ماهي طريقة تحضير الروينة .؟؟؟؟؟؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : ماهي طريقة تحضير الروينة .؟؟؟؟؟؟

Ja$$o

2013-08-15, 18:03

كنت سالت عن طريقة تحضيرالروينة تاع الشرق لي يديروها بفرينة الحمص و عطيتولي الوصفة بصح عندي شحال و انا نحوس مالقيتش الموضوع في المنتدى
اذا كان ممكن تعاودولي الطريقة من فضلكم ؟؟؟؟؟؟؟

ام الرميصاء

2013-08-16, 20:25

1كغ قمح محمص ومرحي 250غ لبلابي اي فرينة الحمص تخلطيهم وتغربليهم في الدقاق وهو غربال مساماته دقيقة جدا .فقط حطيها في علبة محكمة الغلق واحتفظي بيها في الثلاجة .في قسنطينة نخلطها مع العسل الحرة وزبدة البقرات .وهي اهم حلوى في سينية النفاس .

lahna moka

2013-08-16, 20:46

تفضلي
هذاك مشي فرينة محمصة ولكن قمح محمص= الحبة الكاملة = في طاجين الطين ومرحي رقيق + حمص محمص ومرحي
يسموها روينة
1/تقدم في النفاس : في مقلاة ضعي غرس + زبدة - على النار مع التحريك بملعقة خشبية + روينة
ولا مسخن عسل + زبدة تذوب على النار + روينة تزين بالمكسرات ولا جلجلانية محمصة ..
2/ للتناول اليومي : صحن فيه حليب +ملعقة سكر + روينة حركي وكوليها باردة بالشفاء .

هذه اجابة أم خدوجة

أم بدر الدين

2013-08-16, 20:51

انا عجوزتي قسنطينية نديروها بالقمح نظفوه و نحمصوه في طجين الطين مسرح و نزيدولو حمص نحمصوه ونرحيوهم مليح في سيار رقيق و عند التحضير نذوب مقدار من الزبدة و نزيدولها لعسل و منسخنوهاش بزاف ونضيف بشوي الروينةحتى تجمد شوي برك خليها شوي جارية لانها تشرب حنا نديروها في النفاس ونزينوها بالجوز

Ja$$o

2013-08-17, 18:04

rabi yahfadkoum
merci beaucoup

khfatima

2013-08-17, 18:13

السلام عليكم
نحن في ولاية تيارت عندنا الروينة هي القمح مقلي و مرحي و نديروله السكر و الحبة السوداء و بعدين نخلطوه بماء دافيء و نضيفوله زبدة ذائبة و البعض يديرلها التمر هي اكلة تقليدية و لذيذة احبها كثيرا

Ja$$o

2013-08-20, 17:44

merci khfatima

evaevalle

2013-08-20, 21:09

evaevalle

2013-08-20, 21:15

انا من الشرق
روينة النافس هي قمح منقي محمص مليح + عدس محمص شويا + حمص محمص +كاوكاو محمص
حنا نرحيوها على برا الناس الي ترحي القهوة و الى غير ذلك
بصح راهي ما طولش تفسد بسرعة
لكن كيما اقولو ترد الروح لنافس لانها فيها العدس اي الحديد
الحمص اي الكلسيوم

اما العادية لكل الايام قمح محمص و فقط طبعا مرحي

wala

2013-08-20, 22:55

السلام عليكم الاخت افال يعطيك الصحة هده الوصفة تصلح لي عندهم لانيمي ضربه وحدة والنافس كما دكرت

douki23

2016-12-12, 17:16

بارك الله فيك

lwiza2000

2017-06-04, 12:15

قالولي مليحة لفقر الدم لكني اكرهها جربت نديرها في الياغورت جربت في الحليب جربتها زريرة ماقدرتش ناكلها ليعندها وصفة تمدهالي