واش ندير معاه 2

[مشكلتي]

انا صاحبة موضوع http://www.djelfa.info/vb/showthread.php?t=1376161
درت كما قلتلكم خليتلو رسالة و قراها كي كنت في دارنا ثاني يوم في العيد و زاد قلقني اصرارو باش يديني لدارنا هاداك النهار كيقراها بعتلي ميساج يطلب السماح و يقول اني فهمت غلط و ما كاين والو بينو و بينها و وعدني انو ما يزيدش يجرحني و طلب مني ننسى الموضوع و ما نزيدتش نهدر عليه رديت عليه ميساج و قلتلك رايحة نامن وعدك و ان شاء الله تكون قد الكلمة و بقى غير يبعت و يقول عمري ما نسمح فيك و ما نبدلكش بمال الدنيا المهم البارح وليت للدار و ما زلت شاكة فيه و لقيت البيت مرتب قالي كان صاحبي يجي عندي عليها راني نخمل صراحة ما صدقتوش هو طلب مني ما نهدرلوش على الموضوع و انا راني عادية معاه و ما جبتلوش عليه قولولي نعاود نواجهو ولا لالا قبل ما ننسى الرسالة كانت بزاف مؤثرة و شفت وحدة نعرفها رايحة تتطلق و شفت حالتها النفسية زدت كرهت الطلاق اكثر ما تتمناهش لعدوك راني نلازم الاستغفار و الدعاء
واش رايكم و راني ما حكيت لحتى واحد من عائلتي على المشكل
شكرا ليكم مسبقا

[العهد الرائع]

ماكاش الي تحب الطلاق
و اغلب النساء تتنازل على كرانتها على جال ما تطلقش
ربي يهدي سركم
و امشالله تكون اخر الاحزان
و يشرينا بعد كام شهر باش تقوليلنا بلي راه شد في وعدو وتسقم معاك و انشاالع يولي وفي ليك طول العمر

[Angleeyes]

ربي يهديه و ان شاء الله يكون راجل و قد كلمتو

[أم أسماء 2]

ربي معاك اختي ماكانش اصعب من الخيانة واللي نوصيك بيه هو الاستغفار في كل وقت وفي كل زمن وفمك لا ينطق الا بالاستغفار والله مفعولها سحري وسوف يرجع لك زوجك في حضنك ثقي بالله اختي وخلي الايام هي اللي تحاسبه وان شاء الله يندم ويتوب
نحن ننتظر جديدك بعد ايام

[جمعي البشاري]

ربي معاك ان شاء الله

[احلام طموحة]

اعجبني فيك حرصك على عائلتك الصغيرة

اسال الله ان يالف بين قلبيكما

و ان يهدي زوجك و يتوب عنه

[naamane3]

احسن شيئ فعلتيه هو عدم اخبار اهلك بمشكلة زوجك
ثم انك لزمت الاستغفار والدعاء سيأتي من ورائهم كل الخير ان شاء الله
وحبذا لو تنسي هذا الموضوع ولا تكلميه فيه أبدا
والله المستعان

[رحمة من المولى]

ربي يفرج عليك ان شاااااااااااااااااااااااااااااااااء الله

[نوسة النموسة]

اهتمي بنفسك ومظهرك وفريله كل الاجواء

واكثري من الدعاء ربي يهديه ويرجع لطريق

ومتتنزليش على راجلك بسهولة متخليش اي وحدة تحقق هدفها

لالا لازم انتي تكوني قوية وواثقة في نفسك

ربي يكتبلك الخير ومتوسوسيش روحك بزاف[


واكثري من الاستغفار

[abdelka22]

الرجل يبغي المرأة الغيورة ...لازم تبينيلوا بلي راكي تحبيه بزاف و جامي تفرطي فيه ...لكي يحس بلي راه غيل يتفش و ماغاديش يزيد يفكر فيها

[z.abdo]

بارك الله فيك اختي واهم شيء انك لم تخبري أهلك

والطريقة التي تتعاملو بيها لإصلاح المشكل اراها طريقة صائبة .............وانت خلي المياه ترجع لمجاريها ....وماتجبديش الموضوع ثانية

واكثري الاستغفار والدعاء ........

