زوجي ضربني

[مشكلتي]

السلام عليكم و رحمة الله

حبيتكم تنصحوني واش ندير راهي تلفتلي خلاص
منذ يومين فليل تشاجرنا انا و زوجي و استفزني بالكلام و انا تاني هو يهدر و انا نرد ب 10 هدرات ضربني بلكمات لوجهي 3 مرات و حط يديه على رقبتي وكانه يخنقني لتم غاضتني روحي بزززززززاف و بكيت بزاف لاني مانقدرش نقول لاهلي لاني عندي غير عام زواج و مانقدرش نروح نغضب عندهم لانو نخاف تخرج الحكاية و نولي على كل لسان المهم البارح كان عندي عرس تع اهله و خفت نرفض نروح بعدما طلبت مني امه الذهاب و انا لا اريدها تسمع بالحكاية المهم بعدما رجعنا من العرس طلب مني السماح و حسيت من نبرة صوتو انو نادم على كل كلمة قالهالي و كي ضربني و بقى يطلب مني السماح و انا ماسمحتلوش لانو غاضتني و راني مانهدرش معاه من نهار ضربني حتى لليوم ومازلت نبقى هكذا
لانو خايفة كون ما نأخذش موقف المرة هذه يوالف يضربني مالقيتش واش ندير
ملاحظة و هو سؤال في نفس الوقت على الرجال خارج المنزل يهدرو و يضحكو و يتمسخرو مع صحابهم و فالدار يصيبهم البكم ( هذه كان احد اسباب الشجار )

[زبدة ذايبة]

يا ابنتي ليس هكذا تكون علاقتك بزوجك

فأنت مطالبة من الله بطاعة زوجك فهو جنتك ونارك. واعلمي أن الشيطان يظل يوسوس لكما حتى تنفصلا. لاتجعلي من الحبة قبة. وبما أنه راضاك واعتذر فاقبلي اعتذاره.

الحياة الزوجية مشوااااااااااااااااااااااااااااااااااااااااااااااا ار طويييييييييييييييييييييييييييييييييييييييييييييييي يييييييل ولاينتهي بمجرد خلاف بسيط.

لك الحق في عدم الكلام معه مدة ثلاث أيام حلال من الله وإذا تعديت فقد جنيت على نفسك. وتأكدي أنه سيبحث عن أخرىىىىىىىىىىىىىىىىىىىىىىىىىىىىىىىىىىىىىىىى

[mca83]

صراحة مش مليح الراجل يهز يدو على مرتو مهما كان

لكن أختي الحق فيك انت يقلك كلمة ترديله 10

نعطيك سر مواجهة غضب الزوج السكوت لأنك ستقتلينه بذلك

[نوسة النموسة]

الأنسان يا اختي في ساعه الغضب يصدر منو تصرفات ميتحكمش فيها

و الغضب من الشيطان اعوذ بالله منه

ره مسكين اعترف بليك غلط وطلب منك السماح وانتي ضوك علاه راكي تكبري في الموضوع

كبري عقلك يا اختي وخليك حكيمة ماشي تعامليه بتصرفات صبيانية * متهدريش معاه وتشنفي عليه*

كوني مسااامحة بش تقدري تعيشي

وفي الاخير عليكي التحلي بالصبرر ومتحكيش لحتى واحد احتافظي باسرارك الزووجية

[RCR_48]

يا اختي استهدي بالله كيف تريدي تكبير الامر و ما تسميه باخذ موقف ... ما موقف في بالك انتي ؟

اقدم لك نصيحة لوجه الله اختي حولا ايجاد الطرق التي تجمعكم ولا تفرقكم ... الرجل تقدم وطلب مسامحتك
رغم ما بدر منك من رد على كلامه كيف تردين على كلمة بـ عشر و تريدين ان لا يقابلك بكلام جارح او ضرب
لو سكت لك ستحسين بانك تغلبتي عليه و هذا امر لا فيدك لا انتي ولا هو .

