معفى من دفعة مارس في خدمتكم

[isehak]

السلام عليكم خاوتي انا ذهبت دفعة مارس 2013 وخرجت الحمد لله معفى لسبب طبي وانا في انتظار اي سؤال من اخوتي فانا عايشت وعانيت من هاته المحنة جات لوردبال نروح مانروحش ............ ولكن ننصح خاوتي اتكلوا على ربي والعاء ثم الدعاء هذاك هو ليسلكك وربي يسهل لكل واحد

[isehak]

السلام عليكم أخي توفيق انا من دفعة 15مارس 2013 انا رحت 17 مارس ننصحك روح مع الاولين باه تفوت عند الطبيب قبل مايتكاثر العدد انا اعفاء بسبب مرض قلب ديت معايا الوصفات الطبية والدواء نتاعي المهم انهار الاول عقبت عند طبيب الثكنة يسقصيك على اي مرض فيك انت قولو كلش وادي معاك الراديو و الوصفات الطبية وكل حاجة تقدر تفيدك انا قتلو ميض القلب شاف الوصفات والدواء وقالي اخرج ماقالي مقبول و لا غير مقبول غدوة من دااك دونا للمستشفى العسكري للناخية وجوزت عند الطبيب شاف الوصفات ودارلي الرديو مرتين للتاكد وقالي اخرج ومن بعد روحنا للثكنة وفي الطريق سالت المرافق قتلو واش قالي الطبيب قالي راك غير مقبول والحمد لله قعدت 20 يوم وخرجت وكيما الحالة انتاعك 90 بامائة غير مقبول 10 بالمائة 6 اشهر سورسي

[غصن زيتون]

اخي حاب نسالك عمري 30سنة وعندي عملية جراحية في بطني منذسنتين هل يوجد امل في الخروج فائض او سبب طبي احكيلي على جماعة ربما خرجوهم على مشكل السن

[toufik16]

السلام عليكم أخي توفيق انا من دفعة 15مارس 2013 انا رحت 17 مارس ننصحك روح مع الاولين باه تفوت عند الطبيب قبل مايتكاثر العدد انا اعفاء بسبب مرض قلب ديت معايا الوصفات الطبية والدواء نتاعي المهم انهار الاول عقبت عند طبيب الثكنة يسقصيك على اي مرض فيك انت قولو كلش وادي معاك الراديو و الوصفات الطبية وكل حاجة تقدر تفيدك انا قتلو ميض القلب شاف الوصفات والدواء وقالي اخرج ماقالي مقبول و لا غير مقبول غدوة من دااك دونا للمستشفى العسكري للناخية وجوزت عند الطبيب شاف الوصفات ودارلي الرديو مرتين للتاكد وقالي اخرج ومن بعد روحنا للثكنة وفي الطريق سالت المرافق قتلو واش قالي الطبيب قالي راك غير مقبول والحمد لله قعدت 20 يوم وخرجت وكيما الحالة انتاعك 90 بامائة غير مقبول 10 بالمائة 6 اشهر سورسي

اخي اسحاق بارك الله فيك ممكن فاسبوك تاعك

[isehak]

يا اخي لدالسن في الثكنة ليس له اي معنى كاين 35 سنة وجا عقبو كاين المزوجين و بالاولاد وحمموهم وتلقوا تاع 23 24 سنة العملية الجراحية على البطن لا اظن كاين واحد معايا عتاولو 6 اشهر مداير عملية الزائدة وربي يسهل لاخي ان شاء الله ادعي برك و الله غير الدعاء ورضا الوالدين هما الي يخرجوك من التمة

[amine eco]

في اي ثكنة كنت ؟؟؟؟ ماذا سألك الطبي الاخصائي ؟؟؟؟ ماهي راديوات لي دارهملك ؟؟ وهل صحيح كنت مريض

[isehak]

الطبيب نتاع القلب في البليدة روعة اذا كنت مريض صح راك غير مقبول وتخرج ان شاء الله انا كنت في البرواقية ولاية المدية وكنت مريض فعلا لانو الراديو تاع القلب يكشف المرض نتاع التلفاز ونتاع الخيوط

[amine eco]