[تاءبة]

اول شيء يعطيك الصحة لانك محكيتيش لداركم او ما تحكلهمش باش ماتزدش تكبر المشكلة وانا من راي سامحيه ونساي كلشي هذا ماراه غير الشيطان وراجعي نفسك مليح بالاك راكي مقصرة في حقو تقبلي نصيحتي من اخت لاختها وربي يهنيك ان شاء االه

[kmilya]

ربي يقدم لي فيه الخير
هادي اخر فرصة تمديهالو زيد كملي تراه معاه وشوفي الا عاود رجع لخدايمو نصيحة مني صح طلاق ماشي مليح مي واحد كي يعود كثر فيها افضل حل طلاق
المهم انا نتمنالك الخير وان شاء الله ربي يكون هدااااه هدا مانطلبو

[ToXiC_Dz]

اختي انتي باينة امراة فحلة و بنت اصل
و الله انا متاسف عميق التاسف لحالتك و حالة بزاف نساء كيفك ربي يكون ف عونكم
وان شاء الله المجهود لي درتيه باش تحافظي على اسرتك يجيب نتيجة
برك كثري من الدعاء وقيام الليل
ادعي بزاف باش ربي يلصح احوالو و يصلح احوالك
وباش ربي يبعد عليك البلاء و المصايب
و اذا شفتيه مقصر ف واجباتو الدينية خصوصا الصلاة
شجعيه وانصحيه بالتي هي احسن باش
وممكن انتي تكوني سبب التغيير مثلا تولي تقومي الليل وتصلي الفجر و كي يكون معاك تقراي كتاب ربي
و تشجعيه باش تولي تديرو هاذ الامور مع بعض يعني تولو مثلا تقومو للفجر وتصلو مع بعض
سيكون تحول جد ايجابي ف حياتك خصوصا اذا قدرتي تزيدي مقدار الاقبال على الطاعة ف قلبو
ماكاش حاجة ترد الواحد من هاذيك الطريق من غير الدين
لاشيء لا الحب ولا الصدق و لا الوفاء ولا ...ولا...ولا... الدين فقط
ذكريه انو النبي صلى الله عليه وسلم شاف ليلة الاسراء و المعراج رجال ياكلواللحم النتن ويخلو اللحم الطيب فلما سال عليهم قال له سيدنا جبريل
"هؤلاء رجال من أمتك تكون عند أحدهم المرأة بالحلال فيدعها ويبيت عند امرأة خبيثة حتى يصبح"
حذريه من ان الشي لي راه يدير فيه قادر يخرج فيه ف خواتاتو ف بناتو عافك الله اختي و بعد عليك البلاء ما نتمنالكش شر اكثر من لي راكي فيه
لكن ما تسكتيش كثر
ربي يهنيك و يرفع عليك هاذ المحنة و البلاء ان شاء الله

[الملهمة]

ربي يجيب الخير

[بلسم غرام2018]

ربي يفرج عليك ان شاااااااااااااااااااااااااااااااااء الله
لازمي الاستغفار
ربي يفرج عليك ان شاااااااااااااااااااااااااااااااااء الله

[عبد الله 22]

السلام عليكم الله يهنيكم حاولي تملاء الفرغ الذي إستغلالته الاخرى، وإستفادي من هذه التجاربة، كما أن معالجة هذه العادة قد يحتاج منك الوقت، المهم عملتي مليح بعدم إخبار أهلك

[همسة مشاعر]

السلام عليكم اختاه
حسبي الله ونعم الوكيل لاحو ولا قوة الا بالله العلي الغظيم
اختي زوجك الخيانة لعمها لاتغتفر ونيحييك عى صبرك لوكان انا جيت في بلاصتك اقل حاجة نعمها باش نرد حقي نفضحو ونطق منو
راجك انا نقول ربي يهديه ونتمنى يرجع يتوب خير ويصلح افعالو الشنيعة
كن عندي نضيحة ليك مدامك اقتنعتي انه خاين وضربك علجال فاجرة ننصحك متذليش روحك يه مهما كان واذا خفتي تتطلقي راهو ربي معاك ميضيعكش
ومتخافيش تتطقي تتطلفي خير من الذل
علاش تخافي تتطلقي وهو ميستاهلكش
والله هذا ذل صح
عندك خيارين يا تطلقي وتتهناي يا تربيه
وربي يفرج عليك

[سوسو92]

اخي ربي يبارك ليك في عائلة ويجمعكم في الجنة ان شاء الله
من احسن ان ماتهدري ليه على الموضوع وراقبيه من التحت برك وربي يجيب الخير

[همس الجفون 93]

ربي يفرج على الجميع

[امة الله جويدة]

اختي يليق تكوني انيقة في بيتك وتكون موفرة كل الشروط لي تكون في الزوجة وتهتمي بامور البيت
ماتبعديش على دارك بزااف على خاطر المراة ليا باتت في دار غير دارها مشي مليح
وحاجة نقولهالك ليك وكامل لخواتات كي تخرجي من الدار وترجعي لازم تنفضي قاع فراشك وتسيقي راهم بنات الحرااام مافيهمش الامان
شدي في ربي ومتظليش غي تعاوديلو في الموضوع هاذا راه يكره وقاع لاكان مشي صح بهدرتك هاذي يديرها بصح
الله يهدي كامل الرجال