

[ToXiC_Dz]

قولي هو قطع العلاقة نهائيا دون سابق انذار
وعند ما تستفسر منك اخبرها انكما في علاقة غير شرعية
واذا قالت لك لندعها شرعية اخبرها بحالك قبل كل شيئ
والله المستعان


ارى ان هذا احسن حل لهذه المشكلة

[ريم الوداع]

وش فيه لو كان نت معاق ياك قلت نسبه 30وتاني ماكش باين عليك خويا نت قله حقيقه وادا هيا معجبهاش حالللل سوق فيه خير وياسر منه ربي يوفقك ويكون معااااااااااااااك
سلامو وطمنا عليك

[salima14]

مادام تعرفك ومش شايفة لإعاقة نتاعك معناها مش حاجة كبيرة
صارحها خير ربي يوفقك

[صالح القسنطيني]

اولا علاقتك انت اعلم بها جهة الحكم الشرعي

و ثانيا اذا كانت تلك المراة حقا كما وصفت من انها دائما تحب تكون الافضل بين صديقاتها و اهلها فمن هذه وصفها اتعبتك بعد الزواج و لن تملأ لها عينا الا و ازدادت اتساعا

عليك بالتي ترضى بالقليل و اذا قدمت لها الكثير شكرتك

و اياك من التي تحب الكثير فهذه لن يملأ عينها الا الدود و التراب و لن تملأ لها عين في الدنيا

فكلما قدمت لها طالبتك بالمزيد فتشغلك بدنياك عن دينك و يصير كل همك طلب الدنيا