الطبيب نتاع القلب في البليدة روعة اذا كنت مريض صح راك غير مقبول وتخرج ان شاء الله انا كنت في البرواقية ولاية المدية وكنت مريض فعلا لانو الراديو تاع القلب يكشف المرض نتاع التلفاز ونتاع الخيوط

شكرا اخي واش مدية خرجت عليك ..انا نسكن تم هههههههه:1::1::1::1:......بارك الله فيك لكن عندي سؤال اخير هل كا كاين فائض في البرواقية هل تم قبول اغلب الملفات الطبية ؟؟؟؟
وشكرا

[toufik16]

اخي اسحاق بارك الله فيك ممكن فاسبوك تاعك

[isehak]

للاسف لا يوجد فائض واغلب الملفات الطبية قبلت

[toufik16]

اخي اسحاق فاش داوكم من الثكنة الى المستشفى العسكري ؟

[isehak]

في حافلات عادية ماتحيرش روحك راهم كاين لوريولك كاين 2 مرافقين

[toufik16]

في حافلات عادية ماتحيرش روحك راهم كاين لوريولك كاين 2 مرافقين

اخي اسحاق كي تروح من الثكنة الى المستشفى العسكري تدي معاك الكابة تاعك ام تخليها في الثكنة؟ و هل يرجعولك التلفون كي تكون رايح من الثكنة الى المستشفى العسكري؟

[isehak]

لا لا ماتدي والو غير الملف الطبي البورطابل مايرجعولكش

[haroun2323]

أخي ماذا عن أمراض الكلى كل حجارة مثلا ...

[houhou92]

اخي هل يتم الاعفاء لسبب طبي عن القدم المسطحة ؟؟

[toufik16]

اخي اسحاق بعد تجربتك مع طبيب الثكنة و طبيب المستشفى العسكري هل انت من تبدأ بتقديم الراديوات و سكانير و IRM و protocole opératoire و ورقة المكوث بالمستشفى و الوصفات الطبية (في حالتي انا).أم الطبيب هوالذي يطلب منك وثائق معينة و انت تقدم الوثائق التى يطلبها منك فقط ? و شكرا مرة اخرى اخي اسحاق بمقاسمتنا تجربتك .

[isehak]

مرض الكلى لم اجد احد يعاني منه معي في الثكنة تم اعفاء معظمهم مرض القلب نقص النظرارجل مسطحة مرض الربو سقوط الاسنان الامامية الوشم الظاهر في الجسد مرض عقلي

[غصن زيتون]

اخي اسحاق عندي عملية جراحية للزائدة الدودية منذ سنتين ويوجد اثر الجرح بطول 7سنتم هل يوجد امل في خروجي

[isehak]

كان معايا واحد من بومرداس دار العملية 15 يوم على الزائدة الدودية و ادخل للثكنة عطاوه 6 اشهر سورسي

[toufik16]

اخي اسحاق ممكن تجيبني اذا اردت

[isehak]

في الثكنة الطبيب هو الذي يقولك كاش ماعندك دوسي نتاع كاش مرض وبالطبع في المستشفى انت الذي تقدم الملف الطبي للطبيب

[محمد mca]

السلام عليكم

خويا ماشفتش لداو اعفاء بسبب مرض جلدي او بسبب نقص النظر بسبب كتراكت

[toufik16]

في الثكنة الطبيب هو الذي يقولك كاش ماعندك دوسي نتاع كاش مرض وبالطبع في المستشفى انت الذي تقدم الملف الطبي للطبيب

شكرا اخي اسحاق لكن سؤالي هل الطبيب يحدد الوثائق التي يطلبها منك ام يقول لك اعطيني كل واش عندك.
وهل صادفت انت في الثكنة التي كنت فيها اعفاء لشخص داير عملية على الركبة؟شكرا

[hichemhad]

اخي اسحاق عندي عملية جراحية للزائدة الدودية منذ سنتين ويوجد اثر الجرح بطول 7سنتم هل يوجد امل في خروجي




لا يا اخي لا يوجد امل لانك شفيت تماما

[hichemhad]