اجعلي كلمة زوجك الاعلى و تحاورا بلتي هي احسن
انا فهمت من كلامك انه لا يتكلم ولا يمزح معك كثيرا وهذا سبب غضبك
جميل ان تبحث الزوجة عن امور مثل هذه من زوجها لكن ليس بشجار اختي
يوجد عدت طريق احسن بكثير من هذا

[kmilya]

ادي منو وعد انو ميمدش يدو عليك مرة تانية
يعني حتى نتي غالطة كي رديتيلو الهدرة
معليش مهدرتيش معاه يمات صاي دكا ارجعي تحكي معاه وتناقشو المواضيع بهدوء

[ام نسمة]

شوفي اختي انا نجاوبك باجاب واقعية مش اجابة منطقية لان الواقع لايمثل دائما المنطق
مدام هز يدو عليك وضربك تأكدي انو من النوع اللي يضرب كي يغضب وواش من راجل مايغضبش او بالاحرى واش من انسان مايغضبش ؟
هادي اولا وثانيا مش كي طلب منك السماح لضربه لك اول مرة معنتها راح يبقى نادم دائما لن ويعيدها هيهات الضرب مثل الادمان في اول المدمن تجيه مش نورمال انو يدخن وبالشوية بالشوية حتى ترجع عادة ومن بعد العادة يصبح ادمان يعني انتي حتى ولو خذيتي موقف منو ماراحش توقفيه عند حده سواء بالمقاطعة او بالمشجارة تاكدي لذا افضل حل للزوج اللي يضرب هي تجنبيه قدر الامكان حتى مايضربش ولو انو هاذ الجملة صعيبة على انثى انها تتجنب نصفها الثاني لكن هذا النوع من الرجال يحب المرا ماتخربش فيه
وايه كاين رجال برا يضحكو يلعبو يزهاو وكي يعود عند الباب يلبس الماسك تاع الحزين الكئيب الصامت وزوجته مسكينة تخلص وحدها وكي تكلمو يضربها
هذا واقع مرير للاسف كم من زوجة تعيش مع زوج معدود عليها من الزواج غير اسم الزواج وكم من زوج لديه انثى في البيت وهو مايقدرش يشوفها لكن قادرة معزة برا تعجبو وتجذبو
ماعندكش حل قرري اما الاستمرار على هذ الحال وتوقعي الاسوء اما الانفصال
واقول لك جملتي الشهيرة ان لم يكن لديك اطفال انفذي بجلدك ولا تستمعي لمن يقول لك كي تولدي يتغير معاك وكي تطوال العشرة يزيد يحبك
هذا كامل خرطي ومكانش منها ابدا اللي يبغيك يحترمك ويحبك وانتي جديدة وعزيزة واللي يهينك تقدم العشرة بيناتكم ماراح يخليه يزيدلك الا الاهانة
هذا جواب واقعي
اما ان كنتي تريدين جواب منطقي تفضلي
عزيزتي ضربك ماعليش وين راه الراجل اللي ماضربش مرتو وضرب الحبيب مثل اكل الزبيب ودورك يستعقل ومايهدرش معاك باسكو عندو مشاكل ماعليش فوتي واصبري اصبري ولازم صبرك يكون من نوع الصبر اللي يوصل للقبر
ننصحك خذي حبوب منع الحمل ولا تحملي ان لم تكوني اصلا حامل انتظري ربما تقررين الانفصال وهكذا لا تؤذين طفل بريئ ولا يربط مصيرك المستقبلي طفل ان قررتي اعادة بناء حياتك
موفقة اختي

[HANANE 1028]

اختي انا نقلك نصيحة واحدة كي يكون زوجك منارفي مش تتجاهليه تماما حتى يعود يحس في روحو يغيط للحيط و مش الكلمة ب10 بصح اسكتي عليه و خليه حتى يهدى حنا جارتنا قبل كانت الحرب صارية في دارها بصح ضرك راهي عايشة 44444 كي سقسيتها قالتلي انصحي اي وحدة تعرفيها كي يكون راجلي منارفي نديفوندي على روحي شوية برك من بعد تروح تجيبلو كاس عصير يشربو و نخلييه يفش زعافو من بعد يرجع وحدو يحللني , جربي هادا الاسلوب بالاك يخرج عليك و ما تبقايش متجاهلاتو بزاف لانو يزيد يتقلق منك و تزيدو ترجعو تتعافرو .....سلام و نتمنى تتفاهمو عن قريب

[رنيم23]

ربي يصلح الحال
أختي سامحي زوجك و إعتمدي على أسلوب النقاش الهادئ في حل المشاكل ولا تناقشه عندما يكون غاضب

[أمة الله 12]

ربي يسامحك و يسامحو

هو ما حقوش يمد ايدو عليك, بصح انتي اللي وصلتيه,

عمرك ما تردي لراجلك الهدرة كي يكون متغشش (زعفان) و لا تشوفي معاه بنص عين

بالعكس اقتليه بالسكات, مبعد كي يهدى وحدو يجي يطلب السماح و الرضا,

درتي مليح كي ماخليتيش الحكاية تخرج برى

و ماتبقيش مقاطعاتو, ضرك بشوي يوالف و تولي كي تهدي معاه و لا ماتهدريش زي بعضاه, و انتي دجى قلتي سبة المشكلة هو السكات

ندبر عليك روحي حتى انتي اطلبي منو السماح و بشوية حلو مشاكلكم

http://www.djelfa.info/vb/showthread.php?t=1381504

ربي يدوم المحبة و العشرة ما بيناتكم

[محمد جديدي التبسي]

يا زهور الفل ربي يهديك من النادر وجود رجل لا يضرب زوجته ولو مرة في العمر
أختي ننصحك تجنبي الرد عليه في حال كان غضبان
بالتأكيد ان الضرب سلوك خاطئ ومشين للرجل لكن حتى رد الكلمة ب10 خطأ فادح من المرأة
الأحسن لها السكوت لسلامتها ثم مناقشة هاته الأمور في أوقات يكون الزوج هادئ
الغضب من الشيطان ولا يوجد أحد يضمن نفسه في تلك اللحظات إلا ما رحم ربك
لذلك أكثري من الدعاء لزوجك بالهداية وحاولي تكوني كتومة لعيوب زوجك
أما كونه يعود للبيت بحال من الإحباط والكآبة فوحدك القادرة على تغييرها بكسر الروتين والتقرب الى زوجك أكثر
ولو أن هذه الحالة عامة لدى أغلب الجزائريين والجزائريات فالدخول للبيت معناه الروتين والكسل والمشاكل لذلك فعليك البحث عن التغيير من خلال بث اجواء من التفاؤل وعلى زوجك إدراك ذلك والمساهمة بالقسط الأكبر في إصلاح بيته قبل أن يحدث الأسوأ والعياذ بالله
ربي يصبركم ويهنيكم ويصلح حالكم..

[joulia31]

هادا غير الشيطان دخل بيناتكم


مالازمش تردي عليه تمتم و ماترجعيلوش الهدرة بزاف خليه يغني حتان يشبع و كي يروق غير بالشوية و فهميه ماشي بالغشاش راحا تنحل الامور

و الحاجة المهمة لازم عليك تسامحيه هاد المرة و ما تجاهليش سورتو كي طلب منك السماح و لا تعودي خارجا على طاعة زوجط


و كيفاش تحبي الناس مايفيقوش و انتي ضخمي فالامور


راجعي روحك يا اختاه راجعي روحك لا زم عليك تتسامحي معاه و انتي بطريقةك الخاصة تخليه يتقرب منك اكتر من الاول


ربي يسهل

[ToXiC_Dz]

يا اختي اذا كان احد اسباب الشجار الصمت فاغلب الرجال هاذيك هي طبيعتهم
ورجاءا اختي ما تعاوديش تتشجاري مع راجلك على سبب كيما هذا ما دمريش حياتك
ديري ف بالك
الراجل كي تضغطي عليه بكلامك وتعاوديلو نفس موضوع اعطاك رايو فيه مرات و مرات و مرات
يحسك حابة تفرضي عليه راي هو يعارضو يشد يشد يشد مي يجيه وقت ما يكونش ف مليح ف راسو يزيد يشعلو بليس مالا يطرطق ضربة وحدة و قادر يدير حوايج يندم عليها
بالصح ممبعد يندم بصدق لانو يحس روحو ظلم المراة واستعمل القوة باسلوب مفرط بدون سبب
مانيش متزوج مي صراتلي عفسة كيما هاكا مع احدى اخواتي
و تاكدي بلي الندم يكون صادق مي انتي تاني يلزم ما تعاوديش تستفزيه
ثانيا
النساء و الرجال ماشي كيف كيف و موحال يولو كيف كيف
طبائعم مختلفة
على حساب واش قريت النساء يحبو يهدرو و يحبو لي يهدر معاهم حتى و لو يعقبو نهار كامل ف الهدرة عادي ليهم
و قريت بلي النسا يحبو لي يسمعلهم اكثر ملي يتناقش معاهم يعني تقدري تستمتعي بصمتو :))
مي حنا رجال الهدرة تخلاصلنا ليه ليه وبيناتنا كي نكونو قاعدين ف القهوة مثلا ما نعقبوش الوقت كلو ف الحديث
نستغلو دايما اي فرصة مثلا لقطة ع التلفاز باش نحبسو شوية و نقلبو السيجي
و مرات ما نلقاوش اصلا واش نقولو ايا نديروها سبة باش كل واحد ينوض و يروح ف حالو
مالا انتي راكي متزوجة براجل واذا حبيتي القصرة و النقاش على الطريقة النسوية لازم تقصري مع بنات جنسك
اقراي كتاب الرجال من المريخ و النساء من الزهرة باش تفهمي شوية كيفاه تتعاملي مع راجلك
و هذا عنوان فيديو
عقل الرجل صناديق، وعقل المرأة شبكة "حكاية ممتعة"!!

حوسي عليه ف يوتيب لانو فيديو رائع يعاونك تفهمي الرجال كيفاه يخمو و النساء كيفاه يخمو


نتمنى تكون هاذي اخر مرة تتشاجرو بيناتكم اسمحيلو وربي يدوم المحبة و ربي يدوم العشرة

[ToXiC_Dz]

لا اظن انك ستتجدين افضل من هذه النصيحة لحياتك الزوجية
قال ابو الدرداء يوما لزوجته
إذا رأيتني غضبت فرضني وإذا رأيتك غضبتي رضيتك وإلا لم نصطحب

[ToXiC_Dz]

اختي زهور الفل
الضرب ما فيه حتى شعور بلذة او نشوة باش يوليلنا ادمان و لا دخان كيما قلتي
بالعكس الواحد كي يضرب يولي و يرجعلو صوابو يشوف روحو رخس روحو ماشي طلع بشانو
و انا متاكد اغلب الرجال يخمو هاكا خالات شاذة برك لي تستمعت بضرب النسا

[ريم الوداع]

حنونه نتي عندك حق تزعفي مي صاي اسمحيلوا مام هو يتعرض مصاعب في حياتوا ونتي تكملي عليه كما قلتي ليكم غير عامممم يعني غلطه وفاتتت حنونه ربي يغضب عليك لانك بعيده على زوجك ربي يفتح عليك ويهنيك مع حنونك
سلامو

[هدى الجيجلية]

السلام عليكم
خيتي
لما الراجل
أيكون يضارب
أمعاك
أنت أسكتي
لان بكل بساطة
راح يخرج
لشارع
ولما يعود
يصير
عادي
خدي هذي الحكمة
هذا عام انتاع الزواج أصرى هكذا
إيملى الاعوام إلي جاية
كيف راح تكون يا ترى
لا اختي راكي غلطانة
أعلى بالي ملزمش تلحق لضرب
بصح انت كوني خير اعليه
جيبيها بسكات

[sabra2009]

شوفي أختي عن خبرة، الراجل الحقار عمرو ما راح يتبدل ومهما ديري معاه ما تسلكيش...
أنا كنت نسكت كي سكت ما عجبوش الحال قالي وعلاش مكيش مقيمتني؟؟
تكلمت قالي كيفاش تتكلمي؟
نقولك هذا النوع من الرجال عمرو ما راح يصفى أنا ما لقيت ما ندير نسكت من الصباح حتى الليل وأمو تهين في وأنا ندير شغل و ساكتة... الراجل الحر إيساعف مرتو ولكان غلطت إيسامح ولكان كثرت يتكلم وينذر والديها أو ينعل الشيطان ويخرج من الدار... إن شاء الله ربي يهديه

[Hichem_The_Big_Boss]

الحاجة لي يكرها الراجل كي تدخلي في اموره تاع صحابه و انت اذا هو ما يتكلمش انت كلميه و السلام

[omiyad49]

راني عايش نفس الحياة مدة 5 سنين مشكل الكلام يهدر مع اهل مع صحابة وانا يجي لي مداير سكوتش في فمو ران نكرهو كره مانصفولكش بلا الوعود لموعدني بهم الكية وين مصلي ويصوم ويصلي الجانزة وووووووووانا نهار كامل نستنى با يحكي معايا ولو يعرف السهرة ومرتو في الحبس صابرة وخلاص