اخي هل يتم الاعفاء لسبب طبي عن القدم المسطحة ؟؟


نعم اخي يوجد من اعفي بسبب القدم المسطحة و يوجد من قدمه مسطحة و لكن جوز الخدمة (على حسب الثكنة اللي راح يبعتوك ليها)

[no name rix]

أخي حتى أنا كنت مريض بالقلب وعندي الوثائق التي تثبت
لكن انا اليوم بصحة جيدة الحمد لله بعد الشفاء
هل يتم قبولي ؟؟

[عبد الحميدو]

أخي اسحاق لا توجد عندي اسنان في الجهة العلوية عندي فم اصطناعي اما الجهة السفلية عندي اسنان لكن غير سليمة ووزني لا يتعدى 50كلغ هل انا مقبول ام لاعلما انني من مواليد اوت 1991

[hichemhad]

أخي حتى أنا كنت مريض بالقلب وعندي الوثائق التي تثبت
لكن انا اليوم بصحة جيدة الحمد لله بعد الشفاء
هل يتم قبولي ؟؟

الحمد لله على شفائك اخي

بما انك قد شفيت تماما ليس لك الحق في الاعفاء

بصح الى حبيت تسيي زهرك خد الملف معك و ادفعوا للطبيب (مع ان الامل ضئيل)

موفق اخي

[toufik16]

الحمد لله على شفائك اخي

بما انك قد شفيت تماما ليس لك الحق في الاعفاء

بصح الى حبيت تسيي زهرك خد الملف معك و ادفعوا للطبيب (مع ان الامل ضئيل)

موفق اخي


اخواني اذا كان مرض القلب بعد الشفاء يعني امل الاعفاء قليل اذا عملية جراحية في الركبة بعد 9 اشهر ليست فيها امل الاعفاء ام ماذا ؟

[hichemhad]

اخواني اذا كان مرض القلب بعد الشفاء يعني امل الاعفاء قليل اذا عملية جراحية في الركبة بعد 9 اشهر ليست فيها امل الاعفاء ام ماذا ؟

اولا اخونا قال انه قد شفي تماما و لا ادري اصلا نوع المرض الذي كان فيه (امراض القلب كثيرة منها ما هو خطير و منها ما يسهل علاجه)و لم اجزم بانه يجند مئة بالمئة

اما حالتك فأنت عملت عملية لكن ركبتك لن تتحمل الاجهاذ الذي كانت تتحمله من قبل و اصلا عندك 2 vis

ما تقلقش روحك اخي

[toufik16]

اولا اخونا قال انه قد شفي تماما و لا ادري اصلا نوع المرض الذي كان فيه (امراض القلب كثيرة منها ما هو خطير و منها ما يسهل علاجه)و لم اجزم بانه يجند مئة بالمئة

اما حالتك فأنت عملت عملية لكن ركبتك لن تتحمل الاجهاذ الذي كانت تتحمله من قبل و اصلا عندك 2 vis

ما تقلقش روحك اخي


والله ياخويا هشام راني مقلق و خايف بسبب الملف الطبي بعد العملية الجراحية مدة 9 اشهر

[no name rix]

شكرااااااااا أخي
بارك الله فيك بالتوفيق للجميع

[hichemhad]

والله ياخويا هشام راني مقلق و خايف بسبب الملف الطبي بعد العملية الجراحية مدة 9 اشهر

ما تقلق روحك ما والوا اخي الكريم كبر قلبك و توكل على ربي

وما تسمعش بزاف للقيل و القال

و ربي يوفقك يا خويا

[toufik16]

ما تقلق روحك ما والوا اخي الكريم كبر قلبك و توكل على ربي

وما تسمعش بزاف للقيل و القال

و ربي يوفقك يا خويا


امييييييييين ان شاء الله و بارك الله فيك اخي

[rey2008]

السلام عليكم اخي حبيت نسقسيك انا ايضا معفى دفعة مارس 2013 هل عطاولك لامارت جون انا كل مرة روح لمكتب الخدمة العسكرية يقولولي مزال ماجاتناش لاريبونس

[محمد mca]

السلام عليكم

خويا ماشفتش لداو اعفاء بسبب مرض جلدي او بسبب نقص النظر بسبب كتراكت

[dophiiin]

ساعة اليد و النضارة الشمسية و mp3 .. مسموحين ولا لالا .. بارك الله فيك

[hichemhad]

السلام عليكم اخي حبيت نسقسيك انا ايضا معفى دفعة مارس 2013 هل عطاولك لامارت جون انا كل مرة روح لمكتب الخدمة العسكرية يقولولي مزال ماجاتناش لاريبونس


اخي انا ديتها في الاسبوع الاول لي خرجت فيه من الثكنة

اخي لازم تستفسر من الزملاء لي كانو معاك.....هل هما تاني مازال ما داوهاش ؟

[hichemhad]

السلام عليكم

خويا ماشفتش لداو اعفاء بسبب مرض جلدي او بسبب نقص النظر بسبب كتراكت

للاسف اخي لم أسمع

هناك من اخد بصح نقص في النظر اما الكتراكت لا ادري

[hichemhad]

ساعة اليد و النضارة الشمسية و mp3 .. مسموحين ولا لالا .. بارك الله فيك


هههه اخي راك ماشي تحوس ولا تجوز لارمي

معليش اخي للترفيه فقط

نعم تستطيع اخدهم لكن لن تتمكن من استعمالهم اثناء التدريب او الدرلسة فهذا ممنوع

يمكن ان تستعمل mp3 مثلا في الليل عند النوم لكن حرز يسرقوهلك

[fakeboy]

سلام أخي أنا كانت عندي أزمة قلبية في 2010 أو مزالو عندي راديو أو أوردونس و عندي وذني منسمعش قاع منها راهي زيادة أو روحت لطبيب درالي ورقة بلي منسمعش منها هل هنالك أمل باش يعطولنا ورقة

[hichemhad]

سلام أخي أنا كانت عندي أزمة قلبية في 2010 أو مزالو عندي راديو أو أوردونس و عندي وذني منسمعش قاع منها راهي زيادة أو روحت لطبيب درالي ورقة بلي منسمعش منها هل هنالك أمل باش يعطولنا ورقة


بالنسبة للازمة القلبية الله اعلم مي دي معاك الملف ما خسرت والو

و بخصوص الاذن ورقة وحدة ما تكفيش و خصوصا ان كانت من عند طبيب عام

[isehak]

السلام عليكم خاوتي اسمحولي نجاوبكم مع بعض خويا التوفيق كيما الحالة نتاعك ماصبتش في الثكنة اتكل على ربي وأدي الملف الطبي وان شاء الله فيها خير خويا محمد mca كاين اعفاء لمرض جلدي تلاقيت واحد في بليدة عندو شونبينيو في ركبتو عطالو طبيب الجلد غير مقبول اما نقص النظر المهم ماراكش تشوف مايهمش السبب المهم العينين في زوج تحت 14 على اخي اللي مايسمعش مليح كاين اعفاء لنقص السمع بصح الكونتر فيزيت واعرة راه اللي يخرج من عند طبيب الاذن يخرج يبكي كي نسقسيوهم يقولك دارلي حديدة في الاذن فيها طول الاصبع السبابة اخي اما ليكارت جون مازال ماهزيتهاش الدواسا مازال ماجاوش من الناحية الي كنت فيها بصح ياك راك معفى ماكالاه تخاف

[toufik16]

شكرا اخي اسحاق ان شاء الله فيها خير

[fakeboy]

السلام عليكم خاوتي اسمحولي نجاوبكم مع بعض خويا التوفيق كيما الحالة نتاعك ماصبتش في الثكنة اتكل على ربي وأدي الملف الطبي وان شاء الله فيها خير خويا محمد mca كاين اعفاء لمرض جلدي تلاقيت واحد في بليدة عندو شونبينيو في ركبتو عطالو طبيب الجلد غير مقبول اما نقص النظر المهم ماراكش تشوف مايهمش السبب المهم العينين في زوج تحت 14 على اخي اللي مايسمعش مليح كاين اعفاء لنقص السمع بصح الكونتر فيزيت واعرة راه اللي يخرج من عند طبيب الاذن يخرج يبكي كي نسقسيوهم يقولك دارلي حديدة في الاذن فيها طول الاصبع السبابة اخي اما ليكارت جون مازال ماهزيتهاش الدواسا مازال ماجاوش من الناحية الي كنت فيها بصح ياك راك معفى ماكالاه تخاف

أنا عندي سارتفيكا من عند طبيب اختصاي قالي وذنك عيانة منسمعش منها 90 % فيها الخير ان شاء الله اذا حابو يدويرولي حديدة واش يدير الميت في يد غسالوا المهم نجيبو الورقة أو خلاص زيد كشما نزيدو ندو معانا ورق ؟

[عبد الحميدو]

أخي اسحاق لا توجد عندي اسنان في الجهة العلوية عندي فم اصطناعي اما الجهة السفلية عندي اسنان لكن غير سليمة ووزني لا يتعدى 50كلغ هل انا مقبول ام لاعلما انني من مواليد اوت 1991

[isehak]

لسلام عليكم بالنسبة للاخ الي مايسمعش مليح ان شاء الله راك غير مقبول لانه كان واحد دخل عند طبيب الاذن يسمع شوية وعطالو غير مقبول لايلزم ملف طبي كبير كاين بعض الثكنات حسب مايحكيو الزملاء الي تلاقينا في بليدة قالك يقولك الطبيب كواغطك احكمهم عندك مايشوفش فيهم خلاص اما بالنسبة للاخ الي اسنان نتاعو ماكاش راه 90 في مائة اعفاء ادي معاك الفم الاصطناعي كول بيه بصح عند الطبيب نحيه الوزن لازم تحت 45 كغ والعمر في الثكنة لامعنى له السبب الطبي هو الذي يعمل الفارق

[amine eco]

الاخ اسحاق طبيب ثكن يهدر بزاف يتشنف ولا لا لان انا دمي سخون شوية ؟؟؟ كيفاه قنغتو بلي مريض ؟؟ وهل يوجد ناس طبيب ثكنة مبعثهم للمتشفى العسكري ؟؟؟

[isehak]

خويا امين لازمك تكون ثقيل قد ماتقدر الطبيب مايشبعكش هدرة تاع الثكنة او طبيب مستشفى الناحية يلعبلك على المورال نورمال راه في لافيزيت تتعرى كامل حتى الشورت تنحيه لذلك اصبر وطول بالك لحظة وتفوت خير من ان تندم 18 شهر

[amine eco]

خويا امين لازمك تكون ثقيل قد ماتقدر الطبيب مايشبعكش هدرة تاع الثكنة او طبيب مستشفى الناحية يلعبلك على المورال نورمال راه في لافيزيت تتعرى كامل حتى الشورت تنحيه لذلك اصبر وطول بالك لحظة وتفوت خير من ان تندم 18 شهر

شكرا اخي اسحاق وبارك الله فيك وجعلها الله في ميزان حسناتك ...................

[fakeboy]

مرسي عليك خويا اسحاق ان شاء كي يعطولي نعرضكم عندي ان شاء الله بالكم مجوش راني نزعف عليكم

[papatika]

السلام عليكم ورحمة الله أخوتي الكرام أود منكم الإستفسار و النصيحة .
لقد تسلمت البارحة أمر إستدعاء لأداء الخدمة الوطنية

-أولا تم إرسالي إلى المدرسة التطبيقية للهندسة برتبة طالب ضابط إحتياطي بقسنطينة والتي لم أجد عنها أية معلومة عن مكانها هل هي في وسط المدينة أو خارجها وكيف المعاملة فيها:sdf:
مع العلم أنني تخصص ليسانس كلاسيك في الحقوق أي ليست لدي أي علاقة بما تتطلبه المدرسة من مؤهلات و إختصاصات التي تدرسها إد أنها مدرسة علمية.
- وثانيا لدي ملفين طبيين أول عملية جراحية في المعي الغليظ و الملف الثاني مشاكل في المعدة والجهاز الهضمي و إلتواء المرارة متابعة طبية عند أخصائي مند 3سنوات فهل لدي حظوظ في الحصول على الإعفاء بسبب طبي.
-وأخيرا أنا أقطن في الصحراء وأود الدهاب متؤخل لعلي أحصل على إعفاء بسبب الفائض فهل هدا ممكن وماهي المدة التي يجب أن أتأخرها.
أرجوا منكم يا ناس الخير المساعدة لأني في حالة نفسية يرتى لها من هاد المحنة ربي يهانينا ويهنيكم منها إنشاء الله و بارك الله فيكم والسلام عليكم ورحمة الله .

[sami05543]

أجيبوني من فضلكم أنا مهندس معماري و صلني أمر بالالتحاق بالمدرسة التطبيقية للهندسة ببجاية مع العلم أنني 1.68 م + 52 كلغ هل ممكن يعطيوني الاعفاء لأنه قالولي في دفعة مارس 2013 1.74 م و ما قبلوهمش أفيدوني من فضلكم و ربي يجيب الخير ان شاء الله

[isehak]

السلام عليكم خويا papatikaعلى ما اظن المدرسة التطبيقية للهندسة جاية في بجاية مش في قسنطينة اما فيما يخص المرض الذي تعاني منه و الله مانقدر نقولك اتكل على ربي وادي الملفات الطبية معاك اما الذهاب متاخر او مع الاوائل كل ثكنة وكيفاه المدة المحددة على حسب تاريخ الاستدعاء اذا كنت من اصحاب 15 عندك حتى 10 اكتوبر تقريبا 20 يوم اما 22 عندك 15 يوم كيما احنا في الثكنة مارس الي فات 5 افريل يبداو يكاشيولهم في الباب سورسي 6 اشهر انصح الي عندو ملف طبي صحيح يروح مع الاوائل باه يفوت عند الطبيب في الثكنة ويفوت لكونتر فيزيت في وقت قصير قبل مايلحق عليةه العدد ويصبح طبيب الثكنة يفوت برك اما الاخ سامي الوزن نقدر نقولك تحت 45 كغ تدي اعفاع اما الطول لا اظن كاين 165 وحكموهم وربي يسهل على كل واحد ان شاء الله

[sami05543]

بارك الله فيك

[alg_04]

السلام عليكم اخي اسحاق
انا في 25 افريل درت عملية على الفتق hernie
هل من الممكن الحصول على الروفورم من عند الطبيب
وهل صادفتك حالات مثل هذه اقصد عملية على الفتق
و بارك الله فيك خويا اسحاق

[7fouad]

هل الدي يملك خصية واحدة يفوت الخدمة الوطنية اولا لا
اجيبوني يؤحمكم الله

[ATEF 23]

انا اعاني من التهاب في عينيا و ساجري عملية جراحية على عيني واحدة نشوف بيها 01/10 و الاخرلى 09/10
رحت في مارس للقليعة و خرجت بسورسي الطبيب ما يشوفش الدوسي يقولك باه مريض كان غاشي بزاف على urb ما بعتنيش كونتر فزيت
ودرك جاني الاستدعء لنفس التكنة 15 سبتمبر راني ناوي ندير الروتار على الاقل نروح 29 القليعة اطول بزاف
واش رايك ندي الاعفاء لهدا السبب

[Eclats]

السلام عليكم اخي الكريم انا من مواليد 1989 و اعاني من مرض في القلب "" المرض هو ثقبة صغيرة CIA قطرها من 8 مم "" متواجدة على مستوى القلب منذ ولادتي . بسببها لا استطيع ممارسة الرياضة جيدا و نصحني الاطباء باجراء عملية جراحية لكن لم اتجهز لذلك و زيادة على ذلك انا مصاب بمرض ""la phobie sociale"" هل هذا كفيل بعدم اجتيازي للخدمة الوطنية !!!! و شكرا مسبقا على الافادة و ربي يعطيكم الصحة ان شاء الله

[sami05543]

أجيبوني من فضلكم أنا مهندس معماري و صلني أمر بالالتحاق بالمدرسة التطبيقية للهندسة ببجاية مع العلم أنني 1.68 م + 52 كلغ هل ممكن يعطيوني الاعفاء لأنه قالولي في دفعة مارس 2013 1.74 م و ما قبلوهمش أفيدوني من فضلكم و ربي يجيب الخير ان شاء الله

[7fouad]

هل الدي يملك خصية واحدة يفوت الخدمة الوطنية اولا لا
اجيبوني يرحمكم